بسم الله الرحمن الرحيم


السلام عليكم ورحمة الله وبركاته


هذه القصيده تعبر عن شخص في دار العجزه با الدمام واترككم مع القصيده عسى ان تحوز على رضاكم


[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

بسمك الله ابتدي وأسألك يا الله في القبول =يامكون يا مدبر يا اله ما ينام

قونا يا الله با الطاعه وثبتنا على نهج الرسول = انت علام الخصايص واسمك الله السلام

دبرتك فينا كفايه ولا لخلقك من تدابيرك جفول = من قضاك ومن قدرك ان كان خير ان كان سام

الندا من عاجز حطوه في دور العجز ماله حلول = مابقي اللا يلتحف فرشه ويطلب خالقه حسن الختام

راحت ايام الصباوالفخر ياحول بحول =وصرت راعي العزله اللي ماتجسد لي مقام

بعد ماكنت الشجاع اللي يخير في الذلايل والخيول =وكنت انا الفارس وانا المقدام في يوم المواجه والكلام

وبعد ما كنت المرحب با الضيوف وكان لي صول وجول = وكنت راعي الوجه في المجلس وا جيب العلم واستلفي العلام

وبعد ما كنت المربي للصغير وكنت نقال الحمول = وكنت انا اللي لا غفى النايم سهرت الليل في جنح الظلام

لأجل اربي لي ولد لا قيل وين اهل الشهامه والأصول =قلت هذا هو يشل الحمل عني لي بدا يوم الزحام

قلت هذا هو ينومسني ويخدمني على سن الذهول = وا عتزي به وافتخر به في المواقيف الجسام

لكن اني يوم شبت وطحت لا سولفت له قال مهبول = ون دعيته ما يجاوبني ولا يصغي لصوتي بأحترام

ماحصت اللي زرعته فيه من رق الحنان ومن الفضول = وصارت امالي بدايد لين حولت الشداد من السنام

فلا لقاك الصاحب اللي يعرف احوالي لا بله وش تقول = عاد لك وجه تقول ابوي في دار الرعايه ياغلام

اشغلك عن خدمتي ناس تصفق لك وتضرب با الطبول = لا غريزة دين لا دافع غلا ولا اهتمام

انت من نوع اللي لا جوه اصدقا الكشخه خجول = لويشوفونك تخدم ابوك يلحقك الملام

ما دريت ان الملام اذا تركته في محل امعزول = كن ماله لا عيال ولا خوان ولا عمام

الندا موصول لأصحاب الذهانه والتصرف والعقول= قبل تشعر بأ الأسى والحزن والام المفاصل والعظام

اعرف ان مافيه غير الله يدوم وما على الدنيا يزول = الشباب يشيب والشايب يموت ولا لغير الله دوام

النهايه بين عجز وموت والقاصر بدا ما هو يطول = ما احد يبقى مخلد في الحياه الفين عام

يا مفكر لا تفكر في الوجاهه والمناصب والفعول = عادة الدنيا مقلب كف راحه با المحبب والحزام

الطمع في رحمة الله والمكاسب في طلوع وفي نزول = كم على وجه البسيطه في حياتك من تشتت وأنقسام

من هم اللي لا بدا يوم الشدايد والقساروس زحول =تفتح ابواب الحلال وتقفل ابواب الحرام

كل باب منه شك وريب تقفله النشاما با القفول = والله يقطع باب شر يلحق الرجل المخضرم الا تهام

يا هل الطولات والعادات قولو للمخذل والخبول = لاتضيع اسلافنا اللي سيسوه اجدادنابأالالتحام

ولا يخلون الكبير يهان في شدة مناخات الفصول = دام راسه حي يحشم با الكرامه في محلات الحشام
ختمها يا الله ابا اطلبك الهدايه والقناعه والقبول = انت علام الخصايص واسمك الله السلام[/poem]