|
إهداء للغالي .. عبدالله بن سحمان
بسم الله
السلام عليكم ورحمة الله هذه القصيدة رد على قصيدة الاخ الشاعر/ عبد الله بن سحمان والمعذرة على التأخير بسبب مشاكل الاتصال الايام السابقه [poem=font="Simplified Arabic,5,black,bold,normal" bkcolor="transparent" bkimage="" border="double,thick,red" type=4 line=0 align=center use=ex num="0,black"] يامرحبا من فكر واحساس وجهد=ترحيبة اللي طبعهم يثنونها باللي على العليا معه عزم وجلد=وله لابةٍ حدّانهم يحمونها عنده رصيد(ن) للمراجل ما نفد=وله وقفة(ن) لأجواد ما ينسونها يارد على العد القراح إلى ورد=عدٍ قراحٍ ما نفذ مخزونها ياأصحابنا ما جت على ما حن نودّ=أوحيتها يوم انتو اتطرونها اسمع علومٍ حامضه ماهي شهد= مايِطرِب الرجّال جر لحونها احد(ن) معه شاهد وأحد عنده سند=والجمرة الحمرا على غليونها خسران من في الوقت يجفى له (سند)=وش من غنايم توكم تلقونها واللي يكثر في الملاوي والعقد= يبلش بعقدتها وحلة غونها واللي يدوّر للتسامح والسدد=يكسب ولا غابن ولا مغبونها يترك كلام اللي نقل واللي نشد=ويمشي مع اهل الطيب في قانونها لو لك صديقٍ بالخطيه لك عمد=ادمح خطاه وغلطته يا هونها ترى الصداقة بيت مرفوع العمد= وتحمّلك له يعتبر عربونها راعي التسامح لي تجمل به حمد=وقدره رفيع وخوّته يشرونها ومن قدّمك يالسبت قدّامه الاحد= قلته وغيري عالم يقولونها وإن شفت ما له عن مجافاتك مصد=خلّك بشانك والعرب في شونها أعتب عليكم يا صدوقين العهد= ياللي مراقيب الوفا تبدونها انتو قضاة السالفه دون أي أحد=والسالفه شرواكم يحلونها وأنتو كما العينين في راس الجسد= وروابط الجدان لا تنسونها هذا الكلام اللي على الشارب جمد=جتك الرسالة والعرب يقرونها آخذ ثمين الهرج وأترك ماكسد= وآدور الجزله ولو يغلونها وعندي على الطرقه ولو طالت مدد=ولي كلمةٍ عن الخمال آصونها وإن عوّدت عند الكلام المعتمد= أصل الهدايا قدر من يهدونها[/poem] وسلامة الجميع |
رد : السلام عليكم
أصل الهدايـا قـدر مـن يهدونهـا
******* وأنت سالم وغانم يالرفيدي وصح لسانك ولسان ابن سحمان والله لا يهينكم على هذي الرديّة ومعذور ولا انت بــ معثور تحيّاتي |
رد : السلام عليكم
قراءة سريعة
ولي عودة ووقفة مع بعض الأبيات تحيتي |
رد : السلام عليكم
صح لسانك يا ابراهيم
ولاني بمعلق واجد والله يصلح شؤون المسلمين جميع ولا هنت |
رد : السلام عليكم
جعلني ما اعدمك يا ابو عبدالله
في ذمتي انك وافي و قصيدتك وافيه شاعر متمكن و جزل و علومه معروفه جعلني ماابكيك و انت كريم و ابن سحمان يستاهل كل خير:) و لو منك 4 في الشبكه لوصل هذاالمنتدى الى العالميه و تستاهل سمعه يا طير حوران تقبل مروري جعل ايامك سنين اخوك الصغير و محبك تركي الجعادنه |
رد : السلام عليكم
هذا الكلام اللي على الشـارب جمـد جتـك الرسالـة والعـرب يقرونهـا
اي والله قريناها وصح لسانك وفعلا كلام يجمد على الشارب تقبل تحياتي |
رد : السلام عليكم
قصيدة جامدة في تركيبها
وذات حبك وسبك في غاية الجمال صح الله لسانك يابو سعد وعسى عمرك طويل على ذا الجزلة والوافيه يالوافي وآدور الجـزلـه ولــو يغلونـهـا عزالله انك جبت الجزلة ولا يستغرب عليك ياكحيلان اتمنى قراءة نص شعري آخر يحمل هذا النوع من الجزالة والقوة اخوك عبدالله |
رد : رد على قصيدة الاخ الغالي/ عبد الله بن سحمان
اقتباس:
سلمت وصح السانك وعلا شانك عز الله قصيدة وافيه وجزله من رجل وااافي تحياتي |
رد : السلام عليكم
صح لسانك اخوي ابراهيم
شاعر جزل بما تعني الكلمه ولايستغرب عليك الجزل تحياتي |
رد : السلام عليكم
صح لسانك ولاهنت
على القصيده الوافيه |
رد : السلام عليكم
اقتباس:
ارحب يالحبابي صح بدنك يشرفني مرورك ياوافي لاهنت يالقرم |
رد : السلام عليكم
اقتباس:
ارحب يا ابو غادة مرورك السريع شرف وعودتك حصلت لاهنت تحياتي يالغالي |
رد : السلام عليكم
اقتباس:
صح بدنك مرورك شرف والهرج يكفي صامله عن كثيره لاهنت يالذيب |
رد : السلام عليكم
اقتباس:
ولا عليك زود جعلك تبطي حي والشبكه ان شاء الله للعالميه بوجوكم يا عظام الراس والمطاليق شرواك كثيرين بالشبكه واما انا فلا انا فوق الناس ولاني دونهم واتمنى الرقي لهذه الشبكه من الاعماق تحياتي يا ابو عبد الله ولا تنسى حب لي خشم الشايب |
رد : السلام عليكم
اقتباس:
الله يحييك صح بدنك واشكرك على مرورك العذب لاهنت |
رد : السلام عليكم
اقتباس:
ارحب يا ابو محمد تراحيبٍ تثنّى الله يحييك مجددا ياوافي دائما كبير يا ابو غادة ومرورك كبير وتواجدك وتعليقك يعني لي الشيء الكثير بيض الله وجهك لاهنت لاهنت |
رد : إهداء للغالي .. عبدالله بن سحمان
اقتباس:
أرررحب يا بو سعد تراحيب الحيا وصح بدنك وأعتلا شانك رد وافي من وافي وهذا الكلام الي على الشارب جمد تحياتي لك |
رد : رد على قصيدة الاخ الغالي/ عبد الله بن سحمان
اقتباس:
صح بدنك مرورك وتعليقك يزيدني شرف لاهنت يالغالي لاهنت |
رد : السلام عليكم
اقتباس:
ارحب ياغالي الله يحييك يالسيف الشاهر صح بدنك اشكرك على المرور العذب لاهنت يالقرم |
رد : السلام عليكم
اقتباس:
ارحب يا ابو عبد الله صح بدنك ولاهنت يا وافي |
رد : إهداء للغالي .. عبدالله بن سحمان
صح لسانك
ولسانه |
| الساعة الآن 08:31 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com