هذولا الأخويا والا بلاش
 

كشفت وسائل الاعلام الكرواتية عن ان اصدقاء الملياردير الروسي فيكتور فيكسلبرغ اتفقوا على شراء جزيرة على الساحل الادرياتيكي لتقديمها كهدية عيد ميلاد له .


http://www.qahtaan.com/works/up/uplo...1191822183.jpg


وافادت تقارير بان اصدقاء فيكسلبرغ دفعوا 11 مليون دولار ثمناً للجزيرة التي تبلغ مساحتها 3 آلاف متر مربع وتقع قبالة منتجع دوبروفنيك افضل المنتجعات في كرواتيا الذي عادة ما يقضي فيه فيكسلبرغ عطلته الصيفية في فيلا فخمة به .
وجمع فيكسلبرغ (50 عاماً) ثروته التي تقدر ب- 11 بليون دولار من صناعة النفط الروسية الضخمة .

رد : هذولا الأخويا والا بلاش
 

بسم الله الرحمن الرحيم
السلام عليكم ورحمة الله وبركاته

انا اشهد كذا الاخويا


جزيره كامله لاوهديه :(

موب بعض الناس يعطي قلم ابو ريالين ويقول بـ500 <<<قد صارت هههههه


لاهنت يالمبدع

ننتظر المزيد

اخوك/عبدالله السحيمي

رد : هذولا الأخويا والا بلاش
 

اي والله الأصدقاء


الحين يفزع تركي وال معمر وعبدالله السحيمي ويشترون لي همر يعرفون خاطري فيه


بس ياخالد ذول أصدقاء ملياردير يعني عاملين حسابهم زين


وبيطلعون ثمنها زين منه هم مشترينها ب 11 مليون وهو عنده 11 بليون


شوف يعني المبلغ بالنسبه ليه عادي بس ياترى لو ماكان معاه شيء كان اشتروها له


عز الله كان سحبوا عليه وعلى أم جابته


يعطيك العافيه على هالخبر الظريف والله يرزقك ياخالد بأصدقاء زي كذا


ويشترون لك ارض مساحتها 600 في شمال الرياض ( والله بركه )


مشكور مشرفنا الغالي خالد العاصمي

رد : هذولا الأخويا والا بلاش
 

بسم الله الرحمن الرحيم
السلام عليكم ورحمة الله وبركاته


ايه والله اصدقاء

الي تامربه بس



همر بس تبي

اذا وافق تركي ابشر اشتريلك بدال الهمر ثنين واحد لك واحد لخالد العاصمي

رد : هذولا الأخويا والا بلاش
 

ايه ... كذا الربع

كله نفاق ... مثل بعض العربان

مرة شفت ناس يشترون شناط عود هدية ... طبعا لمصلحة

رد : هذولا الأخويا والا بلاش
 

هههههههههه


اشهد انهم اخويا


لاهنت يا العاصمي

رد : هذولا الأخويا والا بلاش
 

ابو عصام


مافيه الحين شيء مجاني حتى لو مسواك


أنا أعرف واحد على سالفه المسواك مستأجر دور وكل ماصلى في المسجد يلقى راعي البيت


ويعرف انه بيطلب الأجار منه عاد خوينا أول مايطلع ويلقى الهندي حق المساويك يروح


يشتري مسواك ويعطيه صاحب البيت عاد الثاني ينحرج وعلى هالموال في كل صلاه


عاد راعي البيت استحى وبعدين يوم شاف السالفه طولت قال لو مجمع قيمه المساويك


كان سدت شيء من الأجار وعلى العموم أخصم قيمة المساويك من الأجار وعطني الباقي


عاد خوينا غير المسجد والله صدقت ياماجد بالذات شنط العود على طول مصلحه

رد : هذولا الأخويا والا بلاش
 

موضوع جميل

ويلعن أبو الطنخه

جزيره في البحر هديه


أن شاء الله يجتمعون تركي السنحاني ومنصور وعبدالوهاب الراضي وماجد الخليفي

ويشترون لي جزيرة البحرين هديه <<< خخخخخخخخخخهه


شوكرن وأضفتك سمعه على موضوع ك الجميل

رد : هذولا الأخويا والا بلاش
 

أبو جابر انت رجال طويل شوي

ولو أشترينا لك البحرين مايمديك تمد رجولك وتسترخي


يعني ماشاء الله لو جلست على الكورنيش حقهم ومديت رجلك غطيت على الجزيره وتعثرت فيها السفن والبواخر


ولا ماتغلا عليك يابو جابر بس على العموم أبشر بعزك نشتري لك البحرين هديه لك


الا فندق بيسان تور خله لي لما قدني أسير عليك هناك



الله يسعدك يابو جابر ياحبني لك ولردودك

رد : هذولا الأخويا والا بلاش
 

القدر والمحبّة في الصدر ..

وأدنى هديّة هي فقط تعبير .. لا أكثر ولا أقل ..

بس ترا بعض الهدايا تفقع الكبد .. :)

وأنت يا بو جابر .. تستاهل كل خير ..

بعطيك قوز في الربع الخالي ..

رد : هذولا الأخويا والا بلاش
 

ههههههههههه يالعبدي والهديه قوز في الربع الخالي

ترى إحتمال تروح هناك وتلقى لوحه مكتوب عليها أملاك خاصه


ابو جابر


أبشر عند ابو يالله يحفظه جربه في الديره تراها جتك وترى مساحتها مناسبه


خلاص باقي عليك البحر وحط الجربه فيها

رد : هذولا الأخويا والا بلاش
 

منصور

ماجت على بالي ذي


خلاص خذو العبدي معكم واسطه

وشترو لي قطر

شكلها ممتد في البحر كذا

ووسيعه ماهي بمثل البحرين

ولكم علي أقلبها في شهر جنان

وبدل شارع المعارض ألي في البحرين

أحط لكم في قطر خمس شوارع

وأسحب لكم برج العرب من الامارات

والفور سيزن ولي يعزون عليه كلهم

وحط العبدي وزير خارجيه <<<<< أبسط

رد : هذولا الأخويا والا بلاش
 

أبو جابر المعذره قطر قد قدمت أبي أشتريها وقد نويت أهديها إلى ال معمر


ولاني براجعك في نيتي يابو جابر ولو انك تستاهل



وش رايك في الإمارات بدل ماتقعد تسحب في هالعماير نشتريها لك


أعرف واحد من الشباب في الجوازات ممكن يساعدنا


وبعدين جغرافيتها تناسبك يابو جابر يعني تقدر تتمغط على راحتك فيها


وجاهزه كل علم غانم فيها لاتسحب ولا تجرجر


وأنا مابي شيء منك غير سلامتك يابو جابروأريام خلها لي والباقي لك


بسرعه رد لي قبل المغرب علشان أكلم خويي يحجزها قبل لايشتريها أحد من المجالس الثانيه


ترى لو راحت فماعاد معك الا السودان

رد : هذولا الأخويا والا بلاش
 

منصور العبدالله

أنا ما بغيت قطر والله ألا علشان العبدي

ودي أحطه وزير

لني أعرف أنه يرتاح في ذا المنصب أكثر من غيره


لكن مدامكم قد أنويتو لل معمر فيها فأن شاء الله ماهو مقصر


وعلى رايك الامارات الامارات

كلم خويك ألي في الجوازات وأنا رضيت بها

ماهو بزود حب ألا علشان ما نردها في خطركم


أما عن سالفة أريام

فونا خوك حرام أنها ماقد هبلت بك مثل ماهبلت بي الله ينصرني عليها

لكن عندي لك أقتراح

خل أريام عندي

وبرسلك سفير في لبنان

ولا خابر أنك تحب الشام

بنحطك سفير هناك ولا من حيث ماودك

وكب الكهربا ومستودعاتها

رد : هذولا الأخويا والا بلاش
 

خلاص يابو جابر شورك وهدايه الله


بس تكفى حط السفاره فوق العماره اللي ساكنه فيها هيفاء وهبي


ولو قدرت تحط نصف السفاره فوق بيت هيفاء والنصف الثاني فوق بيت نانسي فأحسن


تعرف ماني أدل هناك زين أخاف أطلع أضيع وبعد علشان تشوف منسوبي السفاره مداومين ليل ونهار في


خدمه الشعب السعودي والسياح السعوديين ولا يهمك أريام لك


بس ماتزعجني كل شوي وانت طاب علي هناك علشان هيفاء ونانسي


ماقرأت موضوع صحفي مصري يطلب من القمه العربيه تعيين هيفاء وهبي أمينه لجامعه الدول العربيه


ويقول صدقوني الرؤوساء بيتعاونون معها بشكل كبير وراح تجمع كلمه العرب على طول


أبو جابر تكفى إذا جت عندك أريام فأعزمني والله لقعد عاقل وما أتكلم بس أتفرج


( الحين صاحب الموضوع بيزعل علينا قلبنا موضوعه شات يابو جابر وسوالف بس بيعذرنا مشرفنا الغالي خالد )

رد : هذولا الأخويا والا بلاش
 

بسم الله الرحمن الرحيم
السلام عليكم ورحمة الله وبركاته


ماااااشااااء الله

ولك تحيتي

رد : هذولا الأخويا والا بلاش
 

خلاص أنا بعد بكره بحرك صوب الامارات

أنا والله كان نيتي أروح صوب الرياض

لكن دامها كذا فخير البر عاجله

ولي يبون يساعدوني في تشكيل الحكومه ويبوني أعطيهم مناصب يراسلوني على الخاص

وأن شاء الله ما أقصر معهم


وبالنسبه للموضوع ألي نتناقش فيه يا منصور

فأبد ولا يهمك

حرام يا هيفاء وهبي ذي أني أشناها شنه ما يهون أمرها

ولي قد الحريم كلهم مثلها فعز الله ألي أبطيت عزوبي


أبك أذا ماتجي زي أريام كتف وردف ولا ما ينفع

وسفارة لبنان راح تكون من أفضل السفارات وراح نصب الميزانيه عندك

علشان ينبسطون اللبنانيين

رد : هذولا الأخويا والا بلاش
 

الله يسعدك يابو جابر


أجل بقرب زنابيل علشان الميزانيه


ولاتنسى تحط في حسابك ميزانيه المشروبات الروحيه عليها ضريبه وزاد سعرها


يعني بحبحها شوي وتراني ادري اريام بتزعج وتقول خل منصور يجينا ولا خلنا نروح له


يعني لاتزعل مني يابو جابر حركات البنات تعرفها بس لاتخاف انا بضبط وضعك مع أريام


خلها معي شهر وتجيك زي الساعه

رد : هذولا الأخويا والا بلاش
 

حلاتها بركان يفجرها هههههههههه
يلعن أبو الحسد

رد : هذولا الأخويا والا بلاش
 

ليش ساوو الحكام السجون

ماهو بعلشان ألي مثل ذي

برسلك هناك

وطلب بالمدد ماهو بالعدد

لاكن أنت لك شغلك ونا لي شغلي


ولا أقول

ياخوي بنشتري لك لبنان

الله يلعن أبوها دنيا

أهم متذابحين وعيو ما يقرون لهم على راي

أقل شي تضبط أمورهم

وبدل ما نحطك في السفاره

تصير هناك صاحب قصر الراسه

ووالله لوني بدلك لأحاول أستمتع

رد : هذولا الأخويا والا بلاش
 

اي والله شلون مافكرنا فيها


أساسا ميزانيه المشروبات الروحيه للسفاره بتجيب لنا بيروت وجنوب لبنان كله


نزود شوي ونشتريها


والله احسنت يابو جابر


وبعدين نتبادل الخبرات حن وانتم


خلاص اعتمد انا بقدم على سلفه من البنك يابو جابر

رد : هذولا الأخويا والا بلاش
 

ابو جابر تكفى اعزمني على اريام ... وابجلس عاقل جنب منصور

واذا عندك وظيفة بالسفارة قهوجي والا مدلك للمدمزيل ماعندي مانع

رد : هذولا الأخويا والا بلاش
 

ماجد عندي فيروز وصباح ازعجوني تعال صرفهم




ولا خذهم ورح ستار أكاديمي وأصرفهم بنات



بيعطونك في الحبه الكبيره ثلاث صغار

رد : هذولا الأخويا والا بلاش
 

أهئ إهئ إهئ

لا لا لا ..

الشيبان خرّبوها .. :cool:

رد : هذولا الأخويا والا بلاش
 

العبدي لاتخاف كل المقاسات موجوده ولله الحمد بفضل توجيهات ودعم ابو جابر طال عمره

رد : هذولا الأخويا والا بلاش
 

أهم شي تبادل الخبرات تكفى يا منصور

ماهو لي عين الواحد الخير نسي أخوياه

شف أنت لو تراجع الموضوع الاصلي لأكتشفت أنه عن الاخويا ألي ما نسو خويهم وشرو له جزيره في البحر

وكيف أن هذا الخلق خلق نبيل وطيب



ولا ترها بتقوم حرب بين حكومتنا وحكومتكم بتخسرني وخسرك

وفي النهايه بنعين المزاين موتان في الشوارع

ولينا مثل الطايح من على الجدر





ماجد

أفااااا والله يا ماجد

أنت مابعد عرفت قدرك عندنا

أصبر كلها كم سنه ونشتري لك اليابان

ونسوي تبادل خبرات على نطاق أوسع

رد : هذولا الأخويا والا بلاش
 

ابو جابر

ما تصلح لك اليابان لانهم غير

افقى وليس عمودي

ومنصور يقول انت طويل ... وجماعتنا قصار

رد : هذولا الأخويا والا بلاش
 

أبو جابر اليابان غاليه ياخوي


مانقدر نشتريها كاش


أنا سألت ومانقدر الا اقساط


انت تشتري وانا اكفلك ولا العكس


وان طعتني خل اليابان وش مطيحنا في الغالي بنشتري لماجد


يا اندونيسيا يا تايوان وخله يمشي حاله فيها لين تضبط الامور شوي


ماودنا ندخل في مديونيات من أولها ولا شلون نصرف على شعوبنا


ماعليك من الرجال في حريقه بس المساكين البنات والحريم


وماعليك من العجايز في حريقه المهم من هم دون 30 حليلهم


وماعليك من الشينه في حريقه المهم الحلوين


حليلهم من لهم غير الله وحن يابو جابر

رد : هذولا الأخويا والا بلاش
 

عادي ياماجد لايهمك لا افقي ولا عمودي


نقدر نلف


وبالنسبه للطول لا تهتم ياماجد نقدر ننثني وبدل مانكون من جهه واحده نكون من جهتين أضمن


( أقول يابو جابر عز الله اللي زان صومنا وابو عصام قد افطر وماعنده مشكله )


والله لايمر واحد من المراقبيين يقول ذول ماهم بصاحيين


والله انه صادق والله ماحن بصاحيين

رد : هذولا الأخويا والا بلاش
 

قطعت قلبي يا منصور

أي والله حليلهم



ماجد

وش ألي ما يصلحون؟

مافيه شي ما يصلح الله يهديك

وتراك مخير تبي نشتري لك دوله ونت مستعجل

أبشر وعلى خشمي بنشتر لك من الدول ألي حول اليابان يما أندنوسيا ولا ماليزيا

ولا جزر القمر

ون كانك معزم على اليابان فصبر علينا شوي

رد : هذولا الأخويا والا بلاش
 

صاحيين ... ؟؟

أي صاحيين .. ؟؟

هذي حركات ابو عصام .. تلقاهم قد افطرو ويبغا يخرّب عليكم صيامكم .. :o

:)

المهم .. تراكم خليتو الموضوع فرع من مؤسسة مقهى الشبكة ..

وأنت يا بو جابر .. بينك وبين المقهى زعل .. بلا مؤاخزة يعني ..

رد : هذولا الأخويا والا بلاش
 

ارحب ارحب يابو جابر


والله تبشر بالخير البحرين بس

اصلاً انا وتركي قررنا نشتري لك الخبر

اما منصور فكرنا وقلنا بنتصدق عليه بهمر وردي على شان يكشخ بالتحليه


مسكين منصور رحمناه

اما ابو عصام بنشتري له هديه رجل آلي خاص للسفريات برماوي

والشباب الباقين كل واحد على كامري

يعني هديه بسيطه



لاهنت يالمبدع

رد : هذولا الأخويا والا بلاش
 

ماجد ولايهمك لكل قفل مفتاح


الا شبشب عاشق الليل هي الوحيده في العالم اللي ماله مفتاح


لانه مؤامره عالميه على عاشق الليل


ويقولون المفتاح مخفي بواسطه الانتربول بإتفاق مع الموساد


ولا الباقي لاتخاف يا ماجد


اي قفل عندكم ماله مفتاح نقدر نفتحه عندنا زي ماقلت ماستر كي


لاتقلق يابو عصام


اشوف اعلان في الوسيله يبو جابر عن بيع استراليا

ودك نعطيهم بنجلاديش وندفع الفرق


ممكن تعجب ماجد ماودنا ابو عصام يقعد عاطل

رد : هذولا الأخويا والا بلاش
 

عبدالوهاب صح النوم


باقي على كامري وهمر وين صح النوم هذا يوم كنا صغار في الصفحة الاولى


الحين كبرنا وصرنا بالصفحه الثالثه وعلى وشك نطمر للرابعه


الحين قاعد نشتري ونوزع دول


يالله سجل اسمك وامسك سرى مع الشباب وحدد ثلاث رغبات ياعبدالوهاب

رد : هذولا الأخويا والا بلاش
 

خخخخخخخخخخخخخخخخخخخخخخخخهه

سد الجواب

سمعت يا عبد الوهاب

توك صاحي من النوم تبي تعلمنا شغلنا


ألي يقوم أول واحد هو ألي يحكم العالم

رد : هذولا الأخويا والا بلاش
 

عيد ميلادي بكرة يا شباب

وأدري إنكم تدرون إني أحب الرنج

:)


لاهنت يالغالي

وهذولا الاخويا صدق << يلمّح :)

رد : هذولا الأخويا والا بلاش
 

بسم الله الرحمن الرحيم
السلام عليكم ورحمة الله وبركاته

منصور الله يصلحك


تدري

بعطيك جزر الواق واق والله ما تقول كلمه


تراك والله تستاهل الخير


وابيك تضبط المور الكهربائيه هناك يعني اللمبات والعقود واذا تبي فزعه خذ تركي




وانت يابو جابر بعطيك جزر القمر


والله من الزين هناك

هههههههه

رد : هذولا الأخويا والا بلاش
 

بسم الله الرحمن الرحيم
السلام عليكم ورحمة الله وبركاته


ابشر بعزك يابن مذي


خلاص تستاهل المانيا بكبرها

رد : هذولا الأخويا والا بلاش
 

بالله أجل تقول جزر القمر فيها مزايين

سحبنا الهديه يابو عصام



خلف السوار أقضي بقية حياتي

في غربتي شلال حزني تدفق

رد : هذولا الأخويا والا بلاش
 

عبدالوهاب شكلك بتضيعنا ونفلس


لاتقعد تبذر في الدول ولما احتجناها مالقينا شيء


بعدين المانيا محجوزه للعبدي وانت تروح تعطيها سعيد بن مذي


شوف حاول تأخذ المانيا منه وعطه ايطاليا لين نشوف من من الشباب مامعه شيء