|
(( الشايب الي ماتحلل عظامه ))(( القصه والقصيده
بسم الله الرحمن الرحيم
طاح خريف على شمال وغرب نجد والقصيم وكانو الدعاجين شمال شقرا على راسهم الهيضل والعضيان شمال الدوادمي على راسهم الضيط ويفصل بينهم نفود السر وفي ليله من اليالي يوم صلوا العضيان للمغرب وسلموا الا المناره تشب في اعلى عرق بالنفود بينهم وبين الدعاجين وعود قام الضيط وارسل له مرسول قال اقرب حول هل النار عساك تعرف ويشهم فراح المرسول وقرب من النار حتى وكد الي جلوس وخذا مواريهم من بعيد ورجع للضيط فقال الضيط ويش شفت قال شفت عرب كثير وفيه عود على على راسه معم ابيض ماشفت اكبر منه جالس على الضو فقال الضيط ولاعرفته قال المرسول لا فقال هذا ابن هادي عساك عشاه رح هالحين للهيضل وعلمله وعطني رايه فسرى المرسول ناحية الهيضل وهجده نصف اليل وعلم له وقال الضيط يبى رايك قال الهيضل علموا لابن حميد عانوه على القراين فرجع المرسول وعلم الضيط فقال الضيط شدوا ياعضيان وشدوا حتى حلوا على تركي ابن حميد وعلموه فقال ابن حميد خلك يالضيط معي والشايب معه علم لااحد يقربه فلاهو معود الا عقب الوسمي والربيع اما الدعاجين فشدوا ناحيت الغاط وبوم درى تركي بالدعاجين فقال هذه القصيده ووالله اني ماحفضتها الا من عتيبه انفسهم قبل اعرف النت واني لم اقراها في كتاب يالله في نو تزبر غمامه -------------- يسقي من العارض الى نقرة الشام نبعد عن الي ماتحلل عظامه ------------------- عيت تبيده اليالي وليام لا ولعت ناره بعالي عدامه --------------------- قمنا نجود غالي القش بحزام زريبه والضيط راحو طعامه --------------------- وحنا مقزينا المنازل من العام ويقولون لي الرواه انه جاه الربيع وهو محل اسمه بطحان بين عفيف وضريه ودمتم بخير |
رد : (( الشايب الي ماتحلل عظامه ))(( القصه والقصيده
تسلم ياأبومحمد طال عمرك دائم مواضيعك في السنام جمل الله حالك ,,,,,,
|
رد : (( الشايب الي ماتحلل عظامه ))(( القصه والقصيده
تسلم يالظور علا مواضيعك ورحم اللهشيخ اقحطان بن قرملة
|
رد : (( الشايب الي ماتحلل عظامه ))(( القصه والقصيده
بيض الله وجهك وعلومك كلها تبيض الوجه
|
رد : (( الشايب الي ماتحلل عظامه ))(( القصه والقصيده
ارحب يالظور..
رحم الله الشيخ محمد بن هادي ومن ذكر في القصه.. وبيض الله وجهك على الموضوع الدسم وعادتك دايما الابداع جعلني مبكيك والف الف مبرووك على تعيينك مشرفا على قسم الفرسان واعانك الله على المسؤوليه وجعلها دافع لك في تقديم المزيد.. تقبل مرور اخوك وتستاهل سمعه وتقييم بمناسبة الاشراف :) |
رد : (( الشايب الي ماتحلل عظامه ))(( القصه والقصيده
.
والنعم يالظور والف الف الف مبروك ما عينت وتستاهل العليا على الدوم لك دوم وانت كفؤ وتقدر على الكثير والعين صوبك تنتظر ما تشوفه بيض الله وجهك ياغالي قصه رائعه خصوصا انك فقط حافظها وهذا يتوجب حمد الله سبحانه 0000 ولا يتوجب عليك ان تقسم على اي شئ وانا اخوك انت صادق ومحل ثقه ومهما كان لاتحلف ولاي كان لاتحلف 00 الرجال يكتب وكلمته يعرف انها محسوبة عليه وانت خصيصا بالذات تصوغها وتعرف حدك وحدودك وكل يعلم ذلك 0 بمعنى انه من المستحيل ان تكتب ما يجعل مصداقيتك تهتز ولو في زمن قادم بعيد 0 لذلك الاولى ان لا تحلف 0 ومثل ما انت تحترم القارئ وتنتقي له ما امكن انتقاؤه 0 وجب عليه احترام من يقراء له وتقديره 0 والكل مجتهد وانت محل الاعجاب والتقدير فمن ارادك فمرحبا ومن لا يريدك فلا يلزم اجباره لا بهذ ولا بتلك 0 انت كفؤ ومميز وخطاك ثابتة فالى الامام برعاية الرحمن وتوفيقه 0 تقبل تقديري واحترامي وحكاي والسلام . |
رد : (( الشايب الي ماتحلل عظامه ))(( القصه والقصيده
أرحب ملايين يا بو محمد ..
وبيّض الله وجهك على الطرح الأكثر من رائع .. ومعودنا دايما ما تجيب إلا السمان يا وجه قحطان .. ونسأل الله أن يرحم الأمير محمد بن هادي بن قرملة سلطان نجد رحمة واسعة .. وألف مبروووووووك الإشراف .. وإن شاء الله إنك قد الثقة يا ذيبان .. تقبّل مروري ومشاركتي .. |
رد : (( الشايب الي ماتحلل عظامه ))(( القصه والقصيده
الظور لاهنت يالقرم ياوجه قحطان وهذي السالفه اشهر من نار على علم والله يرحم ابن هادي شيخ سطرر التاريخ بفعله وعلومه واشعاره شخصية يق نظيرها لكن انا سمعت طال عمرك ان القصيدة ماهوب اللي قايلها تركي بن حميد اللي قايلها واحد من شعار عتيبة ومعروف وان ابن حميد زعل عليه او انه ذبحه وحن نستفيد منك يالقرم ارجووو الاجابة القطعية
|
رد : (( الشايب الي ماتحلل عظامه ))(( القصه والقصيده
الظور
الف مبروك الاشراف وبيّض الله وجهك على الطرح الطيب تسلم يالغالي |
رد : (( الشايب الي ماتحلل عظامه ))(( القصه والقصيده
اقتباس:
ومن قال يسلم والله يطول عمرل ويجمل حالك لاهنت على المرور لاعدمتك |
رد : (( الشايب الي ماتحلل عظامه ))(( القصه والقصيده
اقتباس:
قايل مايهون وسلمت ياخوي عبدالله والله يسمع منك مادعيت لاهنت على مروك |
رد : (( الشايب الي ماتحلل عظامه ))(( القصه والقصيده
اقتباس:
ووجهك ابيض لاهنت على مرورك اشكرك ياخوي شارب الفناجيل |
رد : (( الشايب الي ماتحلل عظامه ))(( القصه والقصيده
اقتباس:
الله يرحب بك ياخوي محمد ويسمع منك مادعيت ويبيض وجهك عند ربك وخلقه الله يبارك فيك وهذا تشريف لي من شبكه قحطان ومنكم جميع لاهنت ولاعدمتك |
رد : (( الشايب الي ماتحلل عظامه ))(( القصه والقصيده
اقتباس:
ارحب يابن الشايب اشكرك على مرورك لاهنت وبيض وجه |
رد : (( الشايب الي ماتحلل عظامه ))(( القصه والقصيده
اقتباس:
الله يرحب بك ياخوي مشاري الله يطول عمرك على طاعته اوالله يسمع منك مادعيت ويبارك فيك ويبارك لك اشكرك على مرورك المتواصل لاعدمتك |
رد : (( الشايب الي ماتحلل عظامه ))(( القصه والقصيده
اقتباس:
ارحب ياخوي علي اشكرك على مرورك ومداخلتك القصيده هذي سمعتها من شيبان ورجال من عتيبه منذ زمن طويل ولم يتغير منها اي كلمه اما ان تكون لشخص وقتله ابن حميد على شانها فتركي بن حميد مايذبح احد من ربعه مهما بلغ خطاه ومعروف رحمه الله بلين الجانب ومخافة الله رحم الله الشيخين محمد بن هادي وتركي بن حميد رحمه واسعه |
رد : (( الشايب الي ماتحلل عظامه ))(( القصه والقصيده
اقتباس:
ارحب يابو ريان والله يبارك فيك ويطول عمرك ويبيض وجهك اشكرك على المرور ولاعدمتك |
رد : (( الشايب الي ماتحلل عظامه ))(( القصه والقصيده
جعل عظامه في الجنة
وافي يابومحمد كثر الله من امثالك يالقرم تقبل تحياتي |
رد : (( الشايب الي ماتحلل عظامه ))(( القصه والقصيده
مرحبا اخوي الظور والقصيدة معروفه ومشهوره وهي للشيخ /راكان بن حثلين في رده على قصيدة شيخ نجد/محمد بن هادي ويقصد بها شيخ بني هاجر الشيخ/شافي وهي قصيدة طويله ويقول فيها :
الشايب اللي ماتحلل عظامه ******** عيت تبيده الليالي والايام لشب ضون بروس العدامه ******* قمنا وربطنا غالي القش بحزام وهي مذكوره في كتاب فرسان من الصحراء لابن النعيرية وفي كتاب راكان بن حثلين مع خالص تحياتي. |
رد : (( الشايب الي ماتحلل عظامه ))(( القصه والقصيده
اقتباس:
الله يحييك يابو حزام مرورك غالي اشكرك ولاهنت |
رد : (( الشايب الي ماتحلل عظامه ))(( القصه والقصيده
اقتباس:
حياك الله اخوي محمد الكتب الي ذكرت خذت علومها من منتدى العجمان والمنتدى المذكور به من الاغلاط الجسيمه والخلط والبعثره مايفسد تاريخ امه باكملها اشتبهوا في القافيه فخلطوا المتشابه لم تلاحظ كسور البيوت الموجوده لديهم يعني راكان بيوته مكسره وركيكه بعدين ويش جاب ابن هادي عند ابن حثلين اعوام مثل ماذكروا هي هيه وحده وعود الشايب مكانه |
رد : (( الشايب الي ماتحلل عظامه ))(( القصه والقصيده
من عرفت وسمعت ان القصيده لراكان بن حثلين موجه لابن شافي
والشايب الي يقصده ابن حثلين هو شافي بن سفر حيث كان شافي بن سفر أكبر سنا من ابن هادي ومن راكان بوقتهااا ومناسبه ابيات ركاان ذي انه يقصد شافي وربعه بني هاجر متعبين قومه ومتعبين ابناء عمومته ال مره بالمغازي وكانو مأذينهم في اماكنهم ومراعيهم الين اخذو مواقعهم وحددوها وتوسطو بين المره والعجماااان في اطيب واخصب المراعي على قله عددهم مقارنه بالياميه وهذا الامر الي خلال راكان يمجع قبائله ويحرضهم على اباده بني هاجر من الخريطه والمساجلات في ذلك اليوم معروفه لدينا شكرا لك على اجتهادك يا الظور |
رد : (( الشايب الي ماتحلل عظامه ))(( القصه والقصيده
اقتباس:
في جفرة المعطان تسعين لحيه ------- من كف اخو شفيا عطيب الضــــرايب ونعم بخو شفياء وبخزنة الظفر لن اجير فعل شخص لاخر مهما بلغ الامر اول فانا لم اجتهد وهذه القصيده لم تعرفها اكثر الناس الا من منتدى العجمان لتشابه القارعه ودي اسئلك من الذي قتل الظيط وزريبه ابن هادي ولا ابن شبعان حتى نعرف من المقصود في القصيده ثم لي تعقيب من ناحيه الاكبر سنآ |
رد : (( الشايب الي ماتحلل عظامه ))(( القصه والقصيده
أرحب يالظور الله يحيك وعلمك والله يا علومك وسوالفك تنومس كل اقحطاني وهذا من طيبك طال عمرك
والله يرحم الشيخ محمد ابن هادي وقصصه كثيره ومهما قلنا فلن نوفي حق الشيخ الفارس الشهم . وتقبل مروري ودمتم لمحبكم ابن دغيم الجحلي |
رد : (( الشايب الي ماتحلل عظامه ))(( القصه والقصيده
لاهنت
بيض الله وجهك علومك كلها طيبه وانت ترفع الراس يعطيك العافيه مشكووووووووور تحياتي |
رد : (( الشايب الي ماتحلل عظامه ))(( القصه والقصيده
اررحب يالظور تراحيب المطر
بيض الله وجهك وافي يا كحيلان وعوايدك السمين ونعم بالمذكورين في الموضوع من قحطان وعتيبه ومبروك الاشراف وانت تستاهل يا وجه قحطان لي تعليقات بسيطه: ]##( الضيط ) :هو شيخ قبيلة العضيان من الروقه من عتيبه . ]تقبل فائق الاحترام##( زريبه ) المقصود : هو الشيخ الفارس زريبه بن زريب الجذعان من شيوخ قبيلة عتيبه وهو عم زوجة الشيخ الفارس هذال بن فهيد شيخ قبيلة الشيابين من عتيبه. ## قائل القصيده من قبيلة عتيبه في الشيخ الفارس محمد بن هادي بن قرمله . ## الشيخ الفارس شافي بن سفر بن شبعان شيخ قبيلة بني هاجر ليس اكبر سناً من الشيخ الفارس محمد بن هادي بن قرمله لأن الشيخ الفارس محمد بن هادي بن قرمله عندما توفي توفي تقريبا عام 1300هـ وقد تجاوز عمره المائة عام بسنوات والشيخ الفارس شافي بن سفر بن شبعان توفي تقريبا سنة1295هـ |
رد : (( الشايب الي ماتحلل عظامه ))(( القصه والقصيده
اررررررررحبوا كلكم
ابو محمد لا هنت على الطرح الرااااااااااااائع وبيض الله وجهك تقبل مروري يا القرم |
رد : (( الشايب الي ماتحلل عظامه ))(( القصه والقصيده
ونعم بابن هادي وابن شافي كلهم عينين في راس
ولا هنت على طرحك الوافي يالظور تحياتي لك........ |
رد : (( الشايب الي ماتحلل عظامه ))(( القصه والقصيده
بسم الله الرحمن الرحيم
الاخوه الاعزاء ابناء قبيلة قحطان والاخ الظور السالفه هذي طالت اعماركم ماهي على عتيبة رعاكم الله والصحيح قول الاخوه المشاركين محمد ابو عدوة و متعب الهاجري واعتقد ان الاخ محمد ابو عدوة اضاف مصادر لكلامه وثتبة الابيات هذي من ضمن الرديات المشهورة التي حصلت بين شاعر بني هاجر ابن دغش الكدادي بلسان ابن شافي شيخ قبيلة بني هاجر موجهه لشيخ ابن هادي ورد ابن هادي بالنصرة لابناء عمومته ورد عليهم الشيخ ابن حثلين واقسم بالله العظيم اني سمعتها من اشخاص هواجر لي علاقة معهم من اهل الكويت ان الابيات هذي الشايب اللي ماتحلل عظامه ******** عيت تبيده الليالي والايام لشب ضون بروس العدامه ******* قمنا وربطنا غالي القش بحزام من الشيخ راكان ابن حثلين والمقصود بها الشيخ شافي ابن سفر الهاجري وذكرت لكم مصدر قبيلة العجمان الذي يثبت ان قائلها هو ليس من قبيلة عتيبة والسؤال من هو الشيخ الضيط المقتول من قبيلة عتيبه ؟ وسلامتكم اخوكم منيف العتيبي |
رد : (( الشايب الي ماتحلل عظامه ))(( القصه والقصيده
اقتباس:
في العراق وهلم جرى وانت لاتختلف عن غيرك ممن لايعترفون بأفعال غيرهم لافي جزية ولافي قصيد ولافي مصادر فحري بك البقاء في منتداك القبلي واكتب ماتريد هناك. هالحين مؤلفكم العصيمي منك وفيك معترف تقوم انت شخص مجهول تحلف على لسان ناس في الكويت والله استح على وجهك. |
رد : (( الشايب الي ماتحلل عظامه ))(( القصه والقصيده
لا هنت يالظور
دائما متميز |
رد : (( الشايب الي ماتحلل عظامه ))(( القصه والقصيده
الضويري
والله يابن الحلال ماهو مهم عندي انك صدقت ولا لا الكل يعلم من قائل هذي الابيات وذكرت المصادر وحددتها لك برقم الصفحة ان بغيت تقتنع بها وان رفضتها بصرك اما رح لمنتداكم واكتب ( هذا اسلوب عدم مواجهه بالمصادر والادله المؤرخه ) وشأنه شأن انا كان وجودي مضايقك ابد يسمح بالك ماعاد نشارك بأي موضوع واستح على وجهك ( اترفع والله من الرد عليها ) |
رد : (( الشايب الي ماتحلل عظامه ))(( القصه والقصيده
اقتباس:
|
رد : (( الشايب الي ماتحلل عظامه ))(( القصه والقصيده
اقتباس:
|
رد : (( الشايب الي ماتحلل عظامه ))(( القصه والقصيده
اقتباس:
تقول مصادر وهي مصدر واحد اذا جبت مصدر حنا جبنا لك ثلاث مصادر تبي حمد العزب اعرف الرجال حياك معي عنده والرجال خصص حلقة كاملة في التلفزيون بخصوص هذا الموضوع تبي مؤرخكم العصيمي تراه حي الى هالحين تبي المؤرخ ابن خميس الي انت تستشهد فيه مؤلفاته موجوده في المكاتب صدقوني ولا ابزعل ايه لا عاد تشارك في الموضوع اذا ماعندك سالفه |
رد : (( الشايب الي ماتحلل عظامه ))(( القصه والقصيده
اقتباس:
الله يرحب بك والمهلي باقي لي تحيا وتدوم ويفدونك الرخوم ياابا الذموم بيض الله وجهك على الاضافات الجيده شيبان عتيبه يقولون ان القصيده لتركي وخاصه شيبان من الذيبه محمد بن هادي توفي 1292 وعمره فوق 110 سنين وابن شبعان توفي قبل ابن هادي او بعده بسنه ماني متاكد الا من الفتره سنه ولم يتعدا الميه سنه والله اعلم لان راشد بن سالم بن شبعان من ظمن مشايخ قحطان الذي استشهدو في هية الخيف 1226 وذكر ان شيخ بني هاجر بعد هذا التاريخ وقبله محمد بن سالم استمر فتره طويله اشكر اخوي ابا الذموم على العلوم الجزله وعساك ذخر لنا يابني عمك |
رد : (( الشايب الي ماتحلل عظامه ))(( القصه والقصيده
اقتباس:
الله يرحب بك يابو ناصر لاهنت ولاذقت حزنك |
رد : (( الشايب الي ماتحلل عظامه ))(( القصه والقصيده
اقتباس:
ارحب يامقدم اشكرك على المرور ولاهنت ياالغالي |
رد : (( الشايب الي ماتحلل عظامه ))(( القصه والقصيده
اقتباس:
الرد جاك من طويل العمر الضويري |
رد : (( الشايب الي ماتحلل عظامه ))(( القصه والقصيده
اقتباس:
ذخر من الشر يابو حزام عيني فلا هلت |
| الساعة الآن 08:41 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com