|
وانشهدان عرف النشاما تجاره
بسم الله الرحمن الرحيم
السلام عليكم [poem=font="Traditional Arabic,6,royalblue,bold,normal" bkcolor="transparent" bkimage="" border="none,thin,gray" type=4 line=0 align=center use=ex num="0,black"] ماني وانا مشخص قريب محاضيب = الي تطوفه مثل طوف الاشاره ولاني من الي يشذبون العراقيب = والرجل مايسهل علي احتقاره اخذت من بعض المواقف تجاريب = وميزت بين ارباحها والخساره علي ولي عند النشاما مطاليب = والرجل تدمح زلته من وقاره والي يزل ويعتذر حق ومصيب = والطيبين يثمنون اعتذاره والشك مايدخل طوال الاشانيب = الي لهم قيمه وعزم وجداره والي يجيني من طرفهم مناديب = بين الرضا والغيض تاره وتاره روس الرجال مكملين المواجيب = اهل المواقف والسطر والنعاره قبايل ماتعرف النقص والعيب = ولهم على كبار المواقف جساره لاصاح صايحهم حمو شمخ النيب = وحطو على كبد المعادي شراره ياهل المواقف لاعوى الذيب للذيب = وقت الجهل ولازمان الحضاره ياهل الحميا والوفا والتراحيب = يوم الردي تبرى يمينه يساره الي يقربكم من الشك والريب = عسى يمينه تحت شاش الجباره والي رماني بالحكي والاكاذيب = ندمح خطاه الي مثل ضلع قاره ماعشت ادور للردى والعذاريب = ولا استمع هرج القفا والعياره نضرة عيوني للسما والمراقيب = والجدي يبقى ثابت ٍ في مداره والهرجه الي ماوراها مكاسيب = نعطي على فرقا ولدها بشاره والي يخاويني على العز والطيب =ولا يبعد عن دياري دياره والحمد لله ماخسرت الاصاحيب = وانشهد ان عرف النشاما تجاره ويالله يلي تعلم السر والغيب = والعبد لجلك طاعته وانكساره طالبك جنبني عن النقص والعيب = لين الاجل يدني وتدرج مكاره[/poem]وسلامتكم |
رد : وانشهدان عرف النشاما تجاره
اقتباس:
ارحب يابومحمد تراحيب المطر صح الله لسانك على الإبداع الغير مستغرب والجزاله قصيده تكتب بماء الذهب دمت ودام إبداعك |
رد : وانشهدان عرف النشاما تجاره
صح السانك يابو محمد
والله يبيض وجهك قصيدةٍ جزله من راس جزل |
رد : وانشهدان عرف النشاما تجاره
ارحب مليون يامشخص
هذه القصائد اللتي تروق لي يعلم الله .. وهي اللتي تبقى للشاعر فعلآ .. صح لسانك مليون |
رد : وانشهدان عرف النشاما تجاره
مشخص قصيدة في قمة الروعه
اعجبتني كثيرا والله يعين قحطان على الاعلام الذي ظلمنا فيه والله فيه شعار من شباب قحطان في قمة الروعه وقناة الساحة لم تخدمنا اطلاقا( انا لله وانا اليه راجعون) جحدري |
رد : وانشهدان عرف النشاما تجاره
8
8 8 8 تراك رد كبير لشاعر يستاهله بكل جداره مشخص وانت سالم وغانم ودخلت جو مع القصيدة بيض الله وجهك وعسى عمرك طويل ونرى تواصلك المستمر معنا ياذيبان اخوك |
رد : وانشهدان عرف النشاما تجاره
اللله لايهين من رد وبيض الله وجيهكم جميع
|
رد : وانشهدان عرف النشاما تجاره
الله الله
صح لسانك وعلا شانك وعلى الأخرى عانك انت وافي وقصيدك وافي يا ابو محمد والحمد لله ماخسرت الاصاحيـب وانشهد ان عرف النشاما تجـاره ويالله يلي تعلـم السـر والغيـب والعبد لجلك طاعتـه وانكسـاره طالبك جنبني عن النقص والعيـب لين الاجل يدني وتـدرج مكـاره وهذي لحالها قصيده الله لا يهينك وننتظر تواصلك وجديدكـ أخوكـ البشري |
رد : وانشهدان عرف النشاما تجاره
مشخص الفهري , صح لسانك
وقصيدةٍ اشهد انها كفو من كفو ويعلم الله انّي لــى جيت هذا المجلس انّي ادوّر اسمك لأني ادري ان بعيّن ابدااع وجزالة , وهذي والله ماهيب بمجاملة ننتظر المزيد من ابداعاتك تحيّاتي |
رد : وانشهدان عرف النشاما تجاره
بيض
|
رد : وانشهدان عرف النشاما تجاره
بيض الله وجهك على الابداع
|
رد : وانشهدان عرف النشاما تجاره
الله الله على الابداع
يابو محمد قصيده جزله من شاعر جزل |
رد : وانشهدان عرف النشاما تجاره
بيض الله وجهك
وصح لسانك قصيده جميله جدا ويعطيك العافيه تقبل تحياتي |
رد : وانشهدان عرف النشاما تجاره
أرحب يالسيف الشاهر ولاهنت وبيض الله وجهك
|
| الساعة الآن 02:39 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com