كــــيـــف اســوي منتدى
 

بسم الله الرحمن الرحيم

السلام عليكم ورحمة الله

لوسمحتو عندي سؤال كيف اسوي منتدى خاص لي واكون انا المدير

وشــــكــــرآ

رد : كــــيـــف اســوي منتدى
 

رد : كــــيـــف اســوي منتدى
 

مدير مره وحده<<لاوالله قدها وقدود

بس وش تبي تخرب سوق شبكه قحطان

<<اذا سويت منتدى علمني وحطني المراقب العام

مع تحياتي

رد : كــــيـــف اســوي منتدى
 

http://www.ahlamontada.com/ar/create-forum/


هذا رابط المنتديات المجانيه


ادخل عليه وسو لك المنتدى وسمه الاسم للي تبيه


وان شاء الله اني اكون افدتك

رد : كــــيـــف اســوي منتدى
 

عمل المنتدى سهل
المشكله من وين تجيب أعضاء بهذا القدر من الحسب والنسب وكرام الأخلاق والأنفس
مثل أعضاء شبكه قحطان



تحياتي للجميع

رد : كــــيـــف اســوي منتدى
 

اخوي اسامة

جهز دراهمك واذهب لاي مكتب خدمات المعلومات ويعمل لك اللي تبي

اهم شيء الدراهم

رد : كــــيـــف اســوي منتدى
 

ياخوي أعتبر نفسك مدير علينا


وش تبي بوجع الراس وناخوك

رد : كــــيـــف اســوي منتدى
 

الأخ اسامة الكنادي حياك الله أخي الحبيب

وأقول تعوذ من الشيطان يارجال وخلك معنا

واترك عنك الهواجيس .

وإن كنت معزم وصامل فأقول الله يوفقك ولاتنسى تزودنا باسم المنتدى

وأبشر بالمساعدة والمشاركة .

تقبل تحياتي

رد : كــــيـــف اســوي منتدى
 

نصيحه أخوية :


من السهل جداً أن يتم عمل منتدى خاص ولا يوجد شروط وقيود وكل المطلوب مبلغ مالي ويتوفر لك جميع متطلباتك

لكن يبقى هنا عامل وحيد هو كيفية النجاح والأستمرار في عطاء هذا المنتدى وماهي الأهداف التي تريد تحقيقها

وكيف يتم تحقيقها في وجود الكم الهائل من المنتديات ، وافتتاح منتدى في الوقت الراهن من وجهة نظري انه طريق

سريع جداً للفشل لآن العنصر الأساسي في المنتدى الإداره والمشرفين والأعضاء وتوفرها في الوقت الراهن صعب

جداً لكثرة الأرتباطات وكثر المشاغل التي قد تحول عن توفر لك العوامل التي هي الطريق الوحيد للنجاح مع رسم

هدف محدد يجبر المتابع للمنتدى الجديد التواجد بأستمرار وعطاء مكثف لرقي به لكي يواكب مئات المنتتديـــــات


جميع الأعضاء هنا مدراء بتواجدهم ومواضيعهم الرائعه


شكراً لك يالغالي

رد : كــــيـــف اســوي منتدى
 

يا زين العضو

والله ان المدراء والمراقبين والمشرفين في عناء الله يعينهم كل شئ في وجهه

خلك من فتح منتدى جديد وخلك مع ربعك واخوانك

وترى الواحد يالله يغطي مشاركات وردود في منتدى واحد وانت تبغى مدير

الله يوفقك لما فيه خير لنفسك

رد : كــــيـــف اســوي منتدى
 

اخوي الغالي...

اهم شي ادرس الفكرة وخطط لها ...


اذا عزمت ارسلي رساله خاصه وابشر بالخير...


والله يحفظ الجميع

رد : كــــيـــف اســوي منتدى
 

اقول واصل الله يوفقك

ولا تتراجع عن فكرتك بس يكون لك هدف

وانصحك بموووووووقع (((((((( ديني )))))))))) والله اتمنى لو افتح موقع يختص بهكذا امور مع الدقه في النقل
والامانه في الطرح

رد : كــــيـــف اســوي منتدى
 

الله الله يالحرقي ..

لا تنسى تحطني مشرف والا مراقب اذا فتحت منتداك ..

هههههههههههههههههههههههههه

ههههههههههههههههههه

بالتوفيق ..

رد : كــــيـــف اســوي منتدى
 

السلام عليكم ورحمة الله وبركاته


أخي العزيز

أتمنى تقبل وجهة نظري من باب الأخوه


أنت تبي تصير مدير أو مراقب أو ........إلخ.

وتحسبها سهله أنك تصير في أحد هالمناصب.

يبيلها يومياً تخش النت وتراقب اللي مكتوب وتقراه وتحذف اللي يتكلم عن السياسه وأمور كثيره أنت في غنى عنها.

وللمعلوميه ( لو الواحد إذا صار مراقب أو مدير منتدى .... زاد له شي في حياته كان أنا أول من دوّر للأمور هذي و لكن والله ما منها إلا القلق ووجع الراس )

أنا أتوقع لو تتعوذ من الشيطان وتجلس معنا في منتدانا مع هالوجيه الطيبه شرواك يكون أفضل لك.



أتمنى تقبل رأيي بروح رياضيه



أخوك ////// ســــــــلمان




.

رد : كــــيـــف اســوي منتدى
 

وعليكم السلام ورحمة الله وبركاته

أخوي المنتديات على الشبكة العنكبوتية اصبحت أكثر من المتصفحين :eek:

إذا تبي تفتح منتدى عام فانصحك بتجاهل الفكرة

اما إذا تبي تفتح موقع لقبيلتك او لشخصية معينه ومقتنع باستمرار عملك فاستمر والله يعينك على إدارة الموقع وحمايته

على فكره بداية فتح الموقع لاتكلف الكثير ولكن كل ماكبر الموقع وانشهر تكثر تكاليفة وتكثر مشاكلة


والله يوفقك لما فيه الخير

إذا احتجت مساعده راسلني

تقبل تحياتي

رد : كــــيـــف اســوي منتدى
 

الله الله يالحرقي ..

لا تنسى تحطني مشرف والا مراقب اذا فتحت منتداك ..

هههههههههههههههههههههههههه

ههههههههههههههههههه

بالتوفيق ..