اغلى منجا في العالم
 

السلام عليكم

تشتهر منطقة ميازاكي في جنوب اليابان بمنتجاتها الفريدة ذات النوعية الجيدة والتي لا تتواجد الا في تلك المنطقة


اليوم جايب لكم هذه المانجا من ميازاكي ... سعر الحبة ٥٠٠٠ ين يعني ٢١٨ ريال فقط


http://www.qahtaan.com/works/up/get....fnvy1281008416



والاحلى ان كل حبة يجي معها دليل ... كيف يزرعونها ... وكيف تقطعها ... وكيف تاكلها


http://www.qahtaan.com/works/up/get....hoqr1281008601


http://www.qahtaan.com/works/up/get....oqtu1281008601


http://www.qahtaan.com/works/up/get....l4fr1281008601


وسلامتكم

رد : اغلى منجا في العالم
 

.


ونعم يابو عصام



عسى ما هو مشروط عليك إحضارها .


ذكرتني بلبن العصفور . وخاتم سليمان عليه السلام .



ويش اللي حدك تأخذها .



عسى ما عليك ضغوط من هنا ولا هناك .



5000 آلاف ين . 218 ريال . قيمة حبة وحدة فقط .


تجيب لك هنا حوالي ثلاثين كيلو .


هذي مكلفة وأضف إلى ذلك قيمة مصاريف السفر . كان وفرت لرمضان شئ .


أنت رحت تجيبها بالقطار . ولا مع المطار . ولا مع الأسفار .


لك الشكر ياشايب ياكبير


من حيث تسكن توجد روائع العلوم وجديد الأخبار .


ونعم بك ولاهنت ياغالي .




تقبل تقديري وحكاي والسلام




.

رد : اغلى منجا في العالم
 

ماشاء الله تبارك الله شكلها مغري

طبعا سعرها مبالغ فيه بل غير معقول

لكن ما نقدر نحكم حتى نقدر نذوقها ونقارن

رد : اغلى منجا في العالم
 

سعرها سعر خيالي ..

الله يعينك يا بو عصام ..

شكلك تفلّس دايم في اليابان ..

رد : اغلى منجا في العالم
 

ارسل لي حبه اجرب عشان احكم وابلغ الشباب هل تستحق السعر او لا ..!



جعل فيه العافيه واعتقد بل اجزم ان طعمها اغلى من سعرها ...

رد : اغلى منجا في العالم
 

عطني 3كيلو لكن مو من هذي
من الباكستاني اللي تمضغة يومين ولا ينتهي

رد : اغلى منجا في العالم
 

صباح الورد والمنجا يا بو محمد

اليابانيات يا بو محمد ما يشرطون ... ولا يضغطون ... ولا يعطون بسهوله ... وانا راجع مريت السوبرماركت اشتري حليب

ولقيت المنجا هذي وشريتها ... هي مثل الفقع ما تلقاها الا نادر

بعدين يا بو محمد انا مثل ولدك ... كيف تنعتني بالشايب من دون باقي الشياب بالاستراحة ... اكيد تخاف منهم ...

وضامن نفسك من ابو عصام ... بعيد.

تقبل تقديري وحكاي

رد : اغلى منجا في العالم
 

السلام عليكم ابو عبد الله

بالفعل سعرها مبالغ فيه ...

وطعمها لذيذ ولكن ما تسوى سعرها ...

رد : اغلى منجا في العالم
 

السلام عليكم يا مشاري

التفليس ماشي من زمان وتعلمنا عليه ...

المنجا وغيرها من الاشياء ذات الاسعار الخيالية تكون مرة كل سنتين او ٣ ... وباقي الايام كراث ...

والحمد لله زارع كراث وبصل وذرة كميات قدام البيت

رد : اغلى منجا في العالم
 

تستاهل يا فهد ... بس مع حرارة الجو راح تخرب لو ارسلتها.

طعمها لذيذ ... بس تتحسف على ٢١٨ ريال بعد ما تاكلها

رد : اغلى منجا في العالم
 

والله يا اخي عوض

ما فيه شيء يعلو على الفونسو الباكستاني ... وما شاء الله كرتونه ٢٥ ريال

رد : اغلى منجا في العالم
 

ونعم يابو عصام



كلك على بعضك حلو .... وأحلى من المنجا أم 218 .. ..


حلوة ... جدآ ... أشتري حليب ... لييييييييييه .. جالك ولد ...؟.؟.؟. وبعدين ...؟.


من حبك للفقع ..أنت تسمع بطاريه . بس . وما تعرفه . ... ولو أجيبه لك تقول .. ديزت . بطاطيسو .. ؟


زي .ولدي.!!!!.. ونعم ياولدي الله يصلحك . ويخليك لمن يرجيك .


ياشايب من مبطي .. والناس كلها تدري .ومن مبطي ... ؟؟؟.


والشيبان اللي في الإستراحة .. أسنعهم لك .. طبعآ اللي .. مايورم خشمه ...غيره .. لا ..


شكلك تبي تورطني .. مع ناس . مبعدين بلا سبب .. مدري تغلي أو عتب ..ومن أنت ياهذا وتب ..


من قبل نقلبها شغب ... ودون نفسي وإقترب ... تلقا الطريق أصبح صعب ....خذها نصيحة وإنسحب ..


بعض الخطى ماتنرغب ... وإن كان تبغاها حرب .. أهلآ بحرب تنطلب ...


بعد هذا كله .. أضحكتني جدآ ... بتوقيعك الغريب ..


أنا أقول كلك على بعضك ... وأنت تنبش .. وتحرش .. وتخربش .. وتمخش . وتلبش . وتربش ..


أخوي أنا على شان ماشي دي الوقيت للديرة بتاعتنا دايرأودعك وداع الأخ لأخيه حتى عودتي .



وأقول لك ما أوصانا به سيد الخلق .. الصلاة والقوارير .. ؟؟؟؟ ..


بارك الله لك وللجميع من الأعضاء والمنتسبين لهذه الشبكة الغراء في رمضان وكتبه لكم ..



بالكثير أربعة أيام ونبغى نصوم .. ماهو طاش ماطاش من أولها ...



أستودعكم الله وأشكرك يابو عصام الأخ البعيد القريب وأتمنى لك نول المنى من الله القادر سبحانه .



تقبلوا تقديري وحكاي والسلام




.

رد : اغلى منجا في العالم
 

الحليب عشان الحرقان اللي بالمعدة

راحت ايام الفقع يا بو محمد

الى قبل سنتين كنت اشتري الفقع معلب من الكويت ... يجيهم من سوريا والمغرب

ولكن عندهم في اليابان ما يزيد عن ٤٠ نوع من الفطريات الطازجة مثل الفقع والذ ... لا رمل ولا خراب ضروس

رد : اغلى منجا في العالم
 

ايش هذا السجع يا ابن الشايب :) ..