|
سداح 0000وبشار الاسد
[frame="7 80"]يا مسولف لي عن السهم ومسـاره
ـــــــــــ وازدحـام البورصـه بالبورصيّـه والمؤشـر وإرتفاعـه وإنـحـداره ـــــــــــ والتـداول فـالبنـوك العالمـيّـه غيّر الموضوع مالـي فـالتجـاره ـــــــــــ كل تاجر فـالبلـد يعـرف خويّـه مبتلش في بيتي وفي دفـع إيجـاره ـــــــــــ والديـون اللـي مدوّنهـا علـيّـه وقانعٍ بالرزق لـو ينقـص عيـاره ـــــــــــ والقناعه تسعـد النفـس الشقيّـه لا تقاضينـي علـى رد العـبـاره ـــــــــــ إختلاف الراي مـا يفسـد قضيّـه خلّهـا تمشـي بلوحـه وإستمـاره ـــــــــــ ليـن تلقـى فـي طريقـي قابليّـه هاجسي مشغول فـالوقت ومـداره ـــــــــــ يتبـع الأحـداث والدنيـا مـديّـه كل ليلـه يرفـع ويسـدل ستـاره ـــــــــــ ويتشكّل مـع فصـول المسرحيّـه ليـن أرد آخـر قصيـده لإعتبـاره ـــــــــــ وأستعيـده باللحـون السامـريّـه السياسـه بيـن وقفـه وإستـداره ـــــــــــ مختلط في سيرهـا حسنـه وسيّـه والعرب كثـرت وكـلٍ شـبّ نـاره ـــــــــــ بالضغينـه والحسـد والعنصريّـه آخرتهـا نـار .. وأوّلهـا شـراره ـــــــــــ والشـراره ميّتـه والنـار حـيّـه لو حديناهم على ركـب الحضـاره ـــــــــــ كـل دولـه مستقلّـه فـي نحيّـه وكّلوا لأمجادهـم طفـل الحجـاره ـــــــــــ والحجـر عيّـا يضـدّ المدفعـيّـه والنتايج من خساره فـي خسـاره ـــــــــــ ومن يهوز الفـوز مابـه مقدريّـه بشّروا بشّـار وأعطـوه البشـاره ـــــــــــ يوم بشّرنـا بضربـه عسكريّـه ! حاكمٍ بعثـي وفـي راسـه نعـاره ـــــــــــ وارثٍ مـن دم أبـوه العنجهـيّـه يرقص لضيفه وينقز فـوق جـاره ـــــــــــ ويتظاهـر بالمفاهـيـم الوفـيّـه بالخيانـه يجتلـد حسـب إقتـداره ـــــــــــ يختـل ويغتـال والـذمّـه بـريّـه مظلمٍ والحزب مـا يآخـذ شعـاره ـــــــــــ من كتـاب الله ومـن سنّـة نبيّـه يا الأسد يمكـن تعشّـاك النمـاره ـــــــــــ لا تدمشـق بالعلـوم الدمشقـيّـه أجمع اعضاء الحزب في قبو الوزاره ـــــــــــ ووزّع الخيبـه عليهـم بالسـويّـه وأعتبـر باللـي تـوزّا بالجحـاره ـــــــــــ وعقب شدّوا لحيتـه دقـوّا لحيّـه لو تدكك مع صلاة الصبـح غـاره ـــــــــــ صبّـت الجـولان وسـط اللاذقيّـه بعد ما شفت الفـرس جابـت ..... ـــــــــــ تسلم اللبوه ليـا جابـت مطيّـه ؟ يـا الله أنـك لا تذوّقنـا المـراره ـــــــــــ وأنصر اللي ينصرك صبح وعشيّـه [/frame] |
رد : سداح 0000وبشار الاسد
الاخ سعد الحبابي
لاهنت على النقل وصح لسان الشاعر سداح دمتم بخير . |
رد : سداح 0000وبشار الاسد
سلمت وسلم سداح
ولا هنت يا سعد تحياتي |
رد : سداح 0000وبشار الاسد
يالله انك لا تذوقنا المراره .. وانصر اللي ينصرك صبح وعشية .. اللهم امين ..
لاهنت يالحبابي على النقل .. وصح الله لسان الشاعر ... سداح ... |
رد : سداح 0000وبشار الاسد
سعد الحبابي
لا هنت يالحبيب على هذا النقل الرائع وصح الله لسان الشاعر تقبل تحياتي |
رد : سداح 0000وبشار الاسد
سعد الحبابي
واصل هذا الابداع والتميز لاهنت ولاشنت |
رد : سداح 0000وبشار الاسد
اقتباس:
|
رد : سداح 0000وبشار الاسد
يعطيك العافيه ياسعد علي النقل الرائع
للقصيده شاعر رائع |
رد : سداح 0000وبشار الاسد
بيض الله وجهك ياسعد وصح الله لسان الشاعر سداح عزالله شاعر لايشق له غبار
بس ياليت يفصح عن اسمه الحقيقي يعطيك الف عافيه |
رد : سداح 0000وبشار الاسد
بسم الله الرحمن الرحيم
السلام عليكم ورحمة الله وبركاته صح لسااااااااااااااااااااااان الشاعر والله يعطيك العافيه |
رد : سداح 0000وبشار الاسد
اقتباس:
|
رد : سداح 0000وبشار الاسد
لاهنت يا سعد وبيض الله وجهك
وصح السان العتيبي |
رد : سداح 0000وبشار الاسد
صح لسان شاعرها وسلمت يمينك
|
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com