|
اللغز يا اهل الالغاز وينكم
السلام عليكم ورحمة الله وبركاته
يالربع عندي لغز وانا اللي مسويه الحين يعني ما بعد مر عليكم في حياتكم بتاتا ابنشد العقال واللي يعرفون ...... عن بنت في الدنيا خفي ن سببها من لاقته في الدرب شالته بالهون .......بليا سلاح وفعلها هو عجبها وسلامتكم |
رد : اللغز يا اهل الالغاز وينكم
المنيه والله اعلم
|
رد : اللغز يا اهل الالغاز وينكم
أطلب عزك حاضرين والله بنتك ذي قشرا
لي عوده |
رد : اللغز يا اهل الالغاز وينكم
اخوي عبدالرحمن اولا عاد عيدك ان شاء الله والظاهر وترى ماني فطين انها السياره او الجلطه حمانا الله واياكم منها
|
رد : اللغز يا اهل الالغاز وينكم
السلام عليكم ورحمة الله وبركاته0
عيدكم مبارك واعاده االله علينا وعليكم باليمن والبركات 0 اخوي الهاوي مالك لوا وشاكر لك مرورك الكريم0 علي بن شداد يقولون ما ابطا بالسيل الا كبره وان شاء الله انك بتحله وبالمناسبه هذا المثل (ماابطى بالسيل الا كبره ) غير منطقي لانه اذا كبر السيل وكثر الماء زاد في جريانه لكنه مثل والله اعلم يمكن المقصود شي اخر 0 الاخ السريعي الله يعيده علينا وعليك بالخير ومالك لوا الحل غير ماقلته وشاكر لك مرورك الكريم 0 والله الموفق |
رد : اللغز يا اهل الالغاز وينكم
أولا كل عام و انت بالف خير .... و من العايدين
أما حل اللغز .... فأظنها العواصف . |
رد : اللغز يا اهل الالغاز وينكم
السلام عليكم ورحمة الله وبركاته
عساك من عواده يابن شطفان وكل عام وانتم بخير . والعاصفه مالك لوا وشاكر لك مرورك يالسنافي وشكرا |
رد : اللغز يا اهل الالغاز وينكم
يخوي والله فكرت وااااجد
ولكن للأسف ما لقيت حل.. لــــــــــــي عوووووووده |
رد : اللغز يا اهل الالغاز وينكم
السلام عليكم ورحمة الله وبركاته
حياك الله يا بن ناعمه وفكر يابن ناعمه ولا تستعجل ظني ان الامر بيطول شاكر لك مرورك يالسنافي |
رد : اللغز يا اهل الالغاز وينكم
اقتباس:
عز انك صادق :banana: |
رد : اللغز يا اهل الالغاز وينكم
السلام عليكم ورحمة الله وبركاته
اخوي شامان حياك الله وانت كفو ولها ولامثالها ولا تاخذ كلامي على محمل التحدي وان كان التحدي مرغوب فيه وليس به شي لكن انت قدها وقدود ومثل مايقول الشاعر الفصيح ومن هاب الرجال تهيبوه....... ومن حقر الرجال فلن يهابا شاكر لك مرورك يالسنافي |
رد : اللغز يا اهل الالغاز وينكم
مسيت بالخير .... أنا ما اداني الألغاز
لكن اللغز هذا فيه شي جذبني .... مدري وش هو !!! ====== الحل الثاني .... الأمواج :confused: |
رد : اللغز يا اهل الالغاز وينكم
السلام عليكم ورحمة الله وبركاته
حياك الله يابن شطفان والامواج مالك لوا يالسنافي وشكرا |
رد : اللغز يا اهل الالغاز وينكم
يخوي ابطيت علينا بالحل..
|
رد : اللغز يا اهل الالغاز وينكم
السلام عليكم ورحمة الله وبركاته
يابن ناعمه الحل بيبطي ولاودي احله انا ابيكم انتم تحلونه وش الفايده اذا حليته انا والله يوفقنا واياك يابن ناعمه وشاكر لك حرصك وتفاعلك |
رد : اللغز يا اهل الالغاز وينكم
طيب .... الدراهم !!!
|
رد : اللغز يا اهل الالغاز وينكم
وين يابن مقباس
الدراهم هو حل صحيح او لا |
رد : اللغز يا اهل الالغاز وينكم
السلام عليكم ورحمة الله وبركاته
حياك الله يابن شطفان والدراهم مالك لوا وشاكر لك مرورك يالسنافي |
رد : اللغز يا اهل الالغاز وينكم
السلام عليكم ورحمة الله وبركاته
صالح ابن ناعمه اشكر لك حرصك وتفاعلك الكريم وانا اتوقع انك انت اللي يمكن تحله والله اعلم والله الموفق |
رد : اللغز يا اهل الالغاز وينكم
السلام عليكم ورحمة الله وبركاته
وينكم يا اهل الالغاز يعني صعب الى هذه الدرجه يمكن |
رد : اللغز يا اهل الالغاز وينكم
ارحب يا عبدالرحمن
الله لا يهينك ويرحم والديك رمعتي هي العين حمانا الله وياكم منها وعفاك تحياتي0000000000اخوك |
رد : اللغز يا اهل الالغاز وينكم
السلام عليكم ورحمة الله وبركاته
اخوي خادم والديه العبدي حياك الله وصح لسانك يالقرم نعم هي العين وكلمة خفي ن سببها واضحه بس الاخوان يمكن ماانتبهوا لها او انهوا توقعوا شيئا اخر والله اعلم وانا اتمنى من الاخوان المشرفين على قسم الالغاز يمنحون اللي يحل لغز ا نقاطا وهذه النقاط تقل او تكثر على حسب درجة صعوبة اللغز والله يوفق الجميع |
رد : اللغز يا اهل الالغاز وينكم
اقتباس:
ولسانك صحيح جعلك تسلم والحمد لله جت على مانبي واقتراحك عين الصواب والشباب ما راح يقصرون لا هنت تحياتي0000000000اخوك |
| الساعة الآن 03:18 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com