|
أنا طالبكم بالوجه والجاه وأحسن الأساليب أن تقرون ذا الموضوع.هام لكل أعضاء مجالس قحطان
الله يمسيكم بالخير يالربع وش كل وحاله عساكم طيبين العلم سلامتكم في ليلة طيبة وأنا ممسي في البيت وبعد ما تعشيت وسمرت واللي علي بالخير سمعت الجرس يدق افتح الباب إلا و فارس قحطان عند الباب لحاله يوم شفته قلت يالله بعلم خير يالله وش يبغى الرجال في ذي الخزه من آخر الليل الله يسترhttp://www.aborenaz.net/smilies/smilies2/tfkir/g.gif رحبت بالرجال : ارحب يالله حيه اقلط عيا الرجال وقال أنا عندي شغل وماني فاضي . قلت العن الشيطان اقلط عشاء والا قهوهhttp://www.aborenaz.net/smilies/smilies2/hmhm/beer.gif قال لا أنا مستعجل و بعطيك علمي وأنا واقف قلت هاسلم http://www.aborenaz.net/smilies/smilies2/tfkir/dry.gif (وبيني وبينكم قد ودي يعلمني بسرعه لاني مستعجل وخبركم لا جاء أحدكم مدير يبغاه في موضوع ماعاد يبغاه يطول في علمه تلقاه مستعجل على علمه ) المهم قال فارس قحطان العلم سلامتك : نبغا نعينك مشرف على مجلس سعة الصدر ،، لأنك تتواجد دايم في المنتدى وعلومك طيبه وسلامتك(انتفخ راسي من المدح وخصوصا مدح المدير) قلت له الله يحييك ويحيي علمك وفي الحقيقة ما عندي مانع وخدمة الرفاقة في مجالس قحطان شرف ولكن ما ادري هذه الوظيفة كم راتبها وكم العلاوة ؟ وكيف دوامها ؟ إلا والرجال يضحك وقال : لا راتب ولا بطيخ . يكفي إنك تصير مشرف في المجالس قلت له مادام ما فيها دراهم ما أبغاها http://www.aborenaz.net/smilies/smilies2/ok_no/lac.gif قال فارس قحطان اسمع يا معمري تراك مصدق نفسك إن مهم احمد الله ان حن اخترناك من بين الاعضاء وحطيناك مشرف ولا لها راتب ولا بتشوف منا ريال ؟ قلت له آفا والله خابرك كريم يا فارس قحطان قال كريم وإلا الربيع <<< (عصيرات) ما لي دخل هو ودك بها وتصير مشرف وتسير مع الرجاجيل وتذب الريع وإلا غيرك يتمناها وبيعطي فلوس . ؟ قلت : طيب لا تعصب ولا تنفخ كل شيء ينحل بالهداوة وإلا يوم انك مدير تنفخhttp://www.aborenaz.net/smilies/smil...okhh/blink.gif وأما من ناحية الراتب فمادام إنكم ما بتعطوني راتب من طيب نفس فالله غني خلاص معاد أبغى شيء و أما الإشراف فقد ودي أخدم أخوياي ( أصلا قد ودي به حتى لو خبطني فارس قحطان ماكان عييت من الإشراف ) وقلت له خلاص اعتمد يا فارس قحطان http://www.aborenaz.net/smilies/smil...eat/banned.gif رجعت البيت ومن اليوم الثاني وأنا طاير في العجة فرحان أحسب إن قدني وكيل إمارة منطقة ... وكل من قابلني قلت له وسع مني معاك المشرف http://www.aborenaz.net/smilies/smil.../disguise2.gif ورحت لأبوي وأمي الله يحفظهم من كل شر وجيب أبشرهم << من شافني قال ذا .... جاله ولد قلت لأمي ترى قد ولدتس مشرف في مجالس قحطان .. http://www.aborenaz.net/smilies/smil...khseat/bot.gifفقالت الله يحفظها : وش ذي المجالس وين يفصلونها في أي محل ؟ قلت ياا مي هذا موقع في الانترنت قالت وين ذا الموقع وين محله وش ذا الترتنت قلت يامه ذي كمبيوتر وقمت اشرح لها ومن سمعني قال ذا بيل جيتس ما أدري وش اسمه صاحب شركة مايكروسوفت ما درت إني يالله بي أفتح الجهاز واطفيهhttp://www.aborenaz.net/smilies/smil...;mzat/all2.gif قلت لها ما ألومش يا امه ذي الطفرة الالكترونيه ماجات إلا في وقتنا أما انتوا ماجاء على مدتكم إلا الجرين والزرع والغنم والله يسقي ايامكم مازينها الشايبhttp://www.aborenaz.net/smilies/smil...t/disguise.gif جيت عنده اتفلسف واشرح له وفي الأخير : قال صب قهوه وانتبه على عيونك لا يروح شوفك في ذي الشاشه اللي تو وجهك رجعت البيت واترزز تو الجهاز كني باتصور توه واشغله تشغيلة واحد مشرف http://www.aborenaz.net/smilies/smil..._frfsh/hat.gif بكل ثقل ماعاد هي مثل تشغيلتي وانا عضو منتف ( كنت أشغل الجهاز برجلي من العباطة وأنا متمدد فوق الكرسي http://www.aborenaz.net/smilies/smil...sh/roflmao.gif<<< قد شفتوا أحد يتمدد فوق كرسي دخلت واختار اي شركه اتصل عن طريقها في الايزي نت من حقي وادخل مجالس قحطان واروح مباشره على مجلس سعة الصدرhttp://www.aborenaz.net/smilies/smil...sh/tongue2.gif ويوم قربت مع باب المجلس فاتنحنح ارب اللي داخل ينتبهون ويرحبون والله ما به حس ادخل واسلم مابه حد درت على المجلس من ورىورحت عند المغاسل والمقلط والصالة ولا به حسhttp://www.aborenaz.net/smilies/smilies2/t3jb/ohmy.gif قربت من دوره المياه وقلت يمكن احد من الشباب بطنه يلويه ودخل الحمام يعبر عن مشاعره الا ولمبه الحمام الله يكرمكم طافيهhttp://www.aborenaz.net/smilies/smil...kir/idea_1.gif بصراحه انصدمت قمت واجلس في رأس المجلس وقلت عطهم فرصه يمكن هم في شغل وإلا مشوار وإلا معزومين وانتظر طول اليوم ولا به حدhttp://www.aborenaz.net/smilies/smil...o/disgust1.gif جيت اليوم الثاني وانتظر ولا فيه فايدهhttp://www.aborenaz.net/smilies/smilies2/khof/ermm.gif انتظر احد يفيض علي <<< وفي روايه يتغازىhttp://www.aborenaz.net/smilies/smil.../eek_yello.gif علي من طرف الباب ولا شيء ويوم انتصف النهار وإلا واحد من الاعضاء اسمه بن سابره يدخل ويسلم وقمت ارحب به ماعاد احتريت احد يرحب بي http://www.aborenaz.net/smilies/smilies2/bay/bye1.gif وأما عزومة تعينيي مشرف فقد عذرت منها مادام ذا علمهمhttp://www.aborenaz.net/smilies/smil...t/kamikaze.gif والصراحة قدني باخبل وانا قاعد لحالي في ذا المجلسhttp://www.aborenaz.net/smilies/smil.../gathering.gif شحالك يابن سابره يالله حيه واسولف معاه وخذينا نص ساعه إلا والرجال يقول عندي استلام ولازم اروح للعمل.. قلت الله يستر عليك وفي الحقيقة ودي اعطي عطا ويقعد معيhttp://www.aborenaz.net/smilies/smilies2/bay/bye2.gif راح الرجال واطلع انا انتظر عند الباب كني فراش مدرسة ماكني مديرhttp://www.aborenaz.net/smilies/smil...eat/native.gif واسمع هدره واجده واتتبع صوتها إلا وهو صادر من المجلس العام في الحارة اللي ورانا اروح لهم والقى عندهم زحمه قلت انه زواج واروح استعلمهم إلا وكلهم زوار أعضاءhttp://www.aborenaz.net/smilies/smil...fsh/gossip.gif والمجلس من أوله لآخره مليان يسولفون وفارس الشواطي مترززhttp://www.aborenaz.net/smilies/smil...hseat/euro.gif في رأس المجلس ببشته وكرشته الكبيره شوي ماهي بواجد ( وش دخلك في كرشته ) والعود الازرق يمر من توه والولد يصب القهوه وتوه عذق تمر مازين شكلهhttp://www.aborenaz.net/smilies/smilies2/hmhm/eat.gif فقلت في خاطري ( عز الله ذي الميدره صح .. http://www.aborenaz.net/smilies/smil...k_no/thumb.gif ماهي مثل ميدرتي في مجلس سعة الصدر كني مثل اللي يلعب من ورى الصف http://www.aborenaz.net/smilies/smil...frfsh/clap.gifقاعد لحالي واعاين في المجلس واشوف مخاوي سهيل متربع في زاويه المجلس http://www.aborenaz.net/smilies/smil...t/canadian.gif وقد نزل بشته وجيبه مورم فيه كاميرا يشلها يصوربها واسأل عن عاشق الوطن فقالو الرجال تعبان شوي وراح يقيل http://www.aborenaz.net/smilies/smilies2/sleep/yawn.gif جلست شوي وتقهويت واللي علي بالخير ولعنت الشيطان http://www.aborenaz.net/smilies/smilies2/hmhm/beer.gif وذكرت الله على ميدرة فارس الشواطي ( لايجيه شي فيوجه الاتهام لعيون آل معمر )http://www.aborenaz.net/smilies/smil.../eek_yello.gif استأذنت ورحت لمجلسي وصرت اجلس فيه يوميا احيانا يمر عليها ابن سابره ولما هنا مر علي بن مصلح الأشعري ومحمد بن سعود العبيدي ويسولفون معي شوي ويروحونhttp://www.aborenaz.net/smilies/smil.../gathering.gif بصراحه الوضع ماهو بطيب http://www.aborenaz.net/smilies/smil...at/banned2.gif والتواصل واجب ومن حقنا انكم تزورونا وتشرفون محلنا ولذا فحن عزامه لكم في منتدى مجالس سعة الصدرhttp://www.aborenaz.net/smilies/smil...poster_av1.gif وأبشروا بالكرامه والطيب والخير ومن هذا المنبر يعلن الكاتب ( آل معمر ) عن هذا العرض الخاص وهو أن كل من يشارك في منتدى سعة الصدر راح نقدم له ذبيحته والذبيحه عباره عن توقيع هديه مجانيه أصممه من عندي http://www.aborenaz.net/smilies/smil...ir/Lighten.gif وبأعطي كل من يشارك معنا من اليوم ورايح بأعطيه توقيع أصممه له تصميم على قد الحال وبأكتب عليه اسمه أو ايميله واكتب عليه مجالس قحطان وإذا كان يبغى في التصميم صوره مخصصه مثل صوره صقر وإلا صورتي الحلوه http://www.aborenaz.net/smilies/smil...eat/chefsp.gifوإلا فرس وإلا يبغى ألوان معينه فيقول لي ويبشر بالخير والله يعيني اسهر عليها وازينهاhttp://www.aborenaz.net/smilies/smilies2/ok_no/yeah.gif ولكن الشرط الأساسي يشارك معنا في منتدى سعة الصدر ( الله يالدنيا قد حن نطلب الناس طلبه ونذبح لهم تواقيع حتى يوسعون صدروهم وينبسطون ) وراح أنزل بعض تصاميمي اللي على قد حالي http://www.aborenaz.net/smilies/smil...sh-anim-cl.gif وأيضا دفعني لذلك ما لاحظت بعض الشباب يحط له تواقيع صور مختلفة من مواقع أخرى ولا أحد يزعل ويقوم على هذا الموضوع ويحذفه فأطلبه بالحق عند فارس قحطان واعذرونا على الإطالة وفي الرد الثاني بعض التصاميم الله الله يالربع هذا علمنا وسلامتكم |
طبعا التصاميم على قد الحال ومحاولة قاصرة
عددها خمسة وأرجو انتظار تحميل الصور http://www.jeeran.com/briefcase/dow.../OIg90Y=&lang=a http://www.jeeran.com/briefcase/dow...iWXc148=&lang=a http://www.jeeran.com/briefcase/dow...7J3fBJ4=&lang=a http://www.jeeran.com/briefcase/dow...34EvpHo=&lang=a http://www.jeeran.com/briefcase/dow...om/+d60=&lang=a ننتظركم في مجلس سعة الصدر |
ارحب يا آل معمر..
حيه وحي علمه.. هههههههههههههههههههههههههههههههههه الله يرجك علي الطلاق اني ضحكت لين ورمت مسامعي ههههههههههههههههههههههههههه |
آل معمر
وسع صدرك |
أخي آل معمر ....
هههههههههههههههههههههههههههههههههههههه ضحكت كثييييييييرا ً ... أضحك الله سنك و أسعدك ربي في الدنيا و الآخرة ... خاصة في موقفك مع الوالد و الوالدة .... أسأل الله تعالى أن يبارك فيهما ... و يجعلك قرة عين لهما ... و فقك ربي و رعاك أخي الغالي ... و أنت و الله تستحق الإشراف و عن جدارة يا حبيب ... وفقك الله ... و السلام عليكم ورحمة الله وبركاته .. |
"دندن مسيرها تروق وتحلى"
سعادة الأخ المشرف (آل معمر) مبروك الاشراف.. ووسع صدرك.. ومدام ضيفك الدايم هو (ابن سابرة) "فدندن مسيرها تروق وتحلى" اسلوبك لائق بمشرف (مجلس سعة الصدر) واشهد بالله إني ضحكت من السالفة واضم صوتي لصوت سعادة المشرف والغوتمه دايم ماهيب زينه يا شباب زوروا الرجال ووسعوا صدوركم |
سعادة مشرف سعة الصدر
الاستاذ ال معمر السلام عليكم ورحمة الله وبركاته اسجل حضوري في مجالسكم العامر رغم كثر زوارنا في المجلس العام وانت يوم سيرت علينا صرفوك الاخوان وقالو اني تعبان وانا في الحقيقة في المقلط اعد مائدة الطعام للضيفان لكن الظاهر ان الربع ما نو يعزمونك انت تعرف ان المشرف يغار من المشرف على المجالس الاخرى ومن اقبلت علينا والاخ مخاوي سهيل يقول لا تعطونه وجه والله ان يبلشكم كل يوم بعدين ماعنده الا الكهكه وحنا مجالسنا رسمي اللي يجيه كنه عاض ليمونه ولا تنسون ان نحن في مجلس سعة الصدر كل واحد ياخذ راحته عاشق وطن .. تحياتي |
الله يعطيك العافيه قل امين..............انفداك تقول امين
حقيقة عرفوا يختارون مشرف وسيع صدر لمجلس سعة الصدر................... صار شعر والله اني اضحك من اول قراءة الموضوع الى نهايته ........ استغقر الله العظيم ماهو بكله ولكن عندي ملاحظة بسيطة ليت تتقبلها بصدر وسيع الشيطان اذا لعن كبر وانتفخ وهذا مايريدة اعاذنا الله واياك منه........ الواجب الاستعاذه منه حبيبي وسيع الصدر وترى الدنيا تبي اناس مثلك وسيعين صدر................. انتبه لاتنغر ههههههههههههههههههههه مع الف مليون سلامة واذا ماكفتك نزيد لاكن لازم تقول لي كفتك ولا لا ولا تكون طمااااااااع ترى الطمع شين |
الأخ ابن كشم العبيدي سلامة مسامعك من الورم أشكر لك مرورك وشرطتك ونتمنى تواصلك معنا وأبشر بالتوقيع يالذيب http://www.aborenaz.net/smilies/smil...at/smilie3.gif الأخ النايب له ولد أبشرك وسيع ولكن ودي بتواجدك معنا علشان يتوسع أكثر وعلى خبرك نحب الوساع في الأراضي والصدور وكل شيءhttp://www.aborenaz.net/smilies/smil.../biggrin23.gif لاهنت على المشاركة الأخ المشرف هناي الصقر السلفي وأنت كذلك أضحك الله ضروسك ضرسا ضرسا http://www.aborenaz.net/smilies/smil...fsh/cheezy.gif وألف شكر على دعائك للوالدين الله يقبل منك ويتقبل دعاك ومشكور على التواصل الأخ تهلل وش فيك كأنك تكتب معروض http://www.aborenaz.net/smilies/smil...eat/artist.gif بالنسبة للأخ ابن سابره فمثل ما قلت مصيرها تروق وتحلى ولكن بالبساطة وعدم التكلف والرسمية الزايدة ماتخليك تأخذ راحتك ألف مليون مليار شكر << أتحداك تحسبها http://www.aborenaz.net/smilies/smil...h/marsa117.gif ألف شكر أخوي الحبيب وننتظر مواضيعك ومشاركاتك معنا بفارغ الصبر |
آل معمر لا تصدق أخونا عاشق الوطن ، تابع ردي على الموضوع في المجلس العام على الرابط
http://www.qahtaan.com/vb/showthread.php?t=5854 |
وسع صدرك واركب سدرك
لايهمونك نحن معك قلب وقالب |
ههههههههههههههههههههههههه
هههههههههههههههههههههههههههههههههه الله يرجك رجاً شديدا يا آل معمر والله اني مت من الضحك |
الأخ عاشق الوطن المفروض أن الغمار يكفونك في تحضير الوجبه وأن الشيبان شرواك يريحون وبعدين لاعاد تحارش بيني وبين مخاوي سهيل http://www.aborenaz.net/smilies/smil.../sport_box.gif صح أن المجلس العام رسمي بس ماهو لدرجة أن الواحد مثل ما قلت يبرطم له على ليمونه http://www.aborenaz.net/smilies/smilies2/t3jb/shock.gif تحياتي لك ومشكور على المشاركه وما قصرت الأخ المداوي يجرح ويداوي http://www.aborenaz.net/smilies/smil...h/bigsmile.gif الله يحييك ومادام الموضوع ادخل الابتسامه على شفتيك فهذا هو المطلوب والشيطان أعوذ بالله منه http://www.aborenaz.net/smilies/smil...hr/devil_2.gif وأما إذا صرت توادعني فما يكفيني إلا ألف مليون مليار مع السلامة ولكن ألف مليون بس ما تكفيhttp://www.aborenaz.net/smilies/smil..._frfsh/arf.gif الأخ مخاوي سهيل ما يحتاج لك توضح طال عمرك أنا سبق وقرأت ردك وعاشق الوطن فقط يمزح والدعو كلها مزح في مزح http://www.aborenaz.net/smilies/smil...fsh/gossip.gif ألف مليوم مليار مع السلامة للجميع |
ال معمر موضوع من اوله الى اخره مسكت جلست اضحك ضحك مهوب صاحي واصل واصل بمواضيعك
وانت تستحق الاشراف بكل جدارة |
اخي الرايق ال معمر بصراحه تصلح مشرف اسعدني مروري هناء لاهنت ياروس الرجاجيل لاهنت زان علمك وانشاء الله نبذل مانستطيع تحياتي لك العبيدي |
الأخ ابن وهف صدري وسعناه من ناحية الشرق شوي مع إنه وسيع أصلا http://www.aborenaz.net/smilies/smil...ggrinthumb.gif لكن أركب سدرك هذا اللي نحتاجك فيه بصراحهhttp://www.aborenaz.net/smilies/smil...zat/wink_2.gif أصلا لو كان معي سدرك كان لقيتني أتمشى عليها http://www.aborenaz.net/smilies/smil...sh/kicking.gif ماكان بتحصلني معزب على الانترنت مشكوووووور على مشاركتك وحتى أنا معاك قلبا وقالبا والمجلس في خدمتك http://www.aborenaz.net/smilies/smil...rfsh/happy.gif لكن بشرط السدرك http://www.aborenaz.net/smilies/smil...tiac_black.gif الأخ سلطان العبيدي : الحمد لله أن الموضوع نال استحسانك ونتمنى تواصلك معنا http://www.aborenaz.net/smilies/smil...9;mzat/yak.gif مرورك يشرفني يالحبيب الأخ المشرف ذيب العبيدي ما نجي إلا من بعدك يالذيب http://www.aborenaz.net/smilies/smil...h/bigsmile.gif وبعدين الدنيا كلها مصالح في مصالح شارك في مجلسي وأبشر والله باللي يشارك معك http://www.aborenaz.net/smilies/smil...eat/artist.gif الله يوفقك ويزوجك http://www.aborenaz.net/smilies/smil...kir/shifty.gif لا يكون جنبك أحد ونورطك |
السلام عليكم ورحمة الله وبركاته اخوي آل معمر والله اني جلست اقرى الموضوع اكثر من مره وانا جالس اضحك كل مره على قولة هاني اضحك الله سنك بس ترى التواقسع ماتطلع لنا لكونك تبي تلعب على الاعضاء :) |
الأخ فارس قحطان وأخيرا رديت ترى لو مارديت كان بأحذف الموضوعhttp://www.aborenaz.net/smilies/smil...ir/smilie4.gif والحمد لله إن الموضوع نال استحسانك وأقول لك كما قلت للأخ هاني الصقر السلفي أضحك الله ضروسك ضرسا ضرساhttp://www.aborenaz.net/smilies/smil.../biggrin23.gif بالنسبة للتواقيع تطلع تمام ولكن حملتها على موقع جيران لأنني لم أجد موقع سواه وموقع جيران يحدد لك في اليوم مرات قليلة لمشاهدة الصورة أو الملف المحمل بمعنى إذا شاهده اليوم عشره و إلا عشرين راح يقفل فياليت تتكرم علينا بموقع تحميل مجاني أنزل على الصور تحياتي لكhttp://www.aborenaz.net/smilies/smil...sh/biggrin.gif |
آل معمر
مجلس رايع مرة وانشاء الله اشارك وابي توقيع ولا عليك امر |
آل معمر
والله ما أذكر قريت أطول من مقالك حتى فالجامعة والله إنك سحبتني سحب حتى قريته كامل والله إن فارس قحطان حين هو جاء يعيينك مشرف ماضل ولا غوى بل إنه مصيب ولاتنسى التوقيع وأنا ياطويل العمر ماعادني غايب عن هالمنتدى لكن سو دعاية ترى الناس مايدرون عنه أنا مادريت غير صدفة وأنا أدور عن ( .... ) بعدين أعلمكم باكر إن شاء الله أبسير أشوف الربع وأسلم |
الأخ برطم نملة أبشر بسعدك وجل همك أبشر بالتوقيع والخير http://www.aborenaz.net/smilies/smil...zat/wink_5.gif بس ما أدري ماهي الصورة واللون المناسب لك وماذا أكتب عليها الأخ الشاعر عبد الله العبيدي الله يحييك ويا مرحبا ومسهلا أبشر بالتوقيع ويشرفني زيارتك وقراءتك للموضوعhttp://www.aborenaz.net/smilies/smil...ggrinthumb.gif وأما من صوب الدعاية فأنا بداية نزلت نسخة من هذا الموضوع في المجلس العام وهو مثبت هناك وذلك لكثرة رواده إلا على فكرة وش هو اللي جيت تدور له هنا http://www.aborenaz.net/smilies/smil...zat/wink_3.gif وأود أن أنبه الأخوة أن كل من يطلب توقيع يوضح ماذا يرد أكتب على التوقيع وماهي الألوان المفضلة لديه أو الخلفيات اللي يحبها أو يجعل لي حق الاختيار حتى أبدأ بالتصميم شكرا للجميع |
البقى ثم البقى
وأنا صراحة كنت جازم أكتب وش أنا أدور عنه ولكن هونت قلت : خله سر ياولد ماهوب كلشن تعلم عنه وكانك معزم أعلمك بس ماتعلم أحد أبدا والتوقيع على ذوقك أبد ماتراه سوه بدون ماتحط الإيميل ماودنا بكثرة المعارف أنت خابر والباقي على كيفك ولاتكلف وعلى مهلك وخله بسيط بدائي جدا وإن ماحصل ماهوب لازم |
الأخ الشاعر عبد الله العبيدي لا .. ماني معزم على معرفة مافي خاطرك :) وبالنسبة للتوقيع فأبشر بسعدك |
اقتباس:
الله يهديك يا آل معمر ما يبغالها فهم برطم النملة دور لي صورة عفازه وكبر برطمها الا ان كان ودك نحط برطم ذيب هههههههههههه هههههههههههه ههههههههههههه مشكور يالغالي |
الا تذكرت
حط في يدي اليمين سيف وان كان شفت السيف بيصير كبير حط شريم يعني محش على شان يفهمونها هل نجد |
1 مرفق
الأخ برطم نمله
الله يرجك نسيت السيف ما ذكرته إلا يوم شفت ردك وقد جهزت التوقيع وبعدين النملة اللي حطيت صورتها ركزت فيها على البراطم حتى ما معها يدات وبعدين من وين أجيب لك صورة نملة حقيقية و معها براطم شف هذه الصورة في المرفقات وساحاول البحث على نملة معها براطم <<< الله يالعساره http://www.aborenaz.net/smilies/smil...l_innocent.gif |
صار اسمي عيون النملة
هذا سنفور ههههههههههههه |
حياك الله أنت وعلمك والشرّ مايحيا
والله يوم قريت عنوان الموضوع قلت والله ماأردك وقريت الموضوع كنت أحسبك عاقل ورسم قلت الحين بقابل المعمري لازم أسوي قدامه عاقل ماخذيت خمس سطور إلا وغسلت يدي تدري من الحين بمون عليك ماعنّي وعنك هههههههههههههههه ومن اليوم ورايح إبشر بسعة الصدر تعرف حنّا يالعاطلين ماورانا إلا الضحك وماندري وش السالفه الله يعين >>>كنّي طولت عليكم معليش فاضي والله تحياتي |
تعبير جيداسلوب ممتاز
|
الأخ أبو فهد شبيه الفهد جعلك تسلم والله يحييك معنا الأخ نداوي مرورك ومشاركتك معنا هي الأفضل |
آل معمر .. أرجك الله كما أرججتني بالضحك
بس انك بصراحه زعلتني ( وين توقيعك الاول - يازين ذاك السطر فيه) ماعرفته ياخبل؟ |
الأخ ناصر المعمري
في الحقيقة التوقيع الأول راح مع الإشراف :) الحين داخلين في التصاميم والتواقيع الزينة وبعدين مادام التوقيع عاجبك فشرايك تحطه توقيع لك لأني انا وإياك في الهوا سوا والتوقيع ينطبق علي وعليك :) مشكور وما قصرت :) |
يالله حيه وحي علمه والشر ما يحيا
أما أنا فوالله من كثر ما ضحكت أني بأنفقع هههههههههههههههههههههههههههههههههههههههههههه على العموم أنا كنت مشغوووول الأيام الي راحت وأبشر بالي يرضيك وسلامه من يسمع ( كلمة بن كردم [ الله يحفظه ] يوم جاء عندنا ) |
الله يحييك يا ولد آل معمر وجعلك تسلم ما تقصر
مشكوور على المشاركة |
ههههههه ههههههههه
الله يرج العدو يا آل معمر .... ياخوي عندي لك حل بسيط وناجح بإذن الله ......:110103_po:110103_po:110103_po وهو انك تحط مابين كل فترة وفترة ثلاث تواقيع او اكثر ويكون عليها سحب ..... وتكون المسابقة مثلاً لأحسن موضوع - أحسن تعليق - أحسن صورة - أحسن رد .....الخ اتمنى لك التوفيق وللجميع ......:110103_hl:110103_hl:110103_hl:110103_hl |
اقتراح طيب يا ذيب قحطان وسوف يدرس عن مدى فاعليته مع حملة التواقيع الجديدة
لاهنت يالذيب على مشاركتك |
ال معمر
ارسلت لك طلب توقيع الله لا يهينك برسالة خاصة مشكور اخوي |
الله يسلمك ويسمنك ويسمرك يا ال معمر
ههههههههههههههههههههههههههههههه علومن طيبه خخخخخخخخخخخخخخخخخ الله يبقيك لو هي ذبيحه ما عشتنا <<<<< يتفلسف وأشكرك على جهدك وتقبل خالص تحيااااااااااتي |
|
الأخ المحيط ,,وصلت رسالتك وابشر وباللي يرضيك بس صبرك علي شوي :)
الأخ كيحلان وإياك إن شاء الله الأخ مهداني تسلم على حسن ظنك :) شكرا لك |
| الساعة الآن 06:59 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com