ماملكت الا التمهّل والتروّي التصبّر عبد لي وأنا سموّه
 

أتقوّى كيف؟ وشلون التقوّي؟
صاب عيني لد وافوادي نحوّه

ضيقة(ن) كنّي على الجمر المشوّي
لحّقتني زوّة(ن) في عرض زوّه

دخلتني جو لكن غير جوّي
واكتمتني كتمة(ن) وأنا مفوّه

كيق أوصّف وقعة(ن) فيني تدوّي
في ضلوعي كنّها رعّاد نوّه

زلة الأصحاب من باب التنوّي
تلحق الوجه الجميل أكبر تشوّه

وأنت ياهدّاج ضيقي يامروّي
خاطري من عدّ مايذكر صفوّه

لك ثلاث شهور في حالة تلوّي
بين لوّه...وبين لاه...وبين لوّه

ماملكت الا التمهّل والتروّي
التصبّر عبد لي وأنا سموّه

قدك ذاك أشدّ فتك(ن) من عدوّي
القوي الله ولا للعبد قوّه

ليه شطحاتك علي شطحة مهوّي
وأنا صابر للصداقه والعنوّه

تختلف لاغبت عن عيني وتوّي
اختلاف أهل النمامه والمروّه

وكان قصدك تقطع حبال التخوّي
خلّني بآقول لي شي(ن) وانوّه

أي شخص أخالفه شف وش يسوّي؟
لابغى يظهر يخليني عدوّه

الشاعر/ علي بن حمري الهوجه الحباب قحطان

أخوكم/ أبو قالط
__________________

واله ونعم اخوووووووووووووووي


ابو قالط


لاهنت على نقل لنا هذه الرائعة لراية الشعر


وفقك الله

ماملكت الا التمهّل والتروّي التصبّر عبد لي وأنا سموّه
 

ونعم بحالك يافتى الجوّه

وقصيدة ابن حمري أحببت طرحها في الموقع لأن مضمونها نحتاجه هذه الأيام

ولك جزيل الشكر على تواصلك المستمر

تصبح على خير وفي حفظ الكريم

أبو قالط

بيض الله وجهك يابو قالط على نقل القصيد الطيب

وصح لسان الشاعر علي بن حمري

لاهنت يالذرب

ماملكت الا التمهّل والتروّي التصبّر عبد لي وأنا سموّه
 

الأخ/ آل معمر

ولاتهون ياغناتي
وأبشروا بالمزيد من القصيد الجزل ان شاء الله

سعدت بمرورك ياذيبان

مشكور على النقل الطيب
وصح لسان الشاعر


(ملاحظة: هذا الموضوع مكانه في مجلس عذب الكلام)

ماملكت الا التمهّل والتروّي التصبّر عبد لي وأنا سموّه
 

أبو زيد

تشكر على مرورك

وعلى ملاحظتك

فأنا من العجله طرحت الموضوع مع قليل من التركيز

ومثلكم يدمح الزلّه

أبو قالط

مشكوووووووووووور

ياأبو قالط

وصح لسانك على هذي القصيدة

أخوك:-

فــــــــــــــــــــــــك الأســـــــــــــــــــــــــد

شكر وتقدير
 

رد : ماملكت الا التمهّل والتروّي التصبّر عبد لي وأنا سموّه
 

بن حمري يرفع الراس وينومس ربعه كافه ويابوقالط على فمك الشحم ياسنايدي

رد : ماملكت الا التمهّل والتروّي التصبّر عبد لي وأنا سموّه
 

قصيده شامخه بشموخ شاعرهااا



بيض الله وجهك على النقل ولاهنت يالوافي