|
اعضاء الاستراحه في ضيافة ماجد الخليفي في اليابان
السلام عليكم ورحمة الله وبركاته اتفقوا مجموعة من الأعضاء الذهاب إلى اليابان لزيارة اخيهم والعضو الفعال هنا ( ماجد الخليفي ) الذي مقر اقامته باليابان .. وقد سافرو (6 ) ولكن قدرة الله فوق كل شي رجعو ( 5 ) وهم كلآ من : ـ 1 ـ المراقب ( ابن خضير ) لقد لقبوه بأمير الرحله . 2ـ ابن عياف 3ـ عاشق الليل 4ـ منصور العبد الله 5ـ ابو ريان 6ـ تركي السنحاني . طبعا سافرو عن طريق الجوا . http://www.qahtaan.com/works/up/get....mqrs1203447191 وبعد وصولهم إلى ارض اليابان كان في استقبالهم ( ماجد الخليفي ) http://www.qahtaan.com/works/up/get....lquv1203457407 وبعد ذلك توجه بهم إلى مقر اقامته باليبان وكان قد استقلهم من المطار إلى المنزل بالطريقه اليابانيه . http://www.qahtaan.com/works/up/get....nrux1203451147 بعد ذلك الوصول إلى منزل ( ماجد الخليفي ) http://www.qahtaan.com/works/up/get....prvx1203447440 وما أن وصلو منزل الخليفي استأذن وهب ليحضر لهم واجبهم . http://www.qahtaan.com/works/up/get....rtvw1203450466] بعد فترة راحتهم ومضي يوم اتجه بهم إلى المناظر الخلابه والاماكن الحلوه . http://www.qahtaan.com/works/up/get....puwx1203458620 وبعدها انتقلو من مكان إلى آخر . http://www.qahtaan.com/works/up/get....opst1203447790 وفي يوم آخر ذهبو في الصباح الباكر للبر وقد احضر وجبة افطار على الطريقه اليابانيه تسمى بيض الكريك . http://www.qahtaan.com/works/up/get....iorx1203447888 طبعا التمارين الرياضيه جديده على ربعنا شوفو أخونا ( منصور العبد الله ) شي ماشافه يومه صغير وماصدق . http://www.qahtaan.com/works/up/get....uwxy1203447986 انتقلوا إلى ملعب للكره وطبعا أخونا ( ابن عياف )اول مره يلبس بدله رياضيه وراح فيها الرجال . http://www.qahtaan.com/works/up/get....tlj61203451389 اخونا عاشق الليل رياضه قديمه عنده . http://www.qahtaan.com/works/up/get....bjru1203452103 ها أحد الاعضاء ( تركي ) دق في الجح وعلى طول نومه هو من الناس اللي لأكل الجح نوم طوال http://www.qahtaan.com/works/up/get....oqvy1203450702 هنا اليوم الاسود عند الاعضاء الذي ينتظرهم . راحو للشاطئ وماعينو خير ..... . http://www.qahtaan.com/works/up/get....stux1203448477 الناس طبعنا كل في حاله وجاء احد الاعضاء وهي قدرته ( ابو ريان ) ابو ريان كان يمارس السباحه يفكرها مثل شواطينا وراح فيها المسكين . http://www.qahtaan.com/works/up/get....jcsp1203448652 بعد ذلك خربت السفره على الاخوان بعد ان فقدو زميلهم وحبيبهم الله يرحمه قامو بالاستئذان من الخليفي ناوين بالرجوع لكن الخليفي قال مادام مستعجلين خذو ذبيحتكم معاكم طبعا رفضو الربع وقالو وين نحطه قال اخونا الخيلفي جزاه الله خير اخذوه معكم بالطائره ... لقد جهزة الخروف بأدوات السلامه اللازمه للطيران وطلق الرجال أن ياخذونه . http://www.qahtaan.com/works/up/get....osty1203448822 هذا وقد عادو إلى وطننا الحبيب طبعا فاقدين خويهم لكن هذا حال الدنيا . |
رد : اعضاء الاستراحه في ضيافة ماجد الخليفي في اليابان
هههههههههههههههههههههههه
الله يرجك يا ابن دشن وطلع على حقيقته أبو عصام أثاريه زاحف حتى الشنب بارمه . لاهنت يا معيض وجعل والديك فالجنه ومن يسمع |
رد : اعضاء الاستراحه في ضيافة ماجد الخليفي في اليابان
هههههههههههههههخخخخخخخخخخهههههه
الله يرجك والله المقلب القوي رديت الصاع بصاعين للي ضحكوا عليك والله قوي ياقوي والله اني اضحك الى الحين هههههههههههههخخخخخخخخخخخخ |
رد : اعضاء الاستراحه في ضيافة ماجد الخليفي في اليابان
اقتباس:
ـــــــــــــــــــــــــ شكر خاص للمخرج والكاتب وراعي السيناريو والحوار معيض ابن دشن |
رد : اعضاء الاستراحه في ضيافة ماجد الخليفي في اليابان
هخهخهخهخهههه
حلوه يا معيض هخهخهخهخهخهخه موضوع رايق تسلم والله :) |
رد : اعضاء الاستراحه في ضيافة ماجد الخليفي في اليابان
هههههههههههههههههههههههههه
خخخخخخخخخخخخخخخخخخخخخخخخخخ والله جبتها يابن دشن على البيبان اجل تركي دق في الجح لين سوم <<<<<<<<<يلعن ام المزاج يا تركي جح وبيبسي ههههههههههههههههههههه منصور كيف البيض في الــكـــــــريـــــــــــك <<<<<<حلفوا بالله انه خلطه سمنت على بالك في الهافون مون تبغى دباب<<<<<<<< متعود على أغطيه براميل البويه تسوق في الخلاء وتفحط بها هع هع هع هع هع ابن عياف خفف شوي من الوزن شلعت السراويل على ماجد خخخخخخخخخخ ابو رعد الله ينفعك والحلمه للسيوس ما هي متوازيه خخخخخخخخخخخخخخخ وحلوووووووووووه صورة ذا الخروف شكله من جده |
رد : اعضاء الاستراحه في ضيافة ماجد الخليفي في اليابان
جزاك الله خير اثر ابو عصام شنب وانا ما ادري
|
رد : اعضاء الاستراحه في ضيافة ماجد الخليفي في اليابان
السلام عليكم
اخوي معيض .. ما دام انك فضحتهم انا بعطيك اللي يمكن ينقال .. بصراحة ما كنت مستعد لهم ... ما عطوني خبر الا وهم بالجمس رايحين لمطار البحرين http://www.qahtaan.com/works/up/get....gv5h1203482990 بعد ما شيكوا مع كاثي باسفيك وعينوا خير راحوا للحمامات وكشخوا بالجينزات حتى محد يعرفهم ...عموما اقلعت الطائرة ... من حظ ابن خضير جلست جنبه وحدة صاروخ ... طبعا الرجال متشقق بالانجليزي ...سالته المضيفة ... ايش تبي تاكل ... قالها Upside down يقصد مقلوبة اما باقي الشباب نوم لين وصلوا هونغ كونغ الورطة في هونغ كونغ .. عييوا يحملون خروف عاشق الليل ... مسيكين .. يدور بين كاونترات الخطوط وخروفه معه لين وافقت الخطوط اليابانية على تحميل الخروف http://www.qahtaan.com/works/up/get....c52x1203483985 http://www.qahtaan.com/works/up/get....mnpy1203483985 اول ما وصلوا وفتح باب الطيارة وينقز الخروف ... وعاشق الليل وراه .. وراه بالثلج ... بس ماش الخروف انشط و اسرع منه http://www.qahtaan.com/works/up/get....41uz1203485467 المهم وصلوا تعبانيين ... ثاني يوم رحنا جولة و كانوا ملتزميين ... بالليل عزمونا ناس من الجماعة - يابانيين ـ واشوف الشباب عطوها الكاز ... تعرف اليابانيين بعد ما يتعشون يغنون ويرقصون حتى ينهضم الاكل هذا ابن عياف بعد ما تعشى http://www.qahtaan.com/works/up/get....7gfu1203484512 وهنا ابن خضير ومنصور يقومون بالواجب http://www.qahtaan.com/works/up/get....tvwx1203484601 المهم تركي وابو ريان وعاشق الليل ضبطوا امورهم وانسحبوا للفندق وابتلشت انا مع الشيبان اسحب فيهم.. الشباب بالليل مع الصيد . . يبون يكرومن البنات ... يفكرون انهم بعنيزة ...جابولهن كراث وخبز حار وجبن قلاص http://www.qahtaan.com/works/up/get....zdu31203485834 المهم ثالث يوم نتمشى بالشارع والاخوان طايرة عيونهم ... من اللي حولهم بس الشوارع كلها لوحات تحذيرية http://www.qahtaan.com/works/up/get....lvxy1203485158 http://www.qahtaan.com/works/up/get....tvwx1203485158 اشوف الشباب خافوا ... يقولون امحق من ديرة .. فيها مقص المسكن تركي مرض ... جاه اسهال وكحه ... خرب على الشباب الوناسة ولكن الحمد لله تعافا بعد ما وديناه للطبيب http://www.qahtaan.com/works/up/get....h1tb1203486030 للحديث بقية |
رد : اعضاء الاستراحه في ضيافة ماجد الخليفي في اليابان
لاهنت
يامعيض على هذا الجهد لأخراج هذه المناسبة ولكنك ما طلعت صورنا في الطيارة قام اميرنا يتحكم بنا وربطنا على الكراسي وقال ما احد يقوم الا بإذني وحتى الاكل والشرب منعنا منه يقول عشان ما احد يروح للحمام ويضيع وانا المسؤل عنه حتى ان ابورعد بغى يموت من الظما لأنه مفطر بورستد مالح المهم اني اختلعت من شيفت ابوعصام ياولد عليه شنبات ربطنا فيها ابوسعد عشان ما نضيع في اليابان وحشرونا في ذا السيارة المتقرفصه حتى ان منصور وابوريان ما لقينا لهم مكان الا في الشنطة لكنا اللي وسع صدورنا بيت ابوعصام في جنة خضراء من جنات الارض لكن منعنا ابوسعد لانمشي فوقه يقول تعدمون الزرع عاقبنا ذالامير المهم اني اكتشفت ان ابوريان هرب بعد وصولنا يتمشى في الخضار ويحش لغنمه في السعودية وكنا متوقعين ان ابوسعد يمنعنا من ابوعصام ويحلف منه واثره يبي يخسره وطلع ابوعصام مصيبة جاب لنا من الماعز الجبلي ( ولكنها بدون رجلين روس بصدر ) المهم رحنا نتعشا على الشلال واختلس ابورعد الفرصة وخذا له جغمه من الماء والا حنا ما شربنا الا في السعودية بأمر الامير ابوسعد وقررنا نتشمى شوي في الغابه واركبت في راس تركي يركب فيل وتعونا كلنا وركبنا ويوم ركب قام يجاغر يقول نزلوني المهم نزلناه وطاح الى ابوريان وافغصه وبعدين مشينا ولقينا بيض قرد وطبعاً اول مره اشوف بيض قرد اثر قرود اليابان تبيض ويلقطها ابورعد ويفكشها على الكريك ويأكلها هو والامير وبعد ذلك نزلنا نتمشى للمدينة الا وذاك الورع الياباني منزل دبابة عند محل ويقوم منصور ويلقطه ويسوقه ويلعب فيه وشوي وعينك ما تشوف الا النور طلع ذالورع وقام يحوس به الارض حوس ينقز من قدام وراه ومن وراه قدامه ومنين تنس تلكيم بقوس فقرر ابورعد يتدخل وليته ما تدخل جاه ما جاء رفيقه اما انا سويت عمري منصرع خفت يجني وقلت اكيد بيرحمني وبيقول الضرب في الميت حرام طلع هو ابن حرام ضربني وضرب باقي الشباب اللي طبعاً قلدوني حتى اميرنا امحق امير هذا الموقف بس اللي كان فيه ساكت المهم والله ذالورع قامت يتعفس فينا ما فكنا الا ولد ابوعصام طلع ابوه منحاش للبيت ودرى عصام وجانا ولاقصر قام بالواجب وسحب البطاريه اثر الولد طفل ريموت ياباني وحنا مهبل ما ندري بشي المهم انا رحنا ملعب الكرة اللي بالعصى تضربها وحطوني حارس ورى اللي يضرب ولكنهم لبسوني لبس ضيق مره ولا امداني اكوكي زيهم الا واسمع طططططططططرررررررررررررر وقعدت اضحك احسبه على اللي قدامي ابورعد وتفاجئك الجمهور قام يضحك بقوة قلت معقول سمعو ذالصوت من رفيقي ابورعد اثره انشق سروالي !!!! والله الاحراج ومن الطفش والزعل فسخته وطلعت من الملعب ورجعنا وكالعادة فشلنا ابورعد يسوي تمارينه المعتادة ولكنه لون نفسه بالاخضر عشان يتهرب من الامير النشبه اللي حاكمنا حكم هتلر لدرجة انه من شدت تسلطه هرب تركي وداج في المدينه وكلى كنتاكي مع جح وببسي وانصرع ولا لقيناه الا اليوم الثاني وترى يوم قام حلف ما يمشي معنا الا يكمل على الجحه وطبعاً امحق يوم علينا يوم رحنا نسبح هجمت علينا تماسيح نحسبها في بدايةالامر كمرة خفيه ولكنها بلعت ابوريان وكنه عصفور واما واحد من التماسيح حلف ما عاد يأكل بشرب حيت اصيب بالتطريش وطبعاً اول مره اشوف تمساح يطرش اثره زرط منصور وجاه تسمم وطرشه على طول والتمساح الثاني اكل تركي ونشب في حلقه ولا انقذ التمساح الا من تركي الا حماية التماسيح طلعوه من حلقه واخذو التمساح للعلاج حيث اعدم سنونه وكسر لحيه واما ابورعد قام يطرد له تمساح يبي يأكله هو والتمساح منحاش منه ولا فكه لين كلاه مشوي على الفحم يعني ما خسرنا الا ابوريان وفي النهاية ما قصر ابوعصام اعتذر عن التيوس الاول اللي بدون رجلين وجاب بدلها ذالخروفه المدلعه وركبوها في محل ابوريان وعلى تذكرته وطبعاً من جنب منصور اللي طول الرحلة وهو ويها ما نيب قايل .................. وعند الوصول لقينا ابوريان في كرتون مع العفش سالم وطيب وسألنا كيف ذا صار قال التمساح اللي بلعني كان اثرم كبو علي ديزل واسحبوني منه وجيت الحق عليكم عشان اركب مكاني قالوا انت راكب معهم فوق قلت كيف قالو هذا اللي صار قالو اذا بتلحق الطيارة ركبناك في ذالكرتون على انك ثلاجة فوافق بسرعه وبدون تردد هذه خفايا الرحلة |
رد : اعضاء الاستراحه في ضيافة ماجد الخليفي في اليابان
9هههههههههههههههههه
الله يقطعكم ... شوي وأموت من الضحك ... وين باقي الزاحفين ما يردون ويدافعون عن نفوسهم ... أخونا معيض ... أشك أنه معهم ... لكن الرجال مشغول بالتصوير ... هههههههههههههههههههههه |
رد : اعضاء الاستراحه في ضيافة ماجد الخليفي في اليابان
موضوع زي كذا مايعرف الواحد يرد عليه في ذي الحزه
راجع راجع |
رد : اعضاء الاستراحه في ضيافة ماجد الخليفي في اليابان
هههههههههههههههههههههههههه
ةالله قنبله يابو دشن شرشحتنا حسبي على عدوك بالذات ابو رعد هو وتركي وشلون طايح في الجح وماجد ماقصر بالذات صوره ابو ريان والله زاحفه زاحفه بس خلوها مابنشيلها بما انه شايب عز الله الاستراحه كلها زاحفه واعتقد ماعاد فيها عاقل لاهنت اخوي معيض بن دشن ويعطيك العافيه اخوي ماجد الخليفي والله يابو دشن أزحف موضوع لحد الحين هو موضوعك اشكرك على تميزك وتألقك شاعرنا ومشرفنا وشيخنا معيض بن دشن |
رد : اعضاء الاستراحه في ضيافة ماجد الخليفي في اليابان
هههههههههههههههههههه
هههههههههههههههههههههههههههههه ههههههههههههههههههههههههههههههههههههه ابي ارد ما قدرت الله يقلع ابليسكم |
رد : اعضاء الاستراحه في ضيافة ماجد الخليفي في اليابان
يا ليتني خويكم
|
رد : اعضاء الاستراحه في ضيافة ماجد الخليفي في اليابان
ابن ناشر
هلا وغلا وعلى روسنا بس المهم انتبه من تركي لاتمشي معاه بيوديك في مطاعم وماعنده غيرها ويوهقك في الفواتير |
رد : اعضاء الاستراحه في ضيافة ماجد الخليفي في اليابان
الله يبيض وجهك يا ماجد الخليفي على بقية التقرير الحقيقه انا استقبلت الاعضاء في المطار وطاح احد افلام الكيمره في سيارتي ولقيت العلوم وأثاري باقي علوم خفيه مادرينا عنها عزالله انك كملت الباقي اثاري العرب خربو رحلتهم بالعلوم الباقيه لا والله الا زحفو ربعنا ليتهم ما قامو بالزياره كان بلدنا استر لهم . لا وألادها الأمير ابن خضير اثاريه متحكم في الربع مسوي نفسه امير عليهم وفي الأخير كشفنا اعلومه ههههههههههههه |
رد : اعضاء الاستراحه في ضيافة ماجد الخليفي في اليابان
والله يابو دشن
موضوعك هذا ضربة الموسم وبالذات الصوره الاخيره لماجد الخليفي مدري من ثبت الموضوع...بس يستاهل |
رد : اعضاء الاستراحه في ضيافة ماجد الخليفي في اليابان
تبون الصراحة ............
خربتوها...........ز هههههههههههههه مدري وش اقول .... بس اكيد اللي بالصورة ابن خضير ........ خخخخخخخخخخخخخخخخخ احم احم احم .... لاهنتو |
رد : اعضاء الاستراحه في ضيافة ماجد الخليفي في اليابان
بس تبون الصراحة ....
مصختوها اين الادب في بعض الصور ( مع شديد الاحترام ) ارجو من المشرفين العاقلين النظر من جديد.... |
رد : اعضاء الاستراحه في ضيافة ماجد الخليفي في اليابان
هبشان اخبارك
عساك طيب ترا الدعوه مزوووووووووووووح و انا اخوك و اللي نزل الصور كلهم في كبر ابوك و ابوي لا ابو عصاااااااااااااااااام و لا ابو دشن ابو دشن ههههههههههههههههه زين انك حطيتها في جح نفداك و الله اني ضحكت خاصه على ابو ريان ههههههههههههههههههههههههههههههههههههههه لاهنت فديتك و موضوع يستحق التثبيت |
رد : اعضاء الاستراحه في ضيافة ماجد الخليفي في اليابان
بصراحه هبشان معاه حق
اي والله خربناها بس معليش مره في السنه وقد راجعت الصور مافيه الا صورة ابن خضير ( على حسب كلام ماجد ) اللي رايحه فيها والباقي يمشي حالها ولا كلامك في محله اخوي هبشان بس يالله نفك شوي ونغير شوي بما انه في الامكان يعني نغير شوي على الشباب ملينا من الخنقه شوي كلامك كلام عاقل اخوي هبشان وعلى راسي وعيني والله تحياتي للجميع والله يسعد معيض بن دشن وابو عصام وكل من شارك في الرد والتعليق |
رد : اعضاء الاستراحه في ضيافة ماجد الخليفي في اليابان
موضوع زاحف
الله يسعد مساك يامعيض وهذا رحلت العمر ما معك الا الحسره المشكله معزبنا ابو عصام بغيناه يستر علينا زاد الطينه بله ولا من خوينا ابن عياف والله اني قد نصحة الشباب نمشي ونخلي ابن عياف و أمير الرحله ابو سعد اشوف اكتفى بسطرين على كلن مشكلتي الان مع ذا الخروف نسينا المفاتيح مع ابو عصام وسرت بلشان فيه وعيا يتفاهم مع غنمنا يبغاله مترجم حت المصالخ رفضوه صار زرار في حلقي قد بهذلني من اول الزمان والحين بلشت فيه ارجو من ابو عصام ان يرسل شهاد الميلاد ومفاتيح رجوله اما بنسبه للكفراته بشت على ذرعانك ياصاحب الموضوع واللحاف اللي عليه يستهله امير الرحله وانشالله نجتمع عليه في شعب حريملا وقد استعد ابن عياف ان يقوم بقيادة هذه الرحله في الوقت المناسب وانا عارف وش قصده يبغى الجاعد وبشت على ذرعانه وكثر الله خيرك يا ابو عصام :051: :051: :051: :1108277366: :1108277366: هخ هخ هخ هخ |
رد : اعضاء الاستراحه في ضيافة ماجد الخليفي في اليابان
ههههههههههههههههههههههههههههههه
خخخخخخخخخخخخخخخخخخخخخخخخخخخخخخخخخخخخخخ ابو رياااااااااااااااااااااااااااااااااااااااااااااااا اااااااااااااان وش ذا الجسم يالله حسن الخاتمه ما صدق يبغى يـــــــشـــــــــــــــــرع يحسب انه في شرم الشيخ ابو عصام احرررررررررررررررررررررررررررررررررررررررررررررررر ررررررق ويستاهلون ما جاهم وزين اني ماني بمعكم والله ستر |
رد : اعضاء الاستراحه في ضيافة ماجد الخليفي في اليابان
السلام عليكم ورحمه الله
هلا اخواني تراي عدلت في بعض الصور حفاظا على الذوق العام واعتذر لمن عدلت في صوره وأكيد انه مقدر بس والله كثير تكلموا وتضايقوا ونعتذر لأخواننا وياهلا وغلا فيكم |
رد : اعضاء الاستراحه في ضيافة ماجد الخليفي في اليابان
معذور
يابو نواف ان بغيت تخذف ردي واسمي انت تامر نحن اخوان قبل كل شي وفي كل وقت ما دمنا نتعامل مع بعضنا باحترام ونتقبل التوجيهات من بعضنا وصدقوني انها اكيد نزلت بالغلط من ابوعصام لانني يوم رديت بعدها كانت مصغرة جداً لايمكن مشاهدتها وابوعصام لو من الاخوان الذي يتقبل النقد ويتقبل لو ان احد ارسل له لحذفها هو بنفسه فشكراً للجميع ... منصور ما عطيتني رقم العنز اللي جت من جنبك على الطيارة تراك واعدني!!!!!!!!!!!!!!!!! |
رد : اعضاء الاستراحه في ضيافة ماجد الخليفي في اليابان
ابد بس تبي رقم العنز يابو منيف ابد تامر امر
0؟؟1*&% تقدر تتدق على هالرقم طول عمرك شيخ يابو منيف وكلامك اسعدني ومانجي الا من بعدك |
رد : اعضاء الاستراحه في ضيافة ماجد الخليفي في اليابان
والموضوع زاحف من جداااااااااااااااااااااااااااااااااااااااااااااااا اااااااااااااااااااااااا
وتوني اشوفه تعرفون كنت مشغول الاسبوع الماضي واغلب الشباب عارفين الموضوع هههههههههههه تحياتي لك يامعيض بن دشن ههههههههههههههههه تحياتي لك ياماجد الخليفي على تزويد الصور هههههههههههههههههههههه تحياتي لك يابن عياف على التعليق الزاحف ههههههههههههههههههههههههه وتستاهل السمعه يابن دشن |
رد : اعضاء الاستراحه في ضيافة ماجد الخليفي في اليابان
هههههههههههههههههههههههههههههههههههههههه
والله انها احسن سفره و تقبل مررررررررورررررررررري |
رد : اعضاء الاستراحه في ضيافة ماجد الخليفي في اليابان
السلام عليكم
تسلم ياعم معيض على هذى الرحله ههههههههههههههههههههههههههه بس ابو ريان راح فيها ههههههه |
رد : اعضاء الاستراحه في ضيافة ماجد الخليفي في اليابان
ريان ترى عرفناك يعني لا تقول ابو ريان قل ابوي راح فيها
هههههههههههههههههههه |
رد : اعضاء الاستراحه في ضيافة ماجد الخليفي في اليابان
على باله صديقة
ريان وقف زين قدام الشايب |
رد : اعضاء الاستراحه في ضيافة ماجد الخليفي في اليابان
خخخخخخخخخخخخخخخخ
ههههههههههههههههههه عليك بهم يا بن دشن |
رد : اعضاء الاستراحه في ضيافة ماجد الخليفي في اليابان
هههههههههههههههه
ناصر تراك مع الشباب في الخط خل الضحك ينفعك |
| الساعة الآن 07:54 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com