|
ياهل الطولات ربع ابن هادي
ياشباب صبحكم الله بالخير جميع وفي خاطرة محاورة هاللحين وهاكم البيت جعل الللاش يفداكم ... ياهل الطولات ياربع ابن هادي , وين ابا القى شاعر ماهو بعادي , يطرب الجمهور بأبيات جدادي الله أكبر ياللحون السامرية ياربعنا قحطان هاتوا شاعر ضلعه متين وأنا كفيل بكسر ضلعه كان ماجاد السلوم ياربعنا قحطان جاكم شاعر زندة سمين يامي ومن ربع تزور الموت بالضلع الزحوم |
أرحب
أرحب أرحب ياوجه محلف .
أبرك الساعات وحنا حاضرين فأي وقت أرحب أرحب يامحلف قدم الرجالي ... عند إبن قحطان حمّاي التوالي ... مانمد إلا الفرايد والجزالي ... الله أكبر ياللحون السامرية .
ياربعنا يايام ردوا ورعكم يالطيبين ..... قدام تاكله السباع القشر في روس الرجوم . ياربعنا يايام حنا من قديمات السنين ..... اسلاحنا مانرفعه ياكود في وجه القروم . |
ارحبوووووووووووووووووووو يارجااااااااااال
يالله حيهم لاهنتوا اثنينكم .......... بوجابر لاهنت عبدالله العبيدي في صفك يامحززززززززززززمي واصلووووووا واصلووووووووووووووا |
أرررحب يالعبيدي عساك ماتشبه القرقاح استلم نفداك .... يالعبيدي هاك علمي يالعبيدي , وصلكم من رووس يام ورع شديدي , ناقل رمحه مع السيف الفريدي الله أكبر ياللحون السامرية تحذر ورعنـــا ياعبيد يركز رمحــه الصخين ... ... وياكل له سباع ضــارية معها كبير القوم من يرفع سلاحه علينا ينكسر يابا الحصين... ... حنا سواة الحر الأشقر لاشهر يجلى الهموم |
يابن ريفه يابن شايق يالعيافي , ربعكم عجزوا يجرون القوافي , يشهر الحر القطامي مايخافي الله أكبر ياللحون السامرية أنا أقول ازهموا قرقاح ياتي صوبنا ذالحين ... ... يجيب من البيوت الكايدة ويفرج المظيوم وحرام من وقف ذالليــل عشره راجــعه ثنتين ... ... وختامها ياقوم بوجابر على العليا يدوم |
بسم الله والحمد لله على النعمه .
يابوجابر أنا انتظرتك يوم كامل ولا رديت وأنت انتظرتني ساعتين و ولعت نيرانك . ياابوجابر لايطول ابنا النقاشي .. ثم تعوّد ياصغيّر للهواشي .. لا تهوش مع الفحل دام أنت حاشي . الله أكبر ياللون السامرية . نحذر كل ورع عاصيٍ من زلة السكين ...... نخاف ينوشة النايش ويرجع خاضع مغموم . يابوجابر على أيا درب ساير وين قلي وين ...... تركّد واضبط مرايتك واصحى لا يجيك النوم . |
...
لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .
الله أكبر ياللحون السامرية ليا جاء يمك القرقاح حاسك حوس يامسكين ...... صحيح إنك قليل المعرفة يالغادي المنجوم لا عاد إنك تعوّدها تحاور من يرد الدَين ...... وخلك مع جماعة يام ... لا ضالم ولا مضلوم . |
أرحب أرحب يابن مانع
الله يجعله يسلم راسك من صدوف الدهر ولاهنت وبيض الله وجهك |
اقتباس:
لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d لا وقفنا شفت ماشافوا جدودك ... استرح فالدار واحذر من حدودك ... لجل ماتبكي ويحمرّن خدودك .:d الله الله الله عليك يا العبيدي لاهنت يا عصابة الراس وانا قابض الصف ازهله |
عشت يالعبيدي
|
يالعبيدي منت كفو للقصيدي , أنت ورع لاقبضته ضاع بيدي , أنصحك خل الشعر دامك جديدي الله أكبر ياللحون السامرية كم يامي زار قحطــــــان وينثني بفيد ثـمين ... ... ولا أنت لا زرت المناعير تحشى خدك وسوم أسير الدرب رافع راسي وكاره لي حاجتين ... ... ملاجق الجهــال ولا خلوة بأم الوشــــــــــوم |
أنشدك ياهيه عن خبرة جحادر , عند يام مذبحين أهل النوادر ,والبكى لشرواك ياهيه قم وغادر الله أكبر ياللحون السامرية تقوله ماتقوله سـايل دمعك على الخدين ... ... أرويك نجوم الضحى وتقول ماذي بالنجوم جماعة يام تعرفهم يوم اللقى يابوجهين ... ... ســلاطين الجزيرة وانشد الاتراك ولا الروم والسلام ختام |
ابوجابر
وعبدالله العبيدي لاهنتوا على كل حال وطالبكم طلبه ان تنهون المحاوره لاني اشوفها صارت حاميه اكثر من اللزووم وطالبك ياعبدالله العبيدي انك ماترد |
ابو جابر ارررررخ في الدافوووور شووي نفدااااك .....
واضم صوتي لبن عاصم ولا ودنا بالردا بين عيال عم نفداااكم وطالبك يالعبيدي ماتررررررررررررررررررد .. وانهووووها وانهوووووها بو جابر زاد في دافووره شووي ولاودنــا يكويه وجه عبيده هميقولون والله شبكة قحطان ماحشمة ضيفانها... العبيدي ماقصرررررررررت .......... بوجااابرررر ...... الله يهديك بـــس ..... يام=سلاطين الجزيره؟؟؟؟؟؟؟؟؟؟؟؟؟؟؟؟؟؟؟؟؟؟ <<<<<<<<<< لاتعليق تحياتي للجميع |
يابوووووو جابر انت وش قوومك حنا ذابحين احد من اهلك توقع ترى الشعار الكبار ما يقلوون ذا الحكي
واي شاعر كبير يسمع كلامك ذا نقد عليك شوي شوي ولا خلصنا ترنا مناب في حرب جعلك تسلم الدعووه على مقال توسيع صدر مهيب مذابحه |
مادام الطلب من إبن عاصم وابن مانع مانرده ولايهونون الباقين
وإلا نهاية المحاورة مفروض من عندي لكن ماعاد به عقب الطلب رد . ابوجابر ارفق على نفسك تراها ماتاصل لهالمواصيل . |
الصالاني
أبهاوي خالد القحطاني إبن مانع ابن عاصم لاهنتوا جميع وجعلكم سالمين . |
يالربع الحقيقة انا منحرج منكم وما كان ودي تاصل المحاورة بهذي الصورة لكن أنا أشوف ان العبيدي الله يسامحه هو السبب الاول وشوفوا بيته الاخير وتعرفون أني كان في حالة دفاع وعلى العموم عزا الله ان رجال وطيبين واسمحوا لنا كان حصل منا غلط وأعيد واكرر ماكان ودي تنتهي المحاورة بهالصورة غير ان عبدالله غاضني في البيت الاخير واسمحوا لي مرة ثانية وانشالله انها بداية معرفة |
بوجاااابر
عزيز وغالي نفداااااااك والكل غير معصوم من الخطا لا انت ولا عبدالله الكل يخطي ولاهو بعيب لكن العيب مثل ماقالوا استمرار الخطأ وزي ماقلت لك تبقى ولد وتبقى عزيز وغالي وتحياتي لك |
لا هنتو انتم اخوان ونشاء الله هذا شعر ما احد يشيل في قلبه
الدعوا مزوح مشكووووووووووووووووورين |
لاهنتوا جميعاً وخصوصا مانع وكلكم على راسي وتستاهلون حبة خشم بعد
|
بيض الله وجهك يابوجابر
ويعجبني فيك اعتذارك الذي يدل على شجاعتك وطيب اصلك |
ماعليك زود طال عمرك انت والحضور كلهم
|
مجرى الا كل خير يا ابو جابر
وثاني مره ارفع بندفك جعلك تحيى ولا ترها بتعود في محاشمك ههههههههههههه عزيز وغالي جعلهم ما يطرون الجيب عليك ومرحبا ومسهلا بين ربعك وخوانك |
واالله ونعم ياصبي محلف....................والدعوه على ماقالوا الربع........وسعة صدر ووناسه
والله لا يهينك ..........وحياك الله بين ربعك عبدالله العبيدي...........لاهنت يالذيب فمان الله البيرق |
| الساعة الآن 09:40 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com