شبكة قحطان - مجالس قحطان - منتديات قحطان - اليا احتمى راسي صقلت البواتير

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - اليا احتمى راسي صقلت البواتير (https://www.qahtaan.com/vb/showthread.php?t=71235)

اليا احتمى راسي صقلت البواتير

بسم الله الرحمن الرحيم
هذا قصيدة هاضت بها القريحة بعد وفاة بن خالي :عبدالله بن فهد بن دماث (فارس الصحراء)غيلة وغدرا على يد الاجرام الاثمة, وقد تم القبض على الجاني وسينال عقابه بأذن الله تعالى في ظل دولة تحكم الشريعة الاسلامية ولله الحمد والمنه

[poem=font="simplified arabic,6,red,normal,normal" bkcolor="transparent" bkimage="" border="groove,4,gray" type=0 line=0 align=center use=ex num="1,black""]
اليا احتمى راسي صقلت البواتير=واشهرت سيف(ن) للوازم قنيته
سيف القصيد الي يشوق المناعير=فالموقف المشهود قمت وقريته
لاصار مال الشعر موقف وتعبير =لاتنشغل في وزن شطره وبيته
سلام تسليم(ن) يهز الطوابير=على حزامي فالليالي المقيته
ربعي سنادي مكرمين الخطاطير=حمرية تزهى الشرف لارقيته
سلام اطيب من ورود الازاهير=في خايع ممطور واظهر نبيته
ياربعنا مساكم الله بالخير=عندي كلام (ن)في ضميري كنيته
ماقول انا شايب وانا ماني صغير=لكن وردت العد الاوسط وجيته
العز في الجمعى بحب وتقدير=ونفوسنا في حبها مستميته
الوقت فرقنا دروب ومشاوير =وكلن على فاله بداره وبيته
لكن اليارز الوعد واخبر الطير=رجالنا لامن نخيته لقيته
نشفي ونبرد كبد من ضده الغير=وناطى على العايل ونخفي صويته
اليا احتمى الموقف توطاه جنزير=ويصير جمع القوم صرعى شتيته
لانغدر المقفي ولانسلب بعير= وعند الخوي والجار نحمي مبيته
عكس الذي يغتال من دون تبرير=شناعة التنفيذ لحظة بغيته
ياليتنا عنده على الفور ونغير=نكسر شبا ضده ونلعن حفيته
مانعترض في حكم والي المقادير=الله كتب علمن بعيني رايته
ويالله يامحكم جميع التدابير=ربن اليا ضاقت علينا دعيته
اختم لنا بالخير ياوالي الخير=وارحم فقيدن باندفن مانسيته
وصلاة ربي عد وبل مزابير= على النبي واعداد من طاف بيته[/poem]