تعالو تعالو نبغى نتفق لنا على راي من أجل تطوير أستراحة المجالس
 

بسم الله ألي لا ألاه غيره الواحد المطلع الرحمن الرحيم

وبعدها


السلام عليكم ورحمة الله وبركات منه وتوفيق

وبعدها

نحمد ألي علم الانسان مالا يعلم

وبعدها

أرحب بكم في موضوعي أجمل التراحيب

وبعدها

يالله حي كل بأسمه

وبعدها

أبغاكم تتأملون معي شي ما يخفاكم

77777777777777777777777777777777777777777777777777 777

لعبه تحدي المنتديات (( الجزء الثاني )) ( 1 2 3 ... الصفحة الأخيرة

اعصر الليمون في عيون العضو اللي تختاره..... ( 1 2 3 ... الصفحة الأخيرة)

وش يقربلك هذا الاسم؟؟؟؟؟ ( 1 2 3 ... الصفحة الأخيرة)

لو كنت في طائرة فيها كل أعضاء المنتدى و قالو الطائرة بتسقط و لازم نرمي عضو؟؟ ( 1 2 3 ... الصفحة الأخيرة)

تبي تسافر لأي مكان في العالم ؟؟ ... أدخل ... ( 1 2 3 ... الصفحة الأخيرة)

اقلع ضرس العضو اللي تبيه بدون بنج ( 1 2 3 ... الصفحة الأخيرة)

@@ اهدي الوردهـ عند الرقم ثمانيه @@ ( 1 2 3 ... الصفحة الأخيرة

عد للخمسه وحلق شعر العضو الي بعدك على الزيرو ( 1 2 3 ... الصفحة الأخيرة)

علق العضو الي تبي في حبل الغسيل ( 1 2 3 ... الصفحة الأخيرة

أخواني وأخواتي (( سجل حضورك ببيت قصيده أو حكمه )) رجاءًَ التفاعل للفائده.

سيارتك مغبره اختر احد الاعضاء يغسلها عند الرقم 5 {{2}} ( 1 2 3 ... الصفحة الأخيرة)

دخل العضو اللي تبيه السجن وطلع اللي تبي؟؟بسرعة أرجوا من الجميع المشاركة؟؟؟ ( 1 2 3)



تعالو نعد 1 2 3 4 5 6 7 8 9 10 11 12 أثناعشره موضوع كلها ألعاب

لا وفي الصفحه الاولى فقط



أشكر كل من ساهم في نجاحها

ولا أحد ينكر مالها من فضل وفوائد في تكسير الحواجز النفسيه بين الاعضاء



لكن على ما قالو

ماطال سمج


والمواضيع هذي قتلت مواضيع أخرى أهم منها

أكثر من موضوع مليء بالفايده

كلها يوم ولاعاد نحصله في الصفحه الرئيسيه

وكما لها من أيجابيات فأن لها سلبيات كثيره لاتخفاكم


فأنا أقترح

أن يكون هنالك مجلس للألعاب متفرع من أستراحة المجالس

من بغى يلعب يروح هناك

وأقترح بعد يكون فيه قزوعي ودواره ودمه <<< هذي مزحه


والله ولي التوفيق والقادر عليه

أخوكم أبو جابر

وشوكرن



هيه لاحد يعارضني فديتكم

ولاحد يتحمس ويقترح أضافة مجالس ثانيه تابعه للأستراحه ما نبغى ألا مجلس واحد للألعاب

لأن الجهد أذا توزع في أكثر من مجلس

خدر المجلس الام وخثر النشاط فيه

وبيجلس منصور لحاله ونتو ما ترضونها على منصور <<< مسيت بالخير يابو نواف:)


أخيراً أتمنى أن ألمس تفاعل جيد من الاداره والاعضاء

وأتمنى أني ما أروح وعود قد موضوعي في الصفحه الخامسه والسبب ذي الالعاب

وفق الله القائمين ألى ما يحب ويرضى

رد : تعالو تعالو نبغى نتفق لنا على راي من أجل تطوير أستراحة المجالس
 

ون كان ودكم يامشرفين تثبتون الموضوع علشان ما يدحدر

ترو ماعندي مانع

رد : تعالو تعالو نبغى نتفق لنا على راي من أجل تطوير أستراحة المجالس
 

السلام عليكم ورحمة الله وبركاته

صباح الخير يا ابو جابر

واشكرك على الموضوع الممتاز وهو من منفعة المجلس خاصه والمنتدى عامه

وقد اضاعة بالفعل مواضيع كثيره ومنها موضوعك هذا لو لا الله ثم انا كان قد الموضوع في الصفحه الثانيه<<<<<<ههههههههههههه

نقترح فرع لــ الألعـــــــاب فقط

والموضوع يا ابو جابر سبق وان اقترح اخونا الرفيدي بنفس الموضوع
ولكن لأنك أخ وعزيز ومن عـــظـــــــــام الرقبه قلت لازم ارد وامر على موضوعك


ولك تحياتي

رد : تعالو تعالو نبغى نتفق لنا على راي من أجل تطوير أستراحة المجالس
 

لاهنت يا ابو جابر


و اقتراحك رائع


لكن ننتظر التنفيذ من فارس قحطان و المراقبين

لاهنت يا ابو جابر مره ثانيه

رد : تعالو تعالو نبغى نتفق لنا على راي من أجل تطوير أستراحة المجالس
 

اقتراح في محله خصوصاً ... لاهنت يابوجابر البشري ع الاقتراح المضبوط .... وانشاءالله ادارة الموقع بتدرس الفكرة ..

الى الامام دائماً لموقعنا الحبيب ....... شكراً

رد : تعالو تعالو نبغى نتفق لنا على راي من أجل تطوير أستراحة المجالس
 

ارحب .. يا بو جابر ..

غريبة شفنا لك موضوع .. ؟؟

والله انك صادق يا بو جابر ..

وأول من تكلم عن ذا الشي في الشبكة انا ..

والالعاب نزلت في كم يوم ...

دفعة وحدة ..

لو كانت بالتروي .. كان احسن ...

على العموم انا معك في الاقتراح ..

وشوووكرن ..

رد : تعالو تعالو نبغى نتفق لنا على راي من أجل تطوير أستراحة المجالس
 

بسم الله الرحمن الرحيم

السلام عليكم ورحمة الله وبركاته

الاخ العزيز / ابو جابر القحطاني

تحياتي لك على الفكره يالغالي وقد تكلمت مع الاخ الاكبر ماجد الخليفي وسئلته وينك من الاستراحه قال بصراحه

كثرت الالعاب ولم استطيع ان انزل مواضيع لأنها تنتقل للصفحه الثانية ولا يستفاد منها وكلامه صحيح !!!!!

وكلمت منصور البارحه بهذا الشن وقال انه بيطلب من الادارة وضع قسم فرعي لها

الف شكر يالغالي

رد : تعالو تعالو نبغى نتفق لنا على راي من أجل تطوير أستراحة المجالس
 

نحن نعين و نعاون يالربع

ونرجو من الجميع تطبيق الاقتراح

رد : تعالو تعالو نبغى نتفق لنا على راي من أجل تطوير أستراحة المجالس
 

ارحب .. يا بو جابر ..

وينك من فترة هههههههه

غريبة شفنا لك موضوع .. ؟؟

معكم يشباب

رد : تعالو تعالو نبغى نتفق لنا على راي من أجل تطوير أستراحة المجالس
 

بسم الله الرحمن الرحيم
السلام عليكم ورحمة الله وبركاته


اقتراااااااااااح جميل جدا

وياليت يتنغذ


لاكن الله يسامحك يا ابو جابر ماقلت اسامي الي خسرو خسائر فادحه

في الالعاب

اقول .......>>>>امزح


انشالله ان الاداره تنظر الا هذا الاقتراح

ويدا بيد لمنتدى رائع


الف شكر لك يا اخوي ابو جابر على الموضوع


اخوك/عبدالله السحيمي

رد : تعالو تعالو نبغى نتفق لنا على راي من أجل تطوير أستراحة المجالس
 

ارررررررحبو جميعا


مالكم الا اللي يرضيكم :)

رد : تعالو تعالو نبغى نتفق لنا على راي من أجل تطوير أستراحة المجالس
 

جعلني ما اعدمك يالغالي

على طول ما امداني اخلص ردي

و انت موجود

الله لا يهينك

رد : تعالو تعالو نبغى نتفق لنا على راي من أجل تطوير أستراحة المجالس
 

الغالي ابو جابر


اولا وحشتنا ياراجل

ياخوي عود للرياض ونور المنطقه الوسطى


ثانيا تم اقفال كل الالعاب حتى نفتح لها مجلس ونزلناها


ومشكور يابو جابر على حرصك ودعمك


ومش غريب عليك يالغالي


تمنياتي لك بالتوفيق وترجع لنا بالسلامه

رد : تعالو تعالو نبغى نتفق لنا على راي من أجل تطوير أستراحة المجالس
 

السلام عليكم ورحمة الله وبركاته

أرررررحب بابوجابر

ترحيبتاً عدد الكيلوترات من امريكا..... لسعودية


والله لك وحشه

ومن زمان ماشفنا مواضيعك الرائعة

بس تصدق أنه باقيلك عشر أيام ..وتسع طعش ساعة ..وخمسة وثلاثين دقيقة وثلاثة وعشرين ثانية
لموعد تنزيلك للموضوع جديد..........(تذكر الرخصة حقت الشهرين)

يعني نبي نشوف موضوع جديد .....بعد فتره...خخخ

هالموضوع بنعتبره بوونص..







عااااااد نرجع لموضوعك الغير اعتيادي

فعلاً الاستراحة لها فتره ناقص حماسها وقل تواجد أعضاءها...وانا أول المقصرين


وكنت في أجازه قصيره...ولاحصلي فرصة

دخلت المنتدي...وبدال لا أروووووح طوالي للأستراحة..

واقرا موضيعها المميزة ...وأرد على موضوعي ....شبابها الفله

أروح أقلب صفحات المجالس الثانية..





وسبحان الله ...أني اليوم هذا............... كنت جاي وبفتح موضووع مثل موضوعك


واسلم عليهم ...واعتذر لهم على التقصير اللي حاصل مني


لكن أنت كفيت ووفيت يالذيب


والمشرفين وشباب الاستراحة...اجزم أنهم مقدرين طلبك..

رد : تعالو تعالو نبغى نتفق لنا على راي من أجل تطوير أستراحة المجالس
 

رد : تعالو تعالو نبغى نتفق لنا على راي من أجل تطوير أستراحة المجالس
 

رد : تعالو تعالو نبغى نتفق لنا على راي من أجل تطوير أستراحة المجالس
 

على فمك الشحم يابوجابر
واوافقك الراي في كل ما ذكرت أعلاه وبانتظار افتتاح مجلس الالعاب

لاهنت ويعطيك العافيه

رد : تعالو تعالو نبغى نتفق لنا على راي من أجل تطوير أستراحة المجالس
 

بسم الله الرحمن الرحيم
السلام عليكم ورحمة الله وبركاته

صدقت يابو جابر بكل حرف كتبتة بالفعل ظاعت المواضيع بسبب الالعاب والين متى واحنا نعصر ليمون ونجدع خلق الله

من الطيارة هههههههه طالت وباخت وبيض الله وجهك ووجة كل من شجع إقتراحك من مشرفين واعضاء0

اخوك ابو احمد

رد : تعالو تعالو نبغى نتفق لنا على راي من أجل تطوير أستراحة المجالس
 

بسم الله الرحمن الرحيم
السلام عليكم ورحمة الله وبركاته


ياليت يصير للألعاب قسم اي والله لاهنت

رد : تعالو تعالو نبغى نتفق لنا على راي من أجل تطوير أستراحة المجالس
 

يا مرحبا

يامرحبا

أرحبو

عدد ما قد نزل من السماء من قطرة مطر

من عهد طوفان نوح ألى ذليوم العصر




الجهيمي البشري

لك ألف شكر على التعليق

ولك تحيه أسبشل من النخب الجيد



تركي بن فرحان الجعادنه

ألف شكر على التعليق وننتضر من الاداره تحقيق مانصبو أليه <<قام يتفلسف

وأقترح تكون من أحد مشرفيه



ذيب قحطان

زيارتك شرف لنا

ونتمنى من الاداره ما تتمناه




وزير الخارجيه ( العبدي )

جعلة ترحب كيف حال معاليكم

حنا بخير ولشعب الاستراحه الطيب يسأل عنك ويدعو لك بالسداد

بشر خلصت الدوره ولا لا



الاخ العزيز/ أبو ريان

هذا ألي كنا خايفين منه

أشكرك على زيارة موضوعي

وزيارتك تعني لي النجاح




علي بن محمد القحطاني ولا قحطان وبس ولا أبو الصور

حياك الله

أنا جاني خبر أنك بتسير علينا قلت لازم أنزل موضوع





عبدالله السحيمي

خخخخخخههه

أنا ما أقترحت ذا الاقتراح ألا رحمة فيهم تبيني أشهر بهم







القويفل

أاااااااارحبو ثم أرحبو سلم أقحطاني

والله ييسر لك أمرك يوم بشرتنا





منصور العبدالله

طيب وهل الجنوب وش ذنبهم

يوم يطفى عليهم الكهرب أذا جيتكم <<<واحد صدق نفسه

أنا لو ماني داري أنك وراي في الرياض تنور لهلها ولا كان ماجيت هنا

الله ييسر لك كل عسير ويعلم الله أنه سرني ما سويت وللأمام








أبن خرصاااان

أرحب عداد مافيه على طريق أمريكا من حصمه وحيده وذرة ماء


مرورك شرف لي

ويعلم الله أننا أفتقدناك في الاستراحه

لاعاد تقطعنا

وما عن المواضيع

فمثل الرصاص ألي ماتنزل ألا على دم <<< قام الهياط


وبشر بألف موضوع لو تبي لاكن لاتقطعنا



ماجد الخليفي

أيها المبدع

أرحبو

لك وحشه يابو عصام

أتحفنا بجديدك ولا عاد لك عذر



الداون

شرفني مرورك



مبارك بن راشد

وعلى خشمك الطيب

وشرفني مرورك




أبو أحمد الرشيدي


صدقت يابو جابر بكل حرف كتبتة بالفعل ظاعت المواضيع بسبب الالعاب والين متى واحنا نعصر ليمون ونجدع خلق الله

من الطيارة هههههههه طالت وباخت وبيض الله وجهك ووجة كل من شجع إقتراحك من مشرفين واعضاء0


ماعاد لي عقب كلامك كلام

أسعدني مرورك




أبو فهيد العاطفي

جعلت ترحب

وشرفني مرورك













شوكرن

رد : تعالو تعالو نبغى نتفق لنا على راي من أجل تطوير أستراحة المجالس
 

لاهنت يابو جابر ياصاحب اجمل التعليقات في المنتدى والله اني انبسط لي لقيت لك مشاركة يالغالي

اما بخصوص الموضوع فان شاء الله سيطبق اقتراحك من قبل المشرفين على الاستراحة كما وعدنا منصور العبدالله

وشوكرررررررررررررررررررررررررررررررررن

رد : تعالو تعالو نبغى نتفق لنا على راي من أجل تطوير أستراحة المجالس
 

انا معك على الاقتراح ويكون افضل للالعاب ان تنحاز في قسم خاص مستقل لنعطي المواقف الطريفة فرصة

والنكت فرصة والاشياء المضحكة كذلك

انا مع الاخوان في الفكرة وهذا الراي للادارة وهي تقرر

تقبل مروري

رد : تعالو تعالو نبغى نتفق لنا على راي من أجل تطوير أستراحة المجالس
 

خلا ص ياشباب


اخبار مؤكده وسترونها قريبا


انتظروها وانشاء الله يصير اللي تبون


انتم بس تامرون أمر


ولا يهمكم

رد : تعالو تعالو نبغى نتفق لنا على راي من أجل تطوير أستراحة المجالس
 

نعم والله يامنصور

قول وفعل بيض الله وجهك 0

رد : تعالو تعالو نبغى نتفق لنا على راي من أجل تطوير أستراحة المجالس
 

رد : تعالو تعالو نبغى نتفق لنا على راي من أجل تطوير أستراحة المجالس
 

منصور


عيني فلا هلت

جعل الله التوفيق حليفك وين ماتروح