يشرفني ان اشارك في مسابقة شاعر الملك
والتي تحمل اسم خادم الحرمين الشريفين
اطال الله في عمره على طاعه
http://www.youtube.com/watch?v=bBy-6nbcENU

( ( العود اخــــو نوره ))

بســـــــــــــــــــم الله الرحمـن الرحيـــــــــــــــــــــــم

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حضور ٍ ما يجمــل لاامتلأ المسرح من الجمهور = ظهور ٍٍ يحـرج الشـاعرمـع نفسـه وجمهوره

مادام انتوا حضـرتوا للشـعر لجنـه وله دســتور = حضـرت امتـع اللجنـه ونقــــاده ودســـتوره

شـبكت مـن الفكر قبل التقي فيكـم ثلاث طيـــور = صـواريم الفخـرسـعد الفكـر لاهـــدة طيـوره

تفضــل ياوطــن لانيــب لاعـاجــز ولا معـــذور = بعسـف لك مهــار ٍ باللقــا ماهيـب معــذوره

علي من شبحة حزامي لااشد سطورفوق سطور = غـلا فـي من شهد له مقـدم التاريخ فسطوره

على طارى الغـلا بانشدك عن عود ٍ دحم بالزور = على شـانك شـحوب الوقت يدحم زوره بزوره

تفانا يجمــع اغصـون الزمـان وعقـدك المنثـــور = لقاها مــن غيــابه فـي فيافــي نجــد منثـوره

وحاز وفاز فـي فتـح الحجـاز وغــرد العصــفور = ووصى بك عياله واحتمواغصنك وعصفوره

وجـاد ســعود في التـنضــيم والتعلــيم جــاله دور = ووسع سـاحة البيتين فـي عصـره وفـي دوره

وحكم فيصل حكيم الرآي لامن ٍضاق صدرالشور = وحتى المسجـد الأقصى برزله وانعقد شـوره

وخالد فاض عصره بالرخـاء والشـرع جاله نـور = حكم به والتـزم به من وصايا العود اخو نوره

فهــد يوم زبنـه جــابر وقال الجـار هـد الســور = وقف دون القصير وعضده لين انبنا ســوره

عساهــم في جـنـان الخـلد بيـن انهارها والحـور = وعسى حر ٍجذبهم يسكن الفردوس مع حوره

وعبدالله عســاه من الصدوف وجــورها ماجـور = شمختي يابلادي في ذرا الضرغام ماجوره

ذرا الشيـبان لاشــان الزمــان وصفهــم طابـور = وابو الأيتـــام لاانظام اليتـيم بوسط طابـوره

وفا شـعبه وأمر الاســكان تبنـي له فلل وقصـور = وزاره شــيدة للشعب تبنــــي عالي قصوره

قضى دين السجـين وبدل فجوج الدهـور زهــور = وجنى ورد الولا يوم امتلا البستان بزهـوره

جمع فتـح وحمـاس العام ذا هاجـر وذا مهـجور = ورمم قلعـة ٍ بالصــلح قبــل ســنين مهــجوره

قبـل عامـين فـي الحد الجنـوبي موقفه مشــهور = رهيـف ٍ مـن رهاف ٍدون حد البيت مشـهوره

وانا ممنون للـراعي ولك واللـي حظـر مشــكور = نيابه عـن زحـول الشـعر والنـقاد مشكــوره[/poem]

الشاعر/عبدالعزيز الشلوه القحطاني

المشاركة الأصلية كتبت بواسطة ناصر حسين سعد آل جمان (المشاركة 741356) ابدعت عسى ربي يوفقك للعلم الغانم تقبل خالص الود والأحترام

ارحب يابن حسين
الابداع مررك الرااائع وانا خوك الله يفقني واتجمل واجمل كل ربعي لاهنت وانا خوك على مرورك العطر

المشاركة الأصلية كتبت بواسطة أبو عساف (المشاركة 741382) ارحب ياعبدالعزيز صح لسانك وبيض الله وجهك قصيده وافيه وانت وافي واشهد بالله انك ماقصرت ياقحطاني والله يوفقك ويسدد خطاك تقبل ودي وتقديري

المشاركة الأصلية كتبت بواسطة سعد الشواطي (المشاركة 741400) مرحبا مليار يابو محمد صح لسانك جزل وما تجيب الا الجزل الله يوفقك وان شاء الله ان الجائزة تكون من نصيبك .. ونتظر المزيد يا شاعرنا المبدع

المشاركة الأصلية كتبت بواسطة عوض العبيدي (المشاركة 741444) بيض الله وجهك

المشاركة الأصلية كتبت بواسطة ابن عيبان (المشاركة 745287) صح لسانك وبالتوفيق