|
ممكن سوال ياقحطان؟؟؟؟؟؟؟؟؟؟؟؟؟
السلام عليكم ورحمة الله وبركاته
اما بعد اخوتي اعضاء المنتدى هذه اول مشاركه لي في هذه المنتديات . . . .وجيت احب اصحح لكم معلومه تناقلموها انتم واجدادكم بالغلط وكتب احدهم موضوع عنهاااا في هذا المنتدى الا وهي الابيات هذه اللتي انتسبتموها لا ابن لبده القحطاني وهي في الحقيقي لشيخ العصمه العقيلي اليوم يالظيا عيونك معاميش ******* ماجاك من يمناي فعلن يشوقي لومك على العضيان هم والحناتيش*****ومن باقي عتيبه اخذتي حقوقي حبيت اصحح لكم المعلومات لان لظيا للعقيلي مهب ل ابن لبده تحياتي.................................... |
رد : ممكن سوال ياقحطان؟؟؟؟؟؟؟؟؟؟؟؟؟
يالعصيمي .. حنا وإياك .. في انتظار .. الضويري ..
أو أي واحد .. من الأخووان .. من اللي يسدون اللزوم .. |
رد : ممكن سوال ياقحطان؟؟؟؟؟؟؟؟؟؟؟؟؟
وردت في احدى مصادر عتيبه
انها للعقيلي احد شيوخ العصمه على خلفيه الدرمه وحمايه الحاج في ارض عتيبه في الحجاز من قبل الشريف ولكن يصعب تصديقها ويذكر عدد من الرواه انها لقنيفذ ابن لبده على خلفيه الثارات مع عتيبه والله اعلم لومك يالضيا على العضيان والحناتيش .............. ولا من باقي عتيبه قد خذيت حقوقي |
رد : ممكن سوال ياقحطان؟؟؟؟؟؟؟؟؟؟؟؟؟
ارحب يالعصيمي وحياك الله بين اخوانك
لاهنت اخوي الضويري وبيض الله وجهك |
رد : ممكن سوال ياقحطان؟؟؟؟؟؟؟؟؟؟؟؟؟
القصيد لايمكن انتكون لعتيبي فلايمكن للعربي ان يفخربقتال اهله
(مجرد استنتاج) |
رد : ممكن سوال ياقحطان؟؟؟؟؟؟؟؟؟؟؟؟؟
انتوا يا عتيبه تبغون تغيرون التاريخ
وتبغون تمحون تاريخ العرب ولكن بدري عليكم وشيبانكم خير شاهد انشد جدك ولا ابوك ان كانه عود عن قحطان ما عندكم الا الجحيد وهو معروف انه طبع في عتيبه حتى الجزيه تبغون تنكرونها وشيخكم ابن حميد ذاكرها في قصايده . بعدين كيف يوجه القصيده لنفسه ويقول اليوم يالظيا عيونك معاميش ******* ماجاك من يمناي فعلن يشوقي رحمك الله يا ابن هـــــــــــــــــادي اعرف وش انت تقول يا الحــــــــــجــــــــــــــــازي |
رد : ممكن سوال ياقحطان؟؟؟؟؟؟؟؟؟؟؟؟؟
انت تسأل ولا تؤكد ولا تصحح؟؟
ابوعتب القصيدة شارحه نفسها دور غيرهذي ومررررررررحبا بك العصيمي في محلك الثاني |
رد : ممكن سوال ياقحطان؟؟؟؟؟؟؟؟؟؟؟؟؟
ان كانت القصيدة للعصيمي فهو ونعم
لاكن في الغالب على ماسمعنا وتناقلنا أن القصيدة لأبن لبدة وأرجو تأكيد المعلومة |
رد : ممكن سوال ياقحطان؟؟؟؟؟؟؟؟؟؟؟؟؟
السلام عليكم ورحمة الله وبركاته
كان الامير سليمان العقيلي(راعي لظيا) وقبيلة العصمه يقومون بحماية الحجاج القادمين من شرق وشمال الجزيره العربيه مقابل ان يدفعوا الدرمه وكان هذا يؤكد قوة ونفوذ القبيله في ذالك الوقت الذي لم تحضابه القبائل الاخرى وفي احد السنوات تعرضت قوافل الحجاج الى قطاعين الطرق في ديار عتيبه ولما علموا قبيلة العصمه والعقيلي بما تعرض له الحجاج اقسم العقيلي ان يقتل من كل فخذ من عتيبه رجل وفعلآ نفذ حلفه الا فخذين لم يجد منهم احد والشاهد قصيدته سأذكر منها بيتين..... اليوم يالظيا عيونك معاميش****ماجاك من يمناي فعل(ن)يعوقك لومك على العضيان هم والحناتيش*** وباقي القبايل قد اخذتي حقوقك وبعدها بفترها دعاه الشريف حاكم الحجاز ولما اتى اليه طلب منه لظيا واخذ ينظر اليها وقال له هذه لظيا التي قتلت بها دون وجهك ثم طالع فيها وركزها في التراب وقال في التراب عن الاصحاب واخذها الامير واخذ ينظفها وقال هذه الابيات.... بذتني الدنيا وفيها اتعيا***ازريت اعدل ميلها من عوجها بقعا تجهد الجاهل الي معيا*** واهنيكم يالي مريحينن منها تقول فيها عوجت(ن)من هنيا***اثر العواجه منك مهيب منها واعتزى بعزوته المشهوره(خيال البواظا وانا اخو شيخه) وقتله وقام يردح على رأسه وصارت مثل مشهور حتى الان(والعقيلي يردح) (((((((وللتوضيح لظيا توارثوها العقايله من بعده))))))) هذا هو الصحيح والموثق في الكتب التاريخيه اما انتم ياقحطان اثبتوا لنا هذا الشي ان كنتم صادقين |
رد : ممكن سوال ياقحطان؟؟؟؟؟؟؟؟؟؟؟؟؟
كلام غير منطقي هل كل اعتيبه بفخوذها هجمت على ضيوف الرحمن الا العصمه وفي وقت واحد وهل للعقيلي القدره
على المواجهه امامهم جميعا ويؤكد المنطق ان الشاعر خاض معارك كثيره وفي اوقات متباعده ولان القصيده كانت في الصميم فلا غرابه ان يشكك فيها وفي قائلها انعم واكرم بلعصمه وشيخها ابا العلا |
رد : ممكن سوال ياقحطان؟؟؟؟؟؟؟؟؟؟؟؟؟
يا صريح حتى حنا صريحين
القصيده لابن لبده هذا اللي نعرفه من البيتين وهي تعبر عن نفسها ونفس الشاعر القحطاني |
رد : ممكن سوال ياقحطان؟؟؟؟؟؟؟؟؟؟؟؟؟
اقتباس:
طيب وين مصدرك وش كتب التاريخ اللي تتكلم عنها؟؟؟؟ |
رد : ممكن سوال ياقحطان؟؟؟؟؟؟؟؟؟؟؟؟؟
هههههههههههههههه
يا العصيمي اعجبتني هذه الجمله كان الامير سليمان العقيلي(راعي لظيا) وقبيلة العصمه يقومون بحماية الحجاج القادمين من شرق وشمال الجزيره العربيه مقابل ان يدفعوا الدرمه وكان هذا يؤكد قوة ونفوذ القبيله في ذالك الوقت الذي لم تحضابه القبائل الاخرى وفي احد السنوات كانوا يحمون الحجــــــــــــــاج ؟؟؟؟؟؟؟؟؟؟؟؟ وين تحمونها وانتوا تسرقونها وهذا معروف عند العرب كلهم انكم كنتوا تسرقون الحجاج وتاخذون ابلهم وحذيهم؟؟؟ ولا تقولون لم تحظى به قبيله غيرها انشد ابوك عن ابن هادي وآل هدلان وقحطان كنتوا تدفعون الجزيه والحين تاخذونها من الحجاج كيف حتى الخبل ما يصدق هذا التناقض ولا تنسى بعد أسأل شيخكم ابا العلا الشهراني قصدي العصيمي |
رد : ممكن سوال ياقحطان؟؟؟؟؟؟؟؟؟؟؟؟؟
يالربع الرجاء الابتعاد عن المهاترات
احتراما لإسم المنتدى |
رد : ممكن سوال ياقحطان؟؟؟؟؟؟؟؟؟؟؟؟؟
اقتباس:
والصدق ديدنا من فضل الله ولا نا بحاجه نبوق تاريخ مثلك واشكالك واما قتل العقيلي للشريف وردحه او رقصه العقيلي على جثه الشريف فهذا يدل على مستوى تفكيرك الله يرفع عنك. |
رد : ممكن سوال ياقحطان؟؟؟؟؟؟؟؟؟؟؟؟؟
اعتقد الموضوع اخذ اكثر من حقه وامتد للمهاترات
وقحطان جبال شامخه وابن لبده وافي والتاريخ يشهد ويسجل هذي غيض من فض وكثر الترديد يسمج المواضيع الموضوع يقفل اخوكم |
| الساعة الآن 08:57 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com