|
@@ ما بين البارحه و اليوم @@ لـ بابا سامحني و طيحني @@
بابا سامحني طيحني اجيال في ظلال الى متى ؟ [poem=font="Traditional Arabic,6,crimson,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] البارحه بان السبب من ضيقة(ن) وقت العصر = و الدمعه اللي حارقه عيني ولا هليتها حاولت ادون فكرتي اكتب سطر و انسى سطر = و اروي من اخبار العرب عن حيها في ميتها 200عام(ن) قد مضت وش عاد فيها يا صقر = ذيك السنين الماضيه ما نسمع الا صيتها يوم القبايل تنعرف عند الشدايد و الكدر = و الشجره اللي بالذكر من فكرتي اسقيتها العود الازرق و الشحم و البن الاشقر انتثر = من فوق محماس(ن) حمس قهوه تقاطر زيتها يوم المحازم و الفشق و السيف الاحدب و البتر = تعطي الشجاعه قدرها للي عرف توقيتها العود لو عوّد هنا شاف البلاوي و القهر = كان اشتهي الموته على شوفة خبايا بيتها ياوقتنا الحالي صدق المصطفى خير البشر = لو يدخل الكافر جحر يدخل معه عفريتها يالضايع اللي ما عرف قدر المراجل و الفخر = والكلمه اللي من حيا في ذمتي بدّيتها يا جيل ضيّع مشيته و انساب بالزله حدر = من يقنع الاعمى على شوف الديار و ليتها من قلد الغرب و فسق حط المواطي له مقر = ما افلح على مر الزمن و الناس تعرف هيتها صار الصبي مثل المره لا حط ذا الروج الحمر = يا وين ارقع فعلته و اسرارهم خبيتها حتى الملابس ما خلت و الجنز واصل للخصر = و الخد خد ام النهد متشرب(ن) شربيتها وين اللي علّم بكرته عن ذيب ناوي بالغدر = ياليت ذا الناس تعرف حوّافها ياليتها تغيرت كل القيم و الشر في لبس الستر = و صار الخطا في شرعهم بنتك اذا ربيتها لكن على حكم النحو للمبتداء دايم خبر = و الخير باقي في عرب اوصافهم حبيتها دين و كرامه و الوفى سلم معاهم استمر = الطيب فيهم لو تبي بأفعالهم عديتها لا زاد عمرك او نقص الموت ما منه مفر = الحق بقايا ما بقى و الزله اللي جيتها يا خاطري طاب الشعر و اللي يعبّر ذا الشعر = و الزفره اللي من عصر في داخلي كنيتها البارحه راح السبب من ضيقتي عند الفجر = و الدمعه اللي حارقه عيني ترى هليتها [/poem] سلامتكم ناصر السحيمي |
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك يالسحيمي
مشاعر الرجوله لاتستغرب من طيب المعدن شرواك. |
رد : @@ ما بين البارحه و اليوم @@ لـ بابا سامحني و طيحني @@
متألق دائماً ياناصر
وقصيدك ذرب وجزل وعسى عمرك طويل على الطاعه وذا القصيد اللي عليه الكلام يركز على جوانب اجتماعيه وينبذ عادات مخالفه لعاداتنا وتقاليدنا صح الله لسانك يالجزل ولاهنت |
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك وجمل الله حالك شاعر جزل وعليك وياهم هل هذي الملابس
|
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك وصح لسانك اللي قريته مهو شعر بس الاالبداع
|
رد : @@ ما بين البارحه و اليوم @@ لـ بابا سامحني و طيحني @@
ارررررررررررحب ياناصر
انت شاعر تروي نظري بما أقراء لك وشهادتي فيك مجروحه00اعجز عن ما يجول بخاطري000 تحياااااااااااااااااتي مدد بلا عدد |
رد : @@ ما بين البارحه و اليوم @@ لـ بابا سامحني و طيحني @@
ارررررررررحب ياناصر ..
الله يصح لسانك .. ويبيض وجهك أعجبني ماقرأت والله يصلح الشأن |
رد : @@ ما بين البارحه و اليوم @@ لـ بابا سامحني و طيحني @@
بيــض الله وجهــكــ
و عز الله جبــتها على الجرح يانـــاصــر |
رد : @@ ما بين البارحه و اليوم @@ لـ بابا سامحني و طيحني @@
بسم الله الرحمن الرحيم
أرحب يا ناصر وبيض الله وجهك وصح لسانك على القصيد |
رد : @@ ما بين البارحه و اليوم @@ لـ بابا سامحني و طيحني @@
الله الله
صح لسانك يا ابن سحيم والله قصيده وافيه وجت في وقتها على هالشرذمه والمنحطين لا هنت يا وافي |
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك يالسحيمي واسال الله ان يجعلها في ميزان حسناتك
وان يجزيك اجر غيرتك على المسلمين |
رد : @@ ما بين البارحه و اليوم @@ لـ بابا سامحني و طيحني @@
صح لسانك يا السحيمي
وقصيدٍ جزل والله يبيّض وجهك ***** ياوقتنا الحالي صدق المصطفـى خيـر البشـر لو يدخل الكافر جحر يدخل معـه عفريتهـا هذا البيت يستند على حديث الرّسول صلّى الله عليه وسلّم (( لتتبعنّ سنن من قبلكم شبرا بشبر أو ذراعا بذراع حتّى لو سلكو جحر ضبٍ لسلكتموه قلنا يارسول الله اليهود والنصارى؟ قال فمن ؟)) وشدّني هذا البيت الرّابط لــ تسلسل الأفكار لكن على حكم النحو للمبتداء دايـم خبـر و الخير باقي في عـرب اوصافهـم حبيتهـا **** بيّض الله وجهك يالسحيمي وهذا القصيد ولا بلاش تحيّاتي |
رد : @@ ما بين البارحه و اليوم @@ لـ بابا سامحني و طيحني @@
اررررحب ثم اررررررحب ثم اررررررررررحب يالسحيمي دائمآ مبدع وممتميز وجزل بيض الله وجهك وصح لسااااانك وعليك بهذه الفئه االتي وبكل آسف تقلد ومن تقلد للاسف (!!!!!!) المهم أأأأأأأبيض وجه وماقصرت يامبدع وننتظر ابداعاتك كما عودتنا وكل جديدك فلك كل التقدير والاحترام
|
رد : @@ ما بين البارحه و اليوم @@ لـ بابا سامحني و طيحني @@
اقتباس:
و لا عليك زود يالقرم و شرفتنا في مرورك الكريم تحياتي لك |
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك يا ناصر
شاعر جزل وكلمات جات في وقتها تقبل تحياتي |
رد : @@ ما بين البارحه و اليوم @@ لـ بابا سامحني و طيحني @@
جزل ياالسحيمي وبيض الله وجهك
|
رد : @@ ما بين البارحه و اليوم @@ لـ بابا سامحني و طيحني @@
اقتباس:
و من قال جعل عمره ما يقصر و صح الله بدنك و لا هنت جعلك تحيا على المرور تحياتي لك |
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك يا ناصر
وصح لسانك على القصيد تحياتي |
رد : @@ ما بين البارحه و اليوم @@ لـ بابا سامحني و طيحني @@
ناصر السحيمي
في اي مكان واي زمان اسم علم عندما ياتي ياتي الابداع والتميز والجزاله انت تاج ووسام على صفحاة الشعر اخوي الغالي .. |
رد : @@ ما بين البارحه و اليوم @@ لـ بابا سامحني و طيحني @@
العود الازرق و الشحم و البن الاشقر انتثـر
من فوق محماس(ن) حمس قهوه تقاطر زيتهـا يوم المحازم و الفشق و السيف الاحدب و البتر تعطي الشجاعه قدرها للـي عـرف توقيتهـا الله اكبر من شعر كلام يازن جبال صم |
رد : @@ ما بين البارحه و اليوم @@ لـ بابا سامحني و طيحني @@
اقتباس:
ارحب ارحب و صح الله بدنك و وجهك ابيض يالسنافي تحياتي لك |
رد : @@ ما بين البارحه و اليوم @@ لـ بابا سامحني و طيحني @@
أرحب يا ناصر وبيض الله وجهك
وصح لسانك على القصيد |
رد : @@ ما بين البارحه و اليوم @@ لـ بابا سامحني و طيحني @@
بيض الله وجهك القصيدة كفو
|
| الساعة الآن 04:16 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com