|
قصيدة الشيخ .. الفارس .. ناصر بن عمر بن قرمله (رحمه الله)
....
هذه .. احدى .. قصائد .. الشاعر . الشيخ . الفارس . /نـاصـر بن عـمـر بن قـرمـلـه.. وهو ..كان .. فارس .. وامير قبيلته في ذالك الوقت .. وهذه القصيده قالها .. بعد احدى .. معارك .. قبيلة قحطان .. ضد مجموعه من القبائل .. وانتصر .. الشيخ بن عمر وقبيلته في هذه المعركه.. وقد كان .للشيخ ناصر موقف مشهود في هذه المعركه .. وقد .. قال هذه القصيدة بهذه المناسبه.. [poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=0 line=0 align=center use=ex num="0,black"] المسعد اللي ماحضر بالاميلاح = ولاسمع لجة خلجنا بالمراحي ماحط فوق الزمل من شدنا طاح = ولا حسرني كود صيحة رداحي اليا نطحت مناطحي شلف ورماح = وان انكسرت مغيزل العين صاحي يوم انكسر رمحي تدنيت ابو لاح = ورديت للهندي شريدة سلاحي اضرب بوسط جموعهم لين تنزاح = واذودهم ذود الجمل للقاحي تهن يازمل اريش العين وارتاح = مادام راسي للسبايا يناحي يقوله اللي للمواقيف نطاح = صيده نهار الضيق طير الفلاحي[/poem] اخوكم / خالد |
.. على .. من يعرف .. عن القصيدة ..
معلومات اضافية ... اويعرف .. بقية .. القصيدة .. اذا .. كان لها .. تكمله .. لأ نني .. نقلتها . كما نقلت لي .. حرفيآ ان..يوافينا بها.. اخوكم / خالد |
السلام عليك ياخالد القصيدة فيها بعض الاخطاء في بعض الكلمات وناقصها بعض الابيات ، مثل : [poem=font="Simplified Arabic,4,red,bold,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] المسعد اللي ماحضر بالاميـلاح = ولاسمع لجة خلجنـا بالمراحـي ماحط فوق الزمل من شدنا طـاح = ولا حسرني كود صيحة رداحـي اليا نطحت مناطحي شلف ورماح = وان انكسرت مغيزل العين صاحي يوم انكسر رمحي تدنيت ابو لاح = ورديت للهندي شريـدة سلاحـي اضرب بوسط جموعهم لين تنزاح = واذودهـم ذود الجمـل للقاحـي تهن يازمل اريش العين وارتـاح = مـادام راسـي للسبايـا يناحـي يقولـه اللـي للمواقيـف نطـاح = صيده نهار الضيق طير الفلاحي [/poem] والتصحيح هو : [poem=font="Simplified Arabic,4,red,bold,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"] الرابح اللي ماحضرنا بالاميـلاح = ولاشاف لجة خلجنـا بالمراحـي ماحط فوق الزمل من قشنا طـاح = ولا غبني كود صيحة رداحـي اليا انثنيت مناطحن شلف ورماح = وان انهزمت مغيزل العين صاحي يوم انكسر رمحي تجندت ابو لاح = ورديت للهندي شريـدة سلاحـي اضرب بوسط جموعهم لين تنزاح = واذودهـم ذود الجمـل للقاحـي تهن يازمل اريش العين وارتـاح = مـادام زلبات السبايـا اتناحـي لعيونها ردادها مات ما طاح = خلي عشا العرجا وبرق الجناحي عاداتنا بالضيق نهدي للأرواح = إليا هبا خطو الذليل السناحي يقولـه اللـي للمواجيب نطـاح = صياد بالضيقات طير الفلاحي هذا واشكرك على مجهودك الطيب وكذلك حماسك الملحوظ [/poem] |
اخوي خالد شكرا لك على هذه القصيده وبحاول اشوف لك سالفتها === اخوي ابن الأروق شكرا لك على مشاركتك في الموضوع وعلى البركه ماجاك ولكن بالنسبه للتصحيح في القصيده دائما يكون اختلاف وهذا من الرواة ولكن المعنى لم نجده اختلف مثل المسعد والرابح وماحسرني وماغبني وفي الأخير اشكر لك اجتهادك |
هلا والله بفارس قحطان
الله يبارك فيك وبالنسبة لاختلاف الرواة كلامك صحيح ... ولكن مايمنع اني اكتب اللي عندي خاصة ان اخونا خالد هو اللي طلب ذا الشيء واشكركم كلكم على جهودكم الطيبه |
اخوي .. الغالي ..
ابن الأروق .... .. اشكرك .. جزيل . الشكر.. على متابعتك .. المستمره. للموقع .. واهتمامك .. ومتابعة المواضيع الهامه في جميع المجالس .. ... ولا.. هنت ..على التصحيح .. والأضافه ...وفعلآ .. انا اللي طالب .. التعقيب .. على الموضوع ... انتظر مثلك وشرواك .. وما زلنا .. ننتظر .. اي جديد .. اخوك / خالد .................................................. ............................ اخوي .. فارس الله .. لا معنا |
خالد.. بن الاروق... فارس قحطان
الطرح جيد والردود ممتازه الى الامام ياشباب
|
..يامرحبا... والله ... بأبن ..الوطن..
.... مرورك.... والله .. هو ..الممتاز ... .. طالما .. ان . معنا . عضو .. شرواك .... فمسيرنا .. للأمام .. ..ومنسار على الدرب .. وصل ... .................................................. ..... اخوك / خالد |
خالد / شكرا على طرحك للمواضيع الجديدة والمميزة
والمعركة هي معركة ( دخنة ) لكن ما اعرف تفاصيلها |
تصحيح
اخوي السيف النادر
هضبة الاميلاح في عالية نجد على حسب عرفي ضد عتيبة ومطير وانتصرت قحطان واما دخنة فهي في نواحي القصيم شمال عنيزةفكان ضد مطير واهالي عنيزة يقول فيها ناصر ابن قرملة رحمه الله يوم كون دحنة علينا تهيا ............. يوم قصا الفرسان والمستحيني يوم الردي ننخاة باسمة وعيا ........ يبي يتزبن حرمتة والجنيني ايماننا تطلق من السو شيا ............ وام الحوار اللي تجر الحنيني رديتها لعيون وضحى وهيا .................................................. .. وضحى وهيا اخوات ناصر حاول المطران سبيهما قضا في بنت الدويش اللي سباها ناصر يقال ان حوالي ستين من المطران قتلو امام بيت ناصر دفاع عن خواتة ولم يستطع المطران من سبي البنتين حال دونهما ناصر اللذي فعل الافاعيل في هذة المعركة |
اهلا بكم في دخنه كان من قحطان آل عاصم كقبيله بس .... اما الباقين حمايل من قحطان مع شيخهم ابن عمر .... وكان ضدهم امطير بقيادة الدويش وبالتعاون من ابن سليم والمؤرخ الهولندي ذكر انه كان عدد مطير حول ال 800 واللي مع ابن سليم من اهل عنيزه حول ال 1500 .... وقحطان قليل وفي الليل قال قنيفذ ابن لبده انا بسري بربعي ... لانه المطران يطلبوننا ثار في الدحمليه ... وذالحين قحطان ماهم موجودين كلهم ... وانا خايف على حريمي .... وعيا ابن عمر انه يسري ... وعاد يعلموننا بالقصيده عن شيبان آل عمر ( آل قرمله ) يقول فيها ناصر بن عمر : [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يوم ان الظفر ننخاه باسمه وعيا = خايف(ن) على حرمته والجنيني[/poem] قال الظفر مااهوب بالردي ... وهذا كلام احفاد اللي قايل القصيده لكن اللي حرفها حاقد على اقحطان ... مثل ماحرف قصيدة الشريف في عمر ابن هادي يوم قال : [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] وعمر ولد هادي نعم ولو هو مايشوف = مودع على خيل المعادي مذله[/poem] حرفها وقال : [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] والا ابن هادي نعم لو هو يشوف = مودع على خيل المعادي محبله[/poem] الفرق ان الاولى مدح صرف والثانيه ذم وهجاء صرف اول شيء حطها على محمد ابن هادي القصيده ..... من غلهم عليه والثانيه خلاها نعم لو انه يشوف .. لكنه مايشوف ولا هوب نعم والثالثه بدال لايودع على خيل المعادي مذله ... خلاه يودع محبله ... يعني انه ينسلب دايما ونفسه اللي حرف ... في يوم الكوده بين آل روق وعتيبه بقيادة محمد بن هندي ماذكر القصيده مع انه ماخذها من الراوي .... مادري ليه ؟؟ وبعطيكم بيتين منها : [poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يوم على الكوده يوم الدبش هج = حنا فريق(ن) واكتفانا ألوفي آلاد روق لا عسكر العج = ثم اعتلوا كل حمرا(ن) شنوفي[/poem] اكتفي بهذا القدر لين يصدر الكتاب الخاص بقحطان عن قريب ان شاءالله كما ذكر الهولندي انه اول مابدت المعركه قالوا قحطان ... من ذولا ... ويوم عرفوا انهم مطير قالوا ... مطير ... الله جابهم .. وتباشروا القحاطين بهم .... وصارت الهزيمه على امطير اول شيء .... وما وعوا الا وابن سليم جايهم من وراهم وصارت الكسره ومشكورين اخواني على متابعاتكم المفيده والتحريف كثير في قصايد قحطان من اعداءها |
الضويري / مشكور جزيل الشكر على تصحيحك لمعلوماتي الخاطئة .
ابن الروق / يعطيك العافية على مشاركتك ، لكن ياليت تحط لعركة دخنة موضوع خاص لما لها من أهمية كبيرة لقبيلة قحطان حتى وان انكسرنا فيها فلا بد من ذكر الحقائق . ومشكور مرة ثانية |
في الحقيقه ماهيب عندي كامله
بس بحاول اجيبها في اقرب فرصه من الشيبان لما نروح للربيع .... اما اهنا ماعاد عندنا شيبان .. كلهم موتوا الله يرحمهم .... قيدني انا من الشيبان ههههههههههههههههههههههه ابشر باللي يسرك يالسيف النادر .... وحنا نذكر اللي لنا واللي علينا |
ابن الأروق ...ولا يهونون الربع ...
الله ...لايحرمنا ............اهل العرف .........
وانت ...والله .........ماشاء الله عليك ... عندك من العلوم الطيبه ...مافيه الخير والبركه . وفي حالة ....حصولك ..على ...السالفه ..باالشكل الصحيح ..وافنا ..بها ...الله..لايهينك لأن ..الشيخ الفارس /ناصر بن عمر ...علم ..من اعلام الجزيرة ..في وقته .. اخوك اللي كل يوم يزود اعجاب بك /خالد |
الاخ خالد ولايهونون الربع
في الحقيقة انه عينا قصايد لابن عمر عند غيرنا من القبايل ... وربعنا مايدرون عنها انا عن نفسي عينت مرادد على بيتين بيتين لخليل بن ناصر ... وسألت عنها احفاده قالوا مايعرفون قصيدته فيها .... يعني انهم عرفوا القصيده المقيوله فيه ولا عرفوا رده عليها وعين واحد من آل قرمله في مجله من المجلات قصيدة لجده ناصر بن عمر وكان اول مرة يسمعها ... هقوتي اللي كاتبها شمري واما عن السالفه ... ان جبتها لكم والا انتظروا الكتاب اللي بيصدر عن قحطان قريبا ان شاء الله |
مرحبا رالاخوان ويالله ان تحيي عوال الشايب...
القصيدة هذي قيلت بعد معركة بين ابن عمر ومن معه من قحطان وبين مطير... وسلامتكم |
الله يرحم الفارس والشيخ بن قرمله( ناصر بن عمر بن هادي) وهو من الفرسان النوادر في الجزيره العربيه
اخواني خالد ، ابن الاروق ، الضويري، فارس قحطان ، السيف النادر مشكورين على ما قدمتوه ولاهي غريبه عليكم العلوم الطيبه والجزله وقصص وتاريخ الشيخ والفارس ناصر من القصص التي ترفع الراس وتنومس كل قحطاني تقبلو تحياتي |
عشت يا خالد
تسلم يمينك اخوي خالد قصيدة جزلة وراعيها جزل واللي كتبها جزل المعركة معركة دخنة على ما قال اخوي السيف النادر واللي حافظ القصيدة لا يبخل علينا تقبل تحياتي اخووووك هــــاوي نجد |
للتصحيح اخوي ابن الاروق
البنات المذكر اسمائهم بجدى هي زوجته وهي بنت ابن حشر وهيا زوجته الثانيه وهي بنت خاله قنيفذ ابن لبده |
الاخ الكريم
ابن الاروق ما هو عنوان هذا الكتاب؟ومن هو مؤلفه؟ ومتى سيصدر؟ مع التحيه أخوك : خيّال الجهراء |
سيصدر قريبا ومؤلفيه هما احد مؤرخي قبيلة قحطان الكبار ، أحدهما عاطفي والآخر روقي
اما عنوانه لا اعرفه ، ولاشك انه سيحمل في مفردات عنوانه كلمة ( قحطان ) قولوا الله يبارك ويتمم بخير |
هذه المواضيع التي تذكرني بالماضي ولها طعم غير وروحه عاليه وترفع من الشباب اليوم هذه ناصر بن عمر مافيه واحد من القبايل الا ذاق مسه والطاحون من قبيله ال روق قحطان
اذا غزا في مغزيه واذا ضرب يضرب من ايد وينصف الخيل نصفين من قوته والله من ورا القصد |
| الساعة الآن 05:58 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com