شبكة قحطان - مجالس قحطان - منتديات قحطان - قصيدة في الشيخ سعود بن جراب رحمه الله

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - قصيدة في الشيخ سعود بن جراب رحمه الله (https://www.qahtaan.com/vb/showthread.php?t=46360)

قصيدة في الشيخ سعود بن جراب رحمه الله

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
البارحة يوم العرب نومهم زان=كن العيون تقول لا تنام بالله
كنها تقول أرجوك لا تنام يافلان=بالغصب ولا الطيب النوم خله
قربت نجر ٍ له مع الليل دندان=وزينت لي من أشقر البن دله
تجلى هموم الصدر لي صرت طفشان=وتجلى عماس الراس دقه وجله
ماني بمن كيفه معسل ودخان=البن كيفي من على الجمر أزله
طرت على بالي صواديف لزمان=وفرقا رجال ٍ في المواقف جبله
فرقاك ياللي في المواقيف لك شان=شيخ ٍ تعقد الراي وأيضاً تحله
مرحوم يامروي ظما كل عطشان=ومن جار به وقته نصاه وزبن له
ومرحوم ياللي يفرح إن جاه ضيفان=اللي بوقت العسر يعرف محله
ليا لفاه الضيف رحب كحيلان=ومن جاه به هم ٍ فهمه يحله
عمي رعا الوقفات عمي بليهان=سعود لما قسي حمل ٍ يشله
ليا حضر في مجلس ٍ كنه حصان=ولياهرج هرجه جزل ماتمله
معروف من حايل إلى حد نجران=الطيب ساسه والوفى منهج ٍ له
ومعروف من أبها إلى ساحل عمان=سعد الرفيق وللعدوا حد سله
صليب راس ولعتزا بعض لحيان=عدوه يوقف ويثبت محله
هو راعي الوقفات في كل ميدان=وقت اللوازم كنه سيف ٍ نسله
الله عطاه العز والجود عنوان=والطيب كنه ياعرب مستحله
فعايله معها دلايل وبرهان=مهما تطول شهورها والأهله
نهار فرقا كاسب المدح حوران=مابقي عين ٍ دمعها ماتهله
يبكونه رجال ٍ صناديد شجعان=اللي خوي واللي قصير بمحله
ويبكونه ربوعه شباب ٍ وشيبان=في كل دار وكل موطن وحله
وتبكي عليه الهجن ودلال رسلان=والمجلس اللي كل شهم ٍ يدله
وأبكيه لي مريت بيته مسيان=فرقاه خلت بين لضلاع عله
والله لو إن الموت يدفع بالثمان=نشريه ولا نعطي أحد ٍ فداً له
أدعيك يامعبود يارب لكوان=في يوم بعثك تحت ظلك تظله[/poem]