|
يا شباب ابي اشتري لاب توب وابي فزعتكم؟
السلام عليكم
أنا ناوي أشتري لاب توب وش رايكم فيه المواصفات ضروري ضروري الله يعطيكم العافية وخاصة وش رايكم في الويندوز الجديد فيستا |
رد : الفزعة يا ربعي
يا ابو سعيد
و الله انك خوفتني قلت وش فيه ذلحين من مشكله المهم حدد وش نوع الجهاز اللي بتستخدمه هل هو acer hp toshiba و ابشر باللي تبيه دمت بود |
رد : يا شباب ابي اشتري لاب توب وابي فزعتكم؟
أبو سعيد
اررررررحب يالغالي إن كانك تنشد عن الأنواع فأنا أنصحك بـ acer لإنه صراحة روووووعة وبالنسبة للفيستا جاري جيزاني مركبه يقول إنه عاادي. أما أنا صراحة ما جربته |
رد : يا شباب ابي اشتري لاب توب وابي فزعتكم؟
اقتباس:
وعليكم السلام ورحمة الله بركاته من وجهة نظري وخبرتي يبقى في المقدمة : Dell Sony الأصلي فقط Toshiba LG HP من 100 جهاز لابد ان تحصل 30 جهاز على الأقل فيه عيب مصنعي وعيبه الدائم والمعروف انه كثير التهنيق واسمع نصيحتي لا تشتري لاب توب سعره يتعدى 4500 ريال لأنه بعد مرور عام او عامين بالكثير سوف تفكر في بيعة لشراء لاب توب أحدث مواصفات مستقبلاً ولا تكن كما يفعله الكثيرون للأسف يشتري لاب توب بسعر 6500 ريال وما فوق وبعد مرور شهرين يبيعة بسعر 2500 ريال .. وكل شخص سوف ينصحك بشراء جهاز من ماركة معينة فمنهم من سيقول لك سوني والأخر توشيبا والأخرى ديل والأخر HP والأخر سيمنز والأخر آيسر و و و ووو . وفي النهاية راح تحتار وتوسوس ونصيحة مني ابعد ولا تفكر بشراء آيسر الغبي نهائياً ... ((( هذى نصيحة القعقاع ))) وسلامتك ولك تحاتي |
رد : يا شباب ابي اشتري لاب توب وابي فزعتكم؟
تسلمووووووون جميع
والله لايهينكم على المشاركه أما عن نوع الجهاز اللي في بالي هو Dell والمطلوب وش رايكم في المواصفات المناسبة للإستخدام العادي _ نت_ معاريض _ استخدام عادي جداً جداً والله يعطيكم العافية على المرور |
رد : يا شباب ابي اشتري لاب توب وابي فزعتكم؟
والله اللي عندي انا .. وتوني شاريه قبل ايام ..
اتش بي .. وجيد جدا .. وفيه ناس يعملون في محلات للكمبيوتر . نصحوني بالتوشيبا .. وسألت عن برنامج الفيستا .. ونصحوني به .. والله اعلم .. |
رد : يا شباب ابي اشتري لاب توب وابي فزعتكم؟
مساك الله بالخير يابو سعيد انا انصحك نوع Dell 640m يركب عليه اكس بي والفيستا |
رد : يا شباب ابي اشتري لاب توب وابي فزعتكم؟
الله لايهينكم جميع على المعلومات القيمة
|
رد : يا شباب ابي اشتري لاب توب وابي فزعتكم؟
بسم الله الرحمن الرحيم
السلام عليكم ورحمة الله وبركاته والله يا طويل العمر الابتوب خذ ديــــــل اطلق شي انا مجرب سوني واتش بي وكمباك وتوشيبا الا ايسر ماجربته لاكن ايسر يطيح سعره بسرعه على ماسمعت ان كانك مابعد شريت خذ ديــــل المواصفات طبعاَبعطيك اهم شي السرعه لاتقل عن 1700 والرام لايق عن 512 والباقي عاد بكيفك وسعره تلقاه جديد بهاذي الموصافات 3700 مايزيد عنها بضمان ولك تحياتي وتقديري _احوك عبدالله السحيمي |
رد : يا شباب ابي اشتري لاب توب وابي فزعتكم؟
الله يعطيكم العافية
أبشركم أشترايت ديل وبالمواصفات التالية: السرعة 1.8 الرام 1 جيجا الهاردسك 120 ميجا الشاشة 14 فــــــــيــــســــــتـــــا وإن شاء الله إنه زين |
رد : يا شباب ابي اشتري لاب توب وابي فزعتكم؟
ماقصرو الاخوان
واختيار موفق ان شاء الله والله يعطيك خير ويكفيك شره |
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com