مصافحة بعد الغياب لضروف خاصة((عشق المراجل))
 

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,medium,gray" type=4 line=0 align=center use=ex num="0,black"]

"""""""""""عشق المراجل"""""""""""
الله يبيــض وجـــه الأيـــام والضيــــق = وصكات بقعاء والسنين العجافــــي
وثّـقــت منها صـادق العلــم توثيــــــق = واحداث وقتـي بيّـنـت كل خافـــــي
صندوق صدري شال وسطه صناديق = وخفيتها خلف الضلوع النحـافـــــي
بسُكوتـي آلجّــم وســـاع المشاديــــــق = وآخاف يقفاني من الناس قافــــــي
واسلي الخاطـــــر بجــر الطواريــــق = واهيم واسلا في بحور القوافـــــي
وافخر بعرفي للرجال المطاليـــــــــق = أهل الوفا واهل القلوب النظافــــي
ولا الــردي لا بيّـنـتــه التحاقيــــــــق = صدّيت عنه وقلت ماصار كافـــي
ياليتنــي بقلــوب خلانــي آويـــــــــق= منشان ما اصدم لا لحقني خلافــي
ياكثر ماخلف الصدور المغاليــــــــق = ويبين مافيها لاصـار اختلافـــــي
احدٍ يوقّف لانشف عنـدك الريـــــــق = يقدم على جال الخطر مايخافــــي
واحدٍ يقول بحزّه الضّيق ماطيــــــق = وهذا يسمّونه صديق العــوافـــــي
ماكل رجــــال للأمـجـــاد عشيــــق = ولاكل منهو وافي أجدود وافـــــي
كم نسل وافينٍ يـبــوق المواثيــــــق = ياتيه في وقت اللّزوم أرتجافـــــي
واللي وقّف للمرجله دون تعليــــــق= عـز الله أوقافــه وانا فــي وقافــــي
واللي يبي طاريه للناس لاسيــــــــق = يكسب نعم يمشي على الشوك حافي
وكلمة نعم ماهي تجي بالتلافيـــــــق = يبغالها وقفـه وسعــي وطوافـــــي
تبقى الجبال الشامخات الشواهيـــق = تقديرها مـــع قاطعـيـن الفيافــــــي
والعشق يجري في دمي المخاليــق = وعشق المراجل ميزةٍ للسنافــــــــي
وعشق الغزل لوينبع من المعاليـــق = مع الزمن تسفي عليه السوافــــــي
ترا المراجل ماعشقها مطافيـــــــق = ولاّ الغزل يعْشقه وافي وهافـــــــي
والحظ وهبه والمواهب توافيــــــق= والوقت ماهو لك على طول صافي
الحظ نودٍ والخلايـــق غرانيـــــــق = تاخذ مع النود إنحناء وانحرافــــــي
والحظ ما ياتي بخطة وتنسيـــــق = لا تقطع الامـــال لوكان غافــــــــــي
اصبر وصبرك طبقه خير تطبيــق = وان شفت مبلي قل ياكافــي تعافـــــي
ولاتَشْمت ولو هو من اهل التعاليق = ما يشْمت إلا الاردياء والضعافــــــي
أخذ العبر لأجل الليال اللواحيـــــق = التجربة للجرح طـــبٍ يشــافــــــــــي
وانا طلعت بدرس من عقب تحقيق = من واقــع شفته وحسـب أكتشافــــــي
ياقل ربعك حزه العسر والضيــــق = وياكثر ربعك كان صارت عوافـــي[/poem]

رد : مصافحة بعد الغياب لضروف خاصة((عشق المراجل))
 

صح لسانك وعلا شانك

مصافحة رائعة من شاعر كفو

لاهنت يا ذيبان وتقبل مروري

رد : مصافحة بعد الغياب لضروف خاصة((عشق المراجل))
 

وانا طلعت بدرس من عقب تحقيـق من واقع شفته وحسـب أكتشافـي
ياقل ربعك حـزه العسـر والضيـق وياكثر ربعك كان صـارت عوافـي


الله الله صــــــــــــــــــح لسانك وعلى شانك

ولك مني خالص الشكر

تقبل تحيات أخوك
أبو صقر الزهيري

رد : مصافحة بعد الغياب لضروف خاصة((عشق المراجل))
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ابو مبارك العابسي

الله لا يهينك على المرور

شرفت ولا كلفت يالقرم

تقبل تحياتي[/poem]

رد : مصافحة بعد الغياب لضروف خاصة((عشق المراجل))
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ابو صقر

اسعدني مرورك

وشرفني إقتباسك

وتسلم يالذيب[/poem]

رد : مصافحة بعد الغياب لضروف خاصة((عشق المراجل))
 

بيض الله وجهك يابومسفر على هذه القصيده الرائعه
لاهنت يابطي الكلام الجزل انت من هله ولاهنت وانا اخوك

رد : مصافحة بعد الغياب لضروف خاصة((عشق المراجل))
 

صح لسانك يا بو مسفر

مبدع في النظم والمحاورة


لاهنت

رد : مصافحة بعد الغياب لضروف خاصة((عشق المراجل))
 

بيض الله تعالى وجهك على هذه القصيدة الرائعة وفعلا قصيدة في محلها بدون شك

رد : مصافحة بعد الغياب لضروف خاصة((عشق المراجل))
 

صح لسانك يابومسفر وابيض وجه واشهد انها قصيدة جزلة من شاعر جزل

رد : مصافحة بعد الغياب لضروف خاصة((عشق المراجل))
 

ابو مسفر عشت ودمت وصح لسانك

وعلى الثانيه عانك

اخوك

رد : مصافحة بعد الغياب لضروف خاصة((عشق المراجل))
 

شكرا على هذة الرائعه يابو مسفر

ونا بصراحه من زمان ماعلقت على اي قصيدة

ولكن قصيدتك جبرتني على الكتابه والتعليق لانها تستحق

وتقبل تحيات اخوك بن مداد

رد : مصافحة بعد الغياب لضروف خاصة((عشق المراجل))
 

ترا المراجـل ماعشقهـا مطافيـق ولاّ الغزل يعْشقـه وافـي وهافـي
الله الله انا اشهد لله وما بين ايديه انك شاعر صح لسانك وبيض الله وجهك
جعل والديك فالجنه تقبل مروري

رد : مصافحة بعد الغياب لضروف خاصة((عشق المراجل))
 

صح الله لسانكـ .. صح الله لسانكـ .. صح لسانكـ ملايييييييييييييييييين



قصيدهـ استمتعت كثيراً بقرائتها



عدت قرائتهآ اكثر من مرهـ



ياقل ربعك حـزه العسـر والضيـق ,, وياكثر ربعك كان صـارت عوافـي




اشهد انك صادق



تقبل مروري المتواضع امام حرفك الشامخ

رد : مصافحة بعد الغياب لضروف خاصة((عشق المراجل))
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سفر الحبابي

العبدي

محمد ال قوت

خالد بن حمير

خادم والديه العبدي

عبدالله بن مداد

ثابت التوم

الله لا يهينكم ويبيض وجيهكم على المرور والتعليقات ويعلم الله
انكم اسعدتوني بمروركم وشرفتوني بتعليقاتكم واقتباس بعض الابيات
وهذا المكسب من القصيد (إعجابكم ومعرفة الطيبين شرواكم)
تقبلوا تحياتي[/poem]