|
ممثل بحريني يدعى قحطان القحطاني من اي قبيلة وكيف وصل للبحرين
ممثل بحريني يدعى قحطان القحطاني من اي قبيلة في قحطان وهل هو فعلا يرجع في قحطان الرجاء التعليق على هذا الموضوع
|
انا فعلاً لاحظت اسمه في أحد المسلسلات .. ذي الايام ماعاد تعرف اختلط الحابل بالنابل..
ومن ناحيتي فلا ادري. |
ياخوان الأنساب محفوظة والدليل سؤالك من أي قحطان وكلما ضاقت الدائرة كلما أتضحت الرؤية
|
قحطان من آل عطف
السلام عليكم ورحمة الله وبركاتة ،
بو طارق كيف حالك . الممثل البحريني من آل عاطف ظويري من جماعة المغفور له بأذن الله فيصل محمد القحطاني رجل اعمال معروف في المنطقة الشرقية وهو من اهل البحرين ايضا وابنا عمومته ولايزال اخو فيصل موجود في البحرين اسمه فلاح . ويوجد في البحرين خنافر وعواصم ويوجد بها قبائل كثيرة هذا للمعلومية . اخوك / عيفان |
لاهنت ياعيفان على الإفاده وبيض الله وجهك.
|
وكيف وصل البحرين ؟
ياخوي هذا سؤال !!! القحاطين منتشرين في كل الخليج وحتى العراق |
مشكووور على التوضيح ....
|
قحطاني في البحرين انا ما استوعب هذا الكلام
|
السلام عليكم ورحمة الله وبركاته :
اخي العزيز بوطارق زي مقال الاخ عيفان نسمع عنه انه من قبيلة ال عاطف والله اعلم بذلك . |
قحطان ثلث العرب
[/frame]
|
الاخ بوطارق الاخوة ناصر المعمري , ابوراكان القحطاني , المحيط , ذيب النقاحين , السلام عليكم ورحمة الله وبركاته الاخ عياف ما قصر وقال انه من ال عاطف , الشخص المعني واحد من جماعتنا اسئلة من منه هو ومن جدودة ماعرف يرد , وقد سمعت انه ماخذ اللقب من ناحية الام والله اعلم وبعضهم تلصيق , وسوف اسئل الوالد والجماعة عنة , بس للتاكيد والحرص . تتواجد بالبحرين معظم القبائل العربية ومنها قبائل قبيلة قحطان الفخوذ ( ال كريشان ال عاصم , ال خنفر , ال عاطف ) قبيلة الهواجر وفخوذها قبيلة عتيبة وفخوذها قبيلة المرة وفخوذها قبيلة بني خالد وفخوذها قبيلة العوازم وفخوذها قبيلة العجمان وفخوذها قبيلة بني تميم وفخوذها قبيلة النعيم وفخوذها قبيلة سبيع وفخوذها قبيلة الدواسر وفخوذها قبيلة المناصير وفخوذها قبيلة مطير قبيلة شمر قبيلة عنزة قبيلة الظفير قبيلة الزغب قبيلة الكبسة قبيلة حرب قبيلة السهول اتمنى ان اكون جاوبت على التسائل للايضاح . واي استفسار حاضر للجميع . |
السلام عليكم ............ الموضوع سهل في أول الزمان كان الرجال يهاجرون في طلب الرزق وكانت الدول التي تقع على ساحل البحر تتمتع بخيرات كثيره مثل الغوص والعمل في الصيد والعمل في المواني مثل ميناء دولة البحرين الذي له أ كثر من مائه وخمسون سنه تلك أحد الاسباب هجرة بعض الولين من قحطان مثل والد هذا الممثل........... وهناك قحاطين كثيرون في دول مجلس التعاون
وانا خنفري ومن مواليد دولة قطر واعرف قبيلتي وربعي جماعتي وليسى كل فرد من قبيله يجب ان يكون في مصدره وفي دولته لكي يكون أصيل أو غير ذلك هناك من هم عند ربعهم وبين جمايعهم وفي ديارهم ومن أصل وفصل ولاكن يعيبون القبيله وعلى العكس هناك من هم بعيد عن ديارهم وجمايعهم ويرفعون راس القبيله وشانها الخنفري |
لا والله مهب من قحطان غير من الي انسبوا نفسهم في قحطان من ذاك الحين عشان ياخذ الجنسيه من عند الامرا في البحرين لان الامرا كانو يدورن القبايل ويجنسونهم وانشدني انا نفداك
|
وانا طال عمرك من آل سعد وجماعتي واجد في قطر والامارات وقليل في الكويت هذي مناطقنا مهب في البحرين نفداك واكثر البدو في قطر قحطان وبني هاجر _ وآل مره فقط لاغير
|
بو نهار العاصمي
ما شاء الله كل القبايل في البحرين على كلامك المطلوب من يرجعون فيه من الفخوذ _________________________ قبل كم سنه كان فيه مقابله في البحرين شاهدتها صدفه مع عجوز كبيره في السن تقول اسمها سبيكه القحطاني وانها كانت من اوائل المعلمات لافراد الاسره الحاكمه في البحرين قد تكون من اقارب هذا الممثل. ______________________________ يقول لي احد لاشخاص ان فيه نزيعه ماهي بشوي من قبيلة آل الجرو رحلوا الى البحرين منذ مبطي والله اعلم |
عينوا من الله خير وانا اخوكم حنا هذا طبعنا الردي انتبرا منه والطيب نقربه حتى لو هو ماهوب منا !!
وقحطان واااااااااجد وفيهم من كل جنس ولون فيهم الحضري وفيهم البدوي وفيهم الطيب وغيره |
والله يبو طارق ترا الأمارات فيها قحاطين واجد
والقحاطين هذولا يمكنهم سعوديين بس متجنسين تحياتي : ابن مسحم |
اتمنى ترجعون لرد مهداني وخواله الفهر وتعرفون ليش غريبه
ولكن الفائدة او المقصود من السوال هو معرفة قبلية الاخ الممثل البحريني وجانا الجواب الشكر موصول للسائل والمجيب على السوال |
السلام عليكم ورحمة الله وبركاته لزيادت المعلومات قحاطين البحرين اغلبهم اخويا عند الامير قبل لايحكم ولين حكمو ومافيهم شك واغلبهم في الرفاع الشرقي على سن ورمح يالربع بدون تشكيك وبعضهم تجار ومتعلمين جدآ وبدو بعضهم صقاقير وللعلم ماحملو اغلبهم الجنسيه السعوديه لاهم ولاجدانهم لانهم في البحرين قبل الجوازات والجنسيات ومن ناحية المرحومه سبيكه فهي اول معلمه في البحرين وبعد وفاتها سمو اول مدرسه في البحرين باسمها سبيكه القحطاني ولازالت الا اليوم تحمل اسمها اما بالنسبه لقحاطين الامارات فهم واجد بعضهم تجنس وبعضهم قبل الجنسيه من قبل عهد بن شخبوط الحاكم والبعض منهم تغيرت اسم قبيلته بس معروفين ولافيهم تشكيك ولهم مناصب في البحرين وقطر هذا واشكركم .
ابوقحط القحطاني |
كلام الاخ عيفان هو الصحيح
بيض الله وجهه انا ملاحظ الاخ في اكثر من رد مايجاوب الا بمعرفة تامة بعد ان يتاكد من ذلك .. مهوب يخبص طقها والحقها !!! وبالنسبة لي سمعت من احد الشيبان قوله : ان الناس من اول تروح للبحرين تشتغل مع البحارة ونصهم يهلك ونصهم يعيش ويقعد فالبحرين - - - - - - - وسمعت ايضاً من رجل صدوق يقول قبل سنة راح البحرين وحصل موظف جوازات بحريني اسمه ..........القحطاني وساله قال من اي اي القحاطين قال : انا من ال عاطف وطلع قريب من اسم الشخص اللي ذكره عيفان ------ انا لي عتب على بعض اللي يتسهينون بالبحرين ومن كلامهم استحقار لها اقولهم / لاتنسون يوم من الايام كانوا جدانا يروحون للهند قبل لايطلع البترول الله يهدي الجميع قولو آمــــــــين |
الصراحه انا اوافق اخوي العاطفي (دوت كوم) على ردك الحلو ... القحاطين منتشرين في كل انحاء الخليج ... في هالزمن كل معقول ... لا تستغربون جماعة الخير !!!
يعطيكم العافيه .. لا هنتوا !! |
البحرين
يا جماعة في فتره من الفترات كانت دولة البحرين من اغنى دول الخليج وكان الناس تذهب للبحث عن لقمة اليش وكان في ذاك الوقت شيوخ البحرين يوزعون الشرهات على الناس العامه وشيوخ القبائل والأمراء وعلى سبيل المثال الشيخ زايد بن نهيان حاكم دولة الامرات ذكر انه كان يستلم شرهه من آلخليفة .
وفي فتره حكموها بني هاجر وكان معهم من القبايل . عيفان |
عوفان
بني هاجر حكمت البحرين لمده 6 ايام بلياليهاااااااا وكانو 15 رجل من فرسان بني هاجر فقط وشكرا |
اقتباس:
قطر كانت تدفع الجزيه لآل خليفه الي وقت قريب! ِ |
| الساعة الآن 05:55 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com