قصيده من ألارشــــــــــــــــــــــــيف(خيرالأمم)
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله اكبر لا إله الا هوا عز جل=العظيم المستعان الله رب العالمين
ربنا جل وعلى بسمه وذكره نبتهل=الله اكبر كل يوم وكل ليل وكل حين
حسبنا الله ربنا نعم الوكيل ونتكل=على ربي جل سبحانه وبالله نستعين
للقضا المكتوب من رب الخلايق نمتثل=نحمد الله في العسر واليسر حمد الشاكرين
صفكم يأمة ألأسلام به صدع وخلل=من قرادة حظكم في رايكم متشتتين
أ ستعينو بالله المعبود في لم الشمل=جمعو شمل(ن) تشتت واذهنو ياغافلين
ياهل التوحيد قومو لا يطول إبنا أ لامل=نجتمع في طاعة المولى على تقوى ودين
حان وقت الجد حان ولا مجال(ن) للكسل=والقدر مكتوب يامسلم على عالي الجبين
استعدو للجهاد ووقفو وقفة رجل=واظفرو يأمة الأسلام باحدى الحسنيين
في سبيل الله هبو والجهاد اعظم عمل=اما فوز بالشهاده ولا بالنصر المبين
ياهل الدين الحنيف إلى متى طال الجدل=الخنازير استباحو حرمة أولى القبلتين
ألطغاة الحاقدين اهل التحايل والحيل=دنسو القدس الشريفه ياعرب يامسلمين
ألامر يامة الأسلام ( لا) ماهو سهل=الله اكبر يوم كنكم بليدين مكتفين
كيف نرضا بالتهاون والقهر ياللخجل=يستخف إبنا عدو الله وفينا يستهين
كيف نصبر عالغبن كن لا وجود ولا محل= للعرب بين الأمم إلى متى متهاونين
وين عز انفوسنا وين الكرامه وش حصل=ليه نرضا بلأهانه والقهر طول السنين
تستغيث القدس فيكم ياعريبين ألأصل=عدو العده وصدو المعتدي والله عوين
من يرد الصوت لي رد البرا منهو البطل=يستر العذراء ويرسم فرحة الطفل الحزين
ويمسح دموع اليتيم اللي بلا دار(ن) واهل=من يرد الكيد بنحور اليهود الفاسقين
يشتعل نار وغضب ويحطم إصروح الجهل=ويسترد المسجد ألأقصى من أيدي الحاقدين
ألقضيه مالها مهما يطول الوقت حل=غير سل السيف بوجيه الطغاة الطامعين
بالتفاوض مستحيل(ن)حلها ماقل دل= أليهود الغدر شيمتهم وحنا صادقين
يكفي استنكار يكفي شجب وابرك ياجمل=للحمول الكايده والله يعين الصابرين
راية التوحيد خفاقه لها القمة محل=فوقها النور المسطر يحمل الشهادتين
لسعودي مجد شامخ في العوالي مانزل=فوق هام السحب عالي والله يعمي الحاسدين
لن يرد القدس غير اللي ليا وقف صمل=افزعو ياحفاد خير الخلق سيد المرسلين
وين ابو بكر وعمر والمجد منهم متصل=وين عثمان وعلي والعشره المبشرين
من رسول الله بالجنه قبل ياتي لاجل=قومو ياحفاد الصحابه والعباد الصالحين
وانتو احفاد ابن ابي الوقاص وسيوف(ن)تسل=في سبيل الحق تنشر دعوة محمد لمين
واذكرو سيف الله المسلول خالد كم قتل=سل سيفه ثم وهب نفسه لردع المشركين
واذكرو اليرموك وابن العاص يوم انه حمل =سيفه البتاروعداء الله ولّو مدبرين
وذكرو غزوة احد ميدانها يوم اشتعل= بعد ما حمي الــــــــوطيـــــــــــــس وكم جريح وميتين
واذكرو الخندق ونور النصر بامر الله يطل= واذكرو الابطال وافعال النشاما في حنين
والفتوحات العظيمه لين دين الله شمل=جاهدو في نشر دين الله والحق المبين
لين عم الفرس والبربر وللمشرق وصل=للعجم وصلوا ووصلو الأندلس ومواصلين
المحيطات اعبروها من محل إلى محل=ا ستهانو كل صعب ونازلين وراحلين
لاكلل ولا ملل ماشين في كل السبل=واعتلو قمة جبل طارق ونادو مذنين
وارفعو راية هل التوحيد والدين استهل=وانجلت ظلما الجهل ولا الجهل والجاهلين
هكذا كنا وكانو ا سلافنا ولم نزل=ماحيينا مثلكم يا سلافنا في كل حين
مجدنا اللي سطروه ا سلافنا مظرب مثل=شيدوه ا سلافنا اللي بالحظاره سابقين
شامخ ويعانق المريخ ويعانق زحل=والله انهم مارضو بالهينه والظلم شين
اذكروه وذكرو اللي في هوا الدنيا انشغل=ياعر ماذا دهاكم في سبات(ن) غارقين
أ قرأو ولا اسألو ولا يظل اللي سأل= أ سألو وش كانو الاسلاف يامتحظرين
والنفوس امارة(ن) بالسؤ تدعي للزلل=ليه ماقمتم بواجبكم مادمتم قادرين
صار في القدس الشريفه موقف(ن) هال العقل=استباحو حرمة ألأقصى وراعو أ لامنين
انتهاك اعراض ياللعار والطفل انقتل=من بشاعة جرمهم صاحو العذاراء منتخين
لو رأيتو ابن(ن) قتل وابوه صايبه الشلل= كان يمكن ترجعون لوعيكم ياغافلين
هل رأيتو محمد الدره وبوه اللي انهبل=وا سبقت عبرة عيونه حشرجة صوت الونين
ماقدر يحميه ومحمد من الدنيا رحل=موقف(ن)شنيع بهتت به عيون الناظرين
ويش ذنب الطفل يقتل ليه وامه تعتقل=آه ياعيال العرب وين العرب ياعاربين
ياعرب وش عذركم وقلوبكم هل تحتمل= شوفته في حضن ابوه يموت ما فيكم حنين
ولله ان الصبر طوله مر والصبر اضمحل=وان صبرنا عالغبينه يفرحون الشامتين
وان ذكرنا الموقف الثاني وعار(ن) مانغسل= قلت ساره تنتخي من قبرها ياسامعين
وينكم ياخوان ساره والغبن ماينقبل=ياعرب بنت العرب على شرفها غايرين
تستغيث اسقوني الماء عودي الراوي ذبل=تنتخي باخوانها تكفون وين الطيبين
وان خذينا الثار منهم للعفيفه والطفل= ولا عزالله مافينا خير وانحن هينين
ألجبان ابن الجبان اللي تغطرس وا ستغل= التضارب بيننا في الراي وانتو خابرين
لازم انوقف بوجهه لين حتى يعتدل=ولا نشعل نارها ونقوم قومة صاملين
من تأخر ياعرب عن صفنا قاطع وصل=يعتبر ماهو بمنا واقطعو المستجبنين
ألبطل شهيد واللي حي بالنصر احتفل=ويعرفون ان العرب بين ألأمم متكاتفين
ومن تبع سنة رسول الله محمد مايظل=والله يرحمنا ويجعلنا هداة(ن)مهتدين[/poem][/poem]

مــــــــــــــــــــــــشكور


اخوي ابو دية



صح لسانك وكثر خيرك ((خير الامم)

صحت يمنااااااااااااااااااااااااااك

ارحب يا ابو مبارك


وقديمك جديد يا ابو مبارك


وصح السانك قصيدة معبرة وتستحق التامل والتفكير في ما وصل اليه
حال الامة


سجل اعجابي ومتابعتي لك ايها المتميز

السلام عليكم ورحمة الله وبركاته

صح لسانك يابوديه

شاعر جزل ومعودنا على الجزاله

وقصيده مؤثره تمثل حال الأمه عسى الله ان ينصرها على عدوها




.

صح لسانك وانا اشهد انك شاعر قحطان الاول وخليفة حمد هادي

صح لسانك يابومبارك


ولا عدمناك


ولا عدمنا فرايدك الجزلة يالجزل


متابعك

عبدالله المهداني

ارحب يا ابو ميارك




وصح السانك ولاهنت

الله يمسيك بالخير يابوديه
والله المنتدى والمجالس تزين وتتشرف يوم يدخلون اللي مثلك وشرواك
قصيده رائعه وانا اعرف ان عندك اروع منها كثير وياليت تنزل لو فيه بالصوت
ولي طلب قصيدة (يامحلا في الفلا فنجال بريه جلابها جابها من سوق خولاني) نبيها كامله

تحاتي
ابن حابي

ارحب ياسليمان القحطاني

ويشرفني مرورك