ألامير محمد بن نايف
 

اهنئكم بسلامة سيدي صاحب السمو الامير محمد بن نايف بن عبد العزيز جعله الله ذخر للوطن والمواطنين

بعنوان (ســــــــــــيل الرمــــــــــه)
بســــــــــم الله الرحمن الرحيــــــــــــــــــم
جــــينى نهنيك الســــلامه يا ولد ليـــث ألاســـود @ وانفقـــر ســمان القصيـد مـن القلــــوب وجـودها
قـــــــدام ياصاحـب سمـو الأمـن وحـزام العمـود @ خــــلها تـــباها الجــادل اللـي فـي ذراك بـعـودها
ياســـــيدي خـــل الحسـود يمـــوت والله مايســـــود @ وتمـــــــوت ثامنــــة الفواســـق سمهــى فـــــــي كبـودها
بـــسمك حمـــينا الدار يامحمــد من اشـباه القرود @ اللـــي تتـقـــى بالشجـــــــروالا بـــروس فـنـودها
علمتنا وشــــلون نارد مثـــــــل وردات الفهــــــــــود @ بمشــــــوك يفــــرآ الصـــــــــدور الطامعـــــه عبـــــرودها
حنـــى لها ياسيـــدي لابانــــت انـيـــاب الحقــود @ ولا اشتبـه راس الردي فـي حــدها وحــدودها
نقبـــــل مـــثل ســـــيل الرمه لاضـــاق به صــدر النفـــود @ والله مايرخــــــــص شـــبـر لاهـــــب ذاري نــودها
لامارزمــت من شــــرق ولا غرب صلفات الرعـود @ نحـــيـاء لها درع قـــــــوي والا نــــغـذي دودهــا
نارد علىـ شــــانـــك حــــياض الموت يادار الجـدود @ اللـــي تــفانـوا فـــي تــقدمــها وحفـــر عـــدودها
دار شــــــــربنا حــــبها من عاد حنـا فـي المهـــــود @ من عاد حن نرضــع اصابعنا وحن فـي زودها
وش عــــذرنا قـــدام ربـــي لا نـــشدنا فـي اللحـود @ عــن من كستنى وأرضعتنى مـن حليب اديودها
فـي ذمـتي مابــه شـنب عــن ســـترها يقـدر يحود @ و شــــــيبانهم ماتـــو (ولآ) لبــــوك تحــــــ ت حـــيودها
عصـــــب بنا روس المواقــــــف لازمـــت واطلع ســـنود @ وابشــر بـــعـــزك لاشتبك مــــــع مــــلحها بارودهـــا
عشتـــــواوعاشـــــت دار اخــــو نوره على القمه صعود @ تــــرقا تحـــــت ظل الولـي علـى زنـود جــنودها


الرابط للاستماع

http://www.youtube.com/watch?v=fUPNaDr1N-E

الشاعر عبد العزيز محمد الخنفري

رد : ألامير محمد بن نايف
 

صح لسانك وبيض الله وجهك

قصيده جزله من شاعر كفو

ولامير يستاهل

والله اني حملتها على جهازي
تحياتي

رد : ألامير محمد بن نايف
 

لاهنت يابو بندر الله يحفظ ولآت الامر ويحفظ الامن

رد : ألامير محمد بن نايف
 

صح لسانك يا عبدالعزيز

وبيض الله وجهك على القصيدة اللي جات في وقتها ..

تقبل ودي

رد : ألامير محمد بن نايف
 

ارحب ياشامان راحب

وجهك ا بيض

لاهنت على مرورك يالقرم

رد : ألامير محمد بن نايف
 

رد : ألامير محمد بن نايف
 

الحمد لله على سلامته وكفانا الله شر الحاقدين

رد : ألامير محمد بن نايف
 

الحمد الله علــــــــــــــى سلامه وكفت اعظم منه
مع تحيات (الامبرطور):1108277243:

رد : ألامير محمد بن نايف
 

صح صح صح الله السانك وبيض الله وجهك قصيدة جزلة من شاعر جزل لاهنت

رد : ألامير محمد بن نايف
 

مرحبا يا الخنفري ..

صح الله لسانك .. واعتلى شانك ..

والحمدلله على سلامة الأمير محمد بن نايف ..

لاهنت يا الغالي ..

رد : ألامير محمد بن نايف
 

الله لايهينك
يالحبابي
تقبل مروري

رد : ألامير محمد بن نايف
 

لاهنت اخوي حبرص ال روق
وجهك ابيض لاهنت على مرورك

رد : ألامير محمد بن نايف
 

راكان لاهنت على مرورك وصح بدنك

رد : ألامير محمد بن نايف
 

ارحب ارحب يابن نملان

لاهنت اخوي على مرورك العطر وصح بدنك يالقرم

رد : ألامير محمد بن نايف
 

بند لاهنت على مرورك وبيض الله وجهك


بالنسبه لفخذي للعلم


انا خنفري من غير قصور في صبيان الحباااااب

لاهنت على مرورك يابن عمي

رد : ألامير محمد بن نايف
 

لاهنت يبن هيف مرورك اسعدني

رد : ألامير محمد بن نايف
 

امين اخوي ناصر بيض الله وجهك على مرورك العطر

رد : ألامير محمد بن نايف
 

صح الله السانك وبيض الله وجهك قصيدة جزلة من شاعر جزل لاهنت


تحياتي

رد : ألامير محمد بن نايف
 

عشتـــــواوعاشـــــت دار اخــــو نوره على القمه صعود @ تــــرقا تحـــــت ظل الولـي علـى زنـود جــنودها

صح لسانك والله

البيت يسوى قصيدة

رد : ألامير محمد بن نايف
 

لاهنت ابو بندر على رجوعك

رد : ألامير محمد بن نايف
 

لاهنت ياصبي بكرين

مرورك يسوا القصيده كامله لاهنت على مرورك ونا خوك

رد : ألامير محمد بن نايف
 

صح الله لسانك و بيض الله وجهك

رد : ألامير محمد بن نايف
 

تسلم يالقرم صح بدنك لاهنت على مرورك

رد : ألامير محمد بن نايف
 

صح لسانكـ

رد : ألامير محمد بن نايف
 

صح بدنك لاهنت على مرورك اخوي الكريم