( قصة محمد ابو خشيم المشعلى))
 

غزى ركب من الدوسر وهم فخذ الغييثات وكان معهم كل من آل شامر وهم ثلاثة وهم من آل خضير وهم كل من الأميرسالم بن حشوة ونااصر بن سيف أبوعليّان وأبيه الفارس المشهور سيف أبو عليان((المقطّع)) والثالث سالم بن منصور.


وهم غازين بأتجاه نجد وديار قحطان ومن المهم وهم مقيلين في أسفل شعب ((وادي صغير) قام واحد من قحطان وتبّين وشاف الركب مقيّلين تحت مجموعة من الأشجار الكبيرة((الطلح)) ورجع وأبلغ ربعة وهم من قحطان وهم فخذ الخنافر وجاهم وصاح فيهم وقال هنا ناس مقيلين وبيأخونكم ركبوا الخنافر وجاوهم وقاموا وأللي ركب فرسة وأللي مطيته أستعداد للقتال..


ومن المُهم ركب الأمير سالم بن حشوة فرسه وهو مأسرجها((بدون سرج)) ومافيها ألا العنان ودارت المعركة بينهم وقام قحطاني ويرمي سالم بن حشوة وتوقّع الطلقة أمام جوادة وقامت الفرس وحرنت ((وقفّت بطريقة سريعة ))وهي ماعليها سرج وطاح سالم أمام الفرس ومأمداه يطيح ألا وهو راد لجنبيّته أللي بأسفل بطنه ومأخذها وجايه قحطاني ويلتويبه ((يجعل يديه من ورى ضهره)) والجنبيه في يدّة وقال أمنعي وألا والله أنك قضاي قال منعتك وصار مهذل بن سرحان الخنافر هو أللي منعه.


أما ناصر ابوعليان فكانت الكثرة تغلب الشجاعة وأجتمع علية كم واحد وقام وعقر فرس بن نجل من كبار الخنافر وطاح بن نجل من فرسة وقال له ناصر أمنعني يابن نجل وألا والله أنك لُحق لفرسك قاله منعك الله ومنعتك قال ناصر أنا وبندقي قال أنت وبندقك...



سالم بن منصور نجأ وزبن مع من زبن وتعلّقوا الجبل...




المهم رجعوا الغزاة مكسورين ورجع ناصر بن سيف لأبية وقاله وش صار ياولدي وعلّمه بالأحداث وأللي صار وكان لهم جار وأبو عليّان مع العجمان في الرقيقة هجرة يتواجد فيها العجمان وهي تقريباً بالقرب من الأحساء وكان جارهم أسمه محمد أبو خشيم المشعلي من قحطان...


قاله أبو عليّان تعالي ومن القشارة أللي في رأسة يالله يالمشعلي والله لوما تجيب لي بندق ولدي ناصر أن أفعل بك وأترك بك...


قال المشعلي يابوناصر أنا نازل مع رجال عجيم ولالك علي سلم ولا لزم كيف تبيني أجيبها هذا مايصير...


قال أبو عليان والله أن قد تجيبها وأن أسوي فيك قصيدة تمشي بها الركبان لكل ديرة...

المهم قال المشعلي خلاص أنا بأروح لقحطان وعسى الله ييسّر الأمور.


وقال أبوسيف أبو عليّان ((المقطّع)) قصيدتة الشهيرة::::





الله وأنـا لله وأبــدي بـذكـر الله
وأفلحت ياأللي سبق نطقـه برحمانـه
دنّوا لي الغالـي عجـلً إلـى زالـي
شبيه ربدى خفوق الرّيـش معتانـه
أسمر وكـن لونـه يأللـي تحلّونـه
ضبـيٍ تشحّـط بسيقانـة وذرعانـة
ياراكب درعي فـي مشيتـه برعـي
مابركتـه لامشـى بتحـس ذرعانـه
بنسنّـده علـوى زهابـه الحـلـوى
تمر النخـل بـارز ماألهـاك زيّانـه
والبر ياسالـم والسمـن لـك والـم
فوق الرحـل سـم علقتـه بميعانـه
ضوّ السمر شبّـت شبّـت ولاهبّـت
وأللي حطـب جلـةٍ يعميـه دخّانـه
أنحر بني عمّك فـأن همّهـم همّـك
والذّيب لامن عوى تلاحـت أزغانـه
حميـدة جاكـم بالصـوت ينخـاكـم
قصيـرة الشامـري ودّة بسلطـانـه
أولاد بن مشعـل فالهـوش ماتفشـل
ياويل مـن يطلبـون الديـن ديّانـه
يوم بن نجل هاوي في الهوش مايأوي
على مثل الوحـش لاصـفّ جنحانـه
لاهان راعيهـا خـذا القضـى فيهـا
في كف من بالّلقى ماترمـش أعيانـه
له سابـق طاحـي فالرّيـع ماراحـي
ومن جنّب الريع عيّن ضرب سلطانة
وإن كانها جاتي نذبح لهـا الشاتـي
وصحون برًّ مـع البيضـا وبرهانـه
وأن كانها ولّت من صـدري أنحلّـت
وأللي مضى فايت ماعـاد لـه خانـه





سلطانة/ هي البندق وهي من نوع الصمعى
حميّدة/محمد المشعلي
ربدى/النعامة
علوى/أتجاه نجد
أولاد بن مشعل/المشاعلة

وبعد القصيدة أتجه محمد أبوخشيم المشعلي لأبن نجل الخنافر وقاله بندق ناصر أبوعليّان ترد له قال ماعندي له بندق ولالهم عليك سلم ولالك مثار وأنت نازل معهم قال والله أن قد تردله سوى بالطيبه أو بأختها وبعد مشادات بين الطرفين قامت زوجة بن نجل ومدّت البندق ((سلطانه)) من فوق حجاب بيت الشّعر وأخذها أبن نجل وأعطاها أبو عليّان ثم سوّى قصيدة سيف أبوعليّان تبييض لفعل المشعلي وأتيانه بالبندق وقال أبو عليّان::




زين محمّد لاتلبّس وأعتلى بنت الحصانـي
ليت محمّد لي نسيب وإن عوالي له عواني
كاضمـات بالحسـاس مــن الهـمـوم
نوّخوها هود ليلٍ يبردّون مـن السمانـي
شاخصـات بالبصـر ضــف الأذانــي
محمّد كاسينه ثوب شاش مخيّط مكرخانـي
من خميـس طولـه وعرضـة لاعمانـي




هذة قصة محمدا بو خشيم المشعلى - من المشاعلة -- سعد منهم ربعة --نقلتها ارجو ان اكون وفقت بالنقل ولكم جزيل الشكر --- عبدالمحسن مبارك

رد : ( قصة محمد ابو خشيم المشعلى))
 

لاهنت اخوي عبدالمحسن

سالفه طيبه مثل طيب راعيها

تقبل تحيات اخوك

الضويري

رد : ( قصة محمد ابو خشيم المشعلى))
 

تسلم يا محسن على السالفة الطيبة ,,

والنعم والله بعوال عمنا المشاعلة ,,

ولا هنت يالغالي ,,

رد : ( قصة محمد ابو خشيم المشعلى))
 

مشكور أخو عبد المحسن مبارك ، على هذ الموضوع.

ولكن عندي مداخلة وليست منازعة في هذا الموضوع( فانا سمعت ان الغزيه على قحطان وكانت على آل سعيّد ، وان الي خذا البندق هو الشيخ الفارس / شرثان بن سعيّد واهداها على جد عواله الشيخ الفارس / ملهي بن سعيدان ، وبعد ماأتاهم المشعلي قالو له البندق ماعادها بعدنا وهذي بنادقنا خذ الي تبي منها وقال ماابغى الا بندقي فقال الشيخ الفارس /عاطف بن سعيّد،لاخوه شرثان ، روح جب البندق قال ولله مستحي من جد عوالي اخذ عطيتي له ، فقام الشيخ /عاطف بن سعيّد وراح للشيخ / ملهي بن سعيّدان وبلغه بالموضوع وقال هذا مشعلي يبغى بندق قصيره وحنا الي نعز الرفيق وهذي بنادقنا بدالها نجمل المشعلي ونومسه عند جاره فقال الشيخ/ملهي بن سعيدان حنا نعين ونعاون وبنادقكم والله ماجيني ،
وهذا فعل آل عاطف مع رفيقهم المشعلي، كلهم شيوخ يحلون النشب)

ولك اخي ان تبحث ولي ان ابحث عن الصواب ، وكذلك نرجو من جميع المتصفحين الذي عنده معلومة ان يشاركنا ، لنقف على حقيقة ذلك الموضوع‘،،،،،،،،،،،، وشكرا

رد : ( قصة محمد ابو خشيم المشعلى))
 

لاهنت علي القصة وباقي الملاحظات عند الاخوان اهل الدرايه

ولكن ملاحظتي ان الرقيقه حي من احياء الهفوف - الحساء وليست هجره-

كما ابين ان معظم سكانها قديما وحاليا قحاطين

تحياتي لك وجهودك الرائعه

رد : ( قصة محمد ابو خشيم المشعلى))
 

بسم الله الرحمن الرحيم
السلام عليكم ورحمة الله وبركاته

لاهنت عالسالفة يالنشمي

ونعم بوجه عبدالله

تحياتي

رد : ( قصة محمد ابو خشيم المشعلى))
 

شكراا لكل من قام بالمرور والرد-- الضويرى ---شامان العاطفى --- ابن سعيد ---الحجاج الثقفى --- هبشان --لكم كل الشكر مشكورين --- عبدالمحسن مبارك

رد : ( قصة محمد ابو خشيم المشعلى))
 

رد : ( قصة محمد ابو خشيم المشعلى))
 

بسم الله الرحمن الرحيم


لاهنت على الموضوع

تحياتي ...

رد : ( قصة محمد ابو خشيم المشعلى))
 

شكرااا لساج الوقت المشعلى والشكر موصول للاخ بن نملان على المرورو والتعليق لا هنتو يا عيال العود واللة لا يحرمنا من الرفيق --- عبدالمحسن مبارك

رد : ( قصة محمد ابو خشيم المشعلى))
 

لاهنت اخوي عبدالمحسن بن مبارك على ذكر السالفه اللي تنومس اقحطان

وهذي القصه تبين تقدير الرجال للرجال

بيض الله وجهك ياكحيلان

رد : ( قصة محمد ابو خشيم المشعلى))
 

مشكور ياعبدالمحسن

الله يعطيك العافية


عجيب!!! المنيع يقول امنعني ولا ذبحتك!! ومنعه خوف منه!! :confused:

الله الله وهذا العجمي الثاني نفس الشي!!! منعوه قحطان خوف منه ... :confused:


حتى الثاير ماثار إلا بالتهديد؟؟!!! :confused:

وين عاد الضرب وسلطانة ماخذينها من يده صبيان الخنافر!! :confused:


اخوي عبدالمحسن .. اكيد انك ناقلها من منتديات المحلف... هناك شباب محترفين سمكرة القصص والسوالف وصبغها باللون اللي يبونه.

ـــــــــــــــــــــــ


عموما باعطيكم القصة الصحيحة والمعروفة عند الشيبان، وهي موثقة في كتاب "سلوم وعوايد قحطان" للاستاذ على بن شداد

القصة هي ان محمد بن فهيد(حميده) أبو خشيم المشاعلة كان قصير(جار) لـ سيف بن ناصر أبو عليان من آل شامر العجمان ، وفي يوم من الايام تجهزوا العجمان للغزو على قحطان في نجد ، وعرف أبو خشيم أن ولد قصيره الشامري بيغزي مع القوم على قحطان، فراح صوبه وقال له: سمعت أن ولدك بيغزي على ربعي قحطان، وإذا كان بيلحق وجهي شيء منه إذا جرى عليه شيء فلا يغزي معهم .

فرد علي العجمي قائلا: أنت اللي في وجيهنا ترعى في مفالينا وتشرب من جوابينا ولا في وجهك شيء !.


رجعوا الغزاة مكسورين، ويوم رجع ولد ابو عليان لابوه وعلمه بالحاصل وان البندق (سلطانة) خذوها قحطان.. فشب ابو عليان ضوه وقام يغني يسمع جاره ابو خشيم المشعلي لعله يرجع له بندقه من الخنافر:

ضـوء السمـر شبت شبت ولا هبت = واللي حطب جلة يعميه دخانه
ياراكب درعي في مشيته برعي = مابركته لامشى بتحس ذرعانه
أسمر وكن لونه يالل تحلونه = ضبياً تشحط بذرعانه وكيعانه
بنسنده علوا زهابه الحلوى = تمر النخل والم ماالهاك زيانه
انحر بني عمك لن همهم همك = الذيب لمن عـوى تلاحت أزغانه
أولاد ابن مشعل في الهوش ماتفشل = ياويل من يطلبون الدين ديانه
احميده جاكم بالصـوت ينخاكم = قصيره الشامري وده بسلطانه
فان كانها جاتي بذبح له الشاتي = وزل القطائف عليها يسحب أردانـه
وأن كانها ولت من صدري أنحلت = واللي مضى فايت ماعاد له خانه

قال ابو خشيم المشعلي لجاره: اصيح من شي ولا نجيت منه ، انذرتك يابو عليان خوف على عرضي من بعض العلوم وحصلت. (ومن المعروف ان ابو عليان شاعر مفوه).

قال ابو عليان : ابغاك تبذل المجهود، ان رجعت سلطانة نشرت البيضاء في كل ريع، وان راحت فلا في وجهك إلا الشحم.

المهم راح ابو خشيم المشعلي للخنافر وطلب منهم أدى بندق جاره، قالوا الخنافر: ماللعجمان عليك سلم يابو خشيم ولا لك مثار!!

قال ابو خشيم: هذي بندق جاري ، خذاها ولده بدون علمه وغزا مع ربعه وحصل الحاصل ، واليوم جيتكم اطلب اداء بندق جاري ، اما حدوها بثمن ونشتريها ولا عطونا إياها وشايفين معروفكم على المشاعلة. فقاموا الخنافر واعطوه اياها.

ويوم رجعت البندق لابو عليان الشامري العجمي فسوّى قصيدة تبييض لفعل ابو خشيم المشعلي منها هذه الابيات:

راكب تسعين حره = ما تعلواها هداني
فوقها خمسين عجمي = وأربعين من اقحطاني
الى ان قال:
مسوي الفنجال عـده = وقـنّـده بالزعفراني
لبوخـشـيـم صـب لاول = أول ماهوب ثاني
أبو خشـيم في الرجـال = كنه سهيل اليماني
ليت محمّد لي نسيب = وإن عوالي له عواني
كسوتي له ثوب خام = امخيطينه بكرخاني
من خميس مشيط عرضه = وأما طوله لـ عماني



ولكم تحياتي