|
الشيخه و الفقر
بسم الله الرحمن الرحيم
[poem=font="Traditional Arabic,7,darkred,normal,italic" bkcolor="transparent" bkimage="backgrounds/15.gif" border="none,medium,white" type=1 line=0 align=center use=ex num="0,black"] يا سعود لا تكثر علي المشاريه=وأنا عن الشرهات نفسي حشيمه هد الزمن يا أخوك ما كنت بانيه=وشعيل قاود للرسن والصريمه تعبت أراض الوقت الأقشر وأداريه=حتى غدا شوري بلا أيات قيمه حدتني الدنيا على شي ما أبيه=لين أصبحت الأمال عندي عقيمه أسير في دربي وأنا أخايل التيه=وأدخل متاهات العصور القديمه يدعيني الماضي وألد النظر فيه=ينشد عن خصال" بقلبي مقيمه أجاوبه وأزعله وأرد وأرضيه=وأرصد بشتان فكري هزيمه هذا وأنا أللي معلن بها تحديه=بأني عما عين النفوس السقيمه لكن أشوف الوقت شانت تواليه=يالله عسا باق العواقب سليمه عز الرجال يسام ويباع بجنيه=السوق حامي والضحيه بهيمه وأللي شريته غيرك أن زاد يشريه=بمساندات أقوال حزب النميمه كل" يبي يعتاش والفقر حاديه=وعلى الردا يبني علاقه حميمه صار الرجل ما عاد يستامن أخيه=يمكن يدينه بإرتكاب الجريمه وتلقا الفقير الكلب ما أحد" يدانيه=لأنه فقير بدون قيمه وشيمه وأن كثر ماله قيل يا شيخ خاويه=لا تضيع الفرصه تراها غنيمه رح قبل أيده وأنس فقره وماضيه=يابوك ذا سيد الرجال الفهيمه قل شيخته كسب" وذي شيخة أبيه=أللي نتبها من على شداد ريمه جامله وأحرص يالسنافي تراضيه=بيعارض الغشمان ناس" غشيمه يمكن تمد بكل ما في مخابيه=لأن الكرم طبع الشيوخ الحليمه وإما عطاك البيه فأسحب على البيه=و غيره تنق من البهايم بهيمه هذي فقط نبذه عن إللي نقسايه=يالله تثبتنا بصبر وعزيمه فياخوك لا تكثر علي المشاريه=وأنا عن الشرهات نفسي حشيمه وإن كان وقتي هد ما كنت بانيه=والله لأموت وما رضيت الهزيمه بأجابهه وأرد وأعلن تحديه=لأني عما عين النفوس السقيمه[/poem] |
رد : يا سعود
صح لسانك وعلى شانك
والى مزيد من الابدااااااااااع |
رد : الشيخه و الفقر
اررررررحب يا الجروي صح لسااااااانك واعتلى شانك
واتحفتنا بهذه القصيده وننتظر جديدك وتقبل مروري |
رد : يا سعود
صح لسانك يابوناصر قصيدة في محلها وماشاء الله عليك
|
رد : يا سعود
أســيــر فــــي دربــــي وأنـــــا أخــايـــل الـتــيــه *** وأدخـــــل مـتــاهــات الـعــصــور الـقـديـمــه
يـدعـيـنــي الـمــاضــي وألــــــد الــنــظــر فـــيـــه *** يـنـشـد عــــن خــصــال" بـقـلـبـي مـقـيـمـه أجــــــاوبـــــــه وأزعــــــلـــــــه وأرد وأرضـــــــيـــــــه *** وأرصــــــــــد بـــشـــتــــان فـــــكـــــري هـــزيـــمــــه صح الله لسانك يا خالد مليون / ولايكفون قصيدة جزله ومليانه وشهادتي فيك مجروحه وتتميز بتفرّد الموضوع واصالة المفردة والتراكيب العجيبه |
رد : يا سعود
الله الله
اررررحب يابو ناصر مرحبا والله ومسهلا حيه وحي ماجاب مبدع كالعاده ما يعتاززززززززز عــــــز الـــرجــــال يـــســــام ويـــبــــاع بـجــنــيــه الـــســـوق حـــامــــي والـضــحــيــه بـهــيــمــه وألــلـــي شـريــتــه غــيـــرك أن زاد يـشــريــه بـمـسـانــدات أقــــــوال حــــــزب الـنـمـيـمــه كـــــل" يــبـــي يـعــتــاش والـفــقــر حــاديـــه وعـــلـــى الــــــردا يــبــنــي عـــلاقـــه حـمــيــمــه صــار الـرجـل مــا عــاد يستـامـن أخـيـه يــمـــكـــن يـــديـــنـــه بـــإرتـــكـــاب الــجــريــمـــه ياسلام يابو ناصر صح الله السااااااااانك ولاهنت مليون وعسى الله يكفينا شر الدنيا وطمعها جزل ياخالد وحنا من الناس اللي يعلم الله نطرب لقصيدك وفكرك الراقي تقبل مروري يالسنافي |
رد : يا سعود
صح الله الساااااانك وانا اخوك
ابيااات درر |
رد : يا سعود
بيض الله وجهك يابو نا صر على الجزله --- ولكن عندي ملحضه بصيطه وهي تكر ارالمعنا في القصيده وهي المشاريه ---- ولحشيمه فرجو تتقبل هذي الملحضه بصدرن رحب يا سنايدي
|
رد : يا سعود
اقتباس:
صح الله بدنك ويشرفني مرورك وشرواك من المطاليق وإطرائكم فائق احترامي لشخصك |
رد : الشيخه و الفقر
اقتباس:
صح الله بدنك , ومرورك اثلج خاطري مع فائق الاحترام والتقدير |
رد : يا سعود
اقتباس:
اسعدني مرورك |
رد : يا سعود
اقتباس:
صح الله بدنك ومرورك وشهادتك تعني لي الكثير لانك وافي ومن وافين فائق احترامي لشخصك |
رد : يا سعود
اقتباس:
وصح الله بدنك وانت من الشعراء المبدعين الذين يتوجون قصيدة الشاعر بمجرد مرورهم وإطرائهم عليها ولا بارك الله في قصيد(ن) ما يروق بذائقتك الشعريه انت وشرواك من المطاليق ما اقول الا جعل والديك في الجنه , اسعدني مرورك واشرق بمتصفحي |
رد : يا سعود
اقتباس:
صح الله بدنك مرور جميل من شاعر اجمل وشهاده تعني لي الكثير احترامي وتقديري |
رد : يا سعود
اقتباس:
ووجهك ابيض , وملاحظتك ووجهة نظرك احترمها , لكن وانا اخوك هذا ليس بتكرار معنى بل هو تكرار لمطلع يجسد من خلاله الشاعر قصيدته , وهو مفتاح القصيده وختامها فانا قد اختتمت القصيده بنفس مدخلها الذي بدأت به وهو عتاب وشرهه من شخص عزيز على قلبي , وقد تعمدت تكرار مطلع القصيده لاقوي من ترابطها وتماسك ابياتهاولا اخرج عن القارئ عن معاناتها التي ابحر فيها , فهي كانت بصيغة التبرير عن موقف اسعدني مرورك |
رد : يا سعود
صح لسانك .
وتقبل هذه المجاراه وهي موجوده بموضوع مستقل على هذا الرابط : http://www.qahtaan.com/vb/showthread...753#post716753 |
رد : يا سعود
صح لسانك ياخالد....والله قصيدة من أجمل ما قرأت من القصايد....تسلم يارائع على الذوووق الرائع...تقبل مرووووري...
|
رد : يا سعود
اقتباس:
الرد بتلقاه في مجاراتك وفي رابط مستقل |
رد : يا سعود
اقتباس:
شهادتك توجت قصيدتي ووسام على صدري ومرورك الاروع يالغالي لا هنت على المرور العبق |
| الساعة الآن 07:39 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com