أحد القصايد المرشحه لتكون شيلة لمزاين أبل قبيلة الدواسر
 

السلام عليكم ورحمة الله وبركاته

هذي أحد القصيدتين المرشحة لتكون شيلة لمزاين أبل قبيلة الدواسر

والشيلة ستكون بصوت الفنان والشاعر خالد عبدالرحمن حسب ما قرأت في المنتدى الرسمي له

حبيت أنقلها لكم وآخذ رايكم فيها وأن حصلت القصيده الثانيه جبتها لكم أنشا الله

[poem=font="Simplified Arabic,4,red,bold,normal" bkcolor="transparent" bkimage="backgrounds/22.gif" border="solid,medium,crimson" type=4 line=0 align=center use=ex num="0,black"]
باسم الدواسر مرحبـا بالمساييـر = اللـي مزاينـا لفـوه ووعنـولـه
مزاين البـل رسـم امـره بتقريـر = في موقع تلقى هـل البـل نزولـه
باسم الدواسـر شيـدوه المناعيـر = في شف زينـات الوجيـه تعبولـه
وجوكم هل البل يذرعون المقاهيـر = يبغون ضخمات الجوايـز وجولـه
وتنافسوا بالبـل طـوال الأشابيـر = كـل ٍ يريـد الرقـم الأول ينـولـه
وعرضت على الساحه وتو الجماهير = والزين كـل الحاضريـن شهدولـه
وجات البكـار وجهـزن السياييـر = ومن قام حظه نال كـاس البطولـه
وإنّا هل البـل محتميـن المعاشيـر = دواسرن لا صعـب شـي ٍ نطولـه
من يوم وقت ٍ فات يـوم المغاويـر = تاريخنـا يشهـد وكـل ٍ يقـولـه
[/poem]


كلمات الشاعر / سلطان محسن الدوسري

أتمنى أن أكون وفقت في الأختيار

تحياتي لكم

رد : أحد القصايد المرشحه لتكون شيلة لمزاين أبل قبيلة الدواسر
 

أرحب أرحب أرحب
يا يـــاسر والقصيده حلوه ويستاهلون الناموس الدواســـــــــر
وهـــم اخواننــــــــــا

وبأسألك يا يـــاسر الصوره هذي إللي انت فيهــا كنت معزووووووووم لحــــــــــالك
هههههههههههههههههههههههههه

وتقبل المرور

رد : أحد القصايد المرشحه لتكون شيلة لمزاين أبل قبيلة الدواسر
 

الله يرجك يالجهيمي هههههههههههههههههههههه

حلوه معزوم لحالي بس تعرف أحب التميز دائم ((((( تصريـــــــــــفه )))))

لا والله ذكرتني أغير الصوره

رد : أحد القصايد المرشحه لتكون شيلة لمزاين أبل قبيلة الدواسر
 

تم التصويت للقصيدة ..

فالقصيدة تطرقت لطرق عدة .. ومنها القبيلة .. والابل .. والناقل للمزاين وغير ذلك ..

ولكن .. اعارض فكرة ان يشلها .. خالد عبدالرحمن .. مع احترامي الشديد للشاعر والفنان ..

ولكن مجرد رايي ..

مشكور يا ياسر ..

تحياتي ,,

رد : أحد القصايد المرشحه لتكون شيلة لمزاين أبل قبيلة الدواسر
 

تسلم يا ياسر من كثر حبك لخالد الظاهر ههههههههههههههههه

القصيده حلوه تم التصويت

رد : أحد القصايد المرشحه لتكون شيلة لمزاين أبل قبيلة الدواسر
 

ارحب يا عامر ماطلبت رايك في خالد طلبت رايك في القصيده

هههههههههههه تحطيم صح

تحياتي لك لاهنت

رد : أحد القصايد المرشحه لتكون شيلة لمزاين أبل قبيلة الدواسر
 

الف شكر ياياسر


وبيض الله وجهك وصح الله لسان الشاعر


والله يوفق الدواسر في مزاينهم وعساهم على القوه


تحياتي

رد : أحد القصايد المرشحه لتكون شيلة لمزاين أبل قبيلة الدواسر
 

رد : أحد القصايد المرشحه لتكون شيلة لمزاين أبل قبيلة الدواسر
 

مشكور اخوي ياسر


والله يوفق الدواسر
رجال كفو
ولا نقول فيهم الا كل خير

وانا عن نفسي فانا امتنع عن التصويت

لان الدواسر ماطلبو رايي والدواسر فيهم شعار كبار وباستطاعتهم ان يجيبون قصيد طيب
ويعني لاصوتنا بياخذون براينا

يعني بين قوسين حنا مالنا دخل ليه حاشرين عمارنا

* واذا كانت القصيده منشوره بالموقع وكان عليها تصويت فيا ليت تجيب رابط الموقع على شان ياخذون براينا

* اما تصويت هنا ماله داعي لان ماحد درى عنكم

هذا رايي المتواضع وياليت تتقبلونه بكل رحابه صدر

وتقبل مروري ياياسر


اخوكم الصغير
ذيب المعادي
..

رد : أحد القصايد المرشحه لتكون شيلة لمزاين أبل قبيلة الدواسر
 

:::::::::::

قصيده جميله والاجمل اكيد راح

تكون بصوت الفنان الكبير خالد عبدالرحمن

وتستحق التميز هاذه القصيده

وصح لسان الشاعر سلطان محسن الدوسري

وبتوفيق للدواسر بالمزاين القادم لهم

ويعطيك الف عافيه......

تقبل مروري اخوك ولد الهياثم

:::::::::

رد : أحد القصايد المرشحه لتكون شيلة لمزاين أبل قبيلة الدواسر
 

أرحبووو جميع ولا هنتوا على المشاركه

و أنت يا ذيب المعادي حياك الله

أنا مشارك في أحد المنتديات اللي مسوين تصويت على هذي القصيده

وماخذين نتائج التصويت من المنتديات الأخرى وأخبرتهم أني بسوي تصويت في مجالس قحطان

وبياخذون نتيجة التصويت يوم الأربعاء تاريخ 27/6/2007

وتحياتي لكم جميع