|
قرب يا فهد ال سلمان
أرحب يابن عمي ودنا نأخذ معك طاروق:
يا مرحبا ترحيبة الشعار ** من شاعر ٍ هاوي وطرباني عطنا علومك وآخر الاخبار ** يا عزوتي ليثار دخاني |
رد : قرب يا فهد ال سلمان
ياهلا ومسهلا
دام البقاء للدار واهل الدار .....واقول ياربي لا تبلاني اخبار تشهدلي على ماصار....والحمد لله ماني وحداني |
رد : قرب يا فهد ال سلمان
قرب دلالك يا فهد عالنار ** الكيف راق وجونا زاني
شرواك غاب ولا علينا زار ** إشهور لا جيته ولا جاني |
رد : قرب يا فهد ال سلمان
يامعزبي في وضعكم محتار.......كيف اتضيف عند ضيفاني
والبعد بلوى والزمن دوار......واصبر مادام ان العمر فاني |
رد : قرب يا فهد ال سلمان
اقتباس:
سوق المراجل غالي الأسعار ** من طب به ما هو بخسراني |
رد : قرب يا فهد ال سلمان
لاتشرد اذهانك عن الافكار......وتقول من جاني ماصحاني
ومن جاء معك بقول له مشوار......والليل ميدانك وميداني |
رد : قرب يا فهد ال سلمان
اقتباس:
بنات فكري فاللقى حضار ** ولي محزمن في الضيق ملياني |
رد : قرب يا فهد ال سلمان
خير الولي ويطيح بالاقطار.......وفلان ضايع وسط الاكواني
ياسرعة " مرت على الرادار.......ماهو بكاشفها ولو كاني |
رد : قرب يا فهد ال سلمان
اقتباس:
الضايعه ما له مقر ودار ** خله يولي يابن سلماني لكسنت ماهي تشبه الفكسار ** الفرق ياضحلك وينباني |
رد : قرب يا فهد ال سلمان
قدامكم لفه قبل دوار.......وياصاحبي لاتصير عجلاني
والفرق باين والله الستار......ومنهو تحداني ماينساني |
رد : قرب يا فهد ال سلمان
اقتباس:
أدعس برجلي ما حسب الاخطار ** وخصمي يبات الليل سهراني |
رد : قرب يا فهد ال سلمان
مافيه شك" والعلوم كبار........وعزمي على الصعبات يحداني
ويسرني من جاب علم" سار......وخصمي يذوق الموت بلساني |
رد : قرب يا فهد ال سلمان
الصقر رفرف بالجناح وطار ** ولا طار طير إلا بجنحاني
كم شيخ عرفن شافني وأحتار ** وفي الملعبه ما عاد داناني |
رد : قرب يا فهد ال سلمان
كبير كيف ازعل صغار ....... وشلون بتنام زعلاني
فالملعبه الشاعر القهار........اركد لسريك خجلاني |
رد : قرب يا فهد ال سلمان
صونوا بيوت الشعر يا شطار ** من شان ما تختل الالحاني
البيت مهما صار مهما صار ** ما يثبت إلا فوق سيساني |
رد : قرب يا فهد ال سلمان
طالع يمينك لاتشوف ايسار.......ولا شك وسط الناس خبلاني
وابنص عين اشوف لي مكار.....يلعب على العربان من داني |
رد : قرب يا فهد ال سلمان
لاهنت وبيض الله وجهك يا فهد واعتقد إنها أنتهت المحاوره وحقيقة اللعب معك يشرف ونلتقي في لقاء آخر
|
رد : قرب يا فهد ال سلمان
شكررررررررررررررا
|
| الساعة الآن 06:48 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com