|
فعلك شرف لليعربي و السعودي و القحاطين
السلام عليكم
اسعد الله اوقاتكم بالرضا و العافية أقدم لكم هذه القصيدة في الشيخ عبدالله السلاطين السنحاني لما فعله من أمور لايفعلها الا الكريم ابن الكريم و الحليم ابن الحليم فقد عفى عن قاتل ابنه و طلب من الامير سلمان أن يعفي القاتل من الحق العام ، و ان يعود على راس عمله ، ويستلم رواتبه التي لم يستلمها وهو مسجون و هذه القصيدة مجرد تعبير بسيط عن ما فعله الشيخ عبدالله السلاطين و اتمنى أن تنال اعجابكم و اعذروني على التأخير في نشرها :) [poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"] ابدا بذكر مبدّل الحال من عسر ٍ ليا لين = عالم خفايا مانكنه .. و أنا عبده و اساله يجعل خصالي فارقه بالوفا و المنطق الزين = و المعرفة و الصدق و ايضا الكرم في كل حاله فما يرفع الرجال جمع الذهب و الا الملايين = لاصار ماله ذكر بين العرب .. طيب و شكاله مثل المهادي و الا مثل الجمل ولد السلاطين = سنحاني ٍ ياطيب مجناه من عمه و خاله اكرم كريم ذراع الى عدّوا فعول الكريمين = حليم و ان زادت صدوف الدهر زاد احتماله فعلك ياعبدالله ثقيل و رجح كف الموازين = اعفيت خصمك مالقصاص و كسبت اجر و جماله في ساعة ٍ خصمك يشوف المنيه شوف بالعين = قلت اعتقه لله .. ياعسكري فكوا حباله اعفيت و اعفوا ما تبقى على سجنه من اسنين = خلوه يرجع فالوظيفه .. و يرجع كل ( ماله ) انا اشهد انك صامل ٍ وافي ٍ من روس وافين = صيتك و ذكرك في جنوب البلاد اليا شماله فعلك شرف لليعربي . و السعودي . و القحاطين = و اسمك .. يقال انعم و اكرم ليا جابوا مجاله صف الكلام ايزين لاصار في فعل و براهين = هذا الصحيح و كل ماقلت ابرهن له دلاله و تعيش يارمز الشرف و الوفا زبن المخليين = النايف اللي من نصاه ايتذرا في ظلاله[/poem] و سلامتكم مبارك بن حاضر |
رد : فعلك شرف لليعربي و السعودي و القحاطين
الله يبيض وجه راعي الفعل
وهذا مايستغرب على قحطان ويبيض وجهك على الجزاله كفو كفو كفو والله |
رد : فعلك شرف لليعربي و السعودي و القحاطين
صح لسانك يامبارك
والسلاطين علمه غانم وينومس تحيتي |
رد : فعلك شرف لليعربي و السعودي و القحاطين
ارحب يامبارك
ياحي ذالصوت وذالشوف :) بيض الله وجهك وصح لسانك على هذي الرائعه والشيخ السلاطين علمه غانم ويستاهل المدح لاهنت لاهنت ،، . |
رد : فعلك شرف لليعربي و السعودي و القحاطين
بسم الله الرحمن الرحيم
السلام عليكم ورحمة الله وبركاته ارحب يا ابو فيصل صح لسانك والله يبيض وجهك على القصيده والله يبيض وجه عبدالله السنحاني خالص شكري وتقديري اخوك/عبد الله السحيمي |
رد : فعلك شرف لليعربي و السعودي و القحاطين
اررررررررررررررررررررررحب مليون يامبارك ومن طول الغيبات جاب الغنائم
بيض الله وجهك علي القصيده تجبرنا علي متابعتك يامبارك وقصيده كفوو في رجل كفوو يستحق المدح والثناء والتقدير مره اخري سجل اعجابي بما تكتب يالذيب ولاهنت ولاتحرمنا من جديدك |
رد : فعلك شرف لليعربي و السعودي و القحاطين
اقتباس:
ارحب يا عوض و بيض الله وجهك انت على حضورك و لا عليك زود طال عمرك :) |
رد : فعلك شرف لليعربي و السعودي و القحاطين
بيض الله وجه عبدالله السلاطين
وبيض الله وجهك على القصيدة الرائعة القصيدة كفو والممدوح يستاهل تحياتي |
رد : فعلك شرف لليعربي و السعودي و القحاطين
عز الله إنه طيب و يفعل الطيب
الله يجزاه خير ويجعلها في موازين حسناته |
رد : فعلك شرف لليعربي و السعودي و القحاطين
بسم الله الرحمن الرحيم
السلام عليكم ورحمة الله وبركاته بيض الله وجه عبدالله السلاطين وبيض الله وجهك على القصيدة الرائعة |
رد : فعلك شرف لليعربي و السعودي و القحاطين
صح الله لسانك
بيض الله وجهك |
رد : فعلك شرف لليعربي و السعودي و القحاطين
وافي ولا انت بهافي
صح الله لساانك يامبارك والسلاطين يستاهل تقبل تحياتي |
رد : فعلك شرف لليعربي و السعودي و القحاطين
اقتباس:
صح بدنك ياعبدالله و الله لايهينك على كل حال :) |
رد : فعلك شرف لليعربي و السعودي و القحاطين
اقتباس:
ابقاك الله و وجهك يا ذيبان اشكرك كل الشكر و الله يعطيك العافية :) |
رد : فعلك شرف لليعربي و السعودي و القحاطين
اقتباس:
ابقاك الله و صح بدنك يالغالي و وجهك ابيض و الله لايهينك يالذيب :) |
رد : فعلك شرف لليعربي و السعودي و القحاطين
اقتباس:
ابقاك الله ياذيبان صح بدنك و بيض الله و جهك على حضورك المميز و الله لايهينك يابو فيصل :) |
رد : فعلك شرف لليعربي و السعودي و القحاطين
اقتباس:
و وجهك ابيض يا بداح و الله يعطيك العافية على حضورك و ان شاء الله القادم أجمل |
رد : فعلك شرف لليعربي و السعودي و القحاطين
اقتباس:
لاهنت يالحر |
رد : فعلك شرف لليعربي و السعودي و القحاطين
صح لسانك يامبارك
|
رد : فعلك شرف لليعربي و السعودي و القحاطين
اقتباس:
و وجهك ابيض و الله لايهينك على حضورك يابن خضير :) |
رد : فعلك شرف لليعربي و السعودي و القحاطين
اقتباس:
صح بدنك و وجهك ابيض شكرا ً لك |
رد : فعلك شرف لليعربي و السعودي و القحاطين
اقتباس:
ارحب يا سعد صح بدنك و الله يعطيك العافية و مشكوووووور :) |
رد : فعلك شرف لليعربي و السعودي و القحاطين
اقتباس:
صح بدنك يا سعد شكرا ً يالغالي |
رد : فعلك شرف لليعربي و السعودي و القحاطين
اررررررررررررررحب يا مبارك
صح لسانك واعتلا شانك يستاهل ابن السلاطين البيضاء تحياتي |
رد : فعلك شرف لليعربي و السعودي و القحاطين
صح الله لسانك يا ابو فيصل
:untitled: الحقيقة اول مرة ادري انك شاعر :untitled: ما شاء الله تبارك الله طرق كاااااااااااايف وقصيد كفو والقحطاني يستاهل لاهنت ولا تحرمنا من الجديد |
| الساعة الآن 06:42 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com