|
حمد المسردي ومعزبه...قصه وأبيات
السلام عليكم ورحمة الله وبركاته:--
يا أخوان هذه السالفه سمعتها في أحد المناسبات وأحببت نقلها لكم وهي بأختصار جرت على الشاعر حمد بن هادي المسردي وبعض خوياه في الثمانينات هجرياً تقريباً/وهم جميعاً في سن الشباب. حيث كانوا في رحله وشافوا لهم بدوي وميلوا عليه يبون القهوه والعشا رحب بهم ترحيبةٍ رديه وقلطهم وهو شايب ولا عليه الا بنات طبعاً شك الرجال ((هادفينه مغيب الشمس و شباب) قال لنفسه باقول لهم بيتين ان فهموها واللا تصرفت قرب النجر يدق قهوته وغنا يقول:-- [poem=font="Simplified Arabic,4,black,bold,normal" bkcolor="transparent" bkimage="" border="none,medium,skyblue" type=2 line=0 align=center use=ex num="0,black"] يا مرحبا ترحيبة البدو بالذيب=اللي لفا يبغا العشا من بهمنا ما عندنا له كود حشرات اللواليب=اللي فشقها بالمحازم نضمنا[/poem] مباشرةً رد حمد هادي ((لأنه عرف المعنى)) قائلاً:-- [poem=font="Simplified Arabic,4,black,bold,normal" bkcolor="transparent" bkimage="" border="none,medium,skyblue" type=2 line=0 align=center use=ex num="0,black"] الشايب اللي لحيته كلها شيب=ساعة دخلنا مجلسه ما حشمنا بان الغلط ما فيه شك ولا ريب=العلم غير العلم يالربع قمنا [/poem] رحمة الله على حمد بن هادي ومعزبه وخوياه /حيين كانوا أم ميتين. |
رد : حمد المسردي ومعزبه...قصه وأبيات
الله يعطيك العافيه ياسيف وبيض الله وجهك على هذا النقل المميز
ورحم الله حمدبن هادي واسكنه فسيح جناته وغفرالله له اشهد ان ماله وصف وانا اخر من شافه قبل الموت الله يرحمه وكما قلت ياسيف كان سريع الفهم على اللي يحاوره |
رد : حمد المسردي ومعزبه...قصه وأبيات
اقتباس:
أشكرك على المرور الوافي عندي استفسار يا أخي مفلح هل حمد بن هادي خدم في الجيش السعودي في حرض بمنطقة جيزان ومن عام كم الى عام كم ولك خالص تحياتي |
رد : حمد المسردي ومعزبه...قصه وأبيات
رحم الله حمد بن هادي رحمه واسعه
اشكرك اخوي سيف عبيده على القصه الجميله |
رد : حمد المسردي ومعزبه...قصه وأبيات
اقتباس:
على الرد الأجمل |
رد : حمد المسردي ومعزبه...قصه وأبيات
رحمة الله علية و المسلمين اجمع
|
رد : حمد المسردي ومعزبه...قصه وأبيات
بيض الله وجهك يا سيف عبيدة على هذي السالفة الجزلة
والله يرحم الجميع ,, آمين. |
رد : حمد المسردي ومعزبه...قصه وأبيات
اقتباس:
يا خوي سعد رحمة الله عليهم |
رد : حمد المسردي ومعزبه...قصه وأبيات
يعطيك العافيه ياسيف عبيده على السالفه
|
رد : حمد المسردي ومعزبه...قصه وأبيات
اقتباس:
والمشاركه تسلم يالقرم |
رد : حمد المسردي ومعزبه...قصه وأبيات
يالربع ماطلع رد حمد هادي المسردي
|
رد : حمد المسردي ومعزبه...قصه وأبيات
(((كيف ما طلع شف البيتين الآخيره)))
هذا رد المسردي:-- الشايب اللي لحيته كلها شيب............... ساعة دخلنا مجلسه ما حشمنا بان الغلط ما فيه شكٍ ولا ريـــب............... العلم غيـــر العلم يالربـــع قمـــنا |
رد : حمد المسردي ومعزبه...قصه وأبيات
سيف غبيدة
لا هنت قصة جميلة وابيات جزلة ويعطيك العافية |
رد : حمد المسردي ومعزبه...قصه وأبيات
اقتباس:
ولا هنت |
رد : حمد المسردي ومعزبه...قصه وأبيات
ارحب ياسيف عبيده
ليت علومك كلها على هذي الوزنيه بيض الله وجهك على ايراد القصه الجميله وحمد هادي غني التعريف ننتظر جديدك وتراني متابع لك بتمعن وبحذر شديد تقبل ودي وتقديري |
رد : حمد المسردي ومعزبه...قصه وأبيات
اقتباس:
أنت تشرف مواضيعي بمرورك أبشر بـ كل جديد مفيد... وترى أذا ما تشاركني في مواضيعي بأرجع زي ما كنت.. يعني لازم تواصل مشاركاتك... وأنا بأنتقي اللي يعجبك...ويرقى لذائقتك.. يا عبيدي.. :) |
رد : حمد المسردي ومعزبه...قصه وأبيات
اخوي سيف عبيده
مشكور يالغالي على ايراد السالفه والقصيده ورحم الله الشاعر حمد بن هادي المسردي |
رد : حمد المسردي ومعزبه...قصه وأبيات
اقتباس:
الحقيقة شرّفني مرورك الجزل.. ورحم الله حمد هادي... وأدخله فسيح جناته... |
رد : حمد المسردي ومعزبه...قصه وأبيات
سيف عبيده السلام عليكم ورحمة الله وبركاته اشكرك على ذكر الشاعر حمد بن هادي المسردي حيث عملت معه في شركة الخرافي في امارة ابو ظبي عام 1975 في قسم النقليات وكان مسؤول الحركة لبناني ارمني اسمه "جويد" وكان ينصحه حمد هادي ان لا يتعرض لواحد من اخويانا عصبي ولكنه لم يسمع النصيحة حتى تعرض المسؤول للضرب من قبل خوينا فعندما علم حمد هادي بالهوشة قال: الا يا جويد العير دورت لين لقيت ....... يستاهل اللي يدخل ايده على الحيه رحمك الله يا حمد هادي اخوك فهد بن حمد الحبابي |
رد : حمد المسردي ومعزبه...قصه وأبيات
اقتباس:
أرحب يا قحطاني ولا شكر على واجب.. ويـاحلو سالفتك وبيت المسردي... والسالفه تبين تقدمك في العمر على العز والنوماس.. أن شاء الله.. عمر السالفه 36سنه يعني عود وجعلني ما أعدمك .... على الأضافه...الجزله تقبل خالص تحياتي.. |
رد : حمد المسردي ومعزبه...قصه وأبيات
بالنسبة للسالفة الاولى احد ينسبها الى حمد هادي المسردي واحد ينسبها الى رجل من قحطان اخر حيث انهم موظفين في عسكرية قطر وقاموا بزيارة رجل من قبيلة المناصير قرب المكان الذي يعملون فيه في مهمه وكان شاك من زيارتهم له فقال المنصوري
يامرحبا يالربع ترحيبة الذيب لما ضوى يبغي العشاء من غنمنا لما احتزمنا عند حرش العراقيب نخلف ظنونه بالفشق لحتزمنا بمات خمس اللي عليهن لواليب ماحن بنخلف ضربهن لحكمنا رد عليه الرجل القحطاني سمعت انه حبابي من ال حميدان وسمعت انه جحدري من ال مسفر من ال مسعود وقريت في هذا المنتدى انه حمد هادي المسردي . وحمد هادي كفو الله يرحمه سواء كان الرد منه او من غيره . المهم كان رد الشاعر القحطاني الشايب اللي مايعرف المواجيب يسبنا بوجيهنا ماحترمنا الشايب اللي ما يثني التراحيب ندعي عليه الى فطرنا وصمنا لوان درينا كان جتك المناديب لوان درينا مال بيتك قدمنا كان العشاء من عند راع الحنازيب الي لقينا بالعصير وعزمنا اما تقسمنا العصي والمشاهيب ولا سرينا يا جماعة وقمنا . |
رد : حمد المسردي ومعزبه...قصه وأبيات
لاهنت ياسيف عبيده على القصة والقصيده
والشاعر حمد هادي رحمة الله هو شاعري المفضل وفي نظري انه افضل شاعر على الاطلاق وبلامنازع يالله جعل عظامه في جنة عدن والله اني كل ماذكرته اقول ياليتني واجهته |
رد : حمد المسردي ومعزبه...قصه وأبيات
العزيز سيف عبيده
لاوانت الصادق 36 الموضوع كان عام 1975 ميلادي وليس هجري طول الله في عمر ك والجميع ان شاءالله تقبل تحياتي |
رد : حمد المسردي ومعزبه...قصه وأبيات
اقتباس:
أرحب تراحيب الحيــا... يابو فهد... أنا والله أخذت هذه السالفه من أحد خويا المسردي نفسه حيث كان يعمل في الجيش السعودي في جازان ... وكان لهم مهمة عمل... على ما يتبيتن لي... ومرّوا على رجل معروف بأسمه ونسبه وقبيلته ولا هو من المناصير .... وأفضل لي ولك أن نحتفظ به لأنفسنا... والأبيات اللي أوردتها أنا ... هي المؤكده... لدي.. وكلام المنتديات كثير وربما من قرأتها أنت له كان... قد زاد عليها أو من أخذها منه... وأنا لا أتحيّز لروايتي.... الأنسان ينسى ويخطيء والله الكامل.. ولك جزيل الشكر على ... المداخله الجزله... |
رد : حمد المسردي ومعزبه...قصه وأبيات
اقتباس:
وأن شاء الله في راسك العوض أنت وشعراء قحطان... وحمد هادي ما فوق راسه راس... ولا يردع باسه باس... وأنا أطلب من أي قحطاني عنده معلومه عن محاوره (((رديه))) بين خلف بن هذال وحمد بن هادي يطرح لنا ما يعرفه عن هذه المحاوره حيث أنها تطرقت لتاريخ القبيلتين... لك جزيل الشكر يابو شارع... |
| الساعة الآن 05:29 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com