|
.. مهم لكل قحطان وخاصة الجحادر
السلام عليكم ورحمة الله وبركاته
في البداية أرحب بكل من سيقرأ هذا الموضوع وكل من سيرد ويشارك وأتمنى من الجميع المشاركة وبخاصة الجحادر لأن الموضوع يخصهم بالتحديد انا ماني بجحدري انا من آل الجحل ولكن أحب تاريخ الجحادر ومتعنصر للجحادر لدرجة يمكن لو احد من ربعي يتكلم عن الجحادر وقفت في وجهه والسبب التاريخ العظيم لهذه القبيلة حروبها وانتصاراتها وصنعها لتاريخ لم يسبق له مثيل فكلنا من كافة قحطان نفخر بأن تكون قبيلة الجحادر أحد فروع قحطان بل وأساسها .. وماعانته القبيلة من تعدد الحروب مع القبائل او بالأحرى ماعانته القبائل الاخرى منهم قرأت الكثير عن هذه القبيلة وسمعت الكثير من الشيبان والعارفين بتاريخ القبائل ولكن لدي بعض الاستفسارات التي أتمنى ان أجد لها اجابات شافية وصحيحة غير مبعثرة و مثبتة سؤالي الأول: ماهي ديار الجحادر بالتحديد وخاصة في نجد ؟ السؤال الثاني: ماهي حدود عتيبة مع الجحادر وهل بالفعل بأنهم قريبين من بعض لدرجة تداخلهم في بعض الديار ام لا ؟ السؤال الثالث: حصاة قحطان من يسكنها من قحطان ؟ السؤال الرابع: يتردد كثير من أقوال عتيبة عن استيلائهم على دلال ابن هادي مع اني اكره هالكلمة لأنها تدل على صغر العقل ل ولكن هذا مايقولونه فما صحة هذا الكلام ؟ السؤال الأخير: من المعروف او بالاصح ماسمعت عنه .. بأن هناك في حصاة قحطان من يقال لهم آل روق وهم من الجحادر وليسو من عتيبة فربما اختلط الأمر على جهلة التاريخ من عتيبة وظنوا بأن آل روق هم روقة عتيبة .. فأتمنى افادتي بهذا الموضوع .. خاصة وان احد زملائي من عتيبة من روق أثار هذا الموضوع ومع علمي بجهله فربما رأى لوحة مكتوب عليها آل روق فظنها قبيلته تحياتي للجميع وأتمنى منكم ان تردوا بسعة صدر وأن لا يكون في موضوعي مايسيء للفهم .. اخوكم .. عايض بن علاس |
رد : .. مهم لكل قحطان وخاصة الجحادر
اقتباس:
لايجرء احد من كتابهم للحضور والنقاش وياما ناس يدعون انهم كتاب كبار عندهم دخلناهم الذره |
رد : العنصرية الجحدرية .. مهم لكل قحطان وخاصة الجحادر
ارحب يا الجحلي
ومن حقك تعرف ماضي قحطان ونفتخر فيه كلنا يا قحطان والجحادر نوماس لقحطان كافه وبيض الله وجهك يا العاطفي على التفصيل وسرعتة الإجابات ودقتها التي تدل على كبر عقلك ورزانتك وقوة حجتك وبصراحه ضحكت كثير على الدلال اللي يقولون انها لبن هادي ههههههههههههه انا اعرف شايب شهراني ابو خويي عنده دلال قد تغفصت من كثر ماجار عليها الزمن ومن كثر ما قد حذف عواله بها ؟؟؟ فجاه قصيمي مسير فشاف الدلال حقت الشهراني فقال ماشاء الله عليها شكل عمرها اكثر من مية سنه قال ايه من عهد عبدالعزيز الله يرحمه فيحسب القصيمي انها لعبدالعزيز فقاله ابي اشريها منك قال الا خذاها فحلف ان مايخذها الا بقيمتها فقال الرجال السومة من عندك و والله ما ازيد على سومتك ريال <<<<< الرجال يبغى الخراج منها فأعطاه خمسة آلاف ريال لكل دله فباعه فتعينه يهايط على ربعه ويقول انها لعبدالعزيز والشهراني عين الدراهم واق الله له رزق فاللي طرى هالسالفه ان يمكن انه انغش ذا العتيبي والا انه منقهر على ماضي شيبانه فيبغى يجيب اي شئ يقول ان تاريخهم اقوى من قحطان والشمس لا تحجب بغربال |
رد : العنصرية الجحدرية .. مهم لكل قحطان وخاصة الجحادر
ارحب يا عايض واعتقد ان الضويري كفى ووفى في اجاباته وازيد ان الجحادر صفحه من صفحات تاريخ قحطان المجيد فهناك ابناء عمهم الهواجر الذين اثبتو مكانتهم وقوتهم في شرق الجزيره العربيه مع اقوى قوتين هناك بنو خالد والعجمان التي تعتبر دول بالمقارنه مع الهواجر ولاننسى عوال عمنا الي في الجنوب الي حاربو الاتراك وحمو اعراضهم وديارهم ولا ننسى احبابنا الحباب المنتشرين في دول الخليج وشاركو في معارك قويه فيها..
قــحــــطــــــان تـــاريـــخـــهــــا مـجــيــد لــم يـثـبـتــه الا الـجـغــرافـيـــا ودمتم.. |
رد : العنصرية الجحدرية .. مهم لكل قحطان وخاصة الجحادر
مشكور يالغالي
|
رد : .. مهم لكل قحطان وخاصة الجحادر
اقتباس:
ارحب ياعايض بن علاس والله يحييك ويحيي علمك يبن مريط.. والله لايهين أخونا الضويري كفى ووفى.. وعندي إضافة بسيطة جداً على سالفة الدلال حقت بن هادي ( الله يرحمه ويسكنه الجنة ).. من المعلوم ان الشيخ محمد بن هادي مات بعد ان كبر به السن وتعدى المائة ( يعني بالعربي مات موته طبيعية لأن العرب كانوا يهابونه ولاأحد قدر يذبحه لخلعته منه فكيف ياخذون الدلال.. وش هاذي حرب والا مسابقة فنون السرقة !!!!!!!!!!!!!!!! ).. الله يرحمك يبن هادي فارس شجاع.. وكلاً يبغى ينشهر على حساب بن هادي وقحطان!!!!!!!!!!!!!! لا يهمونك وانا اخوك وتذكر : الحكى في عهد بن سعود قدهو بلاش وفقك الله ومن يقرا لما يحب ويرضى أخوك: ابومسفر القحطـــــــــــــاني |
رد : العنصرية الجحدرية .. مهم لكل قحطان وخاصة الجحادر
السلام عليكم ورحمة والله وبركاته
ابو حزام ماخلى شي نفداه كفى ووفى اما سالفة الدلال فوووسع صدررك مهايط زايد اخوك/عبدالله السحيمي |
رد : العنصرية الجحدرية .. مهم لكل قحطان وخاصة الجحادر
السلام عليكم ورحمه الله وبركاته
اخوي عايض كلنا جحادر وكلنا رفيده وكلنا قبايل قحطان نفتخر في بعضنا اما ديار قحطان في نجد فمعظم بلاد نجد للجحادر وقحطان اذا حددنا نجد بطريقه جغرافيه فجميع القبايل النجديه منحازه في غرب نجد وشماله اما قلب نجد فأضن قحطان في وسط نجد اما حدود الجحادر فيحدون عتيبه من الشمالاي حدودهم عفيف والدوادمي وغيرها اما حصاه قحطان فجميعها لقحطان لا يخالطهم فيها احد ابد اما قصه دلال بن هادي فما اضن فيه دلال اخذت ولا غيرها كله كلام وسوالف ليل وسالفه الحصاه فهي لقحطان فيها الروقي وفيها السعدي وفيها العاطفي وفيها العلياني ولا فيها غير القحاطين لا روقه عتبان ولا غيرهم |
رد : .. مهم لكل قحطان وخاصة الجحادر
ومليون نعم بالجحادر
وكفا ووفا أبو حزام |
رد : .. مهم لكل قحطان وخاصة الجحادر
مع ان رد مشرفنا الضويري
وابومسفر القحطاني وسعيد وغيرهم شافي وكافي إلا أنني حبيت اوضح بعض النقاط اقتباس:
ارحب يا عايض اقتباس:
والمعلومات هذي كلاً يعرفها من الجحادر وغيرهم سواء كان عدو سابق ام حليف اقتباس:
وتاريخ الجحادر ينومس واما العنصرية فلا تصح لا للجحادر ولا غيرهم من ربعنا فقول الحق وكلام العقل هو الفيصل في كل شي واما ربعك فهم بعيدين كل ابعد عن الجحادر والكلام فيهم لأنهم يقدرون الرجال وعلومهم والجحادر كذلك يعزون الطيبين امثالهم اقتباس:
والناموس لقحطان كافة كبير وصغير في الجزيرة العربية الاسم واحد والفعل واحد ولا تفخر إلا بمن يفخر بك وبقحطان كافة فهذا سعيد الحبابي وابن وسام شرفونا ورفعوا روسنا فوق بالناموس والعلم الغانم وهذا ناموس لنا جميعاً والحمد لله ان الجحادر لم تعاني من القبائل كما عانت قبائل كثيرة من الجحادر وبعضهم مازال يعاني من سمعتهم وذكرهم المشرف فقاموا يكذبون الاكاذيب في المواقع وكثر الحكا كمل يقولون وانا أقول لهم في العين عاير وفي الكبد جاير اقتباس:
لم تجد هذه الاجابات على العموم أجابك الضويري وابومسفر القحطاني وقد تم اصادر كتاب عن الجحادر للمؤلفين الكبار مانع العاطفي ومحمد الشامخ ستجد موضوع بذلك للضويري قد يفيدك الكتاب كثيراً على استفسارات اخرى أو معلومات قد تحب ان توضحها لزميلك الروقي العتيبي وفي الشبكة هنا الكثير من المواضيع عن الجحادر وحباب وعبيدة وبني هاجر ورفيده وباقي جميع قبائل قحطان المنتشرة في الجزيرة العربية اقتباس:
سواء كانت مدن ام محافظات أو قرى او هجر أو حتى هضاب وأبار ومراعي ومزارع فلك ان تقول نجد كله صافيه للجحادر ما عدى الجزء الشمالي لها فهو الحد على ثبات قحطان في الدفاع عن نجد ودليل على ايقافهم عن الحدود وعدم دخولهم فيها إلا بعد أن عم الاسلام والحكم القويم تحت راية التوحيد فكثرة الهبات من قحطان وغيرهم وأيضاً في مواضيع كثيرة حددة جميع ديار قحطان والجحادر يصعب عدها هنا لكثرتها اقتباس:
والعكس صحيح وللمعلومية اعرف شخص ليس له اصل وفصل له ملك وسكن ومزرعه ونفوذ بل يعمل عنده اناس من قبائل معروفه وكل ذلك فقط لأنه ملياردير الآن بفلوسك اسكن وين ما تبي وجاور اللي تبي غصب عنه اقتباس:
ستبقى بإذن الله لقحطان لأن انتبهت للهبات وعمليات البيع ففي الآونة الاخيرة تصدت لعمليات مشابهه بطلب هجر وتنفيذ مخططات في أراضيهم فأوقفوها باللي تبي اقتباس:
أولاً : من يفتخر بدلال يستاهل حنا نفتخر بروس الشيوخ وخيولهم وابلهم وبديارنا وسلومنا وعلومنا وترحيبنا وكرمنا للضيف ثانياً : لا تعمم السرقة على عتيبه كلها فلا يصح ان ننسبهم بذلك ثالثاً : الجحادر في الحرب لا تهتم إلا بمناطح الرجال وصدهم لكن ان خالفهم حريم أو أشباههم ليت احد صبيان الجحادر واخذوا دلاله ونسبوها لابن هادي فهذه ليست شيمة الرجال وهذه سرقة ضعيف ودويني رابعاً : ليس هذا فخراً ولا غيره فكيف يفخر سارق مواعين ولا أعمم ( هذا لمن يقول انه كسبها ) خامساً : كيف تذهب ديار قحطان لعتيبة وتذكر بعد دلال يعني لو ذهبت ديار لقحطان الاولى ان يفتخروا بها قبل الدلال!! سادساً : لم يذكر سالفة الدلال من المصادر المحايدة احد بل مصادرهم فقط وحتى عقلائهم لا يذكرون ذلك اقتباس:
وهم اهل منعه وقوة وباسهم شديد وذكرهم يضاهي قبائل كثيرة ويكفي ذكرهم في مناخ الحرملية والكودة وكثيرة من الهيات مع أبناء عمهم الجحادر في كل نجد اقتباس:
وفي الكتاب المذكور لك في الاعلى وفي كتاب موسوعة قطحان بني مضيم وأن شاء الله بعد هذا ستلجم زميلك هذا وغيره من الجهلاء وسيزيد حبك لنا وحبنا لك اقتباس:
وأن شاء الله اننا ردينا بالرد المطلوب والاخوان كفو ووفوا ولا فيه شي يضيق الصدر ولا ما يمكن فهمه غلط اقتباس:
|
رد : .. مهم لكل قحطان وخاصة الجحادر
اقتباس:
وستكون أجابات لاسئلتك ******************** أولا/ ديار قحطان كثيره في نجد سواء على مستوى الحاضره او الباديه وقراهم منتشره في محافظات نجد وعدد الديار أكثر من مائتين ألى ثلاث مائه قريه وهجره وموقع ثانيا/ الحدود بين القبيلتين طويله ومتجاوره مثل اي حدود بين القبائل الاخرى في الجزيره فقحطان تحدها قبائل كثيره ثالثا/ حصاه قحطان بالكامل لقحطان بل وازيدك علما أن الديار المجاوره لحصاه قحطان من جميع النواحي شمالا وجنوبا وغربا وشرقا لقحطان كلها رابعا/ اما سالفه الدلال فعز الله ما افتخرواء بها من خير فاكيد ما حصلواء فخر ولا مجد تليد على قحطان فأشترواء دلال مصديه من سوق الزل وقالواء لابن هادي فاذا هذا فخرهم بالدلال ففخرنا بالجزيه الي فرضناها على اقوى قبائل الجزيره لمده ستون عام ومن القبائل هي عنزه وعتيبه ومطير وحرب ومن غيرهم قبائل أخرى خامسا / فقبيله ال روق قبيله جحدريه ومن شجاعتهم وفعلهم في المعارك صار العتبان يدعون انهم من عتيبه ولكن هيهات يطلبون الله فصبيان ال روق محازمنا ويكفيهم قتل شيوخ قبائل أمثال ابن ضاري شيخ سبيع وزابن بن قويد شيخ الدواسر وشليل بن نجم من شيوخ الروقه عتيبه وغيرهم كثير |
رد : .. مهم لكل قحطان وخاصة الجحادر
الله يبقيك يالضويري هلا بك ملايين
بالنسبة لتعديل العنوان مسموح وانا اخوك واعتذر ان كان فيه ما يسيء ولكن كان المقصود فيه لفت انتباه للجميع وبخاصة الجحادر لان الموضوع يخصهم وهم أفضل من راح يرد علي في مثل هذا الموضوع أشكرك على ردك الوافي والشافي ولكن الى الان ماذكرتو لي الحدود بالضبط والديار وقربها من بعض المدن ولو كان فيه موضوع بها الشأن فأتمنى وضع الرابط مو شرط الرد بالتفصيل بالنسبة للهبات فبالتأكيد لها سالفة فأتمنى ذكرها مو شرط في هذا الموضوع اما بموضوع مستقل حتى نطلع عليه او لو كان كتب قبل كذا تنيرونا بالموضوع وندخل نشوفه بيض الله وجهك وانا اخوك واشكرك على التعديل وكلنا مكملين لبعض .. |
رد : .. مهم لكل قحطان وخاصة الجحادر
اقتباس:
من غرب الى شمال الرياض سدير بلدان الوشم ومن ثم تصبح الدوادمي شمالا عن ديار قحطان اما الهبات فبعضها مذكور في رسالة نورة ال سعود حول تأسيس الهجر في المملكة العربية السعودية |
رد : .. مهم لكل قحطان وخاصة الجحادر
احب فقط ان انبة ان الاخذ و الرد على كلام اشبة مايكون كالسراب مثل مناقشة الرافضة في امر المهدي المنتظر
دخل السرداب وبس قال فلان وعلان ... حنا ناس عاقلين ..فية مصادر نرد عليها ياهلا ومسهلا ..... مافية حنا غير ملزمين نطارد كل ناقص علشان نرد علية .... في حكم ابن سعود بإمكان اي احد ان يصنع لة تاريخ.... اذا بعير السبيعي حطوة شعار لمزاينهم البعير حي وراعية حي وينكرون فماذا بعد ذالك !!!!!!! والاخوان الله يجزاهم خير نقدر حميتهم واهتمامهم وعليهم البعد عن مجادلة الحمقى حتى لايعتقد الناس ان كلاكما حمقى انا استغرب من حساسية البعض تجاه الاكاذيب والاباطيل فطالما انها بدون مصادر فأبسط شيء تجاهلها اذا كان في روسهم علم عندنا مناخ القرينات موثق يجون يردون علية.... بدون مصادر ... يفتح الله |
| الساعة الآن 05:12 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com