[[الشيخ :علي بن مسعود أبو سكيته ]]
 

بسم الله الرحمن الرحيم

هذه القصيده قلتها أثناء تنصيب الشيخ :علي بن مسعود أبو سكيته شيخا ً لربعه

وقد قالها أبني فيصل في محتفل كبير بالمنطقه الشرقيه ولما يتمتع به هذا الرجل من

كرم وسخاء وفزعة وتميز فيستحق الثناء والشكر من الجميع....


[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
كل يدور للصدارة والأمجاد=والمجد فعل الرجل يمه دليله

المجد وجد وجود وعنان وشداد =وفعايل من جادها يستوي له

يبي سخاء حاتم وطيش بن شداد =وهيبة اللي مرجهن (ن) دخيله

المجد حلم وضحكة حجاج وعناد =تقصر عنه هزلاء النفوس الذليله

المجد دونه غبة بحور وجهاد =صعب (ن) على أصحاب الشبوح الهزيله

ينوله اللي للعلاء دوم نشاد =والحمل لو هو كايد يرتكي له

ركايبه تنساق طوع وتنقاد =لأبو طلال ولاتدور بديله

مناخها عند بن مسعود مجواد =علي علي شيخ شهر بين جيله

شيخ على حل الصعيبات معتاد =واليا جمل كل درى عن جميله

روابعه تغنى عن الشرب والزاد =ياعل تفديه اليمين البخيله

واليا بدا يجمل على روس الأشهاد =مبداه مثل سهيل كل يخيله

قيدوم قوم ٍ مجدهم شامخ عماد =زهير مروين الرهاف الصقيله

يامعرب الأباء النوادر والأجداد =ياعزوة وذخر ومراد القبيله

أسد وشخت وربعك نمور وآساد =من طيبهم ساقوا عليك الأصيله

ياكبر حظك وأنت شيخ للأجواد =عزوتك لاحاش الشرار الفتيله

بك المكارم يبن مسعود تزداد =وبشاشتك تشفي الكبود العليله

هقواتك تجمل قديمات وجداد =وتوفي ليا بار العميل بعميله

وإن جدت يحرج فيض جودتك من جاد =وتزود الطرقي وتملاء صميله

ياغيث من ينصاك ياضد الأضداد =عسى سنينك يبن عمي طويله

جملتنا في ماقف شيوخ وأسياد =يابا السجايا والفعول الجليله

والعذر أنا ماني بشاعر وقصاد =لكن وفاك أجرى الهجوس تحكي له

تجيني لمدحك على غير ميعاد =وأطرب لها وأقول فيك الجزيله

دام السعوديه لنا بيت وبلاد =والدين راس أموالنا والحصيله

وأخوان نوره تاج حكم ورواد =للذود عن دين الهدى والفضيله

عشنا بخير وأمننا والرخاء ساد =فضل من اللي مايضيع وكيله [/poem]

رد : [[الشيخ :علي بن مسعود أبو سكيته ]]
 

صح لسانك وعلا شانك


ويستاهل الشيخ علي بن مسعود اكثر


تسلم لنا يمينك علي كتابته المووضوع


تحياتي لك

رد : [[الشيخ :علي بن مسعود أبو سكيته ]]
 

صح لسانك وبيض الله وجهك يا ابو فيصل شامخه من شامخ وفي من يستاهلها الشيخ علي ابو سكيته

لك مني كل الود والتقدير

رد : [[الشيخ :علي بن مسعود أبو سكيته ]]
 

صــــــــــح لســــــــــــــــانكـ ياسفــــــــــــــــــــــــــــــــــر ولاهنت ع القصيدة

رد : [[الشيخ :علي بن مسعود أبو سكيته ]]
 

رد : [[الشيخ :علي بن مسعود أبو سكيته ]]
 

رد : [[الشيخ :علي بن مسعود أبو سكيته ]]
 

احسنت يابو فيصل على هذه القصيده الوافيه

وابو سكيته يستاهل الشيخه على بني عمه الي طالته لهم

واسئل الله

ان يبرم لقبيله زهير العزيزه امر رشد على يد هذا الشيخ السخي

وتقبل تحياتي

رد : [[الشيخ :علي بن مسعود أبو سكيته ]]
 

ولسانك بارك الله فيك وفي حضورك الوافي ...

لاهنت ...

رد : [[الشيخ :علي بن مسعود أبو سكيته ]]
 

أخوي أبو معتز عادتك الجميل ومعرفتك شرف وزود لنا يبن عمي ....

بيض الله وجهك ...

رد : [[الشيخ :علي بن مسعود أبو سكيته ]]
 

ولسانك الله يحفظك من كل سوء لاهنت ...

رد : [[الشيخ :علي بن مسعود أبو سكيته ]]
 

مرحب يسلم ...

الله يبيض وجهك ياسيف العز ...

رد : [[الشيخ :علي بن مسعود أبو سكيته ]]
 

صح لسانك يابو فيصل

والشيخ يستاهل

رد : [[الشيخ :علي بن مسعود أبو سكيته ]]
 

تسلم يبو علي بيض الله وجهك ...

رد : [[الشيخ :علي بن مسعود أبو سكيته ]]
 

أحسن الله إليك يبو محمد ورحم الله والديك ...

لاهنت ...

رد : [[الشيخ :علي بن مسعود أبو سكيته ]]
 

رد : [[الشيخ :علي بن مسعود أبو سكيته ]]
 

صح لسانك وعلا شانك


ويستاهل الشيخ علي بن مسعود اكثر


تسلم لنا يمينك علي كتابته المووضوع

رد : [[الشيخ :علي بن مسعود أبو سكيته ]]
 

العبيدي يستاهل المدح وعزالله إنه كريم يمنا وربعه وافين

رد : [[الشيخ :علي بن مسعود أبو سكيته ]]
 

ولسانك يبو ريان الله يسلمك من كل سوء.........

رد : [[الشيخ :علي بن مسعود أبو سكيته ]]
 

ووجهك بيض الله وجهك لاهنت.....

رد : [[الشيخ :علي بن مسعود أبو سكيته ]]
 

ويمنك الله يبيض وجهك لاهنت.....

رد : [[الشيخ :علي بن مسعود أبو سكيته ]]
 

تسلم يالعبيدي يالحصان لاهنت....

رد : [[الشيخ :علي بن مسعود أبو سكيته ]]