|
تكفون أقرؤا القصيدة واحكموا عليها
[size=4]بسم الله الرحمن الرحيم
السلام عليكم ورحمة الله وبركاته أخواني أصحاب وأعضاء شبكة قحطان هذه الشبكة العظيمة ،أنا أخوكم /فهد محمد عجب إل هباش القحطاني أحببت المشاركة بهذه القصيدة في أول مشاركة لي ،حيث أنني لازلت في بداية كتابة الشعر ولا أريد الحكم على قصيدة إلا من ناس يفهمون في الشعر شرواكم ،حيث أن هذه القصيدة أول قصيدة لي ،وقد كتبت بعدها عدة قصائد ولكن لا أريد نشرها ‘لا بعد أن يعطيني الإشارة ناس ثقات شرواكم ، فإن نجحت هذة القصيدة التي هي مجرد بداية فقط فابشروا بالمزيد ، ولكم مني جزيل الشكر. أقول في هذه القصيدة وهي موجهه لك واحد منكم. ++++++++++++++++++++++++++++++++++++++++++++++++++ ++++++++++++++++++++++++++++++++++ مافيه أمل ياصاحبي مافيه أمل أنام ليلة واحدة مثل العباد يتوقني هاجوس شعر محتمل وأكتب بيوت الشعر من غير إقتصاد مدري أنا ياصاحبي قد الحمل ولّا هي أحلام مثل سرب الجراد ودّي أوقف مثل وقفات الجمل مرضى علي المهزلة والإنتقاد وودّي كلامي لنكتب يصبح مثل يتوارثونه من قراب ومن بعاد أنا يجيني مثل رعّاد همل مزنه على قيعان وأروتها هجاد بيوت شعرٍ شكّلت ورشة عمل الصدر موقعها وهي تبغى إعتماد أناأعتمد فالقاف باقي ماأكتمل ولّا هي أحلام مثل سرب الجراد ++++++++++++++++++++++++++++++++++++++++++++++++++ +++++++++++++++++++++++++++++++++++ أبغى الرد الله لا يهينكم ويبيض وجيهكم عبارة عن أحد هذي الخيارين: *واصل على دربك *أحلام مثل سرب الجراد |
رد : تكفون أقرؤا القصيدة واحكموا عليها
ارحب يابن عجب
لاوالله واصل لكن قبل ماتقول الشعر يلزمك ان تحفظ اقل شي 10 قصايد لغيرك على عده بحور حتى تكون لك مقارنه فشاعر لايحفظ شعر غيره لن يجيد شعره اشكرك ولعل الاخوان ينقلون الموضوع للمحاولات الشعريه |
رد : تكفون أقرؤا القصيدة واحكموا عليها
لا هنت ياذيبان وابشر بسعدك
وتبي الحقيقة والله اني احفظ قصايد واجد لكن ودي ترشدني اذا فيها أي خطأ من كسر أو جبر أو غيره فالمشورة ناخذها منك وشرواك |
رد : تكفون أقرؤا القصيدة واحكموا عليها
صقعت النيشان من اسفله>>هههههههه
صح لسانك وبيض الله وجهك وابد يالهباش الكلمه اللي تستحي منها بدها وبإذن الله للأفضل وخلك قبلها والله يوفقك يالغالي تقديري |
رد : تكفون أقرؤا القصيدة واحكموا عليها
يابن سراع بيض الله وجهك
لكن الحقيقة ما فهمت مقصدك |
رد : تكفون أقرؤا القصيدة واحكموا عليها
قبل ماتقول الشعر يلزمك ان تحفظ اقل شي 10 قصايد لغيرك على عده بحور حتى تكون لك مقارنه فشاعر لايحفظ شعر غيره لن يجيد شعره
اشكرك |
رد : تكفون أقرؤا القصيدة واحكموا عليها
|
رد : تكفون أقرؤا القصيدة واحكموا عليها
اسفين ياخواني القحطين كان اني قمت بخطا ارجو السماح لي من فظلكم
اخوكم مبارك مسفر العتيبي |
رد : تكفون أقرؤا القصيدة واحكموا عليها
اقتباس:
|
رد : تكفون أقرؤا القصيدة واحكموا عليها
ارحب تماتيك يا الهباش واعذرني على البطا
القصد ان القصيده طيبه وانت اطيب والله يوفقك ومشروع شاعر بإذن الله بس شد حيلك يالغالي تحياتي وتقديري يالشنار |
رد : تكفون أقرؤا القصيدة واحكموا عليها
واصل أخوي فهد .. واصل ....... وقد أعجبني في قصيدتك الوزن
واليوم نصف الشعراء خاصة المبتدئين لايجيدونه ...... وإن كان من ملاحظة فهي في بعض التكرار الذي يعتبر عيب خاصة في القصيدة القصيرة ........... كذلك عدم وجود رابط بين المشبه والمشبه به مثل قولك : أحلام ........ مثل سرب الحمام ... عفوا ......... سرب الجراد .........!! وأيضا مدح شاعريتك وأنت لازلت جديد ......... غير مقبولة منك .. وحشر بعض الكلام المطروق كثيرا مثل .. قد الحمل .. مافيه أمل ياصاحبي .. المهم ........ كبداية أعتبرها مشجعة ....... وصح لسانك ..... وأهديك أبيات حول نفس المعنى لإبن جدلان يقول : وإذا نشيدي جذبني للمناقيدي قبل مآسي كلامي ياجب سكاتي شرد بكار النشيد أجفل من الصيدي ومن القنانيص قدها مستذيراتِ يقنص لها بالمحازم والبواريدي تنصاد مرة وتسلم عشر مراتِ الشعر صدقه على الأفعال تأكيدي وتقبل بيوته بدون صكوك وإثباتِ تحيااااااااااتي لكم . ............ |
رد : تكفون أقرؤا القصيدة واحكموا عليها
صح لسانك يالذيب
والله يوفقك ومدام هذي البدايه فأخذها مني وانا أخوك واصل وراسك من حجر تقبل مروري |
رد : تكفون أقرؤا القصيدة واحكموا عليها
يافهد نصيحه مجرب لا تعرض شعرك على الناس وتسأل هل قصيدي زين ولا شين انت شاعر وانا اعرفك مايحتاج لك تقييم انا اتمنا لو شعري مثل شعرك لان الناس اذواق احد يقول زين وحد يقول شن وفيه اللي يجامل
لاكن اذا بغيت تبدع بشي فعليك ممارسته بكثره وخاصه الا ستماع مع تمنياتي لك بالتوفيق والنجاااااااااااااااااح |
رد : تكفون أقرؤا القصيدة واحكموا عليها
اخواني
فواز ابوخالد خالد الجروي ابوعلي(ماجد) الله لا يهينكم ويبيض وجيهكم........ومن شرواكم نستمع للمشورة |
رد : تكفون أقرؤا القصيدة واحكموا عليها
اررررررررررررررررررررررررحب يالهباش تراحيب المطر
اولا صح الله السااااااااااااااااااانك مليوووون وااااااااافي يالسنافي ولا جيت بقصور وثانيا يشهد الله اني معك فالقصيده وكسر مامن كسر وماهي مجامله يالهباش عزالله انك شاعر من غير اي مجامله ولك فكرك الخاص فالقصيده اررررررررررررررق سنود ولا عليك وانا ارااااهن عليك وواثق ان عندك مخزون شعري هايل تقبل مرور اخوك .. |
رد : تكفون أقرؤا القصيدة واحكموا عليها
مشكور ....يابن بتال...على الإطراء الجميل والرائع....
ومن شرواك نجني الفايدة...... الله يصح بدنك ....والله ...لا يهينك.... تحيااااااااااااتي...... |
| الساعة الآن 11:50 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com