وش توقعون
 

السلام عليكم

كنت مره مسافر من طريف الى تبوك ويوم عديت ابو عجرم بمسافه وقبل اصل محل اسمه حوي تجاوزتني سياره باترول

من قوة سرعته بغا يرميني هواه برا الطريق وبعد 5 دقايق نطحت طلعه صغيره بين تباب متوسطه لفت انتباهي غبار على الطريق ومافيه هوا ولا رياح فرجعت وكان الخط فاضي واخر اليل والكلام هذا 1406 قبل ماتجي الزحمات الي اليوم

نورت بالنور في الشعيب الي يطلع منه الغبار فلمحت البترول مقلوب اخر الشعيب ولافيه طريق الا رجل والمسافه 200 متر

تركت نور سيارتي مولع ونزلت واثنا نزولي الا الفلوس نثار في كل اتجاه واكياس صغيره متناثره اتضح لي فيما بعد انها مخدرات تركتها ونزلت للسياره الا الرجال غادي قطع طالعت وراي مافيه احد والرجال مروج

ويش توقعون اني عملت الفلوس كثيره ورقم كبير

اكتب ماتتوقعه والبساط احمدي

وساجاوب بعد الرد العاشر

رد : وش توقعون
 

ركبت سيارتكـ بسلام ورحت على بيتكم خايف .... ههههههههههههههههههه

والله موقف غريب صراحه ... ولاتدري وش تسوي لاكن ننتظر حلكـ ..

لاتحرمنـا مـن جديدكـ ............

رد : وش توقعون
 

انا اقول عن نفسي وعن الرجال الطيبين مثلك وشرواك ومن يقرا


ببلغ الشرطه تتصرف في الفلوس وراعيها

رد : وش توقعون
 

كل علمن طيب بتحريبه والله اني صادق ..

ولانيب متوقع غير ذا اللي قد قلت ..

تقبل مروري فديتك ...:)

رد : وش توقعون
 

رد : وش توقعون
 

والله التصرف يختلف حسب الحاجة


وكل شئ بالاول والاخر يعتمد على الاخلاق


وعلشان كذا


ومن توقعي لواحد بوقف سيارتة ويكشح بالنور


ويوم انة اكتشف ان السيارة منقلبة


اكيد مانزلك من سايارتك الا الفزعة

فهذا يدل على اخلاقك

فاكيد انك ارتعت يوم عرفت السالفة

ومع هذا الرعب اتصلت على الشرطة

وانت واثق من نفسك ومن عدم علاقتك بالسيارة واللي فيها

رد : وش توقعون
 

أتوقع والله العالم إنك ذهبت إلى إحدى مراكز الشرطة المجاورة وبلغتهم بالحادث ..

رد : وش توقعون
 

اتوقع بعد ما عرفت ان الدعوه فيها مخدرات ...دقيت ريوس ومسكت خطك ورفعت الجوال وبلغت الشرطه.... وعينت خير

واتوقع كلنا نعرف المال الحرام محدن يبيه وسلامتك

تقبل مروري

رد : وش توقعون
 

السلام عليكم

اتوقع انك بلغت .. وانتظرت وصول الدورية ... ولا لمست حاجه

رد : وش توقعون
 

والله ياخوووك اللي بيشوووف الحااادث والرجال رااح قطاااع
بتطيب النفس من الدنيا
وأتوقع إنك بلغت الشرطه
(لكن كيف بتبلغ 1406 ماقد جت الجوالات)

أمر محير

رد : وش توقعون
 

أتوقع إنك وقفت على الطريق وأشرت ووقفت عندك سيارة

واتفقت معهم على إن واحد يروح يبلغ وواحد يجلس يحرس الموقع

رد : وش توقعون
 

اتوقعت أنك صحيت من النووم ومن الخلعه رحت تتوضىء وتصلي لك ركعتين

رد : وش توقعون
 

الله يرضى عليكم كلكم على هذا المرور الرائع والمكثف وهذا اول موضوع لي في الاستراحه تفاجات بكثره الردود عساكم تحيون

الرد سيكون قصه كامله مايمديني هلحين معى الصباح اسردها لازم اطلع

لاكن تذكرو ان عام 1406 مافيه اي وسيله اتصال سوى الهاتف الثابت داخل المدن فقط واقرب نقطه قدامي هي مركز حوي او فجر 150 كلم وخلفي نقطه ابو عجرم 120 والساعه 1 ليلا

والمشكله سيارتي جمس حوض عبارتين والشكل ماهو لي حد العقال كبير والثوب اغبر يعني مااحد بموقف بطيبا خاطر

رد : وش توقعون
 

الله اعلم يا السمي ..

امر محير بالفعل ..

رد : وش توقعون
 

تستاهل الإهتمام من قبل اعضاء الاستراحة يابومحمد فأنت محل تقدير الجميع

والحقيقة شوقتنا لمعرفة ماحصل بعد ذلك يالقرم !!!!

والعلم عند الله انك جمعت قطع الرجال والدراهم وفي الحوض على طول لين المركز.

رد : وش توقعون
 

وين بيتنا في الجنوب وانا في الشمال واخوك عزابي لابيت ولا بوته

رد : وش توقعون
 

ماحولي احد ياخوي فهد

رد : وش توقعون
 

يابو ناصر تجاملني الفلوس تعمي النفوس

رد : وش توقعون
 

ماهو كلها احسن يابو سعيد

رد : وش توقعون
 

والله احرجتني يابو احمد

الكلام هذا 1406 مافيه اتصال

رد : وش توقعون
 

الدراهم ياخوي مشاري املا الشعيب بيجيها واحد ويشلها وانت تخبر حرصنا ياعلاوه

رد : وش توقعون
 

انا ماعرفت ان الاكياس فيها مخدرات الا بعدين

رد : وش توقعون
 

يابو عصام ماحولي احد وتباني ماالمس الفلوس هههههههههه

رد : وش توقعون
 

الله يسقيها ايام مافيها جوال ولازحمه ولاوجع راس وكل شي له مذاق خاص ياخوي نايف

رد : وش توقعون
 

هذا الي ادور له لكن ماحصل ماحد وقف

رد : وش توقعون
 

اخخخخخخخخخ منك ماعمره جا حلم كهذا

رد : وش توقعون
 

ودي انك معي ياسمي اما خذينا ولاخلينا

رد : وش توقعون
 

اشكرك يابو حزام انت حول العلم لكن اشيل الجنازه من اسفل الشعيب الى اعلاه مشكله ياشين ميتت ابن ادم والله يحسن خاتمتنا

رد : وش توقعون
 

ونعم ياسعد ونعم بعلومك يابو محمد


الله لا يهينك . ولا تزعل من توقعاتي .


حسب ما ذكرت معك حوض سنافي ولا خذيته على شان تنصب .


ذيك الإيام العاقل إذا خذاله عبارتين جاه هبال .

توقعي هذا لا يعنيك يابو محمد لأني أعرف زعلك .

وهو يخص الشخصية المرسومة في القصة من واقع شباب تلك الأيام .


حسب وصفك لنفسك . عارف ما حد موقف لك . كملت الحسبة .؟


أنا أتوقع إنك يوم عينت الرجال ميت وفي أول وقتك ما مر أحد ولا وقف أحد وأنت مقبل على الدنيا

أيامها يابو محمد . والشيطان دائمآ يلعب على الناس كلها ومضى لك وقت لحالك . والمكان مندرق.

أعتقد إنك جمعتها مع ما عينت في الأكياس وطلعتها وجمعتها فوق . وتطلع وتنزل إلين ما خليت شي

تشوفه العين . و قلبت السيارة وعينت إثباتات وتبين لك إن راعيها من قوم ما يرضى عليهم الرجال

أي ردا فيما لو إنكشف الإمر .أو بدا لك علم جميل .

أما إنك بتبلغ فصعبة . أيامها نعرف إن اللي يبلغ ما يسلم وينشب نفسة ولا أحد يصدقة وخاصة إنك

لحالك وتالي ليل والحادث بعيد وبالعقل لأي محقق لو سألك كيف عرفت . ما يصدقك لو قلت غبار.

ولا يصدقون بالصدفة أيامها . إلا عينوا كبش فدوة ولا أنت بترضاها .

هذا اللي يسويه أي شاب في ذاك الوقت حسب ما أتوقع . أما من ناحية قبولها أو أخذها في أول الأمر

للنفس فهذي أيضآ صعبة . ولكن إذا شاف الإنسان الوقت مضى ومهمة الجمع أنجزت يتدخل الشيطان

واللي حظه طيب يستره الله .

أما لو إن الأمر في هذه الإيام والله يابومحمد إن أحلف دونك والدنيا تختلف من وقت إلى وقت .


عندي إحساس قوي إن هذا الموقف في تلك الأيام يجلب جميل ومعارف والله أعلم ونفداك تعلمنا .


أبيض وجه على طرح مثل هذا التساؤل ولكن أعتقد إن أكثر اللي ردوا ما عاصروا تلك الأيام وثقافتها .


تقبل تقديري وحكاي والسلام



.

رد : وش توقعون
 

تكمله القصه

بعد ماشفت الرجال ميت خارج السياره قلبته ليهو ميت وراسه منفري رجعت للسياره وخذيت كشاف معي لان النور ماهو واضح ودورت هل معه احد ومالقيت احد طلعت للسياره على الطريق وكانت الساعه وحده وربع واستنيت على الطريق لاكن سيارتي جمس بكب 78 ولايمكن ان احد يوقف بيقولون هذا مشلح مرتني خلال نصف ساعه سياره صغيره وترلتين ولاوقفوا وجاني ابيليس قال اخذ الفلوس ياوجه الفقر ماحد بداري رزق وجاك والحقيقه قمت افكر بجد في الموضوع قلت والي قال ربي طيب لو خذيتها وصارلك حادث مثله وجا واحد واخذ الفلوس ويمكن تتصوب ويحصلك حرامي ويوفي عليك وياخذ الفلوس فكفاني الله من شر نفسي والشيطان

المهم قمت خذيت ثوب من ثيابي وعقدت يديه على الرقبه وجمعت الفلوس والاكياس وهي اكياس بيض صغيره على حجم الكف والنايلو فيها مقوى ومسكره باحكام بطريق الكي الحراري وجمعتها في الثوب ومشيت من الموقع وتركت الجنازه بعد ان غطيتها ببطانيه وجدتها في سياره الميت وكانت الساعه الثانيه ليلآ واتجهت في اتجاه مركز حوي ويبعد عني 150 كلم على طريق عرعر القليبه

ومركز حوي هذا عباره عن بيت مسلح داخل حوش وبه بيت شعر ابو 3 كريب ساكن فيه ريس المركز معى اسرته ويطلق عليه امير حوي قبل ان يستبدل كلمه امير بريس مركز وفيه حوشين ثانيه ارتفاعها متر واحد داخلها خيام ساكن بها الخويا وعوايلهم وفيه نقطه اسعاف ومحطه بنزين بها بقاله فيها شايب يماني ساكن في نفس البقاله طرف الغرفه فيهاعزبته وكرسي نومه والطرف الاخر به البظاعه

المهم وصلت حوي الساعه 3 فجرآ ولفيت على الاماره ودقيت باب الحوش مااحد رد قمت خذيت حجر وقرعت به الباب بقوه شوي فتح باب البيت وسمعت سحب لاجزا بندقيه فابتعدت عن الباب ولصقت بالجدار خفت لايطلق على النار ويخترق الباب وناديت ياراعي البيت يالمير شوي رد الرجال قبل يفتح باب الحوش عسا ماشر ويش عندك بهااليل ياولد فاعلنت اسمي ومشكلتي ففتح الباب وسدد علي بالبلجيك مظلع قصيره ويوم تطمن لعلمي امن سلاحه وحيابي وليني تعبان ومرهق عطيته الثوب والي فيه قال لا ماني بماخذه خله معك لين تستلمه منك لجنه وانت ياولدي ارقد في بيت الشعر وانا باتصرف فحطيت الثوب في الغماره ودخلت سيارتي في الحوش ونمت في كيس نوم معي اضافه على الفراش الي جابه الامير وكنا في برد قارص جدآ وهو شغل تويوتا شاص عليها شد حنايا وشراع وصاح في خوياه والاسعاف وراح بعد ان اخذ مني الوصف بالدقه

المهم نمت وعند الساعه 6 الا الحرمه من داخل البيت معى الطاقه تقول قم صل ياضيف فقمت وصليت ورجعت انام وعند الساعه 8 صحيت الا الامير جالس على النار هو وخوياه وضابط من الشرطه وثلاثه افراد من الشرطه بينهم شخص اعرفه بعد ان انتهوا من اجرآآت الحادث فقمت وجيتهم بالثوب وكانت المفاجئه لي ولهم عدد 50 كيس هيروين ومبلغ 800 الف ريال عرفت في تلك الحظه ان الاكياس ماهي الا هيروين ذبح لنا الامير وغدانا خروف وخذا الظابط اسمي وقال ان شاء الله ان تجيك مكافئه ماجات احد

ولازلت انتظر المكافئه حتى يومنا هذا

دمتم بخير

رد : وش توقعون
 

تصرف حكيم ... تشكر عليه

و بخصوص المكافأة .... ردد معي يا ليل مطولك هههههههههههه

مكافأتك عند ربك ... الله يرزقنا رزق حلال

رد : وش توقعون
 

جزاك الله خير وبيض الله وجهك يا ابومحمد

وان شاء الله بتجيك مكافأه من رب العالمين




تقبل مروري

رد : وش توقعون
 

أزين ما سويت ..

والله يعيضك بالرزق الحلال أخير من رزق المخدرات ..

أمتعتنا بهذه القصة .. وفي انتظار جديدك ..

رد : وش توقعون
 

الله يعوضك خير ولاتيئس من المطالبة فهناك البرقيات للديوان الملكي وهناك صحافة فلما لا فمن وجهة نظري ان الموضوع

يستحق اذا علمنا ان الهيروين اشد المخدرات فتكا في المجتمع وقيمة ماوجدته اتوقع عشرين مليون بالراحة

الله يعوضك دين ودنيا

رد : وش توقعون
 

أرحب يالظور مليون يردفها مليون

كفو وموقف بطولي وتصرف حكيم


وأنا أعتذر عن التأخير في الرد

ولا موضوع مثل هذا ثمين وشيق وجميل ولا نعدي أفضل منه


أنتهى وقت التوقعات للاستكمال السالفه وكان تصرفك تصرف حكيم

وأنا أقرا الموضوع أحاول أستعادة الذاكره

وأنشد نفسي هل مر علي أسم الظور من قبل يعني

برج الظور السكني أو مجمع الظور التجاري أو الظور للسيارات



فعرفت أنك ما أستكملت المشوار

عسى الله يرزقك بلي أطيب منها

على كل حال بالنسبه للمكافئه

فالنظام الي كان ساري في تلك الفتره يسمى بنظام مديرية الامن العام صدر عام 1400

وينص على:

مبلغ يتراوح بين ألف ريال وخمسة ألاف ريال لمن يبلغ عن جريمة ويثبت ذالك .

هذا أقرب ما للجريمه من النصوص الي أعرفها تتعلق بالمكافئات

نشكرك على أيراد السالفه

وأسمح لي بتثبيت الموضوع تشجيع لأهل السوالف الطيبه لا يحرمونا منها

رد : وش توقعون
 

ارحب يابن الشايب ارحب


الله يستر عليك يابن الشايب اعرف انك بتشطح وبيقوم ابيليس يلعب في عبك هههههههههه

كانت تلك الايام تسمى ايام الصحوه الذي بداوا بها شيوخنا الافاضل سعيد مسفر وعايض القرني

الزعل مني عليك وعلى جميع زملانا في الشبكه مرفوع مهما بلغ خذ راحتك

وتقديرك على الراس وحكاك مقبول وسلامك محبه

تقبل تحيات خوك

رد : وش توقعون
 

هههههههههههههه

ياليل مطوووووووووووووووولك

على مدى 25 سنه

رد : وش توقعون
 

اشكرك على المرور لاعدمتك

نعم كانت مكآفئتي من ربي واضحه لمستها في حياتي

تقبل تحياتي

رد : وش توقعون
 

الله يمتعك بالصحه والعافيه يابو علي

رد : وش توقعون
 

ليتك تدري يابو حزام بعد اسبوعين دعوني وبغيت اخذ لي شنطه فاضيه احط المكافئه فيها فحققوا معي تحقيق شديد حتى معزبي الي كنت عنده قبل الحادث خذو اسمه