شبكة قحطان - مجالس قحطان - منتديات قحطان - قصيـــدة الهاجــــري ورد الوالــــد عليـــــه ...

- مجلس عذب الكلام (https://www.qahtaan.com/vb/forumdisplay.php?f=16)

قصيـــدة الهاجــــري ورد الوالــــد عليـــــه ...

السلام عليكم ورحمة الله وبركاته

هذه قصيدة للشاعر / عبدالله بن ناصر الهاجرى وأرسلها
إلى الوالد / سعيد بن على العبيدى أطال الله فى عمره
وكان ذلك عام 1382 هـ فى المنطقه الشرقيه وهي
قصيدة تعبر عن نفسها ومعناها في بطنها :

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يامرحبـا باللـي لفانـي جـوابـه=أبو علي رض الضيوف المواجيـب
عداد ماهل المطـر مـن سحابـة=وعداد ماهبَـت هبـوب النبانيـب
هات القلـم نكتـب ردود لجوابـه=نكتب لبو علـي سـلامٍ وترحيـب
قرمٍ كسب الأمـداح فـأول شبابـه=ومن ساس ربعٍ فالملاقـا معاطيـب
أخبارهـم فالهـوش كـلٍ درابـه=يطوُّعون العيِّ غصبٍ بـلا طيـب
لا جاهـم المجـرم تزكّـى ركابـه=يشلون حمله منه لو هو معاصيـب
ينـام ليلـه مايحاسـب حسـابـه=ومن دونهم تخلص جميع المطاليب
حريبهم يشكـي ويبكـي صوابـه=وأمه عليه تصيح وتشقق الجيـب
ياسعيد في سجني علي صكِّ بابـه=وأشكي عليك الحال يوم إنك صحيب
ياشوق من نهده شكى مـن ثيابـه=توه صغيرٍ شايـلٍ نهـده الجيـب
لطف الحشا تزهاه بيـده خضابـه=والعين عين اللي يـرب المراقيـب
وصلاة ربـي عـدّ نجـمٍ سرابـه=وعداد ماطبعت حـروف المكاتيـب [/poem]

وهذا الرد من الوالد عليه :
[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
حى الجواب وحـيِّ منهـو لفابـه=والمرسلة امية هلا وألف ترحيـب
من صاحبٍ تفرح ليا جـا خطابـه=كنْ المطر منزول من عالم الغيـب
نقرأ الكتـاب وكننـا مـعْ جنابـه=نسمع حديثه مستفيـضٍ بتهذيـب
من عند بوناصر فصيـحٍ جوابـه=وأبيات شعرٍ قـد نظمهـا بترتيـب
فرحـت بـه لـو إنِّ علـمٍ بدابـه=سجن الصديق وغاية السجن تعذيب
جاني سهر والصـدر زاد التهابـه=نار اللظى تحت الضلوع المحاديـب
إن كان سجنك يشترى بالحسابـه=لو هي ملايينٍ فحنـا لهـا نجيـب
ننصا عبيدة ربعنا والقرابة=ونرسل لهم فـي كـلِّ وادٍ مناديـب
وفي خمسة أيـامٍ يجينـي جوابـه=هـم لابتـي ومنفذيـن المطاليـب
ثم نطلقك ياشـوق جالـي عذابـه=غندورةٍ كنْهـا غـزال المراقيـب
اللـي نهـوده شايـلاتٍ ثيـابـه=صُغْرٍ مثل بيض الحمام المطانيـب
تمت وصلـوا كـلِّ ماحـلِّ جابـه=على النبي اللي منزَّه مـن العيـب [/poem]

سعيد بن علي ال حسين الوهابي