المشاركة الأصلية كتبت بواسطة آل معمر (المشاركة 668411) ومع ذلك يبقى عند القصمان كبرة مع بخل وغلاسة ما أدري كيف تجمعت تلقى القصيمي فيه كبرة على الفاضي والدليل شوف صياغة الموضوع : ( من ركبكم بنوز ) ومن جابلكم ومن أعطاكم ) لازم يسوي نفسه يعرف كل شيء وهو ما عنده ما عند جدتي بخيل أبخل من خلق الله ( الحضارم والقحاطين والغمد من طلابهم في البخل ) وفيهم نذالة وفي الأخير ومالهم خاتمة طبعا إلا من رحم الله من القصيم وقليل ما هم نصيحة أرجو العمل بها أنا لا قابلت لي قصيمي ما يغرني كلامه الحلو ويا حبيبي ويا خريط أجلس معه وأوزن عقليته فإذا شفت عنده شيء يفيد أخذت وأعطيت معه وإن شفته مثل عامة أهل القصيم كبرة ودجه أسحب عليه على طول مع احترامي يابو عصام ( وجهة نظر لا تزعل منها )

المشاركة الأصلية كتبت بواسطة ماجد الخليفي (المشاركة 668253) السلام عليكم ... هآه .. يا اهل الوسطى والشرقية و الغربية ... الي ماغير يسبون القصمان وش هم بدون القصمان !! :52_asmilies-com: :52_asmilies-com: 1- من يبكيكم بختمة الحرم غير الخليفي رحمه الله والسديس(البكيريه) 2- من يجهل فتاوى ابن عثيمين رحمه الله(عنيــــزة)ولا يهونون اللحيدان والفوزان وبن جبرين وغيرهم 3-من ركبكم مرسدسات بنوز وفياقرات وبنوراما الا الجفالي(عنيـــــزة) 4- من يجمع قروشكم غير الراجحي(البكيريه) 5- من يوفر الكليجا الحلوه غير القصيم 6- وين تلقون افخر التمور الا في ارضنا الطيبه 7- كيف تبردون الا بمكيفات الزامل(عنـــــيزة) 8-من يفتى لكم بالاسهم غير الشبيلي(عنـــــيزة) 9-وين تعالجون غير عند الحبيب(بريده) 10-من مستشاركم النفسي الا طارق الحبيب(عنـــــيزة) 11-وين تكشتون الا بنفود عنيزه و بريده 12-وين تلقون بحيره بالبر الا بالعوشزيه بعنيزه 13-من وين تشترون مقاضيكم الا من التميمي(عنـــــيزة)والعثيم بريده 14 -من وين خيامكم لا بغيتو تكشتون غير خيام القاضي(عنـــــيزة) 15- من ينافس العربيه للعود للجاســر و الدخيل (عنـــــيزة) 16-من ربط طريق الرياض بمكه الا العويضه 17-من وين تشترون ماركات لبزارينكم الا من القرعاوي غاليري 18-من كشخ مطابخكم ومواعينكم وفناجيلكم غير الســــــــيف غاليري 19- من طفى حرايقكم غير العطيشـان للسلامه 20 -من وين تشترون لزوم الرحلات البريه ألا من السنيـــدي 21- من فتح لكم ايكيا الا السليمـــــان(عنـــــيزة) 22-من ربط طريق الرياض للقصيم الا الفــــهــد(عنـــــيزة) 23-من يخفف كروشكم الا دايت سنتر المنجم 24-وين تلعبون عيالكم الا بالحكير 25-ما روق مزاج السعوديين. إلا العذل. دانكن دونات 26ـ من وين أفياشكم ومفاتيح الكهرباء غير المقبل ( البدائع )الناصر ( البكيرية ) وش نكتب وش نخلي .. هالاشياء نقطة في بحر

شكرا جزيلا يا ابو عصام على هذا الموضوع الملفت للنظر والممتع جدا، وتراك صادق وش تكتب وش تخلي، وأزيدك من الشعر بيوت، منكم وزراء مهمين جدا ووكلاء وزارات ومستشارين ومشائخ ثقات وكبار ضباط وأصحاب قرارات مصيرية تمس مصالح الدولة والمواطن، وترى القصمان من يوم انخلقوا وهم شيوخ، وتراني ( بدون أي مجاملة) أكن للقصمان معزة خاصة في قلبي قبل كتابة موضوعك وقبل ما أعرف هذه الشبكة وغيرها، وبأذن الله لن تتغير نظرتي في أخواني وأصدقائي الخاصين جدا من القصمان وعلى رأسهم السناني والقرناس والعبودي والمطرودي والعساف وأحمد الزامل ووووو وش أعد وش أخلي.
لكني اقول لكم جميعايا أخواننا القصمان، افعلوا كما يقول المثل: (القافلة تسير) وواصلوا جهودكم في خدمة دينكم ووطنكم وأمتكم، وتقبلوا خالص تحياتي واحترامي ومعزتي لكم جميعا.

المشاركة الأصلية كتبت بواسطة ماجد الخليفي (المشاركة 668814) السلام عليكم يا ابو سحمي واسعد الله صباحك شكرا على اطرائك وبارك الله فيك والحقيقة الموضوع كان للمزح والفرفشة حيث وردني بالايميل واضحكني اسلوبه ...

يا أخي ماجد الخليفي

ما دام السالفة سواليف ومزوح وتجي وتروح، أجل أسمع ما قيل عنكم يا أهل الكليجا:

يقولون من أحدى عجائب الدنيا ان تجد قصيمي ما يدري وش السالفة !!!!

المشاركة الأصلية كتبت بواسطة أبوسحمي (المشاركة 668844) يا أخي ماجد الخليفي ما دام السالفة سواليف ومزوح وتجي وتروح، أجل أسمع ما قيل عنكم يا أهل الكليجا: يقولون من أحدى عجائب الدنيا ان تجد قصيمي ما يدري وش السالفة !!!! وترى في شبكتنا الرائعة الزعل ممنوع والعتب مرفوع. أخوكم/ أبو سحمي