الملك عبدالعزيز يسئل مشاييخ القبايل
 

بسم الله الرحمن الرحيم

كان المغفور له باذن الله الملك عبدالعزيز رحمه الله وجمعنا به في مستقر رحمته وغفرانه جالس في ساحه قصر الحكم بالرياض

وكانوا عقب العصر في يوم شات يتقهوى هو وضيوفه من مشاييخ قبايل الجزيره جلوس على الارض بدون فرش بما فيهم معزبهم معزي

ومن ضمن الحضور من شيوخ قحطان

خليل بن اعمر وابن شافي ومترك بن شفلوت وفيصل بن حشر وكانوا جلوس على يمين الملك

ومن مشايخ القبايل

كريَم بن عطيه وعاصي بن حرب شيوخ بني عطيه

والفرم من حرب والدويش والفغم من مطير وابن رفاده شيخ بلي وابن غنيم شيخ جهينه وابن ربيعان شيخ الروقه وابن قويد شيخ الدواسر وطريخم الغرمول شيخ البقوم وغيرهم الكثير

وكانو في سنه مجدبه وبها شح كبير لحق بالخلق بما فيهم الملك عبدالعزيز طيَب الله ثراه

ويوم ساقوا القهوه خذاء له منها الملك عبدالعزيز فنجال ولم يكمله فنثر باقي الفنجال في الارض وكرَم

7

7


ثم قال

7

من يقول ويش بهار القهوه

فكل ادلى بدلوه الي يقول بهارها الهيل والي يقول العويدي والي يقول القرفه والي يقول النخوه والي يقول الزنجبيل وكثر الكلام

لكن

شيوخ قحطان سكوت ولاقالوا كلمه واحده

فالتفت الملك عبدالعزيز اليهم وقال

كنك ياخليل ساكت انت وربعك ماودكم تشاركونا السوالف

فالتفت خليل لربعه الشيوخ فشاحوا بابصارهم عنه في اشاره تقول مالنا كلام عليك

فقال خليل

اخاف انكم تسمون قحطان بني مريسان ولا القهوه مالها بهار الا ( التمر )

فقال الملك عبدالعزيز ياوالله الي صادق ياخليل القهوه بغير تمر تبين عيوبها ماشفتوني نثرت فنجالي

فقالوا الحضور

فين بهار قهوتك ياعبدالعزيز

فقال

والله ماعندنا تمره واحده الا قليل من التمر خذاه سعود واعطاه امه

رحمهم الله جميعاً وجمعنا بهم بجناته

روى لي القصه

الشيخ

كريَم بن عطيه في تبوك في العام 1405 هـ

دمتم بخير ورعاكم الله

رد : الملك عبدالعزيز يسئل مشاييخ القبايل
 

بيض الله وجهك يالظور
قصة جميلة استنتجت منها فوائد
لي رجعه بهذا الخصوص

رد : الملك عبدالعزيز يسئل مشاييخ القبايل
 

أرحب يالظور...

قصه رائعه تفيد أهل البحث في بعض الأمور بخصوص مشايخ قحطان المذكورين..

رحم الله عبدالعزيز وسعود والمشايخ المذكورين...

وأعزم على المشاركةً مره أخرى في هذا الموضوع... ان شاء الله...

رد : الملك عبدالعزيز يسئل مشاييخ القبايل
 

أرحب يالظور...

قصه رائعه تفيد أهل البحث في بعض الأمور بخصوص مشايخ قحطان المذكورين..

رحم الله عبدالعزيز وسعود والمشايخ المذكورين...

وأعزم على المشاركة مره أخرى في هذا الموضوع للأستفادة... ان شاء الله...

رد : الملك عبدالعزيز يسئل مشاييخ القبايل
 

أخوي الظور :
لا أملك لك من القول الجميل إلا بيتاً من الشعر للشناني الحبابي.. قاله في حق ذيب عايض بن غيدة الحرقان، وأنت تستاهله يا ابن كدم يقول الشناني:
شرع الشجاع تجي سمان سوالفه *** تبرى بها الذمة لمن يدعي بها

لا هنت ولا شنت يالغالي.

رد : الملك عبدالعزيز يسئل مشاييخ القبايل
 

ابداااااااااااااااااع من شخص مبدع

رد : الملك عبدالعزيز يسئل مشاييخ القبايل
 

لا هنت يا ابو محمد سالفة طيبة عن رجال كفو ومن رجل كفو - بيض الله وجهك على كل حال

رد : الملك عبدالعزيز يسئل مشاييخ القبايل
 

الاخ الظور

السلام عليكم ورحمة الله وبركاته

مشكور على هذه القصه

وفي الحقيقه ان القصه تحكي حضور قحطان المؤثر في مجلس طويل العمر

كذلك مدى الاحترام الذي يكنه الجميع لبعظهم الاخر

بالاضافه الى معاني كثيره

قصه جميله جمل الله حالك دائما حضورك دسم زادكم الله نفعا وعلما

تقبل تحياتي

رد : الملك عبدالعزيز يسئل مشاييخ القبايل
 

رد : الملك عبدالعزيز يسئل مشاييخ القبايل
 

ارررحب يالظور والله لا يهينك يالقرم

رد : الملك عبدالعزيز يسئل مشاييخ القبايل
 

بيّض الله وجهك يا بو محمد ..

وافي وما تجيب إلا السمان ..

رد : الملك عبدالعزيز يسئل مشاييخ القبايل
 

الله يغفرلهم ولجميع موتى المسلمين

وسلمت يا السنافى ولاهنت على ماقدمت

رد : الملك عبدالعزيز يسئل مشاييخ القبايل
 

يعطيك العافية
سمعت هذه القصة من احد كبار السن من المساردة

رد : الملك عبدالعزيز يسئل مشاييخ القبايل
 

بيض الله وجهك وأبو محمد ومن عاداتك تجيب الجزل الثمين
وهذا الموقف غبر مستغرب من شيوخ قحطان فهم قدوه في الطيب والنخوه من غير قصور في باقي
الشيوخ ولكن الموقف ذكرني أبضا بموقف شيوخ قحطان من الامام فيصل بيت تركي حين طلب
من قحطان فارس يطارح راكان بين حثلين بمناسبة احتفال بصلح فلم يرد عليه احد وكرر عليهم ونظرو جميعا باتجاه الامير محمد بن هادي رحمه الله حتى توجه الامام بالكلام شخصيا له فاختار
جمل بن لبده رحمهم الله جميعا

رد : الملك عبدالعزيز يسئل مشاييخ القبايل
 

تدل هذه القصة على عدة اشياء أهمها:

1- احترام قحطان لبعضهم البعض
2- تقديرهم لكبير السن ولشيوخهم
3- تدل على أن قحطان رجال راكدين وثقل على عكس مايحاول ان يقوله بعض المغتاضين على قحطان .
4- تدل على مكانة قحطان عند الملك عبدالعزيز ... فقد يكون من بين الحاضرين شيوخ آخرين لم يطلب رايهم الملك... واحتمال لو كان الشيوخ من غير قبيلة قحطان لما طلب رأيهم الملك .


شكرا يابو محمد
شكرا للمشاركين

رد : الملك عبدالعزيز يسئل مشاييخ القبايل
 

ارررحب يابومحمد


لاهنت على هالسالفه الطيبه

واللي لها دلالاة كثيره تدل على ترابط شيوخ قبائل قحطان واحترامهم لبعض

الله يجمعهم على طاعة الله

رد : الملك عبدالعزيز يسئل مشاييخ القبايل
 

اقتباس:
الكاتب : حسين آل حمدان الفهري http://www.qahtaan.com/vb/images/qahtaan/viewpost.gif
بيض الله وجهك يالظور
قصة جميلة استنتجت منها فوائد
لي رجعه بهذا الخصوص


ارحب يابو ياسر

والله يحييك في الاوله والثانيه

شرفني مرورك وتعليقك لاعدمتك

تحياتي لك

رد : الملك عبدالعزيز يسئل مشاييخ القبايل
 

اقتباس:
الكاتب : سيف عبيدة http://www.qahtaan.com/vb/images/qahtaan/viewpost.gif
أرحب يالظور...

قصه رائعه تفيد أهل البحث في بعض الأمور بخصوص مشايخ قحطان المذكورين..

رحم الله عبدالعزيز وسعود والمشايخ المذكورين...

وأعزم على المشاركةً مره أخرى في هذا الموضوع... ان شاء الله...


مرحب له دوام البقاء ياسيف عبيده

اسعدني مرورك جعلك تحيا

تقبل ودي

رد : الملك عبدالعزيز يسئل مشاييخ القبايل
 

اقتباس:
الكاتب : النجم اللآمع http://www.qahtaan.com/vb/images/qahtaan/viewpost.gif
أخوي الظور :
لا أملك لك من القول الجميل إلا بيتاً من الشعر للشناني الحبابي.. قاله في حق ذيب عايض بن غيدة الحرقان، وأنت تستاهله يا ابن كدم يقول الشناني:
شرع الشجاع تجي سمان سوالفه *** تبرى بها الذمة لمن يدعي بها

لا هنت ولا شنت يالغالي.


ارحب اخوي النجم اللامع

جعلك تحيا وعطيتني اكثر مما استحقه بهذه الرد الشامخ

تحيا وتدوم ويفدونك الرخوم

تقديري لك

رد : الملك عبدالعزيز يسئل مشاييخ القبايل
 

اقتباس:
الكاتب : حمد الظلافيع http://www.qahtaan.com/vb/images/qahtaan/viewpost.gif
ابداااااااااااااااااع من شخص مبدع

تسلم ياحمد

رد : الملك عبدالعزيز يسئل مشاييخ القبايل
 

اقتباس:
الكاتب : سعد بن صالح البشري http://www.qahtaan.com/vb/images/qahtaan/viewpost.gif
لا هنت يا ابو محمد سالفة طيبة عن رجال كفو ومن رجل كفو - بيض الله وجهك على كل حال



ارحب يابو صالح

ماعليك زود ياالقرم

لاهنت على مرورك الي اسعدني جدا

تقبل تحياتي

رد : الملك عبدالعزيز يسئل مشاييخ القبايل
 

أرحب يا أبو محمد موضوع مميز وهادف وعلوم نعتز بها بيض الله وجهك

رد : الملك عبدالعزيز يسئل مشاييخ القبايل
 

لـــلـــه درهـــــــــــــم والجواب

رد : الملك عبدالعزيز يسئل مشاييخ القبايل
 

رد : الملك عبدالعزيز يسئل مشاييخ القبايل