شبكة قحطان - مجالس قحطان - منتديات قحطان - الرقم الاول محمد بن زايد الهاجري

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - الرقم الاول محمد بن زايد الهاجري (https://www.qahtaan.com/vb/showthread.php?t=36640)

الرقم الاول محمد بن زايد الهاجري

السلام عليكم ورحمة الله وبركاته

يسعدني تواجدي في منتدى شبكة قبيلة قحطان العريقه واشكرك اخي عبدالله بن عايض الفهري

وارجو ان تقبلوا هذه المصافحه الاولى

بمناسبة فوز الاخ/محمد بن زايد بن المطوع الخيارين الهاجري في مزاين ام رقبيه وحصوله على المركز الاول في فئة (100) مجاهيم

كتبت هذه الابيات وهي لن توفي حق ابوزايد ولكنها تعبير من الخاطر

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,medium,gray" type=2 line=0 align=center use=ex num="0,black"]
مبروك ياللي نومس الراس طريـاه=محمد ولـد زايدعريـب الخوالـي
ابـن المطـوع نـادر لاعدمـنـاه=من روس ربعي محتمين الغوالـي
جـده ابولهيمـد حميـده سجايـاه=فارس يكف الخيـل يـوم القتالـي
اسود غاب في الحرايـب مضـراه=عاداتهم كسـب العلـوم الجزالـي
يشوش راسي لطيب الصيت والجاه=وادجر على فعلـه وينسـاح بالـي
نومـس وجمّـل لاعدمنـا حلايـاه=وعادات ابوزايـد يـذب العوالـي
الرقـم الاول حـاجـزه ماتـعـداه=ماهوبيرضـى بالرقـوم التـوالـي
ياراعـي الفنجـال صبـه ليمنـاه=صبه ومده في اجتمـاع الرجالـي
يستاهله راعي الطـروق المخـلاه=حر تعلـى فـوق روس الجبالـي
صيته مـع كـل القبايـل وجدنـاه=ويستاهل العليـا رفيـع المعالـي
يرسي ومن حـده لـزوم يتحـداه=فحل ويقضـع هايجـات الجمالـي
وفي كل دار حط مجلـس ومقهـاه=ويشهد على قولي كـرام السبالـي
نومس ربوعه والمناعيـر تنصـاه=وانشهـد انـه وافـي بالخصالـي
واخوانه الوافين في امره وفي ارياه=صميـدع ارث قــروم العيـالـي
افخـر بفعلـه ماترجـى عطايـاه=والاّ السنافـي يرتكـي للثقـالـي
ومن طنخة بالراس قـاف كتبنـاه=في مدح ربعي يـوم زان المجالـي
من لابتن تعـرف نهـار الملاقـاه=هواجـر تـرد الخطـر ماتبـالـي
والجد سلطـان العبيـدي حفظنـاه=قحطان تفخر في جنـوب وشمالـي
وكـل القبايـل وافيـه بالمثـاراه=والطيب قسمه من عزيز الجلالـي
وصلاة ربي عد مـزن نثـر مـاه=علـى رسـول سيرتـه بالعدالـي
[/poem]

وسلامتكم
هادي بن مبارك بن عسكر الهاجري