|
معركــــــــــــــــــــة تين
يوم تين:
حدثت هذه المعركة في منتصف القرن الثالث عشر وذلك عندما أراد أشراف مكة إخضاع قبلية قحطان. وذلك عندما جمع الأشراف عدداً من القبائل وأغاروا على عشيرة من الجحادر واستولوا على إبلهم بالقرب من جبل تين، وبسبب كثرة القبائل الموالية للاشراف وغيرها من القبائل أرسلوا في طلب بني هاجر فقدموا إليهم، وفي أول يوم من مناخ تين طلب الأمير شافي من ابن هادي أن يكون أول يوم في المناخ لبني هاجر وقد أجابهم ابن هادي وبدأ الطراد فهزم بنو هاجر الأشراف في أول يوم من المناخ. ودارت معارك ومناوشات بين قحطان والأشراف وبني هاجر مع قحطان حتى استطاعت قحطان وبنو هاجر إنزال الهزيمة بجيوش الأشراف، وغنموا غنائم كثيرة. وقد ذكر هذه المعركة الشاعر طويل الرمح الهاجري حينما قال: صالو و داجت بأقصى نجد خليهم *** يوم على تين تعزا كسايبه لا كن جثايا الخيل من غب كونا *** هشيم نخل خاوي في زرايبه ساق الشريف الغرس من دون قومه *** من عقب زومه شتت الله شعايبه هذا لعنا اللي لفتنا ركابه *** يرفع بصوت ودمعة العين رايبه ينخا بني هاجر وينخا قبايله *** ومن ضيم عدوانه قريب حضايبه وبعد هزيمة الأشراف قال شاعر معهم هذه الأبيات: يالله لا تسقي نهار على تين *** يوم خذينا يابديع به اقطاع يوم التقينا حن وخيل القحاطين *** كلنا لهم بالمد واوفوا لنا الصاع جونا الهواجر مثل ورد محيمين *** ياما وطوا منا على صحصح القاع الصفر مثل مغلثات الشياهين *** والشقر من ضرب المزاريج خراع حطيت رجلي في حسين التوامين *** وعرضتها من بينهم مثل فراع كله لاعنى لابسات السباهين *** اللي يحطن الخواتم بالاصباع والأشراف لانوا عقب ماكان قاسين *** والشق ما يرفاه خمسة عشر باع ياشيب عيني ليلة الغزو ملفين *** لو نجمع العشرين عشاهم الصاع وهذه قصيدة للشاعر محمد بن جبرين من أمراء القويعية، يبين فيها القصيدة التي قالها أحد خدام الشريف في يوم تين فيقول فيها: الجو عقب أهله غدابه عسامي *** معاد لي مقعاد بعد المناعير يتلون زينات عساها الوسامي *** ترعى نباته جلها والمصاغير حليبها يجلى صدا كل ظامي *** ومن قدمه يكفيه كل المعاذير وجبه سريعه للضيوف الحشامي *** عادة هل العادات لاجا مسايير تحلب على مر الليالي وعامي *** يفرح بها الطرقي وراعي المداوير من بعد ذا بالعون حيل جسامي *** وهذي فعول الطيبين المشاهير هذاك راضي والرضى له علامي *** مشهور فعله فوق روس العثامير هذاك بن ربعه وهذا كلامي *** ومن قال صادق ما يخاف المحاذير عف عفيف من رجال كرامي *** ما فيه يوم سمعت منه الهواذير كدادي شبحه بعيد المرامي *** يفرح ليا جاه المسير من عصير الضيف دايم عندهم له مقامي *** ما فيه يوم يحسبون المخاسير خلف رجال مخولين بعمامي *** ما كر حراراً فوق روس المجادير هواجر لاثار عج الزحامي *** يروون حد العود من غير تقصير تاريخهم مشهود شرق وشامي *** يوم السريا في عقب كل شرير يوم على تين اكفهر بظلامي *** معارك يشبع بها الذيب والطير قفا الشريف بحسرته ما يلامي *** مهزوم مكسور الجناحين كالطير عبد الشريف يشوف والجو حامي *** لاشك صور القوم تصوير ايضا ثنا رجله صليب العظامي *** ويشهد شهادة حق مافيه تزوير أصبح جزاه مشوكك بالحزامي *** حتى ان شعره ما يجي له تعابير يبغون كتم السر والسر زامي *** والله ما يخفيه هرج المعاثير وقول بلا توكيد يصبح هلامي *** ماله مكان بين حمر النواظير ياليت شافي ناهض بالحسامي *** اللي على راسه تغير المغاوير يكتب لنا التاريخ ذرب الكلامي *** حتى يكون الرد ما فيه تقصير وسيرة بني هاجر عداها الملامي *** سيرة ملاحم بين حمر الطوابير وازكى تحيه يا عرب والسلامي *** على محمد مظهر الدين تنوير أخوكم /جابر ابن ثفنان ال جدي الهاجري |
رد : معركــــــــــــــــــــة تين
ابن ثفنان آل جـدي
اررررررررررررحب ولاهنت وسلمت يمنااك بيض الله وجهك يابن العم على ذكر [معركه تين الشهيررررره] |
رد : معركــــــــــــــــــــة تين
بيض الله وجهك
|
رد : معركــــــــــــــــــــة تين
اقتباس:
أشكررررررررررك على المرور والتعليق |
رد : معركــــــــــــــــــــة تين
ابن ثفنان الجدي
بيض الله وجـــــهك لاهنت على الموضوع الطيب المتكامل واصل ابداعك وننتظر المزيد تقبل تحياتي |
رد : معركــــــــــــــــــــة تين
ابن ثفنان آل جدي
أشكرك على ما سطرت لنا من التاريخ الشيق والذي يحكي لنا عن أهله الذين صنعوه تقبل تحياتي لك |
رد : معركــــــــــــــــــــة تين
اقتباس:
ولك الشكر وتمنياتي لك بالتوفيق |
رد : معركــــــــــــــــــــة تين
.
يعطيك العافيه يا ابن ثقفان وموضوع قيم للتاريخ |
رد : معركــــــــــــــــــــة تين
اقتباس:
وووجهك ابيض ولاهنت على المرور |
رد : معركــــــــــــــــــــة تين
اقتباس:
بيض الله وجهك يابو مسعود على المرور وعس الله يعيننا جميعا لنذكر ونؤرخ ماقد حصل لأبأنا من قحطان كافه من تواريخ حافله بالبطولات والكرم والجود وتحياتك مقبوله يابومسعود |
رد : معركــــــــــــــــــــة تين
اقتباس:
ارحب يابراهيم والله يحييك وابشر بالخير إن شاء الله دام ذا المنتدى الطيب وأهله مثلك وشرواك موجدين لاهنت على المرور |
رد : معركــــــــــــــــــــة تين
اقتباس:
إبن درويش السريعي جزاك الله خير وبيض الله وجهك |
رد : معركــــــــــــــــــــة تين
أحمد بن علي ال جلاله
الله يعافيك ولاهنت على المرور ولي وقفه معك خاااااااااااصه ولا يهونون أخواني أخوك_ ابن ثفـــــــــــــــنـــــــــان آل جــــــــّدي |
رد : معركــــــــــــــــــــة تين
لا هنت على الخبر
وبيض الله وجهك وتقبل مروري وبالـــــــــــــــــــــــــــــــــــــــــــتــ ـــــــــــــــــــــــــوفـــــــــــــــــــــــ ــــــــيـــــــــــــــــــــــق |
رد : معركــــــــــــــــــــة تين
ابن ثفنان لاهنت يالسنافي
|
رد : معركــــــــــــــــــــة تين
السلام عليكم ورحمة الله وبركاته
كفووووو والله بخلان الاشدة الهواجر وفعلهم اكثر من كذا وهذا دليل طيبهم وفزعتهم لبني عمهم الجحادر وقد ذكرتني فزعتهم هذي عندما استفزعوا بي محمد ابن هادي بن قرملة يوم حربهم مع العجمان وهذا يدل على التكاتف ورد الدين وعلى قول المثل (اذا انضرب الخشم دمعت العين ). لكن اخواني ابن ثفنان وتركي الهاجري وبني هاجر الحين كثيرا ما أقراء كلمة الهواجر والقحاطين وكأن الهواجر ليسوا بقحاطين . وكثيرا من الهواجر لا يكتب اخر اسمة القحطاني بل يكتب الهاجري . وقد سمعت بقصيدة ابن شافي مرسلة لابن قرملة يطلب منة الفزعة ضد العجمان وكان في القصيدة يبين لابن هادي علاقة الهواجر بالقحاطين ويذكر قربهم من قبيلة عبيدة في جنب. الي أقصدة يعني أبن قرملة ما يدري انهم قحاطين يعني يام يكتب لة أبن شافي كذا . الرجاء من الاخوة الكرام الرد . : ابن الاسود العاطفي : |
رد : معركــــــــــــــــــــة تين
لاهنت يابن ثفنان
سؤال لو تكرمت هل انت جابر بن فالح بن ثفنان ال هادي ال مريم ام انا غلطان |
رد : معركــــــــــــــــــــة تين
اقتباس:
اي من الطبيعي ان ابن هادي يعرف من قبل ان تأتيه القصيده يعرف قرب وصله نسب بني هاجر في قبائل قحطان وهم من عبيده وجنب بلا شك ولا ريب ولكن القصيده جائت للتذكير فقط لاغير وبالنسبه لبقيه كلامك فالرد عليه واضح وسهل الحين العجمان وال مره اليسو من يام ؟ هم نعم من يام ولكن اشتهرو بألقاب انفصلت عن مسمى يام ولكن مردهم ومرجعهم ليام الي في نجران وبني هاجر بالمثل انشهرو باسم بني هاجر منذ زمن بعيد وانفردو بهذا الأسم ولاهم هم بالاصل من قبائل قحطان وهذا شي معروف ومنتهين منه |
رد : معركــــــــــــــــــــة تين
السلام عليكم ورحمة الله وبركاته
اخوي بني هاجر الحقيقة ردك حلو ودبلماسي يا ولد لكن ابنشد عن نسب الهواجر بالفعل هم قحاطين هذي ما يبيلها نشدة شيخ لكن اقصد هم من اي قحطان لاني دورت كثير عن نسبهم ولقيت انقسام الاراء الى ثلاثة أراء: 1_ من قبيلة شريف 2_ قبيلة عبيدة من جنب 3_ قبيلة مستقلة مثل الجحادر وغيرها وأنا شفت الهواجر حاطينهم في شريف في شجرة قحطان والحقيقة الهواجر في قصايدهم يقولون انهم من عبيدة جنب وأنهم عوال سلطان العبيدي فأرجاء التوضيح لي لو تكرمت . : اخوك ابن الاسود العاطفي : |
رد : معركــــــــــــــــــــة تين
اقتباس:
ووجهك أبيض يأبن لعور |
رد : معركــــــــــــــــــــة تين
اقتباس:
ولاأنت يالسنافي أشكرك على المرور |
رد : معركــــــــــــــــــــة تين
وعليكم اليلام ورحمة الله وبركاته
أرحب يابن الاسود العاطفي ماعليكم زود يا آل عاطف وافين وافعالكم وافيه وبالنسبه لسؤالك الاول ماقصر أخوي بني هاجر في الرد كفا ووفا وعلى ما قال ابن وسام : إن تجمعنا دوله وإن تفرقنا دولتين وبالنسبه لسؤالك الثاني ففيه من بني هاجر في عبيده وفيه من بني هاجر في شريف وكلهم يجمعهم جنب وكلنا في قحطان وأعتقد أن الموضوع أخذ حقه في المنتدى وبإمكانك الرجوع اليه ولاهنت على المرور |
رد : معركــــــــــــــــــــة تين
وعليكم السلام ورحمة الله وبركاته
أرحب يابن الاسود العاطفي ماعليكم زود يا آل عاطف وافين وافعالكم وافيه وبالنسبه لسؤالك الاول ماقصر أخوي بني هاجر في الرد كفا ووفا وعلى ما قال ابن وسام : إن تجمعنا دوله وإن تفرقنا دولتين وبالنسبه لسؤالك الثاني ففيه من بني هاجر في عبيده وفيه من بني هاجر في شريف وكلهم يجمعهم جنب وكلنا في قحطان وأعتقد أن الموضوع أخذ حقه في المنتدى وبإمكانك الرجوع اليه ولاهنت على المرور |
رد : معركــــــــــــــــــــة تين
اقتباس:
ولا رحت بعيد جابر بن فالح ولد عمي وأنا أخوك / جابر بن مبارك بن ثفنان وشاكر مرورك يالذيب |
رد : معركــــــــــــــــــــة تين
السلام عليكم ورحمة الله وبركاته
اخوي ابن ثفنان ال جدي الحقيقة ما قصرت وضعت النقاط على الحروف وخذيت العلم من أهلة وتعجبني فيك الصراحة بس انت الحين خليتني اسئلك سؤال ثاني هل قبيلة الهواجر تحالف بين بعض من شريف ومن عبيدة ام ان هاجر أسم امراءة تزوجها رجلين واحد من عبيدة واحد من شريف زيها زي قبيلة عبيدة . الرجاء الرد ولا هنت يا شنب : ابن عمك ابن الاسود العاطفي : |
رد : معركــــــــــــــــــــة تين
العاطفي مانبي نخرج من صلب الموضوع
لانه ماهو وقته الي تنشد فيه ولا في مكانه الصحيح ارسلك ردي على الخاص |
رد : معركــــــــــــــــــــة تين
والنعم فيك يابو مبارك وفي ولد عمك
ابو فالح زميل قديم ونعم الزماله سلملي عليه تكفااا |
رد : معركــــــــــــــــــــة تين
السلام عليكم ورحمة الله وبركاته
اخوي بني هاجر شكلك زعلت علي المهم اسف والدعوة سواليف واذا تبينا نسولف في صلب الموضوع ابشر عندي سؤال : بالله وش اطراف القحاطين في المعركة جحادر وهواجر بس والا فية غيرهم لاني سمعت انة شارك فيها ابن شفلوت مع عبيدة . :ابن الاسود العاطفي : |
رد : معركــــــــــــــــــــة تين
اقتباس:
ماعليك زود يابومبارك والسلام ياصل إن شاء الله |
رد : معركــــــــــــــــــــة تين
اقتباس:
أخوي إبن الأسود العاطفي مرحبا ومسهلا ياإبن العم وحياك الله الموضوع مثل ماقلتلك قديم وموجود بإمكانك الرجوع إليه ولاهنت على كل حال أخوي بني هاجر صبحك الله بالخير يالوااااااااااااااااااااااافي ولاهنت قال الشاعر ( عمير بن عفيشه ) عندما سأله شخص يدعى سعيد عن ربعه الهواجر ان كان تنشد لك مقاصيد ياسعيـد ولـك معنـوى باصلنـا تستفيـده يمكن عليك انـزل بالعلـم ونزيـد ( انشد هل التاريخ تلقى وكيـده ) حنا الذى يضرب بنا الوصف ياسعيد ضياغم من رؤس جنـب وعبيـده هواجـر يوثقبنـا فـى المعاهيـد [ قحطان ابونـا حافظيـن رصيـده] |
رد : معركــــــــــــــــــــة تين
ان كان تنشد لك مقاصيد ياسعيـد ولـك معنـوى باصلنـا تستفيـده
يمكن عليك انـزل بالعلـم ونزيـد ( انشد هل التاريخ تلقى وكيـده ) حنا الذى يضرب بنا الوصف ياسعيد ضياغم من رؤس جنـب وعبيـده هواجـر يوثقبنـا فـى المعاهيـد [ قحطان ابونـا حافظيـن رصيـده] كفو والله يا بن عفيشة وصبحك بالخير اخوي ابن ثفنان ال جدي وحبيت اقول : هواجر نشري لا لا ما نبيع ________ نشري الكرامة والعيالة نلطم خدها. ولا هنت يالغالي . : اخوك ابن الاسود العاطفي : |
رد : معركــــــــــــــــــــة تين
الله يصبحك بالنور أخوي إبن الأسود
أسأل الله أن يجعل أيامك وأيام الجميع نور وخير أستودعك الله |
رد : معركــــــــــــــــــــة تين
السلام عليكم ورحمة الله وبركاته
الله يعطيك العفية يابن ثفنان واتمنى لو نحصل على القصيدة كاملة0 لان مثل هذه يكون القراء بحاجة الي معرفتها منها/حسان بن ثابت كتب بالدواوين:بيت طري باول الشعر ماضاع يقول من حد مصر الى حد العراقين:يهتز لا ركبوا على كل مطواع وسلامتكم جميع،،،،، |
رد : معركــــــــــــــــــــة تين
ابن حركان أرررررررررررحب
ولاهنت على المرور |
رد : معركــــــــــــــــــــة تين
السلام عليكم ورحمة الله وبركاتة
ابن ثفنان بيض الله وجهك على ذكر معركة تين ............... |
رد : معركــــــــــــــــــــة تين
اقتباس:
وأشكرك على المرور |
رد : معركــــــــــــــــــــة تين
لاهنت
وبيض الله وجهك |
رد : معركــــــــــــــــــــة تين
بيض الله وجهك يابن ثفنان
ولاهنت |
| الساعة الآن 08:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com