|
نفرين ياكلون تيس
السلام عليكم ورحمة الله وبركاته
صبحكم الله بلخير هذه السالفه صارت على اثنين من عيال الشايب مسافرين من الجنوب الى الرياض وهم اثنين اخوان توقفو في وادي الدواسر في احد المطاعم المندي وطلبو ربع تيس انتظرو حتى جــاء الطلب وكان في الجلسه اللي جنبهم احد الزبائن قال واحد لو طلبنا تيس كان احسن هذا ما يساوي شي سمعهم الرجال قال ياربع انا بجيب تيس على حسابي ان كليتوه جعله بلعافيه وان ما اكلتوه تدفعون قيمته قالو جعلك على قوه دعى المعلم قال كمل باقي التيس عطهم اياه وهذا حسابه طلبو معه خبز وسمو عيال الشايب وهلكوه ورجال يطالع فيهم ذكر الله عليهم وزقر بغترته طلاب في العشاء وحلفو وقالو يا بن الاجواد حنا في وجه الله في سموحت الخاطر من العشاء ورانا شغل في الرياض حاول فيهم الرجال و عيو صارت معرفه بينهم الى يومك ذا وهو من عيال زايد وهذا السالفه حقيقيه واعرف الاشخاص ولكن ما احب اذكر اساميهم حبيت ان اعطيكم هذه السالفه والله يحفظكم جميع |
رد : نفرين ياكلون تيس
مشكوووووووووووووووووووووووووور
كفوا معني كلمة زقر؟؟؟؟ |
رد : نفرين ياكلون تيس
سوالفك زينه ياعاشق الليل
ومشكور على النقل اخوي نايف معنى زقر يعني رمى غترته ولك خالص الود |
رد : نفرين ياكلون تيس
ههههههههه قعدت اضحك على سؤال نايف
وترجمة اخو شهد لا يانايف يبي لك كورس على كذا لاهنت يا عاشق الليل وحاس انك واحد منهم صح بس والله هم كفوء والرجال كفوء الحين نتجمع 15 على دجاجتين ونقوم وباقي نصفها لك الحمد يارب يعطيك العافيه يا عاشق الابداع والليل وسلملي على خالد وأبو خالد وكنت بمر البارح وانشغلت بس قريب نطل عليكم تحياتي لك |
رد : نفرين ياكلون تيس
ماشاء الله عليهم أكيله واظنهم شباب نحاف وصدقوني ماياكل الا النحاف اما المتان اكلهم عادي
ماهي غريبة على الدواسر عزميهم عندنا بالحسا معنى كلمة زقر يعنى طول صوته بغضب دمت بود اخي عاشق الليل |
رد : نفرين ياكلون تيس
أخوي مذحج الطعان
عندنا زقر أي رمى أو حذف بس زين نورتنا وعلمتنا بمعناها في الحسا مشكوووووووووووووور |
رد : نفرين ياكلون تيس
ههههههههههههههههه
الله يسعدك يا ابو رعد على هذه السالفه و انا و الله لو تحط عندي حبه دجاج ما اقدر اخلصها بالرغم من اني من الوزن الثقيل شوي تقبل تحياااااتي يالغالي دمتم بود |
رد : نفرين ياكلون تيس
بسم الله الرحمن الرحيم
السلام عليكم ورحمة الله وبركاته الله لايهينك ولك تحياتي |
رد : نفرين ياكلون تيس
عفواً ياخوي ويش نوع التيس
|
رد : نفرين ياكلون تيس
لاهنت ياعاشق الليل وبيض الله وجيه عوال الشايب
|
رد : نفرين ياكلون تيس
ماشاء الله وانا والله ماكمل نصف دجاجه الله يبارك فيهم كم الوزن :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::
|
رد : نفرين ياكلون تيس
اقتباس:
تصدق يابو رعد انا شاك في اثنين بسم الله عليهم هذا ابو جابر وابو عساف هههههههههههههههههههههههههههه |
رد : نفرين ياكلون تيس
جميلة هذه القصة والله يالربع خلتونا نجوع
بأذهب الآن والصوت يسون عصيدة هههههههههه |
رد : نفرين ياكلون تيس
مشكوووووووور
اخو شهد |
رد : نفرين ياكلون تيس
خخخخخخخخخخخخخخخخهه
موضوع كايف والله في ضني أنه أنت يابو ريان وواحد معك يحتمل أنه أبو رعد لاكن على ما قالو خير وسيله لدفاع الهجوم الله يديم النعمه |
رد : نفرين ياكلون تيس
ماشاء الله تبارك الله
أنا مع أبو جابر نفس التوقع أشك في أبو رعد وأبو ريان شكلهم أكيله درجه أولى |
| الساعة الآن 12:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com