|
سبّوا الجنوبي وأنا جنوبي
سبّوا الجنوبي وأنا جنوبي عمري ما أخطيت ..&..وأنا أحب الخير في حلّي وترحالي سبّوا الجنوبي قدّامي وياليتني متّ وماحييت ..&..قبل لا يسبّون أهل الجنوب قبالي سبّوا الجنوبي في سالفه وعليهم ما رديت ..&.. فضّلت السكوت من كرهي للجدالي قالوا صفر سبعه ومثل الأصنج سويت ..&..ومهما قالوا وقالوا والله ماأبالي سهيت بفكري ويمّ ربعي حنّيت ..&..وتذكرت جدّي وأبوي وعمّي وخوالي وتذكرت ذيك الديار وذاك البيت..&.. وتذكرت ثوبي وجنبيتي وشماغي وعقالي وتذكرت يوم(ن)لبستها ورحبت بالضيفان وحييت ..&&.. يوم(ن) ألفوا علينا بصوت(ن)يهزّ الجبالي وتخيّلت أمّي تزهم علي (صلّ) وفزّيت ..&..وحزنت لبعدها وأشتقت لباقي العيالي سبّوا الجنوبي وأنا جنوبي عاهدت وأوفيت ..&..حفظت الأمانه وزادي كلّه حلالي سبّوا الجنوبي وأنا جنوبي رحّبت وقهويت ..&.. أكرم ضيفاني وماهمّني قلّ مالي سبّوا الجنوبي وأنا جنوبي كبرت وصلّيت ..&..والدين يماني وهذا أقرب مثالي سبّوا الجنوبي وأنا جنوبي تسننت ودعيت ..&.. أدعي للكلّ بالجنّة والكل دعالي سبّو الجنوبي وأنا جنوبي تعلمت وتربيت ..&.. وخصال الخير كلها من خصالي سبّوا الجنوبي وأنا جنوبي وطنشت مارديت ..&..ومايعيّب في الذهب إلا مقطوع النعالي ........................ كلمات /أبو فهد شبيه الفهد |
شكراً لك اخي الكريم على هذا المشاركة
|
السلام عليكم ورحمة الله وبركاته :
لاهنت اخوي ابن مصلح الاشعري ومشكور ومن سب اهل الجنوب جعل ام خمس تنفض راسه ويجعله فدوه على رجولهم الله يكرم القارء . |
خوي
بومصلح لاهنت على النقلة ولاعدمناك وصح لسان الشاعر |
ابن مصلح الاشعري
اهلاُ ومرحبا بك بين اخوانك قصيدة لا يخالجني الشك في انها نابعة من القلب وقد يكون ما سمعته كان الدافع الاهم في بدعها. ولك الحق المطلق في الدفاع عن نفسك واهل ديرتك شعراُ او نثراُ . وانا من المؤيدين لذلك وبكل قوة. نبقى في القصيدة واقول: الفكره: جيده وهي الدفاع عن اهل الجنوب المفردات : مفردات عاديه ومتداوله وليس فيها ما يشد السامع او القاريء. الجمل : باهته وكلماتها مصفوفه صف غريب افقدها الترابط انظر مثلاُ: وتذكرت ذيك الديار وذاك البيت..&.. وتذكرت ثوبي وجنبيتي وشماغي وعقالي وعند التمعن في البيت السابق تحتار هل هذا شعر ام نثر ام مجرد صف كلمات ولو قراها واحد من اللي تكلمون فيك رايح يقول : الرجال نسي الطاقيه. الجو العام للقصيده: تعتبر باهته مملة الى اقصى درجه اكثرت من كلمة (سبوا) الوزن معدوم كلياُ وتسلسل الافكار كان متقطع وداخل في بعض. ارجوا ان تكون هذه الملاحظات في الصالح العام واكرر الشكر على دفاعك النبيل عن اهل الجنوب . وكان ودي انك رديت عليهم في الحال بدل السكوت والتطنيش وخليتها على ما قيل : حار بحار والسلام |
يعطيكم العافيه على المرور
وأخوي ولد النايب كلامك وصل للشاعر |
ما يعقب الا اللي يسب الرجاجيل
والجنوب منبع العروبة والعرب واللي ماله اول ماله تالي |
يعطيك العافيه يإبن مصلح على النقل
وصح بدنكم جميع على الردود إللي تحمّس ويعطيكم العافيه وأنت ياولد النايب محد طلب رأيك خل إنتقادك لك مانبيه |
صح لسااان الشاعر والله قصيدة تحي القلب الميت
وأنا الاحظ إنتقادك ياولد النايب في القصيدة مب صحيح تقول الوزن والكلمات باهته القصيدة عقب ماقيرتها قمت أصفق من إعجابي فيها وثاني شيء ترى القصيدة منتشرة بين الشباب ذي الأيام وهذا يدل على إنها أكثر من رائعه صح لسانك ياشبيه الفهد |
شبيه الفهد
خلك فهد |
حسين الوهابي
هذه وجهة نظرك وكل له وجهة نظر. اما من ناحية التصفيق فهو ظاهرة صحيه لك وللشباب لتحرق الدم في عروق الكفين. انصحك بمواصلة التصفيق. _____________ الوهابي ماتشوف انها غريبه اول مشاركه لك وتترك مئات المواضيع وتنصا هذا الموضوع. |
يا راعي المشاركه لاهنت
ولكل دير ه حقها من رجالها وبصراحه انتقد ان يسب الشي جمله وتفصيلا ما عدا ما حرم الله والشمال والجنوب وكل اصقاع المعموره اخوان في الله ويكفينا فخرا اننا مسلمون وارجوا من الاخوان عدم الدخول في الجدال العقيم الذي لا يخدم الموضوع بشي وانما يزيد البغض والضغينه بين الاخوان وكذلك النقد الجارح والذي احيانا لا يكون في مكانه انما يجعل سدا بين الاخوان وليس له اي تأثير ايجابي على منحى الحوار ارجوا من الجميع التعقل عند المشاركه لان ما تكتب سوف تسأل عنه يوم القيامه ولكم مني وافر التحايا والاحترام اخوكم في الله /الامبراطووووووور |
قصيدة جميلة
وأهل الجنوب معروفين بالكرم والشجاعة والمروءة فلنا الفخر أن نكون جنوبيين .. \ |
الإمبراطور القصيدة دفاع عن السب إللي قالوه عن أهل الجنوب هم عمموا على أهل الجنوب بصفات مب موجوده فيهم
وكانت القصيدة مجرد للتوضيح حتى ما فيها سبّ لأحد معين ولا شيء اللهم البيت الأخير كتعميم فقط لاغير ومشكور على مرورك ويعطيك العافيه صبي السراة هلا بولد عمي حياك الله ومشكور على مرورك |
مشكور اخواي ابن مصلح الاشعراي علي القصيدة الجميلة0
ولاهنت وبيض اللة وجهك ونعم والف نعم بالجنوب واهلة |
السلام عليكم ورحمة الله وبركاته
جعل من سب اهل الجنوب تلتم عليه الدنيا ابلاويها وجعل فرخ بلجيك ينفض راسه الجنوب منبع الرجاجيل النشاما واسأل عنهم صقور الجو ( ا ف 16) ياخبل |
قصيده حلوه ولاهنتة على القصيده كان معكم محمد بن سعود العبيدي من الكويت
|
اخوي
ابو فهد قصيده رائعه وحماسيه كفوو والله ومليون نعم باهل الجنوب وما عليك من اللي سبهم خله يولي واما بالنسبه للقصيده فهي رائعه لكن نقصها اشياء لكي تزيد من روعتها الوزن اختل شوي وهناك بعض الالفاظ تستبدل انت حاول تقرا كثثير للشعرا وانت تقرا حاول تلحن القصايد اللي تقراها عشان تتعلم طريقة الوزن واذا كتبت قصيده حاول تخليها على لحن واحد عشان تكون موزونه واذا اشكل معك كلمه غيرها او بدل مكانها انا اشوفك شاعر مبدع مستقبلا ان شاء الله واتمنى لك التوفيق واتمنى في القريب العاجل ان حنا نشوفك من الشعراء اللي يشار لهم بالبنان ونفخر بك تقبل تحياتي اخوك محمد |
شكراً لك اخي الكريم على هذا المشاركة
|
صح لسانك ولا ليس عندي اكثر من كلام الشباب الي حطو ملاحظتهم
ولد النايب ومحمد جفين |
شكرا لصاحب القصيده الشاعر المميز وصاحب الاحاسيس في جميع قصائده وانا من المعجبين به واتمناله التوفيق
والى الامام يا ابو فهد شبيه الفهد |
صـــــــــــــــــــــــــح لسانك ولا هنت وانا خووووووووووووووووك
ابو بندر |
تسلم يالغالي على القصيدة الرائعة
وعلى قول الشاعر /عبد الواحد الزهراني والله ماهي وصمة عار اذا قالوا انا صفر سبعة اي نعم صفر سبعة ضاق من ضاق وري من رضي ولك تحياتي |
صح الساااااااان الشاعر وصح السااااانك ولاهنت على النقل قصيده رائعه جدا
|
و نعم و الله باهل الجنوب
|
صح لسانك يا شبيه الفهد ومشكور على النقل يا ابن مصلح الأشعري
|
أختلاف الرأي لا يفسد للود قضية ( والنقد البناء الهادف هو المطلوب )
|
الآن القصيده
لمصلح الاشعري والا لفهد شبيه الفهد |
مشكورين على المرور,,
قحطان نت كوم هذه القصيده لِ ابو فهد شبيه الفهد وانا اخوه |
الله يعطيك العافيه على النقل الحلو بصراحه قصيده مجنونه
وانا اقول ياجعل من سب الجنوبي يجيه دايرة11 وينفضه ابو عطفه لين يقول بس على قولة علي بن حمري :::: ابوك انا من لابتن مثل السحاب المنزلي *** ان صب يحيي قاعها وان مد ماجاله مدى اخوك ابن زميع |
صح لساااااااااااااااااااااااانك
|
مشكور ابن زميع وال سعد
على المرور,, |
اخـــــــــــــــوي الغالي :- ابن مصلح الاشعري
اولاً :- اشكرك على نقل القصيدة واقول كثر الله خيرك والله لايهينك وصحت يمناك ثانيا:- اشكر الشاعر ابو فهد جعله والله يسلم والسامع ولاهنتوا يالي ترفعون الراس ثالثا:- لايسب الرجال ولايذمهم الا كل خسيس وناقص واهل الجنوب اختار العلو في قدمهم والحاضر واللي كذا اكيد كل يغير منه وينقهر منه ولايسب الرجل كون اللي ما ماعرف انه من الرجال !!!!! |
السلام عليكم ورحمة الله وبركاته اقول ماعاش اللي يسب الجنوب ويقول المثل اللي مايطول العنب حامضن عنه يقول وعشان كذا هل الجنوب لهم موطن ومكان كل صيف يجون يصيفون ويستانسون ولهم عوايد وسلوم وحافضين دينهم ومراجلهم ولامانع ان فيه شواذ من هل الجنوب اللي يخربون سمعته مثل اللي يروح يدرس برى ولا يدج ويشوه سمعة ربع وهذا شي طبيعي وهذولا زكاة هل الجنوب (كل شي له زكاه)ويقولك المثل الجمل له راس وله ذنب كل قبيله فيها حقها من الرجال والمطاليق
لاكن مهما يدورون ويروحون ويجون مافيه مثل هل الجنوب خصوصا قحطان (الجنوب ونجد)وبني هاجر ولاقصور في قبايل هل الجنوب وسلامتكم |
شكراً لك اخي الكريم على هذا المشاركة
|
| الساعة الآن 04:56 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com