(( فريج بن باحص يتحدى قحطان ومقتله اليوم الثالث ))
 

بسم الله الرحمن الرحيم


مقتل فريج بن باحص شيخ السوده سبيع على ايدي قحطان واليكم القصه



ضاع لــ حباب بن مخيزيم ال عريج الجروي ناقه عارضت همل لسبيع حول بسقان وراحت معها وجاء حباب على ذكرها لين وصل سبيع وكان ذلك الوقت فيه امان بين القبائل ماحد يدور احد ويوم وصل سبيع وهم شمال جمعور شمال بيشه قلط عند فريج بن باحص شيخ السوده ويوم عرف ابن باحص انه قحطاني قال للعبد جز لي ذيك الرمثه وربطها في حبل وجبها لان ديرة سبيع مربعه وديار قحطان ماربعت كلها سوى الثفن ومن المضه الى طريب ويوم جا العبد بالرمثه قال عطها حباب خلها يعطيها ابن شفلوت يعطيها ناقته فلانه تخضر عليها

فاسيشاط الجروي من الغضب من فراش ابن باحص وقال يافريج زين اني ماقد كليت غداك والله تنشد من هذا العلم وتراني طالبك ماتشد من مكانك هذا عشره ايام فقال ابن باحص معك الى دور الحول ثم قال للعبد رح قل لاهل رنيه لايصبحهم الصباح الا عندي في اشاره لارهاب الجروي وتخويفه

فقام حباب الجروي وقطع له خرقه سودا وعلقها على رقبه الذلول شليله ونحر ديار قحطان لين وصل عشق بن زيد بن شفلوت فقطع عشق الشليل وهم في اسفل طريب وفوق الغضاه

ونوه المنوه بالمغزاء وقاموا يسنون رماحهم وسيوفهم ويحذون خيلهم عند صناع في طريب

وكان عشق جالس عند محذي الخيل ولاهو جايه ذاك الرجال الحمر القصير الي عيونه مثل الجمر قال للحداد سن لي الرمح فسنه الصانع قال زد سنه وكلما عطاه الصانع قال زد سنه والصانع خاف من الرجال وهذ الرجل اسمه

سالم بن ذفال من ال جراش ال الجرو

ويوم خذا رمحه وقفى قال ابن شفلوت للي حوله ان كان الله نصرنا على سبيع وذبحنا فريج فلاهو بذابحه الا الرجال الي دبر يقصد سالم بن ذفال بعد الاستعداد غزوا الخياله وهل الجيش وصبحوهم نهار ثالث شمال جمعور ولاصمدوا سبيع تو قحطان الا وقت قصير على الرغم ان الكثره في صالح سبيع لاكن المخطي دائمآ مهزوم من الله

قام سالم بن ذفال الجروي يتقرب من ابن باحص وشوي ليوم جفل ابن باحص فطرده الجروي وحصانه ماهي بللي هناك وسمع وراه فرس ويوم التفت سالم الاهو محمد المركي الجروي فرسه من بنات العشيربتسبق فرس سالم بن ذفال على ابن باحص فوقف فوق حصانه وهو في جهده وزرق فريج بن باحص وهو بعيد منه بالرمح ليهو منغرس بين كتوفه لاماذاق غيرها

انتصرو قحطان ولا مسوا الا عند اهاليهم

1 - بسقان جبل طويل بين بيشه وتثليث

2 - بنات العشير مربط خيل عند ال درع ال الجرو


ودمتم بخير


اضافه مهمه وفارس غريب ونادر


هذه المعركه شاركت فيها قحطان من الجحادر وعبيده مما يجيرها باسم قحطان حيث كان عدد الغزو فوق التسعين منهم من ال سويدان لوحدهم 11 خيال ومن ال شبوه وال مسعود عدد غير معروف ومن ال عاطف شخص واحد قصته عجيبه جدآ

وهي

كان هذا الشخص وهو من ال شريم العطافا نازل لوحده على صفا الشيوخ ماعنده علم بالمغزى لان الغزيه جات فجئه وكانوا المسارده على خيلهم سارحين يبون يترقبون جموع الغزاه يعارضونهم ولا وعى العاطفي الا الخيل مصبحته فكرهم يبونه فعتزى ونطحهم فقالوا المسارده معك خير حنا غازين على سبيع معى ابن شفلوت وعبيده وقحطان فقال العاطفي مادريت وابشروا بالعوض والله ان اغزي معكم لكن الرجال مامعه ذلول ذلوله طلبها منه رفيق له وخطر عليها لبيشه ولاقد عود ونوقاته كلها لقحات مخض بتنتج فخذ فحل البل هايج قروه واصل عراقيبه وشد عليه ولحقهم غير البعير اذاه يبي يضرب الجيش فراح لحاله مبتعد من الجيس المياسير ويوم بدات المعركه لي البعير ماعاد انفرع يطرد الجيش وهلها فوقها وحط عليهم يوم فطمر من ظهره وسبل على رجله معى الخياله معه شلفا وترس يحتمي به من ضربات الرماح والسيوف وطعن له ذاك الخيال بالشلفا وخذ حصانه وتعلى على الحصان وراح يدور بعيره وجة المعركه مغطيه الارض لي قد هل الجيش بيذبحونه مما سوى فيهم ومسكه وعاد معه غنيمه حصان وسلب فارس

رد : (( فريج بن باحص يتحدى قحطان ومقتله اليوم الثالث ))
 

ارحب يا غالي

الله يبيض وجهك ويجمل حالك على نقل التاريخ الصادق

ربعنا ونعم ولا فيهم شك والله يغفر لهم ويسامحهم

الزود نقص ولا ساق السبيعي للموت الا الكبر الله يعيذنا منه

وجاك يا مهنى ماتمنىو قحطان عسرين الله يبارك في حيهم ويغفر لميتهم

لا هنت طال عمرك

تحياتي00000000000اخوك

رد : (( فريج بن باحص يتحدى قحطان ومقتله اليوم الثالث ))
 

((((((((وسمع وراه فرس ويوم التفت سالم الاهو محمد المركي الجروي فرسه من بنات العشيربتسبق فرس سالم بن ذفال على ابن باحص فوقف فوق حصانه وهو في جهده وزرق فريج بن باحص بالرمح وهو بعيد بالرمح ليهو منغرس بين كتوفهلا ماذاق غيرها)))))))


حووووض المنااااااااااااااااااااايا الحبابي صدق ويل امه ويلااااااااه والله اني شعر راسي وقف اشهد ان قلبه صفا عيني

فلا هلت وال الجرو معروفين اول الزمان وتاليه وكفووووووو والله اني زرت ابن حجيلين المشاعلة ويعلمني بمواقف ال

الجرو مع سبيع واني اتنومس بهم وقحطان كلبوهم واااافين الظور وانا اللي اعرفه ان ابن باحص من اشد فرسان سبيع

واشجعهم ..... الله يرحم سالم بن ذفال وعز الله ابن شفلوت صدق


الظور والله انك على اسمك ابيض وجه تكفى نبغا اللي مخبااااا نبغا زيااادة


الظور عندي سؤال خارج عن الموضوع وابغا جوابك لانه يهمني الحين على زمن شيبانا اذا مات الشجاع ومات الكريم

يحزنون اكثر شي على من ؟؟؟؟ الشجاع او الكريم ؟؟؟؟؟


وفي النهاية والله انك اسعدتني كثير بذي السالفه

رد : (( فريج بن باحص يتحدى قحطان ومقتله اليوم الثالث ))
 

أرحب يا بو محمد ..

بيّض الله وجهك يا ذيبان ..

ومليون نعم بصبيان آل الجرو ..

والجميل أني اطلعت في موضوعك على أسماء فرسان لم أكن أعرفهم ..

وكالعادة يا ويل من ضدّ قحطان .. ما يلقى إلا الذل والخساره ..

في انتظار جديدك يا الغالي ..

رد : (( فريج بن باحص يتحدى قحطان ومقتله اليوم الثالث ))
 

أبيض وجه يالظور والله لا يهينك والمعروف لدى العربان ان اغلب شوخ القبائل قتلوهم قحطان لان قحطان من اعتدى عليها ما يرجع سالم ولم اسمع ان شيخا اعتدى على قحطان سواء بالكلام او بالفعل وسلم من القتل

رد : (( فريج بن باحص يتحدى قحطان ومقتله اليوم الثالث ))
 

بيض الله وجهك يالظور

ولا هي غريبه على بني مضيم..

رد : (( فريج بن باحص يتحدى قحطان ومقتله اليوم الثالث ))
 

أخوي الظور رحم الله والديك ...

مشكور على الطرح الجميل وأسأل الله الكريم أن يتجاوز عنا وعنهم ويغفر ذنوب الجميع ....

نحمد الله ونشكره ونثني عليه على نعمة الأمن والامان وطاعة الرحمن الله ......

شكرا لكاتبنا الرائع .........

رد : (( فريج بن باحص يتحدى قحطان ومقتله اليوم الثالث ))
 

الله يعطيك العافيه

رد : (( فريج بن باحص يتحدى قحطان ومقتله اليوم الثالث ))
 

اخوي خادم والديه العبدي

الله يرحب بك ويحييك ويبيض وجهك يوم تلقا ربك

اشكرك على المرور العطر الي هو شرف لي منك لاهنت ولاعدمتك

تقبل تحياتي

رد : (( فريج بن باحص يتحدى قحطان ومقتله اليوم الثالث ))
 

ارحب يابو عبدالهادي

مرور جزل واضافات جميله للموضوع عساني ماعدمتك ياالقرم

اما سئوالك فوالله انك برجلتني فيه كلهم عينين في راس لكن الشجاع مثل اسمه شجاع اما الكريم فاكيد انه شجاع عمل بقول احذر من الكريم اذا اهنته والحليم اذا اغظبته فاالكرم صفه ملازمه لها الشجاعه فالشجاعه تبع للكرم وليس الكرم يتبع الشجاعه

تقبل تحياتي

رد : (( فريج بن باحص يتحدى قحطان ومقتله اليوم الثالث ))
 

الله يرحب بك يابو على لاعدمتك على المرور والتعليق ياالسنافي

وقحطان كلهم فرسان لكن اذا واتت الفرصه للقحطاني بانت فروسيته واذا ماهناك فرصه فانهم يتزاحمون عليها الي عينك عليه عين الرجال عليه ومن وفق الله وقام حظه صاد له فرصه

تحياتي لك ياخوي مشاري

رد : (( فريج بن باحص يتحدى قحطان ومقتله اليوم الثالث ))
 

ارحب ياخوي صالح

اشكرك على مرورك لاهنت وبيض الله وجهك

تحياتي لك

رد : (( فريج بن باحص يتحدى قحطان ومقتله اليوم الثالث ))
 

ارحب يابو فيصل والله يحييك

الله يسمع منك ومروك على عيني يابو مبارك

الله يطول عمرك

تقبل تحياتي عساني ماعدمك

رد : (( فريج بن باحص يتحدى قحطان ومقتله اليوم الثالث ))
 

ارررحب يالظور وبيض الله وجهك على اللى الرد اللي يبين ان منزلة الشجاع والكريم متساوية الا ان الكرم يتفوق في بعض الاحيان لاهنت نفدااااك


لكن مرديتو على موضوعي يالظور اللي حطيته

رد : (( فريج بن باحص يتحدى قحطان ومقتله اليوم الثالث ))
 

مشكور على الطرح الجميل وأسأل الله الكريم



أن يتجاوز عنا وعنهم ويغفر ذنوب الجميع ....

نحمد الله ونشكره ونثني عليه على نعمة





الأمن والامان وطاعة الرحمن الله ......



يعطيك العافيه

تحياتي

رد : (( فريج بن باحص يتحدى قحطان ومقتله اليوم الثالث ))
 

ارررحب يالظور
بيض الله وجهك على ذا الموضوع المميز الذي يتجلى فية الابداع والصدق
والحقيقة سبيع وقحطان فرسان مافيهم كلام عليهم رحمة الله
ونعم بك وبالمذكورين من قحطان وسبيع
و الفرسان المذكورين من ال الجرو يعتبرون من اشهر فرسان ال الجرو إضافة لـ :
1) ضويحي بن عبيد الله بن عريج .
2) جديع بن مقبل .
3) محمد بن مقبل " مركي عبيده "
4) سالم بن ذفال
5) حباب بن مخيزيم بن عريج
6) حويل بن عبدالله بن سحمان
7) عجب الاحمر بن شتوي بن عريج
8) عجب الاسود بن شتوي بن عريج
تقبل فائق الاحترام

رد : (( فريج بن باحص يتحدى قحطان ومقتله اليوم الثالث ))
 

ارحب مليون ياشارب الفناجيل ارحب

العتب على النظر مارديت عليك حسب التسلل وتعذرني عساك تبطي حي ياالقرم والعذر عند خيار القوم يقبل وانت من خيارنا

الله يبيض وجهك على المرور ولايهينك

نعم قحطان ذباحه الشيخان وان ذبح منهم شيخ بيدوا بقوم ذبحوه لين يبيدونهم وهذا رابع شيخ من السوده ذبحه لسانه على يد قحطان

رد : (( فريج بن باحص يتحدى قحطان ومقتله اليوم الثالث ))
 

ارحب والله يحييك لاهنت على المرور ويعطيك العافيه ياخو ابن القيري

رد : (( فريج بن باحص يتحدى قحطان ومقتله اليوم الثالث ))
 

كفو والله في صبيان جاري عبيدة قحطان تشهد لهم القبائل الكبرى بفتكهم وشجاعتهم

واشيد بمشرفنا القدير ابو محمد على مجهوده الواضح في حفظ تاريخ القبيلة

وتقبل تحياتي يالقرم

رد : (( فريج بن باحص يتحدى قحطان ومقتله اليوم الثالث ))
 

ارحب ياخوي عايض واشكرك على نقل رد سفر مبارك

لاهنت على المرور

رد : (( فريج بن باحص يتحدى قحطان ومقتله اليوم الثالث ))
 

الله يرحب بك اخوي ابا الذموم ومرحبا ملايين

الله يبيض وجهك على المرور الجزل والاضافه الجيده بفرسان عيال بن جاري ودي ابين للقراء عجب الحمر وعجب الاسود

ابوهم شتوي بن عبيدالله بن عريج اخو الفارس ضويحي وشتوي متجوز له مرتين وحده في نجد ووحده في الجنوب وحملوا الثنتين وكان يقول ان جالي ولد باسميه عجب بعجب الخيل فارس من ال الجرو قتل ويوم وضعت الحرمه الي في نجد ولد وهو عندها فسماه عجب وعقب اسبوعين وضعت الي في الجنوب ولد وهو غايب في نجد فسموه عجب بناء على ماتمنى بوه وعقب 4 اشهر جاء للجنوب وبشروه بالولد قال ويش سميتوه قالوا عجب فقال يستاهل عجب الخيل عجبين ماهو واحد فطلع واحد لخواله حمر وواحد طلع لعمانه اسمر فكانت التسمه وهم عيال رجال

لاهنت على المرور لاعدمتك

رد : (( فريج بن باحص يتحدى قحطان ومقتله اليوم الثالث ))
 

ارحب يابو حزام ارحب

الله يقدرني بسلامتك ياالقرم مرورك رائع عساك ذخر

لاهنت ولاعدمتك

تقبل تحياتي

رد : (( فريج بن باحص يتحدى قحطان ومقتله اليوم الثالث ))
 

رد : (( فريج بن باحص يتحدى قحطان ومقتله اليوم الثالث ))
 

ارحب يابو محمد

بيّض الله وجهك على الإبداع المستمر

و نعم والله بصبيان آل الجرو

وأسأل الله أن يرحم من ذكرت وأن يتجاوز عنا وعنهم ويغفر ذنوب الجميع

بغيت انشدك هل انقطع نسل شتوي بن عبيد الله الله يرحمه لأن عواله على ما اظن لم يعقبوا .

وتقبل مروري

رد : (( فريج بن باحص يتحدى قحطان ومقتله اليوم الثالث ))
 

سلمههههههههه يالظور و معذووووووووور وان كان ما عذرناك من بنعذر وبيض الله وجهك حمستنا بالمواضيع الي تنومس

رد : (( فريج بن باحص يتحدى قحطان ومقتله اليوم الثالث ))
 

ارحب يابو حمد

وجهك ابيض علىالمرور والله لايهينك

تحياتي لك

رد : (( فريج بن باحص يتحدى قحطان ومقتله اليوم الثالث ))
 

أحسنت يبومحمد مشكور الله يرضى عليك,,,,,,,,,,,,,,,,

رد : (( فريج بن باحص يتحدى قحطان ومقتله اليوم الثالث ))
 

الله يرحب بك ياخوي شامان

ولايهينك على المرور الجزل والرائع عساني ماعدمتك

لا ماانقعوا كلهم لاكني باتاكد من الاسما وارد لك ان شاء الله

كما ان لدي اضافه لفارس من ال شريم العطافا حضر الهيه وله قصه عجيبه ساضيفها للموضوع

تقبل تحياتي

رد : (( فريج بن باحص يتحدى قحطان ومقتله اليوم الثالث ))
 

كفو والله في صبيان جاري عبيدة قحطان
اهل العلوم الغانمه اهل قنا واهل خيل
ولهم سطوة يسجلها التاريخ

بيض الله وجهك يالظور على امتاعنا بذا العلوم اللي تنومس

رد : (( فريج بن باحص يتحدى قحطان ومقتله اليوم الثالث ))
 

لاهنت اخوي وبيض الله وجهك وال الجرو وسبعين نعم تقبل تقديري

رد : (( فريج بن باحص يتحدى قحطان ومقتله اليوم الثالث ))
 

رد : (( فريج بن باحص يتحدى قحطان ومقتله اليوم الثالث ))
 

ماقصرت يبو محمد,,,,,,,,,,,,,,,,,,,

رد : (( فريج بن باحص يتحدى قحطان ومقتله اليوم الثالث ))
 

عساني ماعدمتك ياالقرم

رد : (( فريج بن باحص يتحدى قحطان ومقتله اليوم الثالث ))
 

يالظور لا تستغل اشرافك لإقصى أعمال الأخرين !

رد : (( فريج بن باحص يتحدى قحطان ومقتله اليوم الثالث ))
 

ارحب يابو ابراهيم

انت تدري بتقديرك عندي قبل مااكتب حرف واحد في شبكه قحطان

لاكن اذا كان هناك موضوع ينتقص من اي قبيله سوا ان كان الكلام في محله او مجانب الصواب فاننا في هذه الحاله نعمل بما تقتضيه مصلحه القبيله ومصلحه الشبكه ونضامها واخواني اداره ومراقبين ومشرفين شبكه قحطان هيئوا لي خدمه قبيله قحطان في هذا المجلس وانا في خدمه القبيله واتشرف دون اي مقابل وموضوعك الذي حذفته يمدح قبيله ويهجو اخرى وقد لاحظت انه تم حذفه في مواقع اخرى غير الشبكه وهذه الخطوه ليست الا لدرء الفتنه بين اسرة الشاعر وقبيلته



والحقيقه اني لاحظت عليك يابو ابراهيم ان مواضيعك تحمل الطابع الاعلاني لمؤلفات معينه وهذا غير المامول منك الله يحييك

اشكر لك المرور والملاحظه فكلنا مكملين لبعض

رد : (( فريج بن باحص يتحدى قحطان ومقتله اليوم الثالث ))
 

ارحب ياخوي شامان واعذرني لاعدمتك على التاخير

نعم كلامك في محله انقطعوا ال شتوي وسئلت لان بني عجب في ال عريج كثير لكن فعلآ انقطعوا ومعهم اخ ثالث اسمه محمد

اما ضويحي فعرفت ولده بجاد لحقته وهو شايب قيض حولنا عام 1398 هجري والله لو ذاك العود لحق في الجهل ان يغطي على الي قبله

عساهم وامواتنا واموات المسلمين في جنات النعيم

تقبل تحياتي

رد : (( فريج بن باحص يتحدى قحطان ومقتله اليوم الثالث ))
 

شكر الله لك ياخوي بندر ولاهنت على المرور

رد : (( فريج بن باحص يتحدى قحطان ومقتله اليوم الثالث ))
 

مشكور وما قصرت

رد : (( فريج بن باحص يتحدى قحطان ومقتله اليوم الثالث ))
 

ارحب يابو ناصر لاهنت ولاعدمتك على المرور وماعليك زود

تحيات خوك

رد : (( فريج بن باحص يتحدى قحطان ومقتله اليوم الثالث ))
 

لاهنت يبو محمد