الشرق
 

متواضعه.....................

ارجوا ان تحوز على ارضاكم

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]



الشرق فرق ان كانها جات للفرق = لان مبدا النور وقت الشروقي
وياكرهني للغرب والنور يفهق = تقبل هواجيسي على ورد عوقي
الى متى والحرف يعجز عن النطق = عيا يترجم جملةٍ في خفوقي
اطرق على طرقي وطرقٍ على طرق = من شان تخمد نار همي وشوقي
تفجرت في داخل الصدر كالبرق = تنبي بهل مزونها والحقوقي
فكره تراودني وابيها تحقق = لعلها ترضي مزاجي وذوقي
ان كانها ترقاء المظاهير تلحق = وان كانها من دون ماني شفوقي
اعرف سناينها ... المفاريد والحق = واعرف مزاياها بكل الطروقي
ما عاد باقي غير ميسم ومطرق = واترك حقوق الغير واخذ حقوقي
التجربه برهان لو تبغي الحق = لولا التجارب ما تبين الفروقي
الشرق فرقٍ عن غروبه وبه فرق = عند ابتدا النور وقت الشروقي
امشي من الطايف على وجهت الشرق = بمشي ولكن حسب رغبة خفوقي




اخوكم:

راس الذيب[/poem]

متواضعه


لا


لا


لا



بل



رائعة



قافيه عسرة الا على المتمكنين



البيت الاخير يذكرني بشريط قديم لخلف بن هذال حتى القافيه.

صح لسانك يا راس الذيــــــب

صح لسانك يارس الذيب
على هذه القصيده

لاهنت ياراس الذيب

وصح لسانك،،



وابشرك ياولد النايب ان الختم وصل للشايب وانت حطوك نايب الشيخ
لتظمن الصفة الديبلوماسية،،،،ههههههههههه

صح لســــــــاااانك ياراس الذيب

ولاهنت .

راس الذيب
السلام عليكم

أكثر من رائعه هذه القصيده
يكفي ان هناك امل وتفاؤل مع الشرق
سوف يشرق فجر جديد معه امل يتجدد ويشرق

ولد النايب



يا هلا ومسهلا



حضورك شرف لي






والشريط مهوب لخلف الشريط لحجاب بن نحيت



امشي من الطايف على وجهة الشرق

صح لسانك ياراس الذيب
شاعر متمكن
ويدل على ذلك طرقك
فهذا طرق ما كل شاعر يبني علية
تقبل تحات اخوك المهداني
والى الامام

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]







اخوكم:

راس الذيب[/poem][/QUOTE]

صح بدنك



يا الرفيدي





وشكراً على المرور