|
(((((( ثامن السبع العجاب ))))))
[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يانديبي من على اللي عطت متن السحاب=حجم سبعميه وسبعه وكبتنها نجيب مايطير الا ليا دبلوا له الانتداب=اتجاهات الدول في دماغه ماتغيب ثابت قلبه على كثر ماودى وجاب=من شبابه لين ثلثين راسه راح شيب ثم شلعها في السماء ثامن السبع العجاب=معجزة صنع الفضاء جات والمالك رهيب كن مقاعدها علاج يضد الاكتئاب=لو ركبها اللي مريض أستغقر الله يطيب صمموها سابقة صوت لأنقاذ المصاب=بأجنحتها سجلوا تحفظك عين الرقيب منوة اللي من ذويه وهله عاش أغتراب=ضايقٍ صدره مافاده طبيب ولاصحيب أقلعت من تونس العاصمه مثل الشهاب=يم دار العز داري مدلهة الغريب تذكرة مندوبها أولى ومحجوزه ذهاب=أستدارت وجهة الشرق مدرجها رحيب أخذ مرسول البحر عقب ماطال الغياب=عله يخفف عنا اللي من الغربه صويب نصه اللي عند بيته يحطون الركاب=وجهة للضيف واللي وزى حاديه ريب العريب اللي جنابه يعز اهل الجناب=فرحة الهاشل وسمٍ على كبد الحريب عند ابو سيف المسمى وطاب الكيف طاب=الحكيم اللي يخلص طليب من طليب أخذ فنجالك وفالك وسلمه الكتاب=وقله أن جروح روحي يحير بها الطبيب وقله اني بعد فرقاه حالي في عذاب=أتعدى فوق راس الحجا وأقنب قنيب أحمد الله مااشتكي نقص فأرصدة الحساب=ألارصده مع كوكب الشرق والا العندليب ولاأشتكي من بطش باطش وأنا عيوني حراب=أشرب الكيف المصفى وأجوز من السريب غربتي من دون وجهي وزود في النصاب=كلها أطبق مثل ( ياغريب تكون أديب ) أكرم الضيف وخويي وأدور للثواب=لو قليل أخد من أوصاف والدي الحبيب وقل لأبو سيف أن ظنك بحول الله ماخاب=غربه وبعد عن الدار شيء مايعيب ثم عرجها على اللي حموا عوج الرقاب=نسل جدي محزم العز وأشرب ياشريب عند مسرع منقع الطيب ماعنها حجاب=مجلس فيه السعد للبعيد وللقريب مقدم أعيان القبيله وحلال الصعاب=راعي الوقفات لاجات لليوم الصعيب قله ابيض وقتنا ناشته ريشة غراب=وقله ان الضلع راعيه حول في الشعيب ياوجودي كل مادق ناقوس العتاب=أتذكر وقفة العز في اليوم العصيب في ذرانا تأمن الشاه من بين الذياب=والثعل يشبع دسم مايذيره الطنيب دون حد الدار مكتوب يمنع ألاقتراب=كاتبينه بالقنا والفعول اللي تشيب سود الله وجه من راح دمه في التراب=ليت ماله من هل الفعل قسم ولانصيب شرهة ماتلحق اللي تجملها الثياب=تلحق اللي جملها يكسر العظم الصليب [/poem] بحر |
رد : (((((( ثامن السبع العجاب ))))))
اخي الكريم سيف وانت سيف العذوبه وسيف المعنى وسيف الجزاله من الهارت ياسيف صح الله لسانك ووالدك كفو
والربع كلهم كفو قصيدة في غاية الجزاله ودقة الوصف مشكور يبو بندر,,,,,,,,,,, |
رد : (((((( ثامن السبع العجاب ))))))
ماشاءالله تبارك الله ..
لله درك يا ( بحــر ) صح الله السانك يا الذيب مدد بلا عدد والله ونعم بلآبه اللي انت منهم .. والله يردك سالم غانم .. جزل يا الذيب ولا جبت الا جزل .. تقبل مروري نفداك ..:) |
رد : (((((( ثامن السبع العجاب ))))))
الاخ بحر
السلام عليكم ورحمة الله وبركاتته ما اجمل شحذ الهمم لتنتج هذه المعلقه الجميله التي اكتنزت مواضيع كثيره ومنها الاعتزاز بالذات وانت كفو لذلك والتعريجه على الوجدان في البعد عن الدار الكبير وصاحب الدار الذي احتواك في زمن وفتره من العمر... والذهاب الى عصر مضى كان الناس اكثر قرب من البعض والناصح يلقى من يرحب بفكره وطرحه على العموم ليس المجال الى شرح ماذهبت اليه..انما القصد المشاركه في المشاعر الجياشه التي جرفتنا معها لنكتب شي من مايكنه ويطرب له الخاطر تقبل مرروري وتحياتي |
رد : (((((( ثامن السبع العجاب ))))))
أخوي الكريم :سيف ,,
سلمت ودمت على هذه القصيده المعبره التي طرقت فيها عدد من الأبواب أعجبني جدا أعتزازك في النفس وأن المال ليس كل شيء في الحياة فهناك مكارم ومبادئ وأخلاق يفتخر فيها الإنسان أكثر من المال لاسيما من بعثت له الرساله يستحق وكفو والوالدين لهم حق كبير ....... والله والنعم في والدك وفيك يبو بندر .... هذا ماأود التعليق عليه ..... لك خالص الشكر...... |
رد : (((((( ثامن السبع العجاب ))))))
أرحــب أرحـــب أرحـــب ملاييـــن يــــا بو بندر وافـــي جعل عيني مــــا تبكيك يالغالي
ولا تحرمنـــا من إبداعــــاتك وتقبل مروري فديتك.......... أخوك/ علي بن سالم |
رد : (((((( ثامن السبع العجاب ))))))
صح لسانك ياوجه قحطان وبيض الله وجهك وعسى الله يخليلك شايبك ويردك سالم تقبل تحياتي
|
رد : (((((( ثامن السبع العجاب ))))))
صح لسانك يابوبندر أشهد بالله أنك وفيت وكفيت وقصيده شامحه بشموخ قايلها وشموخ المسنده اليه فلله درك ياكحيلان وشايبك كفو ويستاهل ولا يستغرب الطيب من هله أنتو بيت عز ونوماس ومشيخه تيد على تيد أعجبتني جدا القصيده في معانيها وجزالتها
أبو بندر تقبل مروري أخوك / ابو عساف |
رد : (((((( ثامن السبع العجاب ))))))
أرحب يا بو بندر ..
صح الله لسانك واعتلى شانك .. بيّض الله وجهك على القصيدة الرائعة .. في انتظار جديدك يا ذيبان .. |
رد : (((((( ثامن السبع العجاب ))))))
اقتباس:
لاهنت يابندر وصح بدنك ولاعليك زود يالقرم وتقبل تحيات بحر |
رد : (((((( ثامن السبع العجاب ))))))
صح السانك واعتلاء شانك يا ابو بندر
وانت كفو وشيبانك كفو وزحول والله يردك سالم غانم وعلى حد علمي المتواضع انك انتهيت من السفاره ومعود علينا بخير ان شاء وسجلني من معجبي قصيدك ياسيف بالأخص هذه القصيده المليئه بالمعاني والدروس والفخر والاعتزاز ولاتحرمنا من سمانك |
رد : (((((( ثامن السبع العجاب ))))))
أخي بحر (ابو بندر) صح لسانك واعتلا شانك لاهنت يالغالي لا عدمناك دمـــــت بـــود وصحــــه وإحتــــرام |
رد : (((((( ثامن السبع العجاب ))))))
صح الله لسانك يابوبندر ولاهنت قصيده رائعه ولايستغرب الإبداع مبدع دائما داخل الوطن وخارجه . وابوسيف والله إنه يعجز الشعر والتعليق في مدح حاتم آل سلمان . عساك ترجع لنا بالسلامه يابوبندر وتستقر بين ربعك ومحبيك وتمتعنا بروائعك الجميله دائما وتقبل فائق احترامي وتقديري |
رد : (((((( ثامن السبع العجاب ))))))
شرهـة ماتلحـق اللـي تجملهـا الثـيـاب
تلحق اللي جملهـا يكسـر العظـم الصليـب صح لسانك يابحر |
رد : (((((( ثامن السبع العجاب ))))))
اقتباس:
ارحب يافلاح تراحيب المطر ولاعليك زود يالقرم وصح بدنك ومرورك يزيد النور نور لاهنت وتقبل تحيات مودك بحر |
رد : (((((( ثامن السبع العجاب ))))))
ماشاءالله تبارك الله
|
رد : (((((( ثامن السبع العجاب ))))))
اقتباس:
لاهنت ياعاشق الوطن مرورك يزيد النور نور وكلامك محل الاعجاب مما يدل على شخصيه كاتب ومثقف يقف خلف هذا الاسم لاهنت وتقبل تحيات بحر |
رد : (((((( ثامن السبع العجاب ))))))
الغيبه اللي من وراها مراجل000000000ماتلحق الرجال عيب ومشاريه
الله يبيض وجهك وصح لسانك غايب حاضر وترجع بسلامه تحياتي00000000000اخوك |
رد : (((((( ثامن السبع العجاب ))))))
ارحب يابن طفله
قصيده جزله وراعيها الي اجزلها والنعم فيك وفي شايبك وفي عمك مسرع بن سعيد بن طفله وفي ربعك زربه الخبت صبيان ال سلمان تقبل مروري لك مني جزيل التحايا |
رد : (((((( ثامن السبع العجاب ))))))
اقتباس:
ارحب يابوفيصل تراحيب المطر حضورك يشرف لاعدمتك وكلامك واعجابك اسعدني وهذا ليس الا تواضع منك لاهنت وتقبل تحيات مودك بحر |
رد : (((((( ثامن السبع العجاب ))))))
والله انـــــــــــــــــك جـــــــــزل يا بـــــــحــــــــر
بيض الله وجهك على القصيدة |
رد : (((((( ثامن السبع العجاب ))))))
صح لسانك يابحر
تقبل مروري |
رد : (((((( ثامن السبع العجاب ))))))
اقتباس:
مرحبا يابوسالم ولاهنت على المرور يالسنافي اسلم وسلم على الشايب وتقبل تحيات بحر |
رد : (((((( ثامن السبع العجاب ))))))
اقتباس:
صح بدنك ياخالد والله يجزاك خير على الكلام الطيب واسلم وسلم يالذيب وتقبل تحيات بحر |
رد : (((((( ثامن السبع العجاب ))))))
اقتباس:
ارحب يابليهان تراحيب المطر ولاعليكم زود ياربعنا انتوا محزم مليان اسعدني مرورك يالقرم ولاهنت على كلامك الطيب وافي ولامنه الا الوفا وتقبل من محبك بحر كل الود |
رد : (((((( ثامن السبع العجاب ))))))
اقتباس:
مرحب سالم يامشاري صح بدنك ولاهنت على المرور العذب لااخلا ولااعدم ياكحيلان وتقبل ود بحر |
رد : (((((( ثامن السبع العجاب ))))))
اقتباس:
ارحب ارحب ياسعيد وصح بدنك يالقرم مرورك بحد ذاته شرف وكلامك ينومس لاعدمتك اسعدني وجودك ياسعيد والله الشاهد وابشرك رجعت وانشاء الله اشوفك عن قريب لاهنت وتقبل تحايا مودك بحر |
رد : (((((( ثامن السبع العجاب ))))))
اقتباس:
مرحبا ياجناب الهضب وصح بدنك يالغالي شرفني واسعدني مرورك لاعدمتك وتقبل تحيات بحر |
رد : (((((( ثامن السبع العجاب ))))))
اقتباس:
ارحب ياشعيبي تراحيب المطر وصح الله بدنك يالقرم اسعدني مرورك وكلامك الطيب وانتوا محزم مليان ياربعنا وابوسيف ماله فخر عند ربعه والاقصين لاهنت وتقبل تحيات مودك بحر |
رد : (((((( ثامن السبع العجاب ))))))
اقتباس:
صح بدنك يامحمد ولاهنت على المرور وتقبل تحيات بحر |
رد : (((((( ثامن السبع العجاب ))))))
اقتباس:
جزاك الله خير |
رد : (((((( ثامن السبع العجاب ))))))
صح لسانك
القصيده روعه ولكن عندي بعض الانتقاد اللي في صالحك وتستفيد منه في المستقبل ، عندك البيتين هذي فيها كسر والبيت الثالث فيه حشو ادى الى شبه كسر ( صدره مافاده) ، لأنك تبي تااصل للقافيه بسرعه ما عاد همك المعنى ولا الوزن . ويعطيك العافيه. اقتباس:
|
رد : (((((( ثامن السبع العجاب ))))))
اقتباس:
ووجهك ابيض يالقرم صح بدنك ولاهنت على الحضور اللي ينومس وتقبل من بحر كل الود |
رد : (((((( ثامن السبع العجاب ))))))
اقتباس:
الطيب مايستغرب امن المطاليق **** اللي لهم في ذروة المجد عنوان انتوا هل الهدات واهل الملاحيق **** فعل شهرتوا به على مر الازمان الله يبقيك ياابن كدم مرورك على القصيده وكاتبها يزيد النور نور الله لايهينك ياوجه عبيده على حضورك وعلى كلامك الطيب انتوا وافين ولاعليكم زود ونتشرف بفعلكم الطيب ونتشرف بنسبكم ويكفينا فخر انكم خوال نصف ال سلمان لاهنت وتقبل اصدق التحايا من بحر |
رد : (((((( ثامن السبع العجاب ))))))
اقتباس:
ووجهك ابيض ياابوسعيد ولاهنت على حضورك المميز وتقبل تحيات بحر |
| الساعة الآن 07:36 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com