العقرب الحمرا أم الشعر
 

بناءاً على العنوان

احدثكم عن موقف صار لي في ليله كنا سامرين على طعس في الثمامة ومعنا سيارة تحت الطعس بشوي وحاطين عليه نور ينور علينا وفجأه جاء بين النور جسم غريبة فقمنا واذا هي عقرب كبيرة مثل الكف ولكنها كانت غريبة شوي حيث انها حمرا وفيها شعر كثيف زي الشبث بالضبط في رجليها وبطنها وفقمنا بمسكها بعصا ووضعناها في شنطة العدة وذهبت بها الى مستشفى الملك فهد بالحرس الوطني قسم الامصال والعقارب ولما رؤها اخذوها ووضعوها في حاضنة كحاضنة الاطفال وبعد ذلك جاءو بكأس عليه بلون أزرق مفرغ من الاكسجين ووضعوه على ابرة العقرب فشفط سمها كامل في ثواني معدودة وبعد ذلك قام بالكتابة على استكر نوع العقرب وحجمها ووزنها ومن ثم قامو بطرح الاسئلة على من اين اتيت بها وغير ذلك فأخبروني انها من اشد العقارب سماً وبعد ذلك قاموا باطلاع على محتويات المركز من العقارب وانواعها والديبان واشكالها

اعاذني الله واياكم من شرها

رد : العقرب الحمرا أم الشعر
 

ما شاء الله عليك اخوي ابن عياف

تصرف سليم والحمدلله على سلامتكم، وكفانا الله واياكم من شرا الدواب والحشرات الضارة.

تقبل تحياتي

رد : العقرب الحمرا أم الشعر
 

مايقال عند نزول الأوديه او الجلوس في البر وخصوصا في المساء

( أعوذ بكلمات الله التامات من شر ما خلق )

رد : العقرب الحمرا أم الشعر
 

الحمد لله الذي حفظكم منها

تصرفك سليم ويا ليتك صورتها ولو بالجوال حتى نشوفها هنا

ألف شكر اخوي ابن عياف :)

رد : العقرب الحمرا أم الشعر
 

ارحب يابن عياف

أول شي الحمد لله على سلامتكم وتصرفكم سليم لاهنتوا والحمد لله اللي حفظكم منها

ولا أوصيك بالدعاء اللي وصانا به الرسول عليه الصلاة والسلام

( أعوذ بكلمات الله التامات من شر ما خلق)

ثاني شي نفداك... هل هي تشبه هذي؟


http://www.samford.edu/schools/artsc...(Centruroides-

http://johnbokma.com/mexit/2005/05/2...close-up-2.jpg

لاحظ ان اطرافها ( رجولها + مقارضها) يختلف لونها شي بسيط عن لون باقي الجسم

رد : العقرب الحمرا أم الشعر
 

رد : العقرب الحمرا أم الشعر
 

الحمدلله على سلامتكم


و الله يكفانا شر ذي الدواب

رد : العقرب الحمرا أم الشعر
 

سلمك الله منها ومن غيرها

والله يكفينا شر العقارب اللي عندكم يقولون عندها

أجهزة تسنت ولاسلكي

حياك يالزهيري المغترب

رد : العقرب الحمرا أم الشعر
 

فهد

حفظك الله

الله يلهمنا هذا القول واياك

لاهنت على المرور

رد : العقرب الحمرا أم الشعر
 

ال معمر

صدقت والله فاتتنا

كنا في الليل

وفي الصباح ذهبت على طول

ونسيت

لكني مستعد احلف (اخخخخخخخخخخخخخخ)

لاهنت على هذا المرور العطر

رد : العقرب الحمرا أم الشعر
 

تبقى ولاهنت

يا بوراشد

وجزاك الله الخير والادعية كثيرة

أسأل الله أن يحفظ الجميع

وهي تشبهها بقدر كبير بس اللون زين الارجل فقط

احمر كامل مع الجسم والملاحظ كثرة الشعر فيها

والمفروض انني صورتها ولكن ما قسم

رد : العقرب الحمرا أم الشعر
 

العرفاني

حياك الله

والله يخارج الجميع

رد : العقرب الحمرا أم الشعر
 

اخي تركي

ارحب

وجعلك سالم وغانم

مرورك جميل

رد : العقرب الحمرا أم الشعر
 

ماشاء الله عليك يابن عياف

تصرفت تصرف جميل


الله يحمينا وياك من الدواب والعقارب



ولو انه انا اللي معينها وجعلني ما اعينها كان خبطتها بأقرب شيء حولي حتى تفارق الحياه :)



انت الله يجزاك خير راعي طويلة ومن زين الطبايع اخطر العقارب
وشالها في موترك لا والله اللي ماخليتها تباريني هههههه


تحياتي

رد : العقرب الحمرا أم الشعر
 

ارحب ياعبدالله

الله يحييك

ياولد انا جاني بلا

ما اروح للبر الا وتلقاني ادور للعقارب والديبان

اللي اذبحه والا امسكه

وكل هذا من شايب من شيبان ال عياف

يشلل العقارب معه

ويخيط اثم الداب

ودايم روحات الجماعة ياخذنا الورعان

ومغير يقلب الحيود ويلقط العقارب

والجرابيع والظبان والديبان والورل

وحتى القنافذ نمسكها

والثعل

والشايب مات الله يرحمه

وجاني بلا عقبه

ودي اترك ذالعادة

حتى اللي يروحون معي

يصيحون على

ويطالبوني

لكن الله يعينكم كل يوم باجيب شي

وتقول من زين ذالطبايع

الا والله من شين ذالطبايع

لكن الله يعين

رد : العقرب الحمرا أم الشعر
 

lllllllllllllllllllllllllllllllllllllllllllllllll

رد : العقرب الحمرا أم الشعر
 

لا أعرف هذه اللغة

رد : العقرب الحمرا أم الشعر
 

:1108276351:

رد : العقرب الحمرا أم الشعر
 

نعنبو من لامك

انت شفت العقرب

رد : العقرب الحمرا أم الشعر
 

تبقى يابن عياف

لاوالله انتبه وانا اخوك ترى مزح ذا الحيوانات ثقيل هههههههههه


الله يستر عليك ويرحم شايبكم


تحياتي

رد : العقرب الحمرا أم الشعر
 

وانت سالم

والله انك صادق مزحها شين


لاهنت يالطيب طاب فالك