شبكة قحطان - مجالس قحطان - منتديات قحطان - رساله من سجين بيشه ( الفهري ) تكفون ياقحطان

- مجلس أخبار قحطان (https://www.qahtaan.com/vb/forumdisplay.php?f=46)

- - رساله من سجين بيشه ( الفهري ) تكفون ياقحطان (https://www.qahtaan.com/vb/showthread.php?t=45193)

رساله من سجين بيشه ( الفهري ) تكفون ياقحطان

بسم الله الرحمن الرحيم

هذه رساله من السجين : مسفر بن سعد بن شارع ال العجي الفهري

الذي أمضى خمسة عشر عاما خلف قضبان سجن بيشه

بسبب قضية قتل وأمله في الله ثم في ذوي القتيل رحمه الله كبير

وهو الأن يطلب من الله ثم من قحطان الوقوف بجانبه ومساعدته

في محنته

وقد هاضت قريحته بهذه الابيات

التي طلب مني أن ابلغكم سلامه

وايصال القصيده لكم

يقول السجين

[poem=font="Traditional Arabic,6,blue,bold,normal" bkcolor="transparent" bkimage="" border="none,thin,gray" type=4 line=1 align=center use=ex num="0,black"]

الله من هم ٍ ورى عوج الاضلاع = هم ٍ ورى عوج الضلوع المحاني

افز من نومي ليانمت مرتاع = ماذقت حلو النوم سبع وثماني

خذيت في بر الهواجيس مرباع = واليوم ساعه والدقايق ثواني

ياما تجرعت المراره تجراع = والوقت يمضي من حساب التماني

وسفينة ٍ وسط البحر مالها شراع = لابد تغرق دون بر الاماني

وامر الله الغالب على عبده مطاع = يصبر مثل صبر الجمل والحصاني

وابليس لبن ادم مصاحب وتباع = لولاه عاش ادم بخضر الجناني

وحكم القدر يجري ولاعنه مجزاع = والي جرى مكتوب والعمر فاني

وانا برجى الي من ترجاه ماضاع = الي بذكره يستلذ اللساني

هو خير من يعطي وهو خير مناع = وان غبت عن عين البنادم يراني

ثم في رجا ربعي حميدين الاطباع = ميقافهم في غيبتي ماخفاني

كل ابلج ٍ من عزوتي طايل الباع = تذكر فعوله من قديم الزماني

انخى رجال ٍ بالوفا ذكرها شاع = صلب قحطان معربين المجاني

تكفون ياربعي ترى القلب ملاع = والصبر طال وطول صبري كواني

انخى عبيده محزمي يوم الافزاع = الي لهم بين القبايل مكاني

وانخى الجحادر والجحادر لهم باع = روس الرجال مزبنة كل جاني

وانخى الحباب مطوعة كل طماع = هم فزعة المضهود قاصي وداني

وانخى شريف الي لهم فعل واسناع = ياطيبهم وقت القسا واللياني

وانخى بني سنحان مبرين الاوجاع = مروين يوم الهوش حد السناني

وانخى رفيده والرفيدي ليا زاع = حر ٍ قطامي ٍ هداده شعاني

وانخى بني بشر ٍ وهم قوم وسباع = وقفاتهم يوم الشدايد تباني

وانخى هل تهامه وهم سيف قطاع = وانشهد انهم من زحول قحطاني

قد قالها الي يشبع الذيب لاجاع = راعى العبيه والقنا والعناني

لاصرت ماني فالشدايد بنفاع = وقت الرخا كل ٍ يسد بمكاني

والله يغير بعض الاوضاع باوضاع = وابشر الي بالبشاره لفاني

والله يجمل كل طيب وفزاع = من ربعنا واصحابنا والعواني

والرابح الي للمعاريف زراع = يجني الجمايل والثنا والحساني

ومصايب الدنيا على اشكال وانواع = تدرج مثل درجة مكار السواني

وعداد ماذعذع من النود ذعذاع = وعداد من صلى وصام رمضاني

صلو على الي للبشر ناصح داع = خير العباد الي بهديه هداني[/poem]

وسلامتكم

أخوكم : مسفر بن سعد الفهري