|
محمد المشعلي نبذه عن شعره
لانعرف الكثير عنه من جهه نسبه في المشاعله او حتى اسمه الكامل ولكن لاحظت انتشار شعره بين القبائل في نجد
بشكل كبير وهوا من جيل الشاعرين فجيحه ال عاطف وابن حصيص ال روق رحمهم الله مثل شعراء جيله لا يخرج الشعر الا من تجربه تهيج قريحته فتخرج درر وللأسف لاتحفظها الا صدور الرواه وانا بالمناسبه عازم على جمع ماتبقى من هذا الأرث الكبير ومن لديه اطلاع فلا يبخل علينا من قصصه انه كان في القويعيه مجاور بني زيد واتاه احد رفاقه يمتدح ارض البطين وطيب مجاور اهلها فعزم المشعلي على التوجه الى البطين بناء على ماذكره له رفيقه فحل في البطين وجاور اهلها وبعد مده من الجيره اطلق عليه اهل البطين اسم اخر وهذه عاده عندهم لكل رجال اسم وعياره فأتاه الخبر فاستهجنهم وقال قصيده وهي ماحصلت عليه حدرت من ديره بني زيد الاخيار -------------- يم هل البطين مبدلين الاسامي بني زيد اللي يشيع ذكرهم بالاخبار --------------- مثل الروس النايفه والعدامي ....... ولا المره عندهم كار -------------- مثل الشريف حسين والامامي ومن قصصه انه كان يورد ابله على ماء في شعيب اسمه بوير من روافد وادي لبن وكان الماء عليه قطين وكانوا كل ليل القهوه عند بيت والمشعلي يارد الماء ولا يعزمونه وكانت فيه عجوز اسمها جمله من الدواسر هي وولدها ويوم جاهم دور القهوه نبهت ولدها على المشعلى علشان يعزمه وقال المشعلي قصيده لم احصل الا على بيتين منها ياشعيب بوير مامن فوايد ---------- ياكود ابن جمله الدوسريه تبون الطيب مير الطيب كايد ---------- مثل السنده ركاب المطيه وله قصيده رائعه اعتبرها من درر شعر النبط وهي معروفه نصيحه في ولده ولكن يجب الحصول عليها كامله لأني سمعت انها مسجله بصوت احد الرواه وان شاءالله احصل عليها ارجوا ان هذا الجهد البسيط يحوز رضاكم |
رد : محمد المشعلي نبذه عن شعره
ارحـــــــــــب يا الضويري
ولاهنت على النقل الرائع نفداااااااااااك وفي انتظار على احر من الجمر للأطلاع على لأكثر عن الشاعر المشــــــــــــعلي ومن لديه اية معلومه عن الشاعر من الاخوه الافاضل اعضاء هذ المنتدى فلا يبخل تقبل مروري يا الضويري مع خالص الود ولاحترام اخوووووووووووك ابوناصر |
رد : محمد المشعلي نبذه عن شعره
رحم الله محمد المشعلي القحطاني
والله يعطيك العافيه يالضويري على ذكر هذا الموروث العريق تحياتي لك بلا حدود |
رد : محمد المشعلي نبذه عن شعره
بسم الله الرحمن الرحيم
السلام عليكم ورحمة الله وبركاته الله يجزاك الف خير يالغالي اخوي الضويري وتقبل مروري |
رد : محمد المشعلي نبذه عن شعره
الضويري
كفييت ووفييت ولاهو غريب عليك التميز والابدا ع فعلا موضوع رائع ويستاهل البحث عن معلوماته وجمعها تقبل تحياتي |
رد : محمد المشعلي نبذه عن شعره
بيض الله وجهك يابن العم
موضوع رائع ونال إعجابي بشكل كبير وفي إنتظار قصيدة النصيحه على إحر من الجمر الف تحيه |
رد : محمد المشعلي نبذه عن شعره
--------------------------------------------------------------------------------
بسم الله الرحمن الرحيم السلام عليكم ورحمة الله وبركاته جزاك الله خير ولا هنت وبيض الله وجهك |
رد : محمد المشعلي نبذه عن شعره
ارررررررررررررحب يالضويري
حي الله وجه سلطان لاهنت على المعلومات القيمه ورحم الله الشاعر رحمه واسعه وادخله فسيح جناته واذا كان هو ابن رويشد فلدي قصديته في ولده وعلى العموم سأبحث عنها ان شاء الله واجيبها في رد اخر ودمتم بود |
رد : محمد المشعلي نبذه عن شعره
اقتباس:
يالله حيه مرورك شرف لنا ويفداك اللاش وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
اقتباس:
لاهنت على المرور وماذكرناه شي بسيط لكن بدايه الغيث قطره ان شاءالله وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
اقتباس:
لاهنت على المرور يالغالي وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
اقتباس:
حي الله ربع المهادي لاهنت على التعليق لاعدمتك واطراءك وسام نعتز فيه وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
اقتباس:
وان شاءالله نحصل القصيده وتجملنا عندك وشرواك وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
اقتباس:
ووجهك ابيض يالقرم وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
اقتباس:
البقاء ياوجه سلطان والله يحيك ويشرف مقدارك اللهم امين الله ينزله من منازل الجنه والقصيده سمعتها من احد الرواه الا انه توقف لعدم حفظه لها كامله مع وعده لي بأنه سوف يحضرها مسجله بصوت احد الرواه وفيها البيت اللي يحذر ولده من بنات القرى وينصحه ببنت البدو اللي بعيده عن كثره مخالط الاجناب وانا كنت اشك في ان محمد هوا ابن رويشد ولكن القصيد سوف تثبت ذالك ان شاءالله وانتهز هذي الفرصه واهنيك بالشهر الفضيل جعلنا واياكم من صوامه وقوامه تقبل تحيات اخوك عبدالله الضويري |
رد : محمد المشعلي نبذه عن شعره
الله يبيض وجهك وعلومك دائما غانمه0 واسمع بابيات لمشعلي سوف اذكر لك بعضها فهل هي لمن تقصد
ولك تحياتي [poem=font="Simplified Arabic,5,crimson,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] المشعلي عدا بروس الحاليح=يبست غصون القلب كالحنضليله ياركب يالي من عصيرامراويح=ماتردفون مولعا به مليله تكفون خوذواارسالتي ياهل الفيح=حلو السلام الي خفيفامشيله مني الي عيد الوجيه المصابيح=افلان سعد الي خطاهم طويله اما يسامحني وانا عنه بابيح= واطلق سبيل عابرا في سبيله[/poem] |
رد : محمد المشعلي نبذه عن شعره
اقتباس:
والله القصيد هذا بعضها نبيها كامله يالحجاج لاعدمتك ومن هو قائلها :D طلبه تقبل تحياتي |
رد : محمد المشعلي نبذه عن شعره
استاذي الضويري القصيدة ربما تكون اطول من كذا ولكن هذا ماعرف منها اما بالنسبة للقائل فليس عندي قطعا بذالك0 الا ان القصيدة اسمعها قبل اكثر من خمسة وعشرون سنة
تقبل تحياتي وتقديري وعذرا ان حصل تقصير [poem=font="Simplified Arabic,6,tomato,bold,normal" bkcolor="skyblue" bkimage="" border="double,medium,gray" type=4 line=0 align=center use=ex num="1,black"] المشعلي عدا بـروس الحاليـح = يبست غصون القلب كالحنضليله ياركب يالي من عصيرامراويـح = ماتردفـون مولعـا بـه مليلـه تكفون خوذواارسالتي ياهل الفيح = حلو السلام الـي خفيفامشيلـه مني الي عيد الوجيه المصابيـح = افلان سعد الي خطاهـم طويلـه اما يسامحني وانا عنـه بابيـح = واطلق سبيل عابرا في سبيلـه ياليتني بعد التصبار لاصيح=صيحة عميلا بايقابه عميله سبة وليفا جاريا له سواميح=قضوا علي خده هيال النثيله العنق عنق ادمية صكها الريح=واستتبعت جرد المها من مقيله والعين عين الي ترب الحاليح=شيهانة بين الخشوم الضليله والخد براقا سرا له قواديح=زينا مخيله والمناشي جميله مصيونة مادنسوها الشلاليح=مثل السراب اللي قليلا حصيله[/poem] |
رد : محمد المشعلي نبذه عن شعره
الله لاتهينه
القصيده تستحق موضوع مستقل بارك الله فيك يالغالي |
رد : محمد المشعلي نبذه عن شعره
أرحب يا عبدالله
والله يرحم الشاعر وقصيدة عزالله جزل وياوالله الي سرو علية أهل البطين هههههههههه:017: وأرجو أخوانا من المشاعلة أن يفيدنا بنسبة لانة الحقيقة يستاهل من يبحث عنة ولاهنت على الموضوع المميز ,,,,,,, |
رد : محمد المشعلي نبذه عن شعره
بسم الله الرحمن الرحيم
السلام عليكم ورحمة الله وبركاته الله يجزاك الف خير يالغالي اخوي الضويري |
رد : محمد المشعلي نبذه عن شعره
اقتباس:
ومن قال مايهون وشاعرنا له سوالف غير ذي معهم رغم جيرته القصيره لهم وانا مثلك ووجيه سلطان ماراح يقصرون عنه او عن غيره تقبل تحياتي |
رد : محمد المشعلي نبذه عن شعره
اقتباس:
لاهنت اخوي العلياني على المرور |
رد : محمد المشعلي نبذه عن شعره
السلام عليكم ورحمة الله اخوي الضويري لا هنت اما با النسبه للمشعلي فهو اسمه جفين وليس محمد وهو رفيق اهل البطين اما القصيده اللي يقول عدا بروس الحاليح فهو اخوه جبران مرسلها لصنداح السهلي لانه توفت زوجة صنداح مثل العام وقام يقصد فيها رثا ويضحك عليه جبران وهو رفيقن له واراد الله وماتت مرة جبران وسوا مثل صنداح وصار يتعذر منه تحياتي للجميع |
رد : محمد المشعلي نبذه عن شعره
هذي ابيات لحياة جفين نسيت احطها مع الرد وهو يوم كان عند هل البطين هو قناص وبواردي مشهور قنص له يوم من الا يام في الصقوريه القاره اللي ذلحين فيها الا ستخبارات وكانت مرب للوعول المراد الرجال ما لقا صيد ما شاف غير الذيابه وذكر محبوته وهي بعيد وقال الــمشلعــي بادين في عالي صقره=معــه قرار يبــي صــيد المــتابيعي والله فــلا شــاف لا عيـــنن ولا جره= يا كود ابا السـمـح ذباب المهايـــعي لي صاحبن بيمن الصاخن ورا السره=من دون خشم الحصاتين المهاضيعي قلـــبي كما شــنة الوراد مـــنطره=شليــتن لين ضــربة با المــراقـــيعــي وسلامتكم وهي اطول من كذا بس هذا اللي انا حافظه |
رد : محمد المشعلي نبذه عن شعره
اقتباس:
البقاء بك يامرحب ومن قال يحيى ويسلم وما عليك زود ياطويل العمر وهذا والله من طيب رأسل لاعدمتك والله يتقبل منا ومنك في هذا الشهر الكريم صالح الاعمال ويحعلنا وياك ممن يصومه ويقومه أنت وافي وعلومك طريه ياغالي تقبل تحياتي |
رد : محمد المشعلي نبذه عن شعره
الله يرحم الشاعر والشكر علي الموضوع الرائع
|
رد : محمد المشعلي نبذه عن شعره
السلام عليكم ورحمة الله وبركاته
الله لا يهيينك يابوحزام على هذه السيره للشاعر محمد المشعلي وان شالله تجد المزيد من قصائده . |
| الساعة الآن 04:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com