هية النـــــــــعــيــــــــــــريــــــــــه
 

بسم الله الرحمن الرحيم

ذى المعركه وقعت بين بني هاجر ومطير في جو شمالي النعيريه ( الخليلين ) في نقير

كانت في الربيع وكلن من بني هاجر ومطير طمع في حلال الثاني فحصلت المعركه وانتصروا بني هاجر على مطير

وكان معهم العقيد حويد العاصمي القحطاني

وقال ذى القصيده في المعركه وخص ناصر بن خليل:



يا الله اللي تستجيب لطلبتي= طلبة مصلي ساجد لشراق

اغفر ذنوبي لا وزيت بحفره =في يوم حر والمكان ضياق

من النعيرية نوينا بروحه = الجمع يمشي والحلال يساق

سقنا على علوا سلالة ناهس =هل الجمع في اللقاء اسمه الدلاق

ساقوا علينا ثم سقنا عليهم = كل أبلجن بالهوش ما ينساق

زادهم الله بزيد وزادنا الله بناصر= سهيل اليماني لا بدا شعاق

يضرب بشلفا لين درا مطيرها = مثل المزادة عزلها دفاق

يانفدا اللي يوم واجه حفيفه = غناله طير الخضيره وتاق

ياصابين البن صبوا لناصر = تماريبه اللي مالها عشاق

يا صابين البن صبوا لناصر = صبوا له الفنجال قبل يذاق

يركب على صفرا نظير نايفه = ويحلب لها عند العتيم فواق

تطعن لعنا هجمة شمخ الذرا =تحدر وتسند ما تشيل ارفاق

إرفاقها كل أبلج فوق سابق = جذرا الفخذ من فوق جرو الساق

وتامن سمح الكعوب ثمانية = يا من به الطياح والملحوق


*ذي المعركه هي سبب تسمية ناصر ب ناصر بن خليل لانه اول معركه يشارك بها فحلف ان يعديهم الخليلين ووفا

رحمه الله ورحم الله موتنا وموتا المسلمين

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%% %%%%%%%%%%%%%%%

رد : هية النـــــــــعــيــــــــــــريــــــــــه
 

ونعم بكم يا بني هاجر خلان الاشدة ...

وافين يا بني عمنا ....

ولاهنت على نشرها ...

تحياتي

رد : هية النـــــــــعــيــــــــــــريــــــــــه
 

ماعليك زود يا ابن عمي

ولا هنت على المرور

رد : هية النـــــــــعــيــــــــــــريــــــــــه
 

,,,وااااافين ونعم بني هاجر



لاهنت على الموضوع,,,,,,,........,’,,,,,,

رد : هية النـــــــــعــيــــــــــــريــــــــــه
 

بيض الله وجهك يا هاجري

ولا عدمتك يا القرم

تقبل مروري

رد : هية النـــــــــعــيــــــــــــريــــــــــه
 

ابن هتلان و فلاح

حياكم الله

عطرتم الصفحه بمروركم

رد : هية النـــــــــعــيــــــــــــريــــــــــه
 

معركه ضلع الخليلين من اشهر معارك بني هاجر وهي ضد قبيلة مطير الكريمه تسلم على التوثيق يالمظفري

رد : هية النـــــــــعــيــــــــــــريــــــــــه
 

حياك الله ياوجه بني هاجر

رد : هية النـــــــــعــيــــــــــــريــــــــــه
 

السلام عليكم
اررررررحب يا ابو مبارك المظفري
اررررحب ياوجه قحطان
سالفة تنومس وترفع الراس
ولا هي غريبه على خلان الاشده
الله يبيض وجهك يا كحيلان

رد : هية النـــــــــعــيــــــــــــريــــــــــه
 

ارحب يا راعي المصنه

تبقى ياوجه قحطان

ومشكور على المرور العطر

رد : هية النـــــــــعــيــــــــــــريــــــــــه
 

ابن عمي المظفري ارحب ياوجه بني هاجر

عندي تعليق بسيط على الموضوع


حويدي العاصمي من ال عاصم الجحادر وكان مع بني هاجر فتره من الزمن وعاش معهم وهو ماهو عقيد انما هو شاعر ورجال طيب فيه خير وقال القصيده في ذا اليوم وهي معروفه


وفيه بيت له ناقص وهو اخر بيت في القصيدة

يقول حويدي

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
حنا بني هاجر عريب جدنا= في الكتب اليا من فلت الأوراق[/poem]

وهو في هذا البيت يعتبر نفسه من بني هاجر وفيهم وان هو واياهم شي واحد وهذا مثل ماقلت انه عاش معهم فتره من الزمن غير بسيطه



وهذا ماعندي والله يوفقكم

رد : هية النـــــــــعــيــــــــــــريــــــــــه
 

ارحب ياوجه بني هاجر

وتسلم على التعليق والاضافه

والعاصمي والهاجري كلهم واحد ( قحطان )

وعطرت الصفحه بمرورك العطر

رد : هية النـــــــــعــيــــــــــــريــــــــــه
 

كفو ببني هاجر ولا هي غريبة عليهم والله يرحم بن قرملة ناصر والعاصمي وقحطان كل بطن منها ينطح قبائل

رد : هية النـــــــــعــيــــــــــــريــــــــــه
 

ارحبووووووووووو يا بو مبارك

علمك غانم جعلي فداك

لا تحرمنا من جديدك



اخووووووووووك



......

رد : هية النـــــــــعــيــــــــــــريــــــــــه
 

كفووووووووو يا بني هاجر

بارك الله فيك

رد : هية النـــــــــعــيــــــــــــريــــــــــه
 

لاهنت يا ابو مبارك على السالفه والقصيده

رد : هية النـــــــــعــيــــــــــــريــــــــــه
 

ارحب ياشارب الفنجال وماعليك زود

ارحب ياناصر

ولاهنت طال عمرك

ارحب ياوجه جنب


ارحب ياابوحسين

ومن قال ماهان




ولاهنتوا جميع على المرور العطر