--- ((( مرشد بن سعد البذااااااال ))) ---
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
الله من قلب بدت فيه الأنواع=تاخذ به افكاره هجوس وتناويع

دويت بافكار كبيرات ووساع=وآشوف كل رواية جالها ريع

مير ان راعي كلمة الصدق بتاع=أهل الصداقه للتحدي مفاريع

الصدق له مع سايد الحق مطلاع=والكذب له مع غير يمه مطاليع

كم واحد مغريه رايه ولو ضاع=في خاطره عنده لمن ضاع تسنيع

وكم واحد للي يشيرون مطواع=للي عطاه الراي ممنون ومطيع

قلبه ليا شاروا هل العرف سماع=أخذ من الأريا ثمرها بلا بيع

وكثر التجارب درس والدرس نفاع=فيها لذربين الرجاجيل ترفيع

احرص على ربعه شريفين الأطباع=لوهم من الأجناب فيهم منافيع

كم نازح يشرى والأقراب تنباع=بيعة رجا ماهيب بيعة تقاطيع

لاتستوي بالغيض صارم وجزاع=على رفيق شفت منه التواجيع

لاعاش من دايم على الربع صعصاع=ومقطع جيبه يدين الفراريع

وان طعت راي اللي درس كل الأوضاع=الميز هو مصراع كل المصاريع

رجل بلا ميز ولو طال له باع=يضيع افعاله من الجهل تضييع

واحذر تصير لمن وثق فيك خداع=ترى أقشر الحالات حال الخداديع

الخدع لو راعيه بالزود طماع=تراه مثل زراعة مالها ريع

من طاب لك بالمد قدم له الصاع=ولاتفتخر كانك تعرف المواضيع[/poem]

رد : --- ((( مرشد بن سعد البذااااااال ))) ---
 

بسم الله الرحمن الرحيم
السلام عليكم ورحمة الله وبركاته


لاهنت يابوسعوووود على القصيده

وصح السان البذال والسانك

اخترت وابدعت

رد : --- ((( مرشد بن سعد البذااااااال ))) ---
 

مرشد البذّال .. هرم شعري ..

من الشعّار الكبار .. وله مساجلات مع الشاعر الكبير .. محمد السديري ..

وله بيتين في الغزل .. يقول فيها ..



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
خطب ٍ بعث بالقلب عطب الكوايا = أثّر على جرح ٍ تدمـدم ولا طــاب
فــزّيت نـابي غـارس ٍ بالــشــفايا = كنه يلامس ثومة القلب مشهاب[/poem]


رحم الله مرشد البذّال .. ولاهنت يا بو سعود ..

نص في الحكمة .. يمتع القارئ ..

أحسنت الاختيار ..



تحيّاتي ..

رد : --- ((( مرشد بن سعد البذااااااال ))) ---
 

شاعر كبير وتشكر يابو سعود على هذا النقل




ولاهنت

رد : --- ((( مرشد بن سعد البذااااااال ))) ---
 

صاح لسانك

رد : --- ((( مرشد بن سعد البذااااااال ))) ---
 

بسم الله الرحمن الرحيم
السلام عليكم ورحمة الله وبركاته


رحم الله مرشد البذّال .. ولاهنت يا بو سعود ..

رد : --- ((( مرشد بن سعد البذااااااال ))) ---
 

وعيكم السلام


ولا من قال يا فلالالالالالالالاح


الله يرحمة


تحياتي

رد : --- ((( مرشد بن سعد البذااااااال ))) ---
 

وانت سالم وغااانم يابو علي



وأشكرك على هذه الاطلاله الطيبه



تحياتي

رد : --- ((( مرشد بن سعد البذااااااال ))) ---
 

لا شكر على وااااجبب يابو غااااده


ولاهنت على المرور


تحياتي

رد : --- ((( مرشد بن سعد البذااااااال ))) ---
 

صح لساااانه هو



ولا هنت

رد : --- ((( مرشد بن سعد البذااااااال ))) ---
 

وعليكم السلام يابو سعد


والله يسمع منك ولاهنت على المرور

تحياتي